| ກອງບັນຊາການທະຫານແຂວງຫົວພັນ ສປປ.ລາວ ອວຍພອນຄອບຄົວພະນັກງານ, ນັກຮົບກໍາລັງປະກອບອາວຸດແຂວງແທັງຮວາ ສສ.ຫວຽດນາມ ເນື່ອງໃນໂອກາດບຸນປີໃໝ່ປະຈໍາຊາດ ປີສະຫຼູ 2021 | |
| ລາວ ຈະໄດ້ຮັບວັກຊິນ ຕ້ານໂຄວິດ-19 ໃນເດືອນເມສາ 2021 |
 |
| ພາບປະກອບ |
ທ່ານ ນິໂຄລາ ຟອນທາຣາ ຫົວໜ້າຫ້ອງການທະນາຄານ ໂລກປະຈຳ ສປປ ລາວ ກ່າວວ່າ: ເຖິງວ່າ ສປປ ລາວ ຈະສາມາດຄວບຄຸມ ການແຜ່ລະບາດ ຂອງພະຍາດ ໂຄວິດ-19 ໄດ້, ແຕ່ຜົນກະທົບທາງເສດຖະກິດ ທີ່ເກີດຈາກພະຍາດລະບາດດັ່ງກ່າວ ໄດ້ກະທົບຕໍ່ຊີວິດການເປັນຢູ່ ຂອງປະຊາຊົນລາວ ຫລາຍລ້ານຄົນ ແລະ ບັນທອນວຽກງານ ຫລຸດຜ່ອນຄວາມທຸກຍາກ. ຢ່າງໃດກໍຕາມ, ຖ້າສາມາດສືບຕໍ່ຄວບຄຸມ ພະຍາດລະບາດ ໄດ້ພາຍໃນປະເທດ ແລະ ພາກທຸລະກິດ ສາມາດສືບຕໍ່ຄ້າຂາຍກັບບັນດາປະ ເທດຄູ່ຄ້າ ຄາດວ່າ ເສດຖະກິດຂອງ ສປປ ລາວ ຈະສາມາດຟື້ນຕົວ ໃນລະດັບໃດໜຶ່ງໃນປີ 2021. ການຂະຫຍາຍຕົວຂອງ GDP ຄາດວ່າ ຈະຟື້ນຕົວມາເປັນ 4,9% ໃນປີ 2021, ສ່ວນການຂະ ຫຍາຍຕົວໃນໄລຍະກາງ ໜ້າຈະຄ່ອຍໆ ຟື້ນຕົວເທື່ອລະກ້າວ ອັນເປັນຜົນເນື່ອງມາຈາກການສືບຕໍ່ລົງ ທຶນໃສ່ການພັດທະນາ ໂຄງລ່າງພື້ນຖານ ແລະ ການກັບຄືນມາຟົດຟື້ນ ຂອງຂະແໜງບໍລິການ, ສົ່ງອອກ ແລະ ການຊົມໃຊ້ຂອງພາກເອກະຊົນ, ເຖິງຢ່າງໃດກໍຕາມ, ຖ້າຫາກພະຍາດໂຄວິດ-19 ມີການລະບາດອີກຮອບໃໝ່, ການຟື້ນຕົວ ຂອງເສດຖະກິດ ອາດຈະພົບສິ່ງທ້າທາຍ ຍ້ອນຜົນກະທົບ ຈາກມາດຕະການກັກຕົວ ຫລື ຂໍ້ຈໍາກັດດ້ານການຄ້າ ແລະ ການທ່ອງທ່ຽວ. ບົດລາຍງານ ສະບັບນີ້, ຍັງເນັ້ນໜັກໃຫ້ເຫັນການເພີ່ມຂຶ້ນ ຂອງພາລະແບກຫາບ ດ້ານໜີ້ສິນຕ່າງປະເທດ. ໜີ້ສິນຕ່າງປະເທດທີ່ສູງ ແລະ ຄັງແຮສໍາຮອງເງິນຕາ ຕ່າງປະເທດທີ່ຢູ່ໃນລະດັບຕໍ່າ ໂດຍຈໍາກັດ ຄວາມສາມາດຂອງລັດຖະບານ ໃນການນໍາໃຊ້ນະໂຍບາຍການເງິນ ເພື່ອກະຕຸ້ນເສດຖະກິດ.
ໃນໄລຍະ 5 ປີຜ່ານມາ, ເສດຖະກິດແຫ່ງຊາດ ສືບຕໍ່ຂະຫຍາຍຕົວຢ່າງຕໍ່ເນື່ອງ ເຊິ່ງສະເລ່ຍຄາດວ່າຈະຢູ່ໃນລະດັບ 5,8% ຕໍ່ປີ ແລະ ໃນປີ 2020 ຄາດວ່າຈະຂະຫຍາຍ ຕົວປະມານ 3,3%, ແຕ່ເຫັນວ່າອັດຕາ ການຂະຫຍາຍຕົວ ມີທ່າອ່ຽງຫລຸດລົງຢ່າງຕໍ່ເນື່ອງ ແລະ ຫລຸດແຜນການວາງໄວ້, ໃນນີ້ ຂະແໜງກະສິກໍາ ຂະຫຍາຍຕົວສະເລ່ຍ 2,1%, ອຸດສາຫະກໍາ ຂະຫຍາຍຕົວສະເລ່ຍ 9,1%,ການບໍລິການ ຂະຫຍາຍຕົວສະເລ່ຍ 4,8% ແລະ ພາສີອາກອນ ຂະຫຍາຍສະເລ່ຍ 5,2%.
ຍອດມູນຄ່າການສົ່ງອອກຂອງ ສປປ ລາວ ໃນເດືອນທັນວາ ປີ 2020 ບັນລຸໄດ້ປະມານ 468 ລ້ານໂດລາ, ສ່ວນການນຳເຂົ້າມີມູນຄ່າ ປະມານ 546 ລ້ານໂດລາສະຫະລັດ ແລະ ຂາດດຸນການຄ້າປະມານ 78 ລ້ານໂດລາສະຫະລັດ. ສຳລັບສິນຄ້າສົ່ງອອກຫລັກປະກອບມີ: ແຮ່ທອງ ມູນຄ່າປະມານ 54 ລ້ານໂດລາສະຫະລັດ, ຄຳປະສົມ (ຄຳແທ່ງ) ມູນຄ່າປະມານ 45 ລ້ານໂດລາສະຫະລັດ, ມັນຕົ້ນ ມູນຄ່າປະມານ 41 ລ້ານໂດລາສະຫະລັດ, ຢາງພາລາ ມູນຄ່າປະມານ 37 ລ້ານໂດລາສະຫະລັດ, ເຫຍື່ອໄມ້ ແລະ ເສດເຈ້ຍ ມູນຄ່າປະມານ 28 ລ້ານໂດລາສະຫະລັດ, ໝາກກ້ວຍ ມູນຄ່າປະມານ 24 ລ້ານໂດລາສະຫະລັດ, ເຄື່ອງນຸ່ງຫົ່ມ ມູນຄ່າປະມານ 19 ລ້ານໂດລາສະຫະລັດ, ໂຄງຮ່າງ ( ຊິ້ນສ່ວນກ້ອງບັນທຶກພາບ ) ມູນຄ່າປະມານ 18 ລ້ານໂດລາສະຫະລັດ, ກາເຟ ( ບໍ່ທັນໄດ້ປຸງແຕ່ງ ) ມີມູນຄ່າປະມານ 13 ລ້ານໂດລາສະຫະລັດ ແລະ ເຂົ້າ ມູນຄ່າປະມານ 11 ລ້ານໂດລາສະຫະລັດ, ໃນນັ້ນ ໄດ້ສົ່ງອອກໄປ ສປ ຈີນ 181 ລ້ານໂດລາສະຫະລັດ, ຫວຽດນາມ 111 ລ້ານໂດລາສະຫະລັດ, ໄທ 98 ລ້ານໂດລາສະຫະລັດ, ອິນເດຍ 12 ລ້ານໂດລາສະຫະລັດ ແລະ ຍີ່ປຸ່ນ 8 ລ້ານໂດລາສະຫະລັດ.
ສ່ວນສິນຄ້ານໍາເຂົ້າຫລັກ ແມ່ນເຄື່ອງໄຟຟ້າ ແລະ ອຸປະກອນໄຟຟ້າ ມູນຄ່າປະມານ 41 ລ້ານໂດລາສະຫະລັດ, ພາຫະນະທາງບົກ (ນອກຈາກລົດຈັກ, ລົດໄຖ) ມີມູນຄ່າປະມານ 40 ລ້ານໂດລາສະຫະ ລັດ, ນ້ຳມັນກາຊວນ ມີມູນຄ່າປະມານ 37 ລ້ານໂດລາສະຫະລັດ, ອຸປະກອນກົນຈັກ (ນອກຈາກເຄື່ອງກົນຈັກພາຫະນະ) ມີມູນຄ່າປະມານ 37 ລ້ານໂດລາສະຫະລັດ, ເຫລັກ ແລະ ເຄື່ອງທີ່ເຮັດດ້ວຍເຫລັກ, ເຫລັກກ້າ ມີມູນຄ່າປະມານ 32 ລ້ານໂດລາສະຫະລັດ.
 | ວາລະສານ ຍຸກສະໄໝ ອວຍພອນ ສະຖານທູດ ສປປ.ລາວ ປະຈຳ ຫວຽດນາມ ເນື່ອງໃນໂອກາດສະເຫຼີມສະຫຼອງວັນຊາດ ຂອງ ສປປ.ລາວ ຄົບຮອບ 45 ປີ ຍສໝ - ເນື່ອງໃນໂອກາດສະເຫຼີມສະຫຼອງວັນຊາດ ຂອງສປປ.ລາວ ຄົບຮອບ 45 ປີ (2 ທັນວາ 1975 - 2 ທັນວາ 2020), ສະຖານທູດສປປ.ລາວ ປະຈຳຫວຽດນາມ ໄດ້ສະເໜີລິເລີ່ມວ່າ “ຫັນປ່ຽນຄ່າຊື້ດອກໄມ້ ມາເປັນເປັນການບໍລິຈາກສະໜັບສະໜູນ ໃຫ້ແກ່ປະຊາຊົນເຂດພາກກາງຫວຽດນາມ ທີ່ໄຮັບຜົນກະທົບຈາກໄພພິບັດທຳມະຊາດ ແລະ ນ້ຳຖ້ວມໃນເມື່ອບໍ່ດົນມານີ້.” |
 | ລາວ-ສປຊ ກຽມປະເມີນ ສປປ ລາວ ຫລຸດພົ້ນອອກຈາກສະຖານະພາບດ້ອຍພັດທະນາໃນ ປີ 2021 ໃນຕອນຄ່ຳຂອງວັນທີ 08 ກັນຍາ 2020, ທ່ານ ທອງຜ່ານ ສະຫວັນເພັດ ຮອງລັດຖະມົນຕີ ກະຊວງການຕ່າງປະເທດ ພ້ອມຄະນະ ໄດ້ຈັດກອງປະຊຸມທາງໄກຮ່ວມກັບ ຫ້ອງການຜູ້ຕາງໜ້າຂັ້ນສູງຂອງອົງການ ສະຫະປະຊາຊາດ ທີ່ຮັບຜິດຊອບກຸ່ມບັນດາປະເທດດ້ອຍພັດທະນາ ທີ່ ນິວຢອກ, ສ.ອາເມລິກາ ເພື່ອກຽມຄວາມພ້ອມໃຫ້ແກ່ການປະເມີນ ສປປ ລາວ ໃນການຫລຸດພົ້ນອອກຈາກສະຖານະພາບປະເທດດ້ອຍພັດທະນາ ໃນປີ 2021. ໂດຍກຸ່ມບັນດາປະເທດດ້ອຍພັດທະນາ ໄດ້ຖືກກໍານົດຂຶ້ນໂດຍອົງການ ... |
 | ລາວ ຄາດຄະເນການເລີ່ມລົງມືກໍ່ສ້າງໂຄງການທາງລົດໄຟເຊື່ອມຕໍ່ ລາວ - ຫວຽດນາມ ໃນປີ 2021 ໜັງສືພິມ “Vientiane Times” ສະບັບອອກວັນທີ 17 ຕຸລາ ໄດ້ໃຫ້ຂ່າວວ່າ ລັດຖະບານ ລາວ ໄດ້ມອບໃຫ້ບໍລິສັດການຄ້ານ້ຳມັນອາຍແກັດລາວ (Petro Trade) ດຳເນີນການຄົ້ນຄວ້າຄວາມເປັນໄປໄດ້ກ່ຽວກັບໂຄງການກໍ່ສ້າງທາງລົດໄຟ ລາວ - ຫວຽດນາມ ແຕ່ເມືອງ ທ່າແຂກ, ແຂວງ ຄຳມ່ວນ (ລາວ) ໄປເຖິງຊາຍແດນ ຫວຽດນາມ. |
ໄຊພອນ
