 |
| ທ່ານ Tomas Petricek ລັດຖະມົນຕີການຕ່າງປະເທດເຊັກໂກ ຕ້ອນຮັບ ທ່ານ ທ໊າຍຊວນຢຸງ ເອກອັກຄະລັດຖະທູດຫວຽດນາມ ປະຈໍາ ເຊັກໂກ. ພາບ: ສໍານັກຂ່າວສານຫວຽດນາມ. |
ຫວ່າງແລ້ວນີ້, ທ່ານ ທ໊າຍຊວນຢຸງ ເອກອັກຄະລັດຖະທູດຫວຽດນາມ ປະຈໍາ ເຊັກໂກ ໄດ້ມີການເຂົ້າຢ້ຽມຂໍ່ານັບ ທ່ານ Tomas Petricek ລັດຖະມົນຕີການຕ່າງປະເທດເຊັກໂກ ຢູ່ສໍານັກງານກະຊວງການຕ່າງປະເທດເຊັກໂກ. ທີ່ການຕ້ອນຮັບ, ທ່ານ Tomas Petricek ຕີລາຄາສູງການພັດທະນາອັນດີງາມຂອງສາຍພົວພັນມິດຕະພາບທີ່ເປັນມູນເຊື້ອ ແລະການຮ່ວມມືຮອບດ້ານລະຫວ່າງສ.ເຊັກໂກ ແລະຫວຽດນາມ ໃນໄລຍະຜ່ານມາ. ທ່ານ Tomas Petricek ລັດຖະມົນຕີການຕ່າງປະເທດເຊັກໂກ ສະແດງຄວາມຂອບໃຈຢ່າງຈິງໃຈຕໍ່ລັດຖະບານ ແລະປະຊາຄົມຊາວຫວຽດນາມ ອາໄສຢູ່ ເຊັກໂກ ທີ່ໄດ້ຊ່ວຍເຫຼືອປະຊາຊົນເຊັກໂກຢ່າງທັນການ, ມີປະສິດທິຜົນໃນໄລຍະຕົ້ນພະຍາດໂຄວິດ-19 ຜ່ານບັນດາການເຄື່ອນໄຫວ, ຄື: ມອບຜ້າອັດປາກ-ອັດດັງ, ອຸປະກອນການແພດ, ເງິນສົດ...
ທີ່ການຕ້ອນຮັບ, ທ່ານ ທ໊າຍຊວນຢຸງ ຫວັງວ່າ ບັນດາວິສາຫະກິດເຊັກໂກ ຈະເອົາໃຈໃສ່ລົງທຶນ ແລະຊອກຫາບັນດາກາລະໂອກາດດຳເນີນທຸລະກິດຢູ່ຫວຽດນາມ, ພິເສດແມ່ນໃນບັນດາຂົງເຂດເຊັກໂກມີທ່າແຮງ, ຄື: ພະລັງງານ, ອຸດສາຫະກໍາປະດິດເຄື່ອງຈັກ... ໃນສະພາບການສັນຍາ EVFTA ໄດ້ມີຜົນສັກສິດ.
ສັນຍາ EVFTA ຈະປະກອບສ່ວນເພີ່ມທະວີການພົວພັນ ແລະນໍາມາເຊິ່ງຜົນປະໂຫຍດດ້ານເສດຖະກິດ, ການຄ້າບໍ່ພຽງແຕ່ໃຫ້ຫວຽດນາມ-ເຊັກໂກເທົ່ານັ້ນ ຫາກທັງອີຢູ-ຫວຽດນາມ ອີກດ້ວຍ. ພາຍຫຼັງທີ່ສັນຍາການຄ້າເສລີ ຫວຽດນາມ - ສະຫະພາບເອີຣົບ (EVFTA) ມີຜົນບັງຄັບໃຊ້ເປັນເວລາ 2 ເດືອນ, ບັນດາອົງການທີ່ໄດ້ຮັບມອບໝາຍ ໄດ້ອອກໜັງສືຢັ້ງຢືນຕົ້ນກຳເນີດສິນຄ້າ ຫວຽດນາມ ໄປຍັງ ເອີຣົບເກືອບ 15.000 ຊຸດ. ບັນດາປະເພດສິນຄ້າໄດ້ຢັ້ງຢືນຕົ້ນກຳເນີດສິນຄ້າ (C/O) ຕົ້ນຕໍແມ່ເກີບ, ສິນໃນນ້ຳ, ກາເຟ, ເຄື່ອງຕຳແຜ່ນດັດຫຍິບ, ຖົງພາຍ, ເຄື່ອງຈັກສານ, ຜະລິດຕະພັນກະເສດ, ເຄື່ອງເອເລັກໂຕນິກ....
ໃນວັນທີ 21 ຕຸລາ 2020, ທີ່ທໍານຽບປະທານາທິບໍດີ ແຫ່ງ ສ ເຊັກໂກ ຢູ່ນະຄອງຫຼວງ Praha, ທ່ານ ທ໊າຍຊວນຢຸງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ໄດ້ຍື່ນສານຕາຕັ້ງຕໍ່ທ່ານ Miloš Zeman ປະທານາທິບໍດີ ແຫ່ງ ສ ເຊັກໂກ ເນື່ອງໃນໂອກາດເລີ່ມຕົ້ນອາຍຸການປະຕິບັດງານ.
ທີ່ການຕ້ອນຮັບ, ທ່ານປະທານາທິບໍດີ Miloš Zeman ຕີລາຄາສູງຕໍ່ການພັດທະນາອັນດີງາມຂອງການພົວພັນມິດຕະພາບທີ່ເປັນມູນເຊື້ອ ແລະການຮ່ວມມືຫຼາຍດ້ານລະຫວ່າງ ສ ເຊັກໂກ ແລະຫວຽດນາມ ໃນໄລຍະຜ່ານມາ. ທ່ານປະທານາທິບໍດີ ຕີລາຄາສູງຕໍ່ບັນດາຜົນງານພັດທະນາເສດຖະກິດສັງຄົມ ເຊິ່ງ ຫວຽດນາມ ບັນລຸໄດ້ໃນໄລຍະມໍ່ໆມານີ້, ພິເສດແມ່ນໃນຂົງເຂດເສດຖະກິດ. ທ່ານປະທານາທິບໍດີ ກໍ່ສະແດງຄວາມປະທັບໃຈອັນດີງາມຕໍ່ປະຊາຄົມຊາວຫວຽດນາມ ຢູ່ ສ ເຊັກໂກ, ຖືວ່າ ນີ້ແມ່ນປະຊາຄົມທີ່ສາມັກຄີ ແລະມີການເຊື່ອມຕົວເຂົ້າກັບສັງຄົມ ເຊັກໂກ ໄດ້ຢ່າງດີງາມ.
 | ຜູ້ຕາງໜ້າກອງທັບຝະລັ່ງ, ຮຸງກາລີ ແລະສ.ເກົາຫຼີ ໄດ້ຕີລາຄາສູງຕໍ່ວຽກງານປ້ອງກັນ, ຕ້ານພະຍາດໂຄວິດ-19 ຢູ່ຫວຽດນາມ ໃນໄລຍະຜ່ານມາ ຍສໝ - ເມື່ອບໍ່ດົນມານີ້, ທ່ານພົນຕີ ຫວູຈ໊ຽນຖັ໊ງ, ຫົວໜ້າກົມພົວພັນຕ່າງປະເທດ (ກະຊວງປ້ອງກັນປະເທດຫວຽດນາມ) ໄດ້ມອບອຸປະກອນການແພດຈໍານວນໜຶ່ງໃຫ້ກະຊວງກອງທັບຝະລັ່ງ, ກະຊວງປ້ອງກັນປະເທດຮຸງກາລີ ແລະກະຊວງປ້ອງກັນປະເທດສ.ເກົາຫຼີ ແນໃສ່ໜູນຊ່ວຍບັນດາປະເທດເພື່ອນມິດປ້ອງກັນ, ຕ້ານພະຍາດໂຄວິດ-19. |
 | ຫວຽດນາມ ສະໜັບສະໜູນບົດບາດໃຈກາງຂອງ ສປຊ ໃນໄລຍະຜ່ານມາ ຍສໝ - ເມື່ອບໍ່ດົນມານີ້, ສະພາຄວາມໝັ້ນຄົງ ສປຊ ໄດ້ຈັດກອງປະຊຸມທາງອອນລາຍ ເພື່ອປຶກສາຫາລືກ່ຽວກັບພະຍາດໂຄວິດ-19. |
 | ເອກອັກຄະລັດຖະທູດ ສ.ເຊັກໂກ ໄດ້ຂອບໃຈຫວຽດນາມໄດ້ສ້າງເງື່ອນໄຂສະດວກຈັດຖ້ຽວບິນຂົນສົ່ງພົນລະເມືອງ ສ.ເຊັກໂກ ແລະ ອີຢູ 300 ຄົນກັບຄືນເມືອປະເທດ ຍສໝ - ທ່ານເອກອັກຄະລັດຖະທູດ ສ.ເຊັກໂກ Viteslav Grepl ໄດ້ຂອບໃຈຫວຽດນາມ ທີ່ໄດ້ສ້າງເງື່ອນໄຂສະດວກ ຈັດຖ້ຽວບິນ ຂົນສົ່ງພົນລະເມືອງ ສ.ເຊັກໂກ ແລະ ອີຢູ 300 ຄົນກັບຄືນເມືອປະເທດໃນວັນທີ 25 ມີນາ 2020 ຜ່ານມາ. |
ໄຊພອນ
