ທະນາຄານຊາຄອມແບັງສາ ຂາແຂວງສະຫວັນນະເຂດ ໄດ້ ນໍາເອົາເຄື່ອງເພື່ອນຳໄປຊ່ວຍ ເຫຼືອໃຫ້ຜູ້ທີ່ຖືກຜົນກະທົບ ຈາກໄພນໍ້າຖ້ວມຢູ່ທີ່ບ້ານລະ ຫານຳ້ເມືອງສອງຄອນແຂວງ ສະຫວັນນະເຂດ.(ພາບ:ສະຫວັນພັດທະນາຂ່າວ)

ວັນທີ 5 ຕຸ​ລາ 2019 ນີ້, ທະນາຄານຊາຄອມແບັງສາ ຂາແຂວງສະຫວັນນະເຂດ ໄດ້ ນໍາເອົາເຄື່ອງເພື່ອນຳໄປຊ່ວຍ ເຫຼືອໃຫ້ຜູ້ທີ່ຖືກຜົນກະທົບ ຈາກໄພນໍ້າຖ້ວມຢູ່ທີ່ບ້ານລະ ຫານຳ້ເມືອງສອງຄອນແຂວງ ສະຫວັນນະເຂດໃນນີ້ພິເສດແມ່ນມອບໃຫ້ກັບ ໂຮງຮຽນມັດທະຍົມ, ປະຖົມ ແລະອະນຸບານບ້ານລະຫານຳ້ ທີ່ຖືກອຸທົກອະໄພນຳ້ຖ້ວມໃນໄລຍະຜ່ານມາເຊິ່ງນີ້ກໍ່ແມ່ນເປັນສ່ວນໜຶ່ງໃນການຊ່ວຍເຫຼືອຟື້ນຟູ ແລະເພື່ອເປັນການສົ່ງເສີມການສຶກສາໃຫ້ກັບບັນດາໂຮງຮຽນພາຍໃນບ້ານດັ່ງກ່າວໃຫ້ມີການຮຽນການສອນທີ່ສະດວຍສະບາຍຂຶ້ນ ໂດຍເຄື່ອງທີ່ທະນາຄານຊາຄອມແບັງສາຂາແຂວງສະຫວັນນະເຂດ ນຳມາມອບໃນຄັ້ງນີ້ປະກອບມີ: ອຸປະກອນການຮຽນ, ອຸປະກອນກິລາ ແລະອຸປະກອນອານາໄມ, ເຄື່ອງຫຼິ້ນພັດທະນາເດັກ ແລະປຶ້ນນິທານໃຫ້ໂຮງຮຽນມັດທະຍົມ, ປະຖົມ ແລະອະນຸບານບ້ານລະຫານຳ້ ຊຶ່ງມອບໂດຍ ທ່ານ ຫງຽນ ເຄື່ອງກວັກ ຜູ້ຈັດການທະນາຄານຊາຄອມແບັງ ສາຂາແຂວງສະຫວັນນະເຂດ, ທ່ານ ຫວູ ແອັງ ຢຸງ ຫົວໜ້າກົງສູນໃຫຍ່ ສສ ຫວຽດນາມ ປະຈຳແຂວງສະຫວັນນະເຂດ ພ້ອມດ້ວຍພັນລະຍາ, ແລະບັນດາພະນັກງານພາຍໃນທະນາຄານພ້ອມກັນນຳເອົາເຄື່ອງລົງໄປຊ່ວຍເຫຼືອກ່າວຄຳຮັບໂດຍ ທ່ານ ສີສົມພູ ເພິງສົມພານ ຫົວໜ້າການສຶກສາທິການ ແລະກິລາເມືອງສອງຄອນ ແລະຄະນະອຳນວຍການຂອງແຕ່ລະໂຮງຮຽນ./.

（ແຫຼ່ງ​ຂໍ້​ມູນ​： ສະຫວັນພັດທະນາ ຂ່າວ）