| ລາວ: ທົ່ວປະເທດ ມີສູນຈໍາກັດບໍລິເວນທີ່ຍັງເປີດນຳໃຊ້ຢູ່ທັງໝົດ 35 ສູນ, ມີຜູ້ຖືກຈຳກັດບໍລິເວນຢູ່ສູນ 2.701 ຄົນ,ບໍ່ພົບຜູ້ຕິດເຊື້ອພະຍາດ COVID-19 | |
| ຫວຽດນາມສະເໜີສັກວັກຊິນກັນພະຍາດໂຄວິດ-19 ໃຫ້ແກ່ກຳລັງຮັກສາສັນຕິພາບ |
 |
| ບໍລິສັດເບຍ ລາວ ມອບ 100 ລ້ານກີບ ຊ່ວຍແຂວງອັດຕະປື ປ້ອງກັນພະຍາດ ໂຄວິດ-19 (ພາບ: Kpl) |
ວັນທີ 16 ກຸມພາ 2021 ນີ້ ທີ່ແຂວງອັດຕະປື, ທ່ານ ສູນທອນ ພົມມະຈັກ ປະທານ ບໍລິສັດເບຍລາວ ໄດ້ມອບເງິນຊ່ວຍເຫລືອ ຈຳນວນ 100 ລ້ານກີບ ໃຫ້ແກ່ທ່ານ ບຸນເສີດ ເສດທິລາດຮອງເຈົ້າແຂວງອັດຕະປື ເພື່ອນໍາໃຊ້ເຂົ້າໃນວຽກງານການປ້ອງກັນ ແລະ ຄວບຄຸມພະຍາດໂຄວິດ-19 ໂດຍຊ່ອງໜ້າພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ສູນທອນ ພົມມະຈັກ ໄດ້ມີຄໍາເຫັນວ່າ: ການມອບທຶນຊ່ວຍເຫລືອໃຫ້ແຂວງອັດຕະປື ຄັ້ງນີ້ແມ່ນເພື່ອເປັນການປະກອບສ່ວນໃຫ້ແຂວງ ໄດ້ນໍາໃຊ້ເຂົ້າໃນວຽກງານປ້ອງກັນ ແລະ ຄວບຄຸມພະຍາດໂຄວິດ-19 ແລະ ວຽກງານອື່ນໆທີ່ເຫັນວ່າເໝາະສົມ ແນໃສ່ຮັກສາສຸຂະພາບ ແລະ ຊີວິດການເປັນຢູ່ຂອງປະຊາຊົນຊາວແຂວງອັດຕະປື ໃຫ້ດີຂຶ້ນ. ຜ່ານມາທາງບໍລິສັດເບຍລາວ ຍັງໄດ້ປະກອບສ່ວນ ແລະໃຫ້ ການຊ່ວຍເຫລືອສັງຄົມໃນທົ່ວປະເທດ ໂດຍສະເພາະແມ່ນ ດ້ານສາທາລະນະສຸກ, ການສຶກສາ ແລະ ປະ ກອບສ່ວນໃນວຽກງານຕ່າງໆຕື່ມອີກ.
ໂອກາດດຽວກັນ ທ່ານ ຮອງເຈົ້າແຂວງອັດຕະປື ກໍໄດ້ສະແດງຄວາມຂອບໃຈ ແລະ ຍ້ອງຍໍຊົມເຊີຍ ມາຍັງບໍລິສັດເບຍ ທີ່ເຫັນໄດ້ຄວາມສໍາຄັນຕໍ່ຊີວິດ ແລະ ສຸຂະພາບຂອງປະຊາຊົນ ຊາວແຂວງອັດຕະປື ເຊິ່ງການຊ່ວຍເຫລືອຂອງບໍລິສັດເທື່ອນີ້ ຈະເປັນອີກບາດກ້າວສໍາຄັນໜຶ່ງ ໃນການປ້ອງກັນພະຍາດໂຄວິດ-19 ບໍ່ໃຫ້ມີການແຜ່ລະບາດເຂົ້າມາໃນແຂວງອັດຕະປື. ທ່ານ ເຈົ້າແຂວງຍັງໄດ້ໃຫ້ສັນຍາວ່າ ຈະນໍາເອົາເງິນຈໍານວນດັ່ງກ່າວໄປໝູນໃຊ້ເຂົ້າໃນວຽກປ້ອງກັນ ແລະ ຄວບຄຸມການແຜ່ລະບາດຂອງພະຍາດໂຄວິດ 19 ໃຫ້ມີປະສິດທິຜົນສູງ.
 | ລາວ: ທົ່ວປະເທດ ມີສູນຈໍາກັດບໍລິເວນທີ່ຍັງເປີດນຳໃຊ້ຢູ່ທັງໝົດ 35 ສູນ, ມີຜູ້ຖືກຈຳກັດບໍລິເວນຢູ່ສູນ 2.701 ຄົນ,ບໍ່ພົບຜູ້ຕິດເຊື້ອພະຍາດ COVID-19 ໃນວັນທີ 15 ກຸມພາ 2021 ຢູ່ກະຊວງສາທາລະນະສຸກ ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມ ຄວບຄຸມພະຍາດຕິດຕໍ່, ກະຊວງສາທາລະນະສຸກ, ຕາງໜ້າໃຫ້ຄະນະສະ ເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດ ຂອງພະຍາດ COVID-19 ໄດ້ລາຍງານໃຫ້ຮູ້ວ່າ: ໃນວັນທີ 14 ກຸມພາ ... |
 | ຢູ່ ສປປ ລາວ ບໍ່ພົບຜູ້ຕິດເຊື້ອໂຄວິດ-19 ເພີ່ມ ໃນວັນທີ 11 ກຸມພາ 2021 ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ຖະແຫລງກ່ຽວ ກັບການຄວບຄຸມ ພະຍາດອັກເສບປອດ ທີ່ເກີດຈາກເຊື້ອຈຸລະໂລກສາຍພັນໃໝ່ COVID-19 ວ່າ: ມາຮອດວັນທີ 11 ກຸມພາ 2021, ທົ່ວໂລກມີການລາຍງານການລະບາດ ທັງໝົດ 219 ປະເທດ ແລະ ... |
 | ເສດຖະກິດຂອງ ສປປ ລາວ ຈະສາມາດຟື້ນຕົວ ໃນລະດັບໃດໜຶ່ງໃນປີ 2021 ຖ້າສາມາດສືບຕໍ່ຄວບຄຸມ ພະຍາດລະບາດ ໄດ້ພາຍໃນປະເທດ ແລະ ພາກທຸລະກິດ ສາມາດສືບຕໍ່ຄ້າຂາຍກັບບັນດາປະ ເທດຄູ່ຄ້າ ຄາດວ່າ ເສດຖະກິດຂອງ ສປປ ລາວ ຈະສາມາດຟື້ນຕົວ ໃນລະດັບໃດໜຶ່ງໃນປີ 2021. |
kpl.gov.la
