| ສະເໜີໃຫ້ສະວິດສືບຕໍ່ໜູນຊ່ວຍ ຫວຽດນາມ ໃນການເຂົ້າເຖິງແຫຼ່ງສະໜອງວັກຊີນກັນພະຍາດ Covid-19, ຢາປິ່ນປົວ ແລະອຸປະກອນການແພດ | |
| ການສັກຢາປ້ອງກັນພະຍາດ COVID-19 ໃຫ້ສຳລັບຄົນຈີນ ຢູ່ແຂວງຮ່າຕິ້ງ ແລະ ກວາງບິ່ງ |
ຢູ່ແຂວງກວາງຈິ, ປະຊາຊົນໄດ້ບໍລິຈາກອາຫານ, ປຸງແຕ່ງອາຫານແຫ້ງ ແລະ ສົ່ງໄປຊ່ວຍເຫຼືອປະຊາຊົນນະຄອນໂຮ່ຈີມິນ. ແມ່ຍິງຢູ່ບ້ານ ເຕີນຊວນຖໍ້ (ຕາແສງຫາຍເຈື່ອງ, ເມືອງຫາຍລັງ) ໄດ້ປຸກລະດົມໂຄງການ "ເມັດເກືອແຫ່ງຄວາມຮັກແພງ", ລະດົມການສະໜັບສະໜູນ. ເຂົາເຈົ້າເຮັດຊີ້ນຝອຍທີ່ແຊບຫອມ, ຫຸ້ມຫໍ່ເພື່ອສົ່ງໄປຊ່ວຍເຫຼືອປະຊາຊົນນະຄອນໂຮ່ຈີມິນ.
 |
| ຄວາມຮັກແພງພີ່ນ້ອງຮ່ວມຊາດ ຊ່ວຍປະຊາຊົນຢູ່ໃນເຂດເກີດການລະບາດ ເພື່ອເອົາຊະນະຄວາມຫຍຸ້ງຍາກ. (ພາບ: VOV) |
ຢູ່ແຂວງກວາງບິ່ງ, ສະຫະພັນແມ່ຍິງເມືອງເລຖູຍ ໄດ້ຮຽກຮ້ອງໃຫ້ສະມາຊິກ ແລະ ຊາວກະສິກອນ ປະກອບສ່ວນພືດຜັກ ແລະ ຜະລິດຕະພັນກະເສດເພື່ອໜູນຊ່ວຍປະຊາຊົນນະຄອນໂຮ່ຈີມິນ. ໃນເວລາພຽງມື້ດຽວ, ສະມາຄົມ ລະດົມຜະລິດຕະພັນກະເສດສົດໃໝ່ໄດ້ຫຼາຍກວ່າ 2 ໂຕນ, ສົ່ງໄປຊ່ວຍເຫຼືອປະຊາຊົນຢູ່ໃນເຂດທີ່ຖືກປິດກັ້ນ.
ສະຫະພັນຊາວໜຸ່ມແຂວງກວາງບິ່ງ ກໍ່ໄດ້ປຸກລະດົມໂຄງການ “ເຂົ້າປຽກກວາງບິ່ງ - ອາຫານເຊົ້າແຫ່ງ ຄວາມຮັກແພງສຳລັບຄົນທີ່ພວມປະຕິບັດມາດຕະການກັກກັນ” ເພື່ອແບ່ງປັນຄວາມຫຍຸ້ງຍາກກັບປະຊາຊົນຢູ່ພາກໃຕ້.
ໂຄງການ “ປະຊາຊົນກວາງບິ່ງ ປະກອບສ່ວນປາ ສົ່ງໃຫ້ນະຄອນໂຮ່ຈີມິນ” ໄດ້ຈັດຕັ້ງປະຕິບັດໂດຍສະໂມສອນທ່ອງທ່ຽວກວາງບິ່ງ, ໄດ້ຮຽກຮ້ອງບໍລິຈາກປາສົດປະມານ 18 ໂຕນ ເພື່ອສົ່ງໃຫ້ປະຊາຊົນຢູ່ນະຄອນໂຮ່ຈີມິນ. ການສົ່ງປາໄປພາກໃຕ້ ແມ່ນໄດ້ປະຕິບັດຕາມຂັ້ນຕອນການຮັບປະກັນການປ້ອງກັນການລະບາດ.
ຄຳຮຸ່ງ
