ການຮ່ວມມືອັນແໜ້ນແຟ້ນລະຫວ່າງສອງປະເທດ ຫວຽດນາມ-ອິນເດຍ ປະກອບສ່ວນສໍາຄັນເຂົ້າໃນການຮັກສາສັນຕິພາບ, ສະຖຽນລະພາບ ແລະຄວາມວັດທະນາຖາວອນລວມຂອງພາກພື້ນ ແລະສອງປະເທດ

	ລັດຖະບານລາວ ແລະ ອົງການ ສປຊ ທົບທວນຄືນ ການຈັດຕັ້ງປະຕິບັດ ຂອບການຮ່ວມມື ໃນໄລຍະຜ່ານມາ
	ອິນເດຍ ໄດ້ບໍລິຈາກສິ່ງຂອງສ່ວນຕົວໃຫ້ແກ່ປະຊາຊົນທີ່ຖືກຜົນກະທົບຈາກໄພນ້ຳຖ້ວມຢູ່ພາກກາງຫວຽດນາມ

ບັນຍາກາດທີ່ການສົນທະນາທາງອອນລາຍ. ພາບ:qdnd.vn

ຫວ່າງແລ້ວນີ້, ທ່ານພົນຕີ ຫງວຽນວັນເຫງັຍ, ຮອງຫົວໜ້າກົມໃຫຍ່ເສນາທິການກອງທັບປະຊາຊົນ ສສ. ຫວຽດນາມ ໄດ້ມີການສົນທະນາທາງອອນລາຍກັບທ່ານພົນເອກ Manoj Mukund Naravane, ຫົວໜ້າເສນາທິການທະຫານບົກອິນເດຍ.

ທີ່ການສົນທະນາທາງອອນລາຍ, ສອງຝ່າຍຖືວ່າ, ເຖິງແມ່ນວ່າໄດ້ຮັບຜົນກະທົບຈາກ ໂລກລະບາດ ໂຄວິດ-19 ກໍ່ຕາມ, ແຕ່ການຮ່ວມມືດ້ານປ້ອງກັນຊາດລະຫວ່າງກອງທັບສອງປະເທດຫວຽດນາມ - ອິນເດຍ ຍັງໄດ້ຮັບການຮັກສາ ແລະຊຸກຍູ້ໃຫ້ສອດຄ່ອງກັບສະພາບໂລກລະບາດຢູ່ແຕ່ລະປະເທດ. ສອງຝ່າຍເຫັນດີເປັນເອກະພາບນໍາກັນວ່າ ໃນໄລຍະຈະມາເຖິງຈະຜັນຂະຫຍາຍບັນດາການເຄື່ອນໄຫວຮ່ວມມືດ້ານປ້ອງກັນຊາດພາຍຫຼັງພະຍາດໂຄວິດ-19 ໄດ້ຮັບການຄວບຄຸມ ແລະລັດຖະບານສອງປະເທດ ຫວຽດນາມ - ອິນເດຍ ຍົກເລີກບັນດາຄໍາສັ່ງແຍກປ່ຽວໂດຍໄວ.

ທີ່ການສົນທະນາທາງອອນລາຍ, ທ່ານພົນຕີ ຫງວຽນວັນເຫງັຍ ຮອງຫົວໜ້າກົມໃຫຍ່ເສນາທິການກອງທັບປະຊາຊົນ ສສ. ຫວຽດນາມ ໄດ້ຢັ້ງຢືນວ່າ ຫວຽດນາມ ຍາມໃດກໍຖືເປັນສໍາຄັນການພັດທະນາການພົວພັນຮອບດ້ານ, ແທດຈິງກັບອິນເດຍ, ການຮ່ວມມືອັນແໜ້ນແຟ້ນລະຫວ່າງສອງຝ່າຍປະກອບສ່ວນສໍາຄັນເຂົ້າໃນການຮັກສາສັນຕິພາບ, ສະຖຽນລະພາບ ແລະຄວາມວັດທະນາຖາວອນລວມຂອງພາກພື້ນ ແລະສອງປະເທດ.

ສ່ວນ ທ່ານພົນເອກ Manoj Mukund Naravane ຫົວໜ້າເສນາທິການທະຫານບົກອິນເດຍ ກໍ່ໄດ້ສະເໜີວ່າໃນໄລຍະຈະມາເຖິງ, ຫວຽດນາມ - ອິນເດຍ ສາມາດເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ໃນນັ້ນເນັ້ນໜັກເຖິງການເຄື່ອນໄຫວພົບປະແລກປ່ຽນນາຍທະຫານໜຸ່ມ.

ເມື່ອບໍ່ດົນມານີ້, ທີ່ການເຈລະຈານະໂຍບາຍປ້ອງກັນຊາດຫວຽດນາມ-ອິນເດຍ ຄັ້ງທີ 13 ຜ່ານລະບົບທາງອອນລາຍ ສອງຝ່າຍຖືວ່າ ເຖິງວ່າຖືກຜົນສະທ້ອນຈາກພະຍາດໂຄວິດ-19 ກໍ່ຕາມ, ແຕ່ການຮ່ວມມືດ້ານປ້ອງກັນຊາດສອງຝ່າຍຍັງໄດ້ຮັບການຮັກສາ ແລະພັດທະນາ. ກ່ຽວກັບທິດທາງການຮ່ວມມືໃນໄລຍະຈະມາເຖິງ, ສອງຝ່າຍເຫັນດີເປັນເອກະພາບສືບຕໍ່ຜັນຂະຫຍາຍບັນດາເນື້ອໃນການຮ່ວມມືຢ່າງມີປະສິດທິຜົນ; ສອງຝ່າຍເຫັນດີເປັນເອກະສັນຈະສືບຕໍ່ເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ຮ່ວມມືໃນຂົງເຂດຕ່າງໆເປັນຕົ້ນຄື: ເຫຼົ່າທັບ-ເຫຼົ່າຮົບ, ການບໍາລຸງສ້າງພະນັກງານ, ອຸດສາຫະກໍາປ້ອງກັນຊາດ, ການຮັກສາສັນຕິພາບ ສປຊ, ການຮ່ວມມືໃນບັນດາເວທີປາໄສຫຼາຍຝ່່າຍ.

ລັດຖະມົນຕີການຕ່າງປະເທດເຊັກໂກ ຕີລາຄາສູງການພັດທະນາອັນດີງາມຂອງສາຍພົວພັນມິດຕະພາບທີ່ເປັນມູນເຊື້ອ ແລະການຮ່ວມມືຮອບດ້ານລະຫວ່າງສ.ເຊັກໂກ ແລະຫວຽດນາມ ໃນໄລຍະຜ່ານມາ ຍສໝ - ສ.ເຊັກໂກ ຍາມໃດກໍ່ຖືຫວຽດນາມ ເປັນຄູ່ຮ່ວມມືສໍາຄັນຢູ່ພາກພື້ນອາຊີຕາເວັນອອກສ່ຽງໃຕ້, ຕັ້ງໜ້າສະໜັບສະໜູນຫວຽດນາມ ຮັບຮອງເອົາສັນຍາການຄ້າເສລີຫວຽດນາມ-ອີຢູ (EVFTA).

ຜູ້ຕາງໜ້າກອງທັບຝະລັ່ງ, ຮຸງກາລີ ແລະສ.ເກົາຫຼີ ໄດ້ຕີລາຄາສູງຕໍ່ວຽກງານປ້ອງກັນ, ຕ້ານພະຍາດໂຄວິດ-19 ຢູ່ຫວຽດນາມ ໃນໄລຍະຜ່ານມາ ຍສໝ - ເມື່ອບໍ່ດົນມານີ້, ທ່ານພົນຕີ ຫວູຈ໊ຽນຖັ໊ງ, ຫົວໜ້າກົມພົວພັນຕ່າງປະເທດ (ກະຊວງປ້ອງກັນປະເທດຫວຽດນາມ) ໄດ້ມອບອຸປະກອນການແພດຈໍານວນໜຶ່ງໃຫ້ກະຊວງກອງທັບຝະລັ່ງ, ກະຊວງປ້ອງກັນປະເທດຮຸງກາລີ ແລະກະຊວງປ້ອງກັນປະເທດສ.ເກົາຫຼີ ແນໃສ່ໜູນຊ່ວຍບັນດາປະເທດເພື່ອນມິດປ້ອງກັນ, ຕ້ານພະຍາດໂຄວິດ-19.

ຫວຽດນາມ ສະໜັບສະໜູນບົດບາດໃຈກາງຂອງ ສປຊ ໃນໄລຍະຜ່ານມາ ຍສໝ - ເມື່ອບໍ່ດົນມານີ້, ສະພາຄວາມໝັ້ນຄົງ ສປຊ ໄດ້ຈັດກອງປະຊຸມທາງອອນລາຍ ເພື່ອປຶກສາຫາລືກ່ຽວກັບພະຍາດໂຄວິດ-19.