 |
| ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຟ້າມບິ່ງມິນ (ພາບ: Baoquocte.vn) |
ອາທິດຜ່ານມາ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິນ ໄດ້ໂອ້ລົມຜ່ານທາງໂທລະສັບກັບທ່ານລັດຖະມົນຕີກະຊວງການຕ່າງປະເທດ ອາເມລິກາ Mike Pompeo.
ນະທີ່ນີ້, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຟ້າມບິ່ງມິນ ແລະ ທ່ານລັດຖະມົນຕີກະຊວງການຕ່າງປະເທດ ອາເມລິກາ Mike Pompeo ໄດ້ຕີລາຄາສູງຕໍ່ການຮ່ວມມືຢ່າງແໜ້ນແຟ້ນລະຫວ່າງກະຊວງການຕ່າງປະເທດສອງປະເທດໃນໄລຍະຜ່ານມາ, ປະກອບສ່ວນຮັກສາທ່ວງທ່າພັດທະນາ ແລະ ຊຸກຍູ້ການພົວພັນຄູ່ຮ່ວມມືຮອບດ້ານລະຫວ່າງ ຫວຽດນາມ - ອາເມລິກາ ນັບມື້ນັບພັດທະນາຢ່າງເລິກເຊິ່ງ, ກວ້າງຂວາງ ແລະ ແທດຈິງໃນທຸກຂົງເຂດ, ສອງທ່ານສະແດງຄວາມຊົມເຊີຍຕໍ່ເລື່ອງສອງຝ່າຍໄດ້ຈັດຕັ້ງບັນດາການເຄື່ອນໄຫວສະເຫຼີມສະຫຼອງ 25 ປີແຫ່ງວັນສ້າງຕັ້ງການພົວພັນທາງການທູດ ໂດຍບໍ່ຫົວຊາຕໍ່ໂລກລະບາດໂຄວິດ - 19.
ລັດຖະມົນຕີການຕ່າງປະເທດສອງທ່ານ ກໍເຫັນດີເພີ່ມທະວີການຮ່ວມມືບົນພື້ນຖານເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ ແລະ ກົນໄກການເມືອງຂອງກັນ, ປະກອບສ່ວນຢ່າງຕັ້ງໜ້າໃຫ້ແກ່ຄວາມໝັ້ນຄົງ, ສັນຕິພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ.
ເນື່ອງໃນໂອກາດນີ້, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບິ່ງມິນ ແລະ ທ່ານລັດຖະມົນຕີການຕ່າງປະເທດ ອາເມລິກາ Mike Pompeo ໄດ້ແລກປ່ຽນກ່ຽວກັບເລື່ອງ ອົງການຜູ້ຕາງໜ້າດ້ານການຄ້າຂອງ ອາເມລິກາ (USTR) ພວມດຳເນີນການສືບສວນນະໂຍບາຍເງິນຕາ ແລະ ວັດຖຸດິບໄມ້ຂອງຫວຽດນາມ ຕາມມາດຕາເລກທີ 301 ຂອງ ກົດໝາຍວ່າດ້ວຍການຄ້າປີ 1974 ຂອງ ອາເມລິກາ.
ທ່ານຟ້າມບິ່ງມິງ ໄດ້ຢັ້ງຢືນວ່າ ບັນດາກະຊວງ, ຂະແໜງການຂອງ ຫວຽດນາມ ຈະສືບຕໍ່ເປັນເຈົ້າການໃນການຮ່ວມມືກັບບັນດາຄູ່ຮ່ວມມືອາເມລິກາ ເພື່ອແກ້ໄຂບັນດາຄວາມສົນໃຈຂອງອາເມລິກາ ແລະ ຫວຽດນາມ ຢ່າງຮອບດ້ານ, ຜ່ານນັ້ນ, ຮັກສາການພົວພັນດ້ານການຄ້າເປັນປົກກະຕິ, ມຸ່ງໄປສູ່ດຸນການຄ້າທີ່ກົມກຽວ, ຍືນຍົງ ແລະ ຕ່າງຝ່າຍຕ່າງມີຜົນປະໂຫຍດ.
ທ່ານລັດຖະມົນຕີ Mike Pompeo ກໍ່ໄດ້ຕີລາຄາສູງເລື່ອງສອງຝ່າຍຮັກສາການແລກປ່ຽນກ່ຽວກັບບັນຫານີ້, ພ້ອມທັງຢັ້ງຢືນຄືນໃໝ່ວ່າ ອາເມລິກຖືເປັນສຳຄັນ ແລະ ໃຫ້ຄຳໝັ້ນສັນຍາຈະຮັກສາການພົວພັນທີ່ມີສະຖຽນລະພາບກັບ ຫວຽດນາມ, ສະໜັບສະໜູນ ຫວຽດນາມທີ່ມີເອກະລາດ, ວັດທະນາຖາວອນ, ສວມບົດບາດນັບມື້ນັບສຳຄັນໃນພາກພື້ນ ຢ່າງແຮງ.
ກ່ອນໜ້ານັ້ນ, ໃນການໂອ້ລົມສົນທະນາໃນວັນທີ 22 ທັນວາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ແລະ ທ່ານ ປະທານາທິບໍດີ ອາເມລິກາ Donald Trump ໄດ້ເຫັນດີເປັນເອກະພາບຕີລາຄາວ່າ ການພົວພັນລະຫວ່າງ ຫວຽດນາມ ແລະ ອາເມລິກາໄດ້ພັດທະນາຢ່າງແຮງ ໃນທຸກຂົງເຂດພາຍຫຼັງ 25 ປີແຫ່ງວັນສ້າງຕັ້ງການພົວພັນທາງການທູດ ແລະ ພິເສດແມ່ນ ໃນຊຸກປີມໍ່ໆມານີ້. ການນຳສອງທ່ານເຊື່ອໝັ້ນວ່າ ການພົວພັນລະຫ່ວາງສອງປະເທດຈະສືບຕໍ່ເຂົ້າສູ່ລວງເລິກ, ມີສະຖຽນລະພາບ, ນຳຜົນປະໂຫຍດມາໃຫ້ປະຊາຊົນສອງປະເທດ, ໃນນັ້ນມີການຮ່ວມມືດ້ານເສດຖະກິດການຄ້າ ແມ່ນ ຈຸດສຸມ ແລະ ກຳລັງໜູນຂອງການພົວພັນສອງຝ່າຍ.
 | ການພົວພັນຫວຽດນາມ - ສະຫະລັດອາເມລິກາ: ການຮ່ວມມືດ້ານເສດຖະກິດ ແລະ ການຄ້າແມ່ນຈຸດສຸມ ແລະ ເປັນກຳລັງໜູນຂອງການພົວພັນສອງຝ່າຍ. ຍສໝ - ໃນວັນທີ 22 ທັນວາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ມີການໂອ້ລົມທາງໂທລະສັບກັບທ່ານປະທານາທິບໍດີອາເມລິກາ Donald Trump. |
 | ຫວຽດນາມ - ອາເມລິກາ ຮ່ວມມືກັນເພື່ອແກ້ໄຂຜົນຮ້າຍຢ້ອນຫຼັງຈາກສົງຄາມ: ການສ້າງສາ ແລະ ການປັບປຸງຄວາມໄວ້ເນື້ອເຊື່ອໃຈລະຫວ່າງ ຫວຽດນາມ - ອາເມລິກາ ຍສໝ - ວຽກງານແກ້ໄຂຜົນຮ້າຍຢ້ອນຫຼັງຈາກສົງຄາມເປັນວຽກງານທີ່ໄດ້ຮັບຄວາມບູລິມະສິດທີສຸດໃນການຮ່ວມມືລະຫວ່າງສອງປະເທດ. |
 | ທ່ານຮອງນາຍົກລັດຖະມົນຕີ ເວືອງດີງເຫວ້ ຕ້ອນຮັບເອກອັກຄະລັດຖະທູດ ອາເມລິກາ ແລະ ບຣາຊິນ ຕອນບ່າຍວັນທີ 09 ພຶດສະພາ, ທີ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫວຽດນາມ ເວືອງດີງເຫວ້ ໄດ້ມີການເຮັດວຽກກັບເອກອັກຄະລັດຖະທູດສາທາລະນະລັດສະຫະພັນ ບຣາຊິນ ແລະ ເອກອັກຄະລັດຖະທູດ ອາເມລິກາ. |
ບຸນຄົງ
