ກ່າວຄຳເຫັນທີ່ພິທີເປີດ, ທ່ານນາງ ປານີ ຢາທໍ່ຕູ້ - ປະທານສະພາແຫ່ງຊາດສປປ.ລາວ ໃຫ້ຮູ້ວ່າ ກອງປະຊຸມຄັ້ງນີ້ ຈະພິຈາລະນາ, ຮັບຮອງເອົາບົດລາຍງານສະຫຼຸບລວມ ກ່ຽວກັບການພັດທະນາເສດຖະກິດ - ສັງຄົມປີ 2020 ແລະ ແຜນການປີ 2021; ບົດລາຍງານງົບປະມານປີ 2020 ແລະ ແຜນການປີ 2021; ຮ່າງແຜນພັດທະນາເສດຖະກິດ - ສັງຄົມຄັ້ງທີ 9; ແຜນງົບປະມານແຫ່ງຊາດໄລຍະ 5 ປີ (2021-2025) ຂອງລັດຖະບານລາວ…
 |
| ທ່ານນາງ ປານີ ຢາທໍ່ຕູ້ - ປະທານສະພາແຫ່ງຊາດ ສປປ.ລາວ. (ພາບ: baotintuc.vn) |
ກອງປະຊຸມໄດ້ດໍາເນີນເປັນເວລາ 3 ອາທິດ, ບັນດາຜູ້ແທນ ໄດ້ຄາດວ່າຈະສຸມໃສ່ປຶກສາຫາລືກ່ຽວກັບມາດຕະການທີ່ຈຳເປັນ ເພື່ອຟື້ນຟູພື້ນຖານເສດຖະກິດໃນປີ 2021 ໃນສະພາບການທີ່ປະເທດປະເຊີນໜ້າກັບການຜັນແປທີ່ບໍ່ສາມາດຄາດເດົາໄດ້ ຂອງໂລກລະບາດຂອງພະຍາດ COVID-19, ແລະ ຂໍ້ຈຳກັດດ້ານການເງິນ ແລະ ຜົນກະທົບຈາກໄພພິບັດທຳມະຊາດ.
ກອງປະຊຸມຄັ້ງສຸດທ້າຍ ຂອງສະພາແຫ່ງຊາດຊຸດ ທີ VIII ຍັງຈະພິຈາລະນາ ແລະ ຮັບຮອງເອົາບົດລາຍງານຂອງອົງການກວດສອບບັນຊີແຫ່ງລັດ ກ່ຽວກັບຜົນຂອງການກວດສອບງົບປະມານແຫ່ງລັດໃນປີ 2020, ແລະ ແຜນການກວດສອບບັນຊີປີ 2021 ແລະ ລາຍງານສະຫຼຸບການກວດສອບສຳລັບປີ 2019...
ລາຍງານຕໍ່ສະພາກ່ຽວກັບຜົນຂອງການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ, ແຜນງົບປະມານ ແລະ ແຜນເງິນຕາ ແລະ ທິດທາງແຜນການໃນປີ 2021, ທ່ານນາຍົກລັດຖະມົນຕີລາວ ທອງລຸນ ສີສຸລິດ ໄດ້ກ່າວວ່າການລະບາດຂອງພະຍາດ COVID-19 ເຮັດໃຫ້ການຂະຫຍາຍຕົວທາງດ້ານເສດຖະກິດຂອງ ສປປ.ລາວ ໃນປີນີ້ຄາດວ່າຈະບັນລຸປະມານ 3,3 - 3,6% ເທົ່າກັບ 173,178 ຕື້ກີບ (ຫຼາຍກ່ວາ 17 ຕື້ໂດລາສະຫະລັດ).
ໃນທ້າຍເດືອນກັນຍາ 2020, ລາຍຮັບງົບປະມານແຫ່ງລັດທັງໝົດຂອງ ສປປ.ລາວ ບັນລຸໄດ້ 14,674 ຕື້ກີບ (ປະມານ 14,7 ຕື້ໂດລາສະຫະລັດ) ເທົ່າກັບ 64,57% ຂອງແຜນການດັດປັບ, ລາຍຈ່າຍງົບປະມານປະຕິບັດໄດ້ 17,902 ຕື້ກີບ (ປະມານ 18 ຕື້ໂດລາສະຫະລັດ) ເທົ່າກັບ 54,18%.
ຕາມທ່ານນາຍົກລັດຖະມົນຕີ ສປປ.ລາວ ທອງລຸນ ສີສຸລິດ ແລ້ວ, ຍັງມີຂໍ້ຈຳກັດຫຼາຍຢ່າງໃນວຽກງານຂອງລັດຖະບານ ທີ່ຕ້ອງໄດ້ແກ້ໄຂໃນຕໍ່ໜ້າ, ຫຼາຍເປົ້າໝາຍທີ່ຈະບໍ່ປະສົບຜົນສຳເລັດຕາມແຜນການ, ພື້ນຖານໂຄງລ່າງຈຳນວນຫຼາຍ ຍັງບໍ່ໄດ້ຮັບການຍົກລະດັບ, ບຳລຸງຮັກສາ, ຄຸນນະພາບຂອງການກວດ ແລະ ປິ່ນປົວພະຍາດໃນຫລາຍໂຮງໝໍຍັງບໍ່ທັນບັນລຸຄວາມຄາດຫວັງ…
 | ພື້ນຖານເສດຖະກິດ ຫວຽດນາມ ຈະບັນລຸລະດັບການເຕີບໂຕ 3% ໃນປີ 2020 ແລະ ເພີ່ມຂຶ້ນ 7,8% ໃນປີ 2021 ຕາມການຄາດຄະເນຂອງທະນາຄານ Standard Chartered ແລ້ວ, ພື້ນຖານເສດຖະກິດ ຫວຽດນາມ ຈະບັນລຸລະດັບການເຕີບໂຕ 3% ໃນປີ 2020 ແລະ ເພີ່ມຂຶ້ນ 7,8% ໃນປີ 2021. |
 | 6 ຂໍ້ສະເໜີແນະ ສຳລັບການຮ່ວມມືລັດຖະສະພາເພື່ອຍົກສູງຄວາມສາມາດໃນການຟື້ນຟູເສດຖະກິດ ຍສໝ - ນີ້ແມ່ນສານປະກາດຂອງຄະນະຜູ້ແທນສະພາແຫ່ງຊາດຫວຽດນາມ ໃນການວາລະເຮັດວຽກເປັນກຸ່ມໃນກອງປະຊຸມກຸ່ມທີ່ປຶກສາຂອງ AIPA (AIPA Caucus) ຄັ້ງທີ 11. |
 | ວິສາຫະກິດອາເມລິກາ ມີຄວາມເອົາໃຈໃສ່ຕໍ່ມາດຕະການຟື້ນຟູພື້ນຖານເສດຖະກິດຂອງຫວຽດນາມ ຍສໝ - ທ່ານຮ່າກິມຫງ້ອກ - ເອກອັກຄະລັດຖະທູດຫວຽດນາມ ປະຈຳສະຫະລັດອາເມລິກາ ປາດຖະໜາວ່າ ບັນດາວິສາຫະກິດອາເມລິກາ ມີຄວາມສາມາດບົ່ມຊ້ອນດ້ານເຕັກໂນໂລຢີ, ວິຊາສະເພາະ ແລະ ທຶນຮອນ ຈະໄດ້ສືບຕໍ່ເລືອກເຟັ້ນ ຫວຽດນາມ ແມ່ນສະຖານທີ່ດຶງດູດ ແລະ ປອດໄພສຳລັບບັນດາການເຄື່ອນໄຫວດຳເນີນທຸລະກິດ. |
ຄຳຮຸ່ງ
