ອັດຕາການຂະຫຍາຍຕົວ ຈີດີພີ ຂອງ ສປປ ລາວ ຈະຫລຸດລົງຈົນຕິດລົບ 2,5%
	ສະພາແຫ່ງຊາດ ສປປ.ລາວ ໄດ້ສຸມໃສ່ເຂົ້າໃນການຟື້ນຟູພື້ນຖານເສດຖະກິດ

ກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 27 ຕຸລາ ທີ່ຫ້ອງປະຊຸມສະພາແຫ່ງຊາດ ນະຄອນຫລວງວຽງຈັນ ສປປ.ລາວ. ພາບ: ຂປລ.

ກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 27 ຕຸລາ ທີ່ຫ້ອງປະຊຸມສະພາແຫ່ງຊາດນະຄອນຫລວງວຽງຈັນ ສປປ.ລາວ. ກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ຈະໄດ້ສຸມໃສ່ພິຈາລະນາ ຮັບຮອງເອົາບັນດາເນື້ອໃນສຳຄັນ ຄື: ພິຈາລະນາຮັບຮອງບົດລາຍງານ ກ່ຽວກັບສະພາບ ການຈັດຕັ້ງປະຕິບັດ ແຜນພັດທະນາ ເສດຖະກິດ-ສັງຄົມ, ແຜນເງິນຕາ ປະຈໍາປີ 2020 ແລະ ແຜນການປີ 2021; ບົດລາຍງານການຈັດຕັ້ງປະຕິບັດ ແຜນງົບປະມານແຫ່ງລັດ ປະຈໍາປີ 2020 ແລະ ແຜນການປະຈໍາປີ 2021; ພິຈາລະນາຮັບຮອງ ບົດລາຍງານກ່ຽວກັບ ແຜນຜັງລວມ ຕົວເມືອງ ນະຄອນຫລວງວຽງຈັນ; ບົດລາຍງານຂອງອົງການ ກວດສອບແຫ່ງລັດ ກ່ຽວກັບການຈັດຕັ້ງປະຕິບັດ ແຜນການເຄື່ອນໄຫວ ວຽກງານປະຈຳປີ 2020 ແລະ ແຜນການປີ 2021;

ບົດລາຍງານຜົນການກວດສອບບົດສະຫລຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2019; ບົດລາຍງານຂອງອົງການ ກວດກາລັດຖະບານ ກ່ຽວກັບການກວດກາ ຕາມຜົນການກວດສອບ ສົກປີ 2013-2014, 2015-2016 ແລະ ປະຈໍາປີ 2018 ແລະ ການແກ້ໄຂຜົນການ ກວດສອບຕາມຜົນ ການກວດສອບ; ພິຈາລະນາປະກອບຄຳເຫັນບົດລາຍງານ ຜົນການຄິດຕາມກວດກາ ການຈັດຕັ້ງປະຕິບັດ ກົດໝາຍ ທີ່ຕິດພັນກັບການຄຸ້ມຄອງ ການບໍລິການໃນຮ້ານບັນເທີງ ແລະ ຮ້ານກິນດື່ມ; ພິຈາລະນາຮັບຮອງບົດລາຍງານຂອງອົງການ ໄອຍະການປະຊາຊົນສູງສຸດ ແລະ ສານປະຊາຊົນສູງສຸດ ກ່ຽວກັບການຈັດຕັ້ງປະຕິບັດ ວຽກງານປະຈຳປີ 2020 ແລະ ແຜນການປີ 2021; ພິຈາລະນາຮັບຮອງບົດລາຍງານຂອງຂອງສະພາແຫ່ງຊາດກ່ຽວກັບການຈັດຕັ້ງປະຕິບັດ ແຜນການເຄື່ອນໄຫວວຽກງານໄລຍະ 5 ປີ (2016-2020), ການເຄື່ອນໄຫວວຽກງານປະຈຳປີ 2020 ແລະ ຄາດຄະເນແຜນການ ປະຈຳປີ 2021;

ກອງປະຊຸມຍັງຈະໄດ້ຮັບຟັງການລາຍງານ ແລະ ປະກອບຄຳເຫັນ ຕໍ່ບົດລາຍງານຂອງລັດຖະບານ ແລະ ຂອງສະພາແຫ່ງຊາດ ທີ່ນຳມາທາບທາມ ໃນກອງປະຊຸມ ຄັ້ງນີ້.ພາບ: ຂປລ.

ຮັບຟັງການປະກອບຄຳເຫັນ ຂອງອົງການແນວລາວສ້າງຊາດ ຕໍ່ກັບການເຄື່ອນໄຫວ ວຽກງານຂອງສະພາແຫ່ງຊາດ; ພິຈາລະນາຮັບ ຮອງເອົາກົດໝາຍ 5 ສະບັບ ໃນນັ້ນ, ກົດໝາຍສ້າງໃໝ່ 4 ສະບັບ ຄື: ຮ່າງກົດໝາຍວ່າດ້ວຍ ຊັ້ນນັກການທູດ, ຮ່າງກົດໝາຍວ່າດ້ວຍ ຊາວໝຸ່ມລາວ, ຮ່າງກົດໝາຍວ່າດ້ວຍການຮ່ວມມື ລະຫວ່າງປະເທດທາງອາຍາ ແລະ ຮ່າງກົດໝາຍວ່າດ້ວຍ ການສຶກສາຊັ້ນສູງ ແລະ ກົດໝາຍປັບປຸງໃໝ່ 1 ສະບັບ ຄື: ຮ່າງກົດໝາຍວ່າດ້ວຍການປັບປຸງ ມາດຕາຂອງກົດໝາຍ ວ່າດ້ວຍ ການກວດສອບແຫ່ງລັດ ແລະ ພິຈາລະນາຮັບຮອງ ເອົາບັນຫາສຳຄັນຈຳນວນໜຶ່ງ.

ກອງປະຊຸມຍັງຈະໄດ້ຮັບຟັງການລາຍງານ ແລະ ປະກອບຄຳເຫັນ ຕໍ່ບົດລາຍງານຂອງລັດຖະບານ ແລະ ຂອງສະພາແຫ່ງຊາດ ທີ່ນຳມາທາບທາມ ໃນກອງປະຊຸມ ຄັ້ງນີ້ ເຊິ່ງປະກອບມີ ຄື: ຫັນບົດລາຍງານ ກ່ຽວກັບການຈັດຕັ້ງປະຕິບັດ ແຜນພັດທະນາ ເສດຖະກິດ-ສັງຄົມ, ແຜນງົບປະມານແຫ່ງລັດ 5 ປີຜ່ານມາ (2016-2020) ແລະ ແຜນພັດທະນາ ເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ 5 ປີ ຕໍ່ໜ້າ (2021-2025); ຮ່າງທິດທາງແຜນ ການເຄື່ອນໄຫວ ວຽກງານ 5 ປີຕໍ່ໜ້າ (2021-2025) ຂອງສະພາແຫ່ງຊາດ ຊຸດທີ IX.

ກອງປະຊຸມໃຫຍ່ ຜູ້ແທນຊາວໜຸ່ມ ທົ່ວປະເທດ ຄັ້ງທີ VIII ຈະຈັດຂຶ້ນໃນວັນທີ 27 ຕຸລາ 2020 ການຈັດການແຂ່ງຂັນສິລະປະເພື່ອຄັດເລືອກເອົາທີມສິລະປະເຂົ້າຮ່ວມສະແດງໃນກອງປະຊຸມໃຫຍ່ ຜູ້ແທນຊາວໜຸ່ມ ທົ່ວປະເທດ ຄັ້ງທີ VIII ຈະຈັດຂຶ້ນໃນວັນທີ 27 ຕຸລາ 2020 ເວລາ 8:30 ເປັນຕົ້ນໄປ ທີ່ໂຮງຮຽນ ສິລະປະດົນດີແຫ່ງຊາດ.

ສປປ.ລາວ: ສົ່ງເສີມການທ່ອງທ່ຽວ “ລາວທ່ຽວລາວ” ເພື່ອຊຸກຍູ້ສົ່ງເສີມການທ່ອງທ່ຽວລາວ ໃຫ້ກັບຄືນສູ່ສະພາບປົກກະຕິໂດຍໄວ ແລະ ກະຕຸ້ນການທ່ອງທ່ຽວ ແບບ “ລາວທ່ຽວລາວ” ກະຊວງຖະແຫ່ງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ກໍຄື ລັດຖະບານ ໄດ້ຊຸກຍູ້ພາກທຸລະກິດ ຮ່ວມກັນສ້າງລາຍການທ່ອງທ່ຽວໃຫ້ຫລກຫລາຍ, ມີສ່ວນຫລຸດຫລາຍຮູບແບບ ເປັນຕົ້ນ ສ່ວນຫລຸດລາຍການທ່ອງທ່ຽວ, ສ່ວນຫລຸດໂຮງແຮມ, ເຮືອນພັກ, ຮ້ານອາຫານ-ເຄື່ອງດື່ມ ແລະ ອື່ນໆ.

ລາວ: ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດ ຊຸດທີ VIII ຈະໄດ້ຮັບຟັງລາຍງານ, ພິຈາລະນາ ແລະ ຕົກລົງບັນຫາສໍາຄັນຕ່າງໆ ຂອງຊາດ ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VIII ຈະໄຂຂຶ້ນໃນວັນທີ 27 ຕຸລາ ຫາ 17 ພະຈິກ 2020.