 |
| ທ່ານ ເຈິ່ນຕວັນແອັງ ລັດຖະມົນຕີກະຊວງອຸດສາຫະກຳ ແລະການຄ້າ ຫວຽດນາມ |
ວັນທີ 7 ມັງກອນ (ຕາມເວລາຫວຽດນາມ), ທ່ານ ເຈິ່ນຕວັນແອັງ ລັດຖະມົນຕີກະຊວງອຸດສາຫະກຳ ແລະການຄ້າ, ປະທານສະພາການຄ້າແລະການລົງທຶນຫວຽດນາມ - ອາເມລິກາ (TIFA) ໄດ້ມີການໂອ້ລົມທາງໂທລະສັບກັບທ່ານ Robert Lighthizer ຫົວໜ້າຜູ້ຕາງໜ້າການຄ້າອາເມລິກາເພື່ອແລກປ່ຽນກ່ຽວກັບບັນຫາເສດຖະກິດແລະການຄ້າສອງຝ່າຍລະຫວ່າງສອງປະເທດ.
ທີ່ການໂອ້ລົມທາງໂທລະສັບ, ທ່ານລັດຖະມົນຕີ ເຈີ່ນຕວັນແອງ ແລະ ທ່ານ Robert Lighthizer ຜູ້ຕາງໜ້າດ້ານການຄ້າອາເມລິກາ ໄດ້ເຫັນດີຕີລາຄາວ່າການພົວພັນຫວຽດນາມ - ອາເມລິກາພວມພັດທະນາຢ່າງແຮງໃນທຸກຂົງເຂດ. ພ້ອມກັນນັ້ນ, ສະແດງຄວາມເຊື່ອໝັ້ນວ່າ ສາຍພົວພັນລະຫວ່າງສອງປະເທດກັບທິດທາງພັດທະນາທີ່ຖືກຕ້ອງ ຈະສືບຕໍ່ຮັກສາທ່າເຕີບໂຕທີ່ໝັ້ນຄົງ; ໃນນັ້ນ ການຮ່ວມມືດ້ານເສດຖະກິດແລະການຄ້າແມ່ນຈຸດສຸມຕົ້ນຕໍແລະເປັນກຳລັງໜູນເພື່ອຊຸກຍູ້ການພົວພັນສອງຝ່າຍ.
ທ່ານ ເຈີ່ນຕວັນແອງ ລັດຖະມົນຕີກະຊວງອຸດສາຫະກຳ ແລະ ການຄ້າ ຍັງໄດ້ສະແດງຄວາມວິຕົກກັງວົນຢ່າງເລິກເຊິ່ງຕໍ່ເລື່ອງ ອາເມລິກາ ເລີ່ມຕົ້ນການສືບສວນຕາມມາດຕາເລກທີ 301 ຂອງກົດໝາຍ ວ່າດ້ວຍການຄ້າປີ 1974 ກ່ຽວກັບນະໂຍບາຍເງິນຕາແລະການນຳເຂົ້າ ແລະ ນຳໃຊ້ໄມ້ຂອງຫວຽດນາມ.
ທ່ານລັດຖະມົນຕີກ່າວວ່າ, ການສືບສວນນີ້ສາມາດສ້າງຜົນກະທົບທີ່ບໍ່ຕ້ອງການຫຼາຍຢ່າງ, ບໍ່ພຽງແຕ່ສ້າງຄວາມເສຍຫາຍຕໍ່ການພົວພັນສອງຝ່າຍ, ຄວາມໄວ້ເນື້ອເຊື່ອໃຈດ້ານຍຸດທະສາດແລະຄວາມພະຍາຍາມໃນການຊຸກຍູ້ການຮ່ວມມືລະຫວ່າງສອງປະເທດເທົ່ານັ້ນ ຫາກຍັງສ້າງຜົນກະທົບຢ່າງຫຍໍ້ທໍ້ຕໍ່ ວິສາຫະກິດ, ຜູ້ອອແຮງງານ, ຜູ້ບໍລິໂພກຫລາຍລ້ານຄົນຢູ່ຫວຽດນາມ ແລະ ອາເມລິກາ.
ທ່ານ ເຈີ່ນຕວັນແອງ ໄດ້ຢືນຢັນທັດສະນະຂອງລັດຖະບານຫວຽດນາມແມ່ນ ປັດຈຸບັນ ຫວຽດນາມ ແມ່ນປະເທດພວມພັດທະນາດ້ວຍຄວາມສາມາດບົ່ມຊ້ອນດ້ານເສດຖະກິດທີ່ຈຳກັດ, ການບໍລິຫານນະໂຍບາຍເງິນຕາແມ່ນແນໃສ່ຄວບຄຸມໄພເງິນເຟີ້ແລະສະຖຽນລະພາບຂອງພື້ນຖານເສດຖະກິດ ມະຫາພາກ, ບໍ່ແມ່ນເພື່ອສ້າງທ່າໄດ້ປຽບດ້ານການຄ້າໃນສາກົນ. ທ່ານສະເໜີໃຫ້ກະຊວງການຄ້າອາເມລິກາ ດຳເນີນການສືບສວນໂດຍຍຸຕິທຳ, ລະອຽດ ແລະ ກະຈ່າງແຈ້ງ, ພິຈາລະຈາທຸກບັນຫາຢ່າງລະມັດລະວັງ ເພື່ອມີຂໍ້ສະຫຼຸບຢ່າງພາວະວິໄສທີ່ສຸດ ແລະ ເໝາະສົມທີ່ສຸດຕໍ່ການສືບສວນ, ເພື່ອໃຫ້ 2 ຝ່າຍສິ້ນສຸດການສືບສວນດັ່ງກ່າວຢ່າງສະດວກ ແລະ ບໍ່ຈັດວາງພາສີຕໍ່ປະເພດສິນຄ້າຂອງຫວຽດນາມ.
ສ່ວນທ່ານ Robert Lighthizer ໄດ້ຕີລາຄາສູງຕໍ່ໝາກຜົນຂອງການສົນທະນາດ້ານນະໂຍບາຍທີ່ແທດຈິງ ແລະ ມີປະສິດຕິຜົນຜ່ານກົນໄກຂອງສະພາ TIFA ໃນຊຸມປີທີ່ຜ່ານມາ ແລະ ຖືວ່າພຽງແຕ່ໃນໄລຍະເວລາສັ້ນ, ສອງຝ່າຍໄດ້ພ້ອມກັນແລກປ່ຽນ, ຊອກຫາໄດ້ຫຼາຍວິທີການແກ້ໄຂກ່ຽວກັບເສດຖະກິດ, ການຄ້າທີ່ສົມເຫດສົມຜົນ. ແລະທ່ານ Robert Lighthizer ກໍ່ໃຫ້ຮູ້ວ່າ, ປະຈຸບັນ, ກະຊວງການຄ້າອາເມລິກາ ພວມດຳເນີນການສືບສວນຢູ່, ຕີລາຄາທຸກຄຳເຫັນທີ່ກ່ຽວຂ້ອງເຖິງເຫດການ ແລະ ຍັງບໍ່ທັນໄດ້ປຶກສາຫາລືຂໍ້ສະຫຼຸບໃດໆສຳລັບຫວຽນາມ; ພ້ອມກັນນັ້ນ, ທ່ານຍັງໃຫ້ຮູ້ວ່າ ບາງຂໍ້ມູນທີ່ເສຍຫາຍກ່ຽວກັບແຜນການຂອງ ອາເມລິກາ ທີ່ຈັດວາງພາສີໃສ່ສິນຄ້າສົ່ງອອກຂອງຫວຽດນາມ ແມ່ນບໍ່ຖືກຕ້ອງ.
 | ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຟ້າມບິ່ງມິນ ໂອ້ລົມທາງໂທລະສັບກັບທ່ານລັດຖະມົນຕີກະຊວງການຕ່າງປະເທດ ອາເມລິກາ Mike Pompeo ຍສໝ - ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຟ້າມບິ່ງມິນ ແລະ ທ່ານລັດຖະມົນຕີກະຊວງການຕ່າງປະເທດ ອາເມລິກາ Mike Pompeo ໄດ້ຕີລາຄາສູງຕໍ່ການຮ່ວມມືຢ່າງແໜ້ນແຟ້ນລະຫວ່າງກະຊວງການຕ່າງປະເທດສອງປະເທດໃນໄລຍະຜ່ານມາ, ປະກອບສ່ວນຮັກສາທ່ວງທ່າພັດທະນາ ແລະ ຊຸກຍູ້ການພົວພັນຄູ່ຮ່ວມມືຮອບດ້ານລະຫວ່າງ ຫວຽດນາມ - ອາເມລິກາ ນັບມື້ນັບພັດທະນາຢ່າງເລິກເຊິ່ງ. |
 | ຫວຽດນາມ ສົ່ງເສີມ ກຸ້ງ 160 ໂຕນໄປຍັງ EU, ອາເມລິກາ ແລະ ຍີ່ປຸ່ນ ໃນຕົ້ນປີ 2021 ຍສໝ - ກຸ່ມບໍລິສັດສິນໃນນ້ຳຟຸມິງ ໃນຫຼາຍປີຜ່ານມາ ໄດ້ປະກອບສ່ວນຫຼາຍໝາກຜົນສຳຄັນໃຫ້ແກ່ໝາກຜົນລວມຂອງຂະແໜງ. ກຸ່ມບໍລິສັດໄດ້ຜ່ານຜ່າຄວາມຫຍຸ້ງຍາກຫຼາຍຢ່າງ ເພື່ອຈັດຕັ້ງການຜະລິດດ້ວຍຍອດປະລິມານກຸ່ມປຸງແຕ່ງສົ່ງອອກບັນລຸ 55.000 ໂຕນ, ວົງເງິນການສົ່ງອອກບັນລຸ 580 ລ້ານ USD, ແກ້ໄຂວຽກເຮັດງານທຳໃຫ້ແກ່ຜູ້ອອກແຮງງານ 5000 ຄົນ. |
 | ຫວຽດນາມແມ່ນຄູ່ຮ່ວມມືສຳຄັນຂອງ ຢູແກຼນ ໃນອາຊຽນ ຍສໝ - ໃນການພົບປະ,ສອງຝ່າຍໄດ້ແລກປ່ຽນກ່ຽວກັບສະພາບການ ກໍ່ຄືບັນດາມາດຕະການຕ່າງໆເພື່ອຊຸກຍູ້ການຮ່ວມມືດ້ານເສດຖະກິດ - ການຄ້າ ແລະ ການລົງທຶນ ລະຫວ່າງ ສອງປະເທດ. |
ບຸນຄົງ
