ລັດຖະບານ ລາວ ຊ່ວຍເຫຼືອຜູ້ປະສົບໄພພິບັດຢູ່ 3 ແຂວງ

ສຳ­ລັບ​ເຄື່ອງ​ຊ່ວຍ­ເຫຼືອ​ທີ່​ນຳ­ໄປ​ມອບ​ໃຫ້​ປະ­ຊາ­ຊົນ​ແຂວງ​ຫົວ­ພັນ ປະ­ກອບ​ມີ ເງິນ​ກອງ​ທຶນ ນ້ຳ­ມັນ 50 ລ້ານ​ກີບ ເຂົ້າ­ສານ​ໜຽວ​ຈາກ​ກອງ​ທຶນ​ເພື່ອນ​ຮ່ວມ​ງານ KR1 ຈຳ­ນວນ 97.860 ກິ​ໂລ ມູນ​ຄ່າ 787 ລ້ານ​ກີບ ເຄື່ອງ­ນຸ່ງ​ຫົ່ມ ແລະ ເກີບ ຈາກ ສ ເກົາ­ຫຼີ 100 ແກັດ ມູນ​ຄ່າ 150 ລ້ານ​ກີບ ລວມ​ມູນ​ຄ່າ​ການ​ຊ່ວຍ­ເຫຼືອ​ທັງ​ໝົດ 987 ລ້ານ​ກີບ ແຂວງ​ຊຽງ​ຂວາງ​ໄດ້​ຮັບ​ເງິນ​ກອງ​ທຶນ​ນ້ຳ­ມັນ 50 ລ້ານ​ກີບ ເຂົ້າ­ສານ​ໜຽວ 85.512 ກິ​ໂລ ມູນ​ຄ່າ 688 ລ້ານ​ກີບ ເຄື່ອງ​ອຸ­ປະ­ໂພກ-ບໍ­ລິ­ໂພກ ເຄື່ອງ­ໃຊ້​ຄົວ​ເຮືອນ ມູນ​ຄ່າ 72 ລ້ານ​ກີບ ເຄື່ອງ­ນຸ່ງ​ຫົ່ມ ແລະ ເກີບ 100 ແກັດ ມູນ​ຄ່າ 150 ລ້ານ​ກີບ ລວມ​ມູນ​ຄ່າ 960 ລ້ານ​ກີບ ສ່ວນ​ແຂວງ​ໄຊ​ສົມ­ບູນ ໄດ້​ຮັບ​ເຂົ້າ­ສານ​ໜຽວ 10.572 ກິ​ໂລ ມູນ​ຄ່າ 85 ລ້ານ​ກີບ ເຄື່ອງ­ນຸ່ງ​ຫົ່ມ ແລະ ເກີບ 100 ແກັດ ມູນ​ຄ່າ 150 ລ້ານ​ກີບ ລວມ​ມູນ​ຄ່າ 235 ລ້ານ​ກີບ ສຳ­ລັບ​ເຄື່ອງ​ຊ່ວຍ­ເຫຼືອ​ດັ່ງ­ກ່າວ​ອຳ­ນາດ​ການ​ປົກ­ຄອງ​ແຂວງ ກໍ​ຄື ພາກ­ສ່ວນ​ກ່ຽວ­ຂ້ອງ​ຈະ​ນຳ​ເອົາ​ໄປ​ມອບ​ໃຫ້​ປະ­ຊາ­ຊົນ​ຜູ້​ທີ່​ປະ­ສົບ​ໄພ­ພິ­ບັດ​ຢ່າງ​ທົ່ວ​ເຖິງ ເພື່ອ​ເປັນ​ການ​ບັນ­ເທົາ​ທຸກ.

（ແຫຼ່ງ​ຂໍ້​ມູນ​： www.vientianemai.net）