 |
ມອບເຄື່ອງຊ່ວຍເຫຼືອໃຫ້ຜູ້ປະສົບໄພພິບັດ 4 ແຂວງພາກເໜືອ
ວັນທີ 11 ກໍລະກົດ 2019 ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ນຳເຄື່ອງອຸປະໂພກ-ບໍລິໂພກໄປມອບໃຫ້ປະຊົນ ທີ່ໄດ້ຮັບຜົນກະທົບຈາກໄພພິບັດໃນປີຜ່ານມາ ຢູ່ແຂວງບໍ່ແກ້ວ ອຸດົມໄຊ ຫຼວງນ້ຳທາ ແລະ ແຂວງຫຼວງພະບາງ ເຊິ່ງເຄື່ອງທີ່ນຳມາມອບຄັ້ງນີ້ ປະກອບມີເຂົ້າສານ ເຄື່ອງນຸ່ງຫົ່ມ ແລະ ເກີບ ໃນນີ້ ແຂວງບໍ່ແກ້ວໄດ້ຮັບເຂົ້າສານ (ເຂົ້າໜຽວ) 60.744 ກິໂລ ເຄື່ອງນຸ່ງຫົ່ມ ແລະ ເກີບ 127 ແກັດ ມູນຄ່າ 679 ລ້ານກີບ ອຸດົມໄຊ ເຂົ້າສານ 154.536 ກິໂລ ເຄື່ອງນຸ່ງຫົ່ມ ແລະ ເກີບ 128 ແກັດ ມູນຄ່າ 1,43 ຕື້ກີບ ຫຼວງນ້ຳທາ ເຂົ້າສານ 76.824 ກິໂລ ເຄື່ອງນຸ່ງຫົ່ມ ແລະ ເກີບ 127 ແກັດ ມູນຄ່າ 808 ລ້ານກີບ ແລະ ແຂວງຫຼວງພະບາງ ໄດ້ຮັບເຂົ້າສານ 11.356 ກິໂລ ເຄື່ອງນຸ່ງຫົ່ມ ແລະ ເກີບ 128 ແກັດ ມູນຄ່າ 1,09 ຕື້ກີບ ສຳລັບເຂົ້າສານແມ່ນໄດ້ມາຈາກກອງທຶນເພື່ອນຮ່ວມງານ KR1 ສ່ວນເຄື່ອງນຸ່ງຫົ່ມ ແລະ ເກີບໄດ້ມາຈາກການຊ່ວຍເຫຼືອຂອງ ສ ເກົາຫຼີ.
（ແຫຼ່ງຂໍ້ມູນ： vientianemai.net）
