ທ່ານນາຍົກລັດຖະມົນຕີ ໄດ້ໄປຢ້ຽມຢາມ ແລະ ຕິດຕາມເບິ່ງສະພາບຊີວິດການເປັນຢູ່ ຂອງປະຊາຊົນບ້ານວັງຄົດ ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມຢູ່ສູນພັກຊົ່ວຄາວ ຈຸດໂຮງຮຽນປະຖົມບ້ານວັງຄົດ ແລະ ໄປເບິ່ງພື້ນທີ່ບ້ານ ທີ່ຖືກນໍ້າໄຫລຊຸ.
ທ່ານ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ ໄດ້ກ່າວວ່າ: ພວກເຮົາໄດ້ຮ່ວມແຮງຮ່ວມໃຈກັນ ເພື່ອທີ່ຈະລົງໄປຊ່ວຍພໍ່ແມ່ປະຊາຊົນຢູ່ແຂວງພາກກາງ ແລະ ພາກໃຕ້ ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມ ໂດຍສະເພາະແຂງສະຫວັນນະເຂດ ທີ່ໄດ້ຮັບຜົນກະທົບຢ່າງເປັນວົງກວ້າງ.
ປັດຈຸບັນປະຊາຊົນ 8 ເມືອງໃນແຂວງສະຫວັນນະເຂດ ໄດ້ຮັບຜົນກະທົບໝັກຈາກໄພພິບັດນໍ້າຖ້ວມ ຄື: ເຊໂປນ, ເມືອງນອງ, ວິລະບູລີ, ເມືອງພີນ ແລະ 4 ເມືອງຕອນລຸ່ມລຽບຕາມລໍານໍ້າເຊບັ້ງຫຽງ.
ເມື່ອບໍ່ດົນມານີ້, ຢູ່ທີ່ກົມພົວພັນຕ່າງປະເທດລາວ ໄດ້ເປີດກອງປະຊຸມຖ່າຍທອດສົດ ລະຫວ່າງຄະນະວິຊາການດ້ານການ ຊ່ວຍເຫຼືອມະນຸດສະທຳ ແລະ ບັນເທົາທຸກໄພພິບັດຂອງກະຊວງ ປ້ອງກັນປະເທດແຫ່ງ ສປປ.ລາວ ກັບກະຊວງປ້ອງກັນປະເທດຢີ່ປຸ່ນ ເພື່ອຮ່ວມກັນປຶກສາຫາລືກ່ຽວ ກັບແຜນການຮ່ວມມືສອງຝ່າຍ ປະຈຳປີ 2020.
ໃນລະຫວ່າງວັນທີ 11-12 ສິງຫາ 2020 ນີ້ທີ່ກະຊວງແຮງງານ ແລະ ສະຫວັດດີ ກສນສັງຄົມ, ທ່ານ ວິໄລພົງ ສີສົມຫວັງ ຫົວໜ້າກົມສັງຄົມສົງເຄາະ, ບັນດາຈຸດປະສານງານ ຄະນະກຳມະການຄຸ້ມຄອງໄພພິບັດ ປະເທດອາຊຽນ ແລະ ໃນນາມເປັນຫົວໜ້າ ຄະນະຜູ້ແທນຂອງລາວ ໄດ້ເຂົ້າຮ່ວມກອງປະຊຸມທາງໄກ (Video conferencing) ຂອງກອງປະຊຸມ ຄະນະກຳມະການຄຸ້ມຄອງໄພພິບັດອາຊຽນ ຄັ້ງທີ 36 ແລະ ກອງປະຊຸມປິ່ນອ້ອມ, ໂດຍການເປັນປະທານ ຂອງ ທ່ານ Ricardo B.JALAD ຫົວໜ້າກົມ, ຫົວໜ້າຫ້ງການຄະນະ ກຳມະການຄຸ້ມຄອງ ໄພພິບັດແຫ່ງຊາດ ປະເທດຟີລິບປິນ ແລະ ມີບັນດາຈຸດປະສານງານ ຄະນະກຳມະການຄຸ້ມຄອງໄພພິບັດ ປະເທດອາຊຽນ ເຂົ້າຮວ່ມ.
ພິທີລົງນາມບົດບັນທຶກຂໍ້ຕົກລົງ ໂຄງການນຳໃຊ້ລະບົບການຕອບໂຕ້ໄພພິບັດ (DMRS) ເພື່ອເພີ່ມຄວາມສາມາດການຕິດຕາມໄພອັນຕະລາຍ ໃນການເຕືອນໄພພິບັດລ່ວງໜ້າຢູ່ລາວ ຈັດຂຶ້ນວັນທີ 18 ກຸມ ພາ 2020 ຢູ່ກະຊວງແຮງງານ ແລະ ສະຫວັດດີການສັງຄົມ (ຮສສ) ລະຫວ່າງ ທ່ານ ວິໄລພົງ ສີສົມຫວັງ ຫົວໜ້າກົມສັງຄົມສົງເຄາະ ແລະ ທ່ານນາງ Victoria Leat ທີ່ປຶກສາສູນຄຸ້ມຄອງໄພພິບັດ ປະຈຳຂົງເຂດອາຊີ-ປາຊີຟິກ (PCD) ມີທ່ານ ປະເດີມພອນ ສົນທະນີ ຮອງລັດຖະມົນຕີກະຊວງ ຮສສ ທ່ານ Patrick Bowers ຮອງຜູ້ອຳນວຍການອົງການເພື່ອການພັດທະນາສາກົນ ສ ອາເມຣິກາ ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.
ພິທີລົງນາມເອກະສານແລກປ່ຽນໂຄງການຊ່ວຍເຫຼືອລ້າດ້ານອຸປະກອນ ເພື່ອປະກອບໃນວຽກງານກຽມພ້ອມ ໂຕ້ຕອບ ແລະ ຟື້ນຟູຫຼັງໄພພິບັດ ຢູ່ ສປປ ລາວ ຈັດຂຶ້ນວັນທີ 29 ທັນວາ 2019 ຢູ່ກະຊວງການຕ່າງປະເທດ.
ຍສໝ - ວັນທີ 14 ພະຈິກນີ້, ຢູ່ຫ້ອງຮັບແຂກຂອງກົມພົວພັນຕ່າງປະເທດກະຊວງປ້ອງກັນ ປະເທດ, ສະຫາຍ ພົນຕີ ສີດາລໍ່ ຈົ່ງເຕັງເຈ້ຍຊ້າ ຮອງຫົວໜ້າກົມໃຫຍ່ເສນາທິການກອງທັບໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງຄະນະຜູ້ແທນກົມກອບກູ້ໄພພິບັດກອງທັບປະຊາຊົນຫວຽດນາມ.
ທະນາຄານຊາຄອມແບັງສາ ຂາແຂວງສະຫວັນນະເຂດ ໄດ້ ນໍາເອົາເຄື່ອງເພື່ອນຳໄປຊ່ວຍ ເຫຼືອໃຫ້ຜູ້ທີ່ຖືກຜົນກະທົບ ຈາກໄພນໍ້າຖ້ວມຢູ່ທີ່ບ້ານລະ ຫານຳ້ເມືອງສອງຄອນແຂວງ ສະຫວັນນະເຂດໃນນີ້ພິເສດແມ່ນມອບໃຫ້ກັບ ໂຮງຮຽນມັດທະຍົມ, ປະຖົມ ແລະອະນຸບານບ້ານລະຫານຳ້ ທີ່ຖືກອຸທົກອະໄພນຳ້ຖ້ວມ.
ກອງປະຊຸມປຶກສາຫາລືກ່ຽວກັບການປະເມີນການຊ່ວຍເຫຼືອຈາກສາກົນ ເພື່ອຟື້ນຟູໄພພິບັດຢູ່ເມືອງສະໜາມໄຊ ແຂວງອັດຕະປຶ ຈັດຂຶ້ນໃນອາທິດແລ້ວນີ້ ທີ່ ກະຊວງການຕ່າງປະເທດ ເປັນປະທານຂອງທ່ານນາງ ຄຳເພົາ ເອີນທະວັນ ຮອງລັດຖະມົນຕີກະຊວງການຕ່າງປະເທດ ມີຮອງລັດຖະມົນຕີຈາກກະຊວງ ຜູ້ຕາງໜ້າອົງການຈັດຕັ້ງສາກົນ ແລະ ພາກສ່ວນກ່ຽວຂ້ອງເຂົ້າຮ່ວມ.
ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຈັດກອງປະຊຸມສຸກເສີນຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ເພື່ອປືກສາຫາລືການແກ້ໄຂບັນຫາໄພນ້ຳຖ້ວມຢູ່ 6 ແຂວງ ຂຶ້ນວັນທີ 9 ກັນຍາ 2019 ທີ່ກະຊວງ ຮສສ ເປັນປະທານຂອງທ່ານ ຄຳແພງ ໄຊສົມແພງ ລັດຖະມົນຕີກະຊວງ ຮສສ ປະທານຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ມີທ່ານຮອງລັດຖະມົນຕີ ຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ແລະ ພາກສ່ວນກ່ຽວຂ້ອງເຂົ້າຮ່ວມ.
ເນື່ອງຈາກອິດທິພົນຂອງລົມພາຍຸໜູນເຂດຮ້ອນໂພດູ ແລະ ລົມພາຍຸ ກາຈິກີ, ຫົວທີ 4 ມີຈຸດສູນກາງ 15.9 ອົງສາເໜືອ, ເສັ້ນ ແວງ 107.1 ອົງສາ ຕາເວັນ ອອກສືບຕໍ່ຜັດຜ່ານບັນດາແຂວງ ພາກກາງ ແລະ ພາກໃຕ້ ເຮັດໃຫ້ ມີຝົນຕົກໜັກ ແລະ ເກີດນໍ້າຖ້ວມຢູ່ 6 ແຂວງພາກກາງ ແລະ ພາກໃຕ້ເຊັ່ນ: ແຂວງຄຳມ່ວນ, ສະຫວັນນະເຂດ, ຈຳປາສັກ, ສາລະວັນ, ອັດຕະປື ແລະ ແຂວງເຊກອງ, ເຊິ່ງສົ່ງຜົນກະທົບໂດຍກົງຕໍ່ປະ ຊາຊົນໃນ 37 ເມືອງ, 788 ບ້ານ.
ກະຊວງແຮງງານ ແລະ ສະຫວັດດີການສັງຄົມ ໄດ້ຮັບການອະນຸມັດຈາກລັດຖະບານລາວ ແລະ ລັດຖະບານຍີ່ປຸ່ນໃນການຈັດຕັ້ງປະຕິບັດໂຄງການຄັງແຮເຂົ້າຊ່ວຍເຫຼືອຜູ້ປະສົບໄພພິບັດ ປີ 2018 ໃນຂອບເຂດທົ່ວປະເທດ ພາຍໃຕ້ກອງທຶນເພື່ອນຮ່ວມງານ KR1 ໃນວັນທີ 11-14 ສິງຫາ 2019 ນຳໂດຍທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ເພື່ອມອບໃຫ້ປະຊາຊົນຜູ້ປະສົບໄພພິບັດ ແຂວງຫົວພັນ ຊຽງຂວາງ ແລະ ໄຊສົມບູນ ລວມມູນຄ່າ 2 ຕື້ກວ່າກີບ ຕາງໜ້າຮັບໂດຍທ່ານເຈົ້າແຂວງ ແລະ ຮອງເຈົ້າແຂວງ 3 ແຂວງ ແລະ ຄະນະພະແນກແຮງງານ ຮສສ ແຂວງ.
ຕອນເຊົ້າຂອງວັນທີ 9 ສິງຫາ 2019 ນີ້, ຢູ່ທີ່ສວນມິດຕະພາບຫົວພັນ-ກວ້າງນິງ, ຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ ແຂວງຫົວພັນນຳໂດຍ ສະຫາຍ ວົງເພັດ ບຸນມະນີ ເລຂາຄະນະບໍລິຫານງານຊາວໜຸ່ມແຂວງຫົວພັນ ໄດ້ຈັດຕັ້ງພິທີເປີດສູນຮັບບໍລິຈາກເຄື່ອງອຸປະໂພກ, ບໍລິໂພກ ແລະ ເງິນສົດເພື່ອຊ່ວຍເຫຼືອຜູ້ປະສົບໄພພິບັດທາງທຳມະຊາດຈາກພາຍຸວິພາໃນລະຫວ່າງວັນທີ 2 – 5 ສິງຫາຜ່ານມາຢູ່ເມືອງວຽງໄຊແຂວງຫົວພັນ. ເປັນກຽດເຂົ້າຮ່ວມຂອງທ່ານ ຄຳຜິວ ວົງສະຫວັນ ຮອງເລຂາພັກແຂວງ, ປະທານແນວລາວສ້າງຊາດແຂວງຫົວພັນ, ມີບັນດາທ່ານໃນການນຳແຂວງ, ເມືອງວຽງໄຊ, ເມືອງຊຳເໜືອ, ຄະນະບໍລະຫານງານຊາວໜຸ່ມແຂວງ, ເມືອງ, ພະແນກການ, ກົມກອງອ້ອມຂ້າງແຂວງເຂົ້າຮ່ວມນຳ.
ປີ 2019 ກະຊວງແຮງງານ ແລະ ສະຫວັດດີການສັງຄົມ ໄດ້ຮັບການອະນຸມັດຈາກລັດຖະບານລາວ ແລະ ລັດຖະບານຍີ່ປຸ່ນ ໃນການຈັດຕັ້ງປະຕິບັດໂຄງການຄັງແຮເຂົ້າ ຊ່ວຍເຫຼືອຜູ້ປະສົບໄພພິບັດ ພາຍໃຕ້ກອງທຶນເພື່ອນຮ່ວມງານ KR1 ໂດຍໄດ້ແຈກຢາຍໃຫ້ບັນດາເມືອງ ທີ່ໄດ້ຮັບຜົນກະທົບຈາກໄພພິບັດປີ 2018 ໃນຂອບເຂດທົ່ວປະເທດ.
ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ VIII ວັນທີ 24 ມິຖຸນາ 2019 ຢູ່ສະພາແຫ່ງຊາດ (ຫຼັກ 6) ໂດຍເປັນປະທານຂອງທ່ານ ແສງນວນ ໄຊຍະລາດ ຮອງປະທານສະພາແຫ່ງຊາດ ມີທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ພ້ອມດ້ວຍຄະນະປະ ຈຳສະພາແຫ່ງຊາດ ສະມາຊິກສະພາແຫ່ງຊາດ (ສສຊ) ເຂົ້າຮ່ວມ.
ລັດຖະບານຍີ່ປຸ່ນ ໄດ້ຊ່ວຍເຫຼືອມູນຄ່າ 7,6 ລ້ານໂດລາ ເພື່ອຟື້ນຟູຄວາມເສຍຫາຍຈາກໄພພິບັດໃນປີ 2018 ລວມ 4 ໂຄງການ ແລະ ຈະມີ 4 ອົງການຈັດຕັ້ງສາກົນ ເປັນຜູ້ຈັດຕັ້ງປະຕິບັດ.
ໃນການຈັດຕັ້ງປະຕິບັດ ແຜນການລົງທຶນປະຈຳ ປີ 2019 ລັດຖະບານ ແຫ່ງ ສປປ ລາວ ໄດ້ອະນຸມັດງົບປະມານ 500 ຕື້ກີບ ໃນການຟື້ນຟູໄພພິບັດຫລັງນ້ຳຖ້ວມ ໂດຍໄດ້ແບ່ງຈາກງົບປະມານການລົງ ທຶນພາຍໃນປະເທດ, ເຊິ່ງມີບ້ວງລົງທຶນສະເພາະ ຈຳນວນ 850 ຕື້ກີບ.
ກົມອາຊຽນກະຊວງການຕ່າງປະເທດໄດ້ເປັນເຈົ້າພາບຈັດກອງປະຊຸມກາງສະໄໝເວທີພາກພື້ນອາຊຽນ ຄັ້ງທີ 18 ພາຍໃຕ້ຫົວຂໍ້ “ການບັນເທົາທຸກໄພພິບັດ” ໃນອາທິດແລ້ວ.
ພາຍຫລັງກອງປະຊຸມໂຕະມົນ ປີ 2018 ດຳເນີນມາເປັນເວລາ 2 ວັນ ທີ່ນະຄອນຫລວງວຽງຈັນ ແລະ ໄດ້ປິດລົງ ວັນທີ 5 ທັນວາ 2018, ໂດຍການເປັນປະທານຮ່ວມ ຂອງ ທ່ານ ສຸພັນ ແກ້ວມີໄຊ ລັດຖະມົນຕີ ກະຊວງແຜນການ ແລະ ການລົງທຶນ ແລະ ທ່ານ ນາງ ຄາຣິນາ ອິມໂມເນັມ ຜູ້ປະສານງານອົງການ ສະຫະປະຊາຊາດ, ທັງເປັນຜູ້ຕາງໜ້າອົງການ ສະຫະປະຊາຊາດ ເພື່ອການພັດທະນາ ປະຈຳ ສປປລາວ, ໂດຍໄດ້ຮັບກຽດເຂົ້າຮ່ວມຂອງ ທ່ານ ສົມດີ ດວງດີ ຮອງນາຍົກ ລັດຖະມົນຕີ, ລັດຖະມົນຕີກະຊວງການເງິນ ແລະ ທ່ານ ນາງ ວາເລີຣີ ຄລີຟ ຮອງຜູ້ອຳນວຍການ ຮັບຜິດຊອບພາກພື້ນອາຊີ-ປາຊີຟິກ ຂອງອົງການ ສະຫະປະຊາຊາດ ເພື່ອການພັດທະນາ, ທັງເປັນຫົວໜ້າຫ້ອງການ ປະຈຳພາກພື້ນ ປະຈຳຢູ່ບາງກອກ, ພ້ອມດ້ວຍບັນດາທຸຕານຸທູດ, ຜູ້ຕາງໜ້າອົງການ ຈັດຕັ້ງສາກົນ, ຄູ່ຮ່ວມພັດທະນາ ແລະ ພາກສ່ວນກ່ຽວຂ້ອງ ເຂົ້າຮ່ວມ.
