| ຫວຽດນາມສັກວັກຊິນກັນໂຄວິດ - 19 ໃຫ້ແກ່ນັກຂ່າວ ບັນດາຫ້ອງການສື່ມວນຊົນຕ່າງປະເທດ ປະຈຳ ຫວຽດນາມ | |
| ຫວຽດນາມ ບໍ່ຈຳແນກການປະພຶດໃນການສັກວັກຊິນກັນໂຄວິດ - 19 ໃຫ້ຊາວຕ່າງປະເທດ |
 |
| ຊາວໜຸ່ມ ຫວຽດນາມ ຢູ່ ລັດເຊຍ ສະໜັບສະໜູນກອງທຶນວັກຊິນກັນໂຄວິດ - 19 (ພາບ: doanthanhnien.vn) |
ວັນທີ 29 ມິຖຸນາ, ຢູ່ສຳນັກງານສູນກາງແນວໂຮມປະເທດຊາດ ຫວຽດນາມ, ຄະນະພະນັກງານຄະນະຊາວໜຸ່ມກອມມູນິດ ໂຮ່ຈີມິນ ປະຈຳ ລັດເຊຍ ໄດ້ມອບເງິນເປັນຈຳນວນ 155 ລ້ານດົ່ງໃຫ້ແກ່ກອງທຶນວັກຊິນກັນໂຄວິດ - 19.
ກ່າວຄຳເຫັນຢູ່ທີ່ນີ້, ທ່ານ ຫງວຽນຫ໋າຍມິງ, ຫົວໜ້າຄະນະສາກົນສູນກາງຄະນະຊາວໜຸ່ມກອມມູນິດ ໂຮ່ຈີມິນ, ຮອງປະທານ ສູນກາງຄະນະຊາວໜຸ່ມກອມມູນິດ ໂຮ່ຈີມິນ ໄດ້ເນັ້ນໜັ້ກວ່າ ໃນໄລຍະປະສົບກັບຄວາມຫຍຸ້ງຍາກຍ້ອນຜົນກະທົບຈາກໂລກລະບາດໂຄວິດ - 19, ຊາວໜຸ່ມ ຫວຽດນາມ ໄດ້ຮ່ວມແຮງຮ່ວມໃຈ ຕອບສະໜອງຄຳຮຽກຮ້ອງຕ້ອງການຂອງທ່ານນາຍົກລັດຖະມົນຕີ ທົ່ວປວງຊົນ, ທົ່ວກອງທັບຮ່ວມແຮງຮ່ວມໃຈປ້ອງກັນ, ຕ້ານໂລກລະບາດໂຄວິດ - 19.
ຂໍ້ມູນກ່ຽວກັບສະພາບການຊາວໜຸ່ມຕ່າງປະເທດ, ທ່ານ ຫງວຽນຫ໋າຍມິງ ກໍ່ໃຫ້ຮູ້ວ່າ ມີຫຼາຍອົງການຊາວໜຸ່ມ, ສະມາຄົມນັກສຶກສາ ຫວຽດນາມ ຢູ່ຕ່າງປະເທດ ໄດ້ປຸກລະດົມສະໜັບສະໜູນກອງທຶນວັກຊິນກັນໂຄວິດ - 19 ແລະ ມີການເຄື່ອນໄຫວໜູນຊ່ວຍການປ້ອງກັນ, ຕ້ານໂລກລະບາດໂຄວິດ - 19. ໃນນັ້ນ, ພົ້ນເດັ່ນຂຶ້ນແມ່ນຄະນະພະນັກງານຄະນະຊາວໜຸ່ມລັດເຊຍ ໄດ້ປຸກລະດົມກອງທຶນວັກຊິນກັນໂຄວິດ - 19 ດ້ວຍຈຳນວນເງິນອຸປະຖຳໄດ້ 155 ລ້ານດົ່ງ.
ໂດຍຕາງໜ້າຄະນະຜູ້ປະຈຳການຄະນະກຳມະການສູນກາງແນວໂຮມປະເທດຊາດ ຫວຽດນາມ, ທ່ານຮອງປະທານຄະນະກຳມະການສູນກາງແນວໂຮມປະເທດຊາດ ຟຸ່ງແຄ໊ງຕ່າຍ ໄດ້ສະແດງຄວາມຂອບອົບຂອບໃຈຕໍ່ການກະທຳອັນສູງສົ່ງ, ນ້ຳໃຈຂອງໝູ່ຄະນະຊາວໜຸ່ມ, ຊາວໜຸ່ມຄະນະພະນັກງານ ປະຈຳລັດເຊຍ ເວົ້າສະເພາະ ແລະ ຂອງບັນດາອົງການຄະນະຊາວໜຸ່ມຢູ່ຕ່າງປະເທດ.
ໂດຍຕີລາຄາສູງບົດບາດຂອງສູນກາງຄະນະຊາວໜຸ່ມກອມມູນິດ ໂຮ່ຈີມິນ, ສູນກາງສະມາຄົມຊາວໜຸ່ມ ຫວຽດນາມ, ສູນກາງສະມາຄົມນັກສຶກສາ ຫວຽດນາມ ໃນວຽກງານສາມັກຄີ, ເຕົ້າໂຮມຊາວໜຸ່ມ ຫວຽດນາມ ຢູ່ຕ່າງປະເທດ, ທ່ານ ຮອງປະທານ ຟຸ່ງແຄ້ງຕ່າຍ ໄດ້ສະແດງຄວາມປາດຖະໜາຢາກໃຫ້ບັນດາອົງການ, ຄະນະສືບຕໍ່ແຜ່ກະຈາຍນ້ຳໃຈ, ການແບ່ງປັນໄປຍັງບັນດາອົງການ, ອົງການຈັດຕັ້ງ, ວິສາຫະກິດ, ສ່ວນບຸກຄົນ ທັງພາຍໃນ ແລະ ຕ່າງປະເທດ ໃຫ້ການສະໜັບສະໜູນການປ້ອງກັນ, ຕ້ານໂລກລະບາດໂຄວິດ - 19.
ບຸນຄົງ
