ຍສໝ - ວັນທີ 27 ກັນຍາ, ກຳມະການສູນກາງພັກ, ຮອງເລຂາຄະນະພັກ, ປະທານຄະນະກຳມະການປະຊາຊົນນະຄອນຮ່າໂນ້ຍ ຫງວຽນດຶກຈຸງ ໄດ້ໃຫ້ການຕ້ອນຮັບທ່ານ ທອງສະຫວັນ ພົມວິຫານ, ເອກອັກຄະລັດຖະທູດ ລາວປະຈຳ ຫວຽດນາມ ເນື່ອງໃນໂອກາດທ່ານ ທອງສະຫວັນ ພົມວິຫານ ຝາກຄຳລາກ່ອນ ໃນຕອນສິ້ນສຸດອາຍຸປະຈຳການເຮັດວຽກ.
ຍສໝ - ໃນຂອບເຂດການຢ້ຽມຢາມ ສປປ.ລາວ ຂອງ ປະທານສະພາແຫ່ງຊາດຫວຽດນາມ ທ່ານນາງ ຫງວຽນທິກິມເງິນ ແລະ ຄະນະຜູ້ແທນຂັ້ນສູງສະພາແຫ່ງຊາດຫວຽດນາມ, ໃນຕອນບ່າຍວັນທີ 27 ກັນຍາ, ທີ່ນະຄອນຫຼວງວຽງຈັນ ໄດ້ຈັດພິທີມອບຫຼຽນກາ, ຫຼຽນໄຊອິດສະຫຼະຊັ້ນໜຶ່ງ, ຊັ້ນສອງ ແລະ ຊັ້ນສາມ; ຫຼຽນໄຊມິດຕະພາບ ຂອງລັດຖະບານຫວຽດນາມ ໃຫ້ແກ່ນັກສະສົມແລະບຸກຄົນຂອງສະພາແຫ່ງຊາດລາວ.
ຍສໝ - ຕອນເຊົ້າວັນທີ 26 ກັນຍາ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ແລະ ຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໄດ້ມາຮອດນະຄອນຫຼວງວຽງຈັນ, ເລີ່ມຕົ້ນການຢ້ຽມຢາມ ສປປ.ລາວ ຕາມຄຳເຊີນຂອງປະທານສະພາແຫ່ງຊາດລາວ ທ່ານນາງ ປານີ ຢາທໍ່ຕູ້.
ວັນທີ 25 ກັນຍາ 2019 ຢູ່ທະນາຄານພັດທະນາອາຊີ (ADB) ປະຈຳລາວ ຈັດກອງປະຊຸມເຜີຍແຜ່ບົດລາຍງານການຄາດຄະເນການພັດທະນາໃນອາຊີ ປະຈຳປີ 2019 ມີທ່ານ ລັດຕະນະໄຕ ຫຼວງລາດບັນດິດ ຊ່ຽວຊານດ້ານການປົກຄອງບໍລິຫານຂອງ ADB ປະຈຳລາວ ພ້ອມດ້ວຍຜູ້ຕາງໜ້າຈາກຂະແໜງການທີ່ກ່ຽວຂ້ອງເຂົ້າຮ່ວມ.
ວັນທີ 25 ກັນຍາ 2019 ໜັງສືພິມຜູ້ແທນປະຊາຊົນ ລາວ-ຫວຽດນາມ ຈັດສຳມະນາວິຊາການສື່ມວນຊົນ ພາຍໃຕ້ຫົວຂໍ້ ການຄຸ້ມຄອງ ການໂຄສະນາ ການຕ້ານ ແລະ ສະກັດກັ້ນຂ່າວບໍ່ມີມູນຄວາມຈິງ ຂອງສື່ສັງຄົມອອນລາຍ ຂຶ້ນທີ່ສະພາແຫ່ງຊາດ (ຫຼັກ 6) ນະຄອນຫຼວງວຽງຈັນ ເປັນປະທານຂອງທ່ານ ສຸບັນ ສະວະບຸດ ຮອງເລຂາທິການສະພາແຫ່ງຊາດ ທ່ານ ໂດຈີເຫງັຍ ຫົວໜ້າບັນນາທິການໃຫຍ່ ໜັງສືພິມຜູ້ແທນປະຊາຊົນສະພາແຫ່ງຊາດຫວຽດນາມ ມີບັນດາກົມ ຮອງກົມ ສະຖາບັນ ບັນນາທິ ການ ແລະ ສື່ມວນຊົນພາກລັດ ຈາກສະພາແຫ່ງຊາດ ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ກໍຄື ອ້ອມຂ້າງສູນກາງ ແລະ ນະຄອນຫຼວງວຽງຈັນເຂົ້າຮ່ວມ.
ໃນຂອບເຂດການໄປຢ້ຽມຢາມ ແລະ ເຮັດວຽກຢູ່ ລາວໃນລະຫວ່າງວັນທີ 26 – 29 ກັນຍາ, ທ່ານນາງ ຫງວຽນທິກິມເງິນ ປະທານສະພາແຫ່ງຊາດ ຫວຽດນາມ ແລະ ຄະນະຜູ້ແທນສະພາແຫ່ງຊາດ ຫວຽດນາມ ໄດ້ໄປຢ້ຽມຢາມຫໍສະພາແຫ່ງຊາດລາວຫຼັງໃໝ່, ເຊິ່ງເປັນຂອງຂວັນຈາກພັກ, ລັດ, ລັດຖະບານ ແລະ ປະຊາຊົນ ຫວຽດນາມມອບໃຫ້ ພັກ, ລັດ, ລັດຖະບານ ແລະ ປະຊາຊົນ ລາວ.
ຍສໝ - ປະທານສະຫະພັນອົງການມິດຕະພາບຫວຽດນາມ (VUFO) ຫງວຽ໋ນ ເຟືອງ ງາ ໄດ້ເນັ້ນໜັກວ່າ, ການມອບຫຼຽນກາ “ສັນຕິພາບ, ມິດຕະພາບ ລະຫວ່າງປະຊາຊົນບັນດາເຜົ່າ” ແມ່ນເປັນການສັນລະເສີນການປະກອບສ່ວນຢ່າງບໍ່ຮູ້ອິດຮູ້ເມື່ອຍຂອງທ່ານເອກອັກຄະລັດຖະທູດໃນວຽງງານການຊຸກຍູ້ສາຍພົວພັນ ມິດຕະພາບແບບພິເສດຫວຽດນາມ - ລາວ ເກືອບ 4 ປີ ຂອງການດຳລົງຕຳແໜ່ງຂອງຕົນ.
ຍສໝ - ຕອນເຊົ້າວັນທີ 25 ກັນຍາ, ສະມາຄົມມິດຕະພາບຫວຽດນາມ - ລາວແຂວງແທງຮວາໄດ້ຈັດຕັ້ງກອງປະຊຸມເບື້ອງຕົ້ນໃນ 9 ເດືອນຕົ້ນປີແລະປະຕິບັດແຜນການສະມາຄົມມິດຕະພາບຫວຽດນາມ - ລາວຄັ້ງທີ 3 ຢູ່ແຂວງແທງຮວາ, ໄລຍະ 2020 -2025.
ຍສໝ - ວັນທີ 24 ເດືອນກັນຍາ, ລັດຖະມົນຕີກະຊວງຍຸຕິທຳ ຫງວຽນແຂ່ງຫງອກ ໄດ້ມີການຕ້ອນຮັບຄະນະພະນັກງານກະຊວງຍຸຕິທຳ ແຫ່ງ ສປປ.ລາວ ໂດຍທ່ານ ອິນທະພັນຍາ ຄຽວວົງພະຈັນ ຫົວໜ້າກົມ ກົມກົດໝາຍລາວ ໄດ້ນຳໜ້າມາຢ້ຽມຢາມ ແລະ ເຮັດວຽກຢູ່ຫວຽດນາມ ແຕ່ວັນທີ 23 - 27 ເດືອນກັນຍາ ປີ 2019
ຍສໝ - ຕອນບ່າຍວັນທີ 23 ກັນຍາ, ທີ່ສຳນັກງານໃຫຍ່ຂອງກະຊວງອຸດສາຫະກຳ ແລະ ການຄ້າ, ໂດຍການເຮັດວຽກກັບຄະນະຜູ້ແທນກະຊວງພະລັງງານ ແລະ ບໍ່ແຮ່ຂອງລາວ ນຳໜ້າໂດຍທ່ານລັດຖະມົນຕີ ຄຳມະນີ ອິນທິລາດ, ທ່ານລັດຖະມົນຕີ ເຈີ່ນຕ໋ວນແອງ ໄດ້ເນັ້ນໜັກ ວ່າ: ກະຊວງ ອຸດສາຫະກຳ ແລະ ການຄ້າຫວຽດນາມ ຈະສືບຕໍ່ຮ່ວມມືຢ່າງແໜ້ນແຟ້ນກັບກະຊວງພະລັງງານ ແລະ ບໍ່ແຮ່ລາວ ເພື່ອສົ່ງເສີມການຮ່ວມມືໃນຂົງເຂດພະລັງງານເວົ້າລວມ ແລະ ພະລັງງານໄຟຟ້າເວົ້າສະເພາະ
ຍສໝ - ໃນຕອນເຊົ້າຂອງວັນທີ 23 ກັນຍານີ້, ຊຸດຝຶກອົບຮົມວຽກງານການຕ່າງປະເທດປ້ອງກັນຊາດ ໃຫ້ແກ່ພະນັກງານກອງທັບປະຊາຊົນລາວ ໄດ້ເປີດຂື້ນຢູ່ທີ່ ກອງ 871 (ກົມໃຫຍ່ການເມືອງ).
ເມື່ອບໍ່ດົນມານີ້, ທີ່ນະຄອນຫລວງວຽງຈັນ ໄດ້ມີກອງປະຊຸມຄະນະກຳມະການ ຮັບຜິດ ຊອບຊຸກຍູ້ການເຈລະຈາ ເພື່ອນຳສະເໜີຄວາມຄືບໜ້າ ກ່ຽວກັບວຽກງານ ການສະກັດກັ້ນການ ຂຸດຄົ້ນໄມ້ທີ່ຜິດກົດໝາຍ ແລະ ສົ່ງເສີມການຄ້າ ຜະລິດຕະພັນໄມ້ ທີ່ຖືກຕ້ອງຕາມກົດໝາຍ, ໂດຍມີຜູ້ເຂົ້າຮ່ວມຈາກພາກສ່ວນທີ່ກ່ຽວຂ້ອງ ຈາກບັນດາກະຊວງທີ່ກ່ຽວຂ້ອງ, ອົງການຈັດຕັ້ງທາງສັງຄົມ ແລະ ພາກເອກະຊົນ ເພື່ອທົບທວນຄວາມຄືບໜ້າ ແລະ ແຜນວຽກ ຫລັງຈາກກອງ ປະຊຸມເຈລະຈາ ຊ່ອງໜ້າ ຄັ້ງທີ 3 ກ່ຽວກັບຂໍ້ຕົກລົງ ການເຂົ້າເປັນຄູ່ຮ່ວມສັນຍາ ການຄ້າແບບສະໝັກໃຈ (VPA) ພາຍໃຕ້ ແຜນງານການຈັດຕັ້ງ ປະຕິບັດກົດໝາຍປ່າໄມ້, ການຄຸ້ມຄອງ ແລະ ການຄ້າໄມ້ (FLEGT) ລະຫວ່າງ ລາວ ແລະ ສະຫະພາບເອີຣົບ ທີ່ໄດ້ຈັດຂຶ້ນ ຢູ່ປະເທດ ແບນຊິກ ໃນເດືອນມິຖຸນາ 2019.
ຍສໝ - ໃນຕອນແລງວັນທີ 23 ເດືອນກັນຍາ, ທີ່ສຳນັກງານກະຊວງປ້ອງກັນປະເທດ, ທ່ານ ພົນໂທ ເຈີາເດີນ, ກຳມະການສູນກາງພັກ, ກຳມະການປະຈຳຄະນະພັກກອງທັບສູນກາງ, ຮອງ ລັດຖະມົນຕີ ກະຊວງປ້ອງກັນປະເທດ ໄດ້ຕ້ອນຮັບ ທ່ານ ພົນໂທ ວົງຄຳ ຜົມມະກອນ, ຫົວໜ້າ ກົມໃຫຍ່ພະລາທິການ ກອງທັບປະຊາຊົນລາວ ເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ວຽດນາມ.
ຕອນບ່າຍວັນທີ 23 ກັນຍາ ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ເປັນປະທານກອງປະຊຸມກັບການນໍາບັນດາກະຊວງ, ຂະແໜງການ, ບັນດາກຸ່ມບໍລິສັດ ເພື່ອຕີລາຄາໝາກຜົນຂອງການປະຕິບັດບັນດາສັນຍາ, ຂໍ້ຕົກລົງຂັ້ນສູງ ຫວຽດນາມ - ລາວ, ຫວຽດນາມ - ກໍາປູເຈຍ.
ສຳເລັດໄປດ້ວຍດີການຄັດເລືອກ Miss World Laos 2019 ຫົວຂໍ້ “ງາມຢ່າງມີຄຸນຄ່າ ສູ່ສາຍຕາທີ່ສຳຜັດໄດ້” ຂອງເວທີຄົ້ນຫາສາວງາມທີ່ຈະເປັນຕົວແທນແມ່ຍິງລາວ ໄປເຜີຍແຜ່ວັດທະນະທຳ ຄວາມຮູ້-ຄວາມສາມາດ ແລະ ເຂົ້າຄັດເລືອກໃນເວທີ Miss World 2019 ຢູ່ລອນດອນ ປະເທດອັງກິດ ໂດຍຜູ້ຄວ້າຕຳແໜ່ງ ປະຈຳປີ 2019 ແມ່ນໝາຍເລກ 1 ນາງ ເນລະມິດ ໄຊປັນຍາ ໄດ້ຮັບມຸງກຸດມູນຄ່າ 150 ລ້ານກີບ ແລະ ເງິນລາງວັນ 30 ລ້ານກີບ.
ຍສໝ - ວັນທີ 19 - 20 ເດືອນກັນຍາ,ຄະນະປະຕິບັດງານ ແຂວງບິງດິຶ້ງ ໄດ້ມີການເຮັດວຽກກັບຜູ້ນຳຂອງບັນດາ ແຂວງພາກກາງ ແລະ ພາກໃຕ້ຂອງ ແຫ່ງ ສປປ.ລາວ ທີ່ປະສົບໄພທຳມະຊາດ.
ຍສໝ - ແຕ່ວັນທີ 17 ຮອດ 20 ເດືອນກັນຍາ, ທິ່ແຂວງສາລະວັນ (ລາວ), ຄະນະປະຕິບັດງານ ຂອງສະພາກາແດງ ແຂວງເທຶ່ອທຽນ-ເຫ໋ວ ໄດ້ຈັດຕັ້ງຫ້ອງເຝິກອົບຮົມ ປິ່ນປົວໃນເບື້ອງຕົ້ນ ໃຫ້ພະນັກງານ ສະພາກາແດງ ແຂວງສາລະວັນ ບ້ານສາລະວັນ (ລາວ).
ຍສໝ - ເມື່ອບໍ່ດົນມານີ້, ທີ່ຫ້ອງສະພາແຫ່ງຊາດ, ສະຫາຍ ເຈິນວັນຕູ໋ວ - ກຳມະການສູນກາງພັກ, ຫົວໜ້າ ຄະນະວຽກງານຜູ້ຕາງໜ້າ, ປະທານຄະນະການມິດຕະພາບຫວຽດນາມ - ລາວ ໄດ້ຕ້ອນຮັບ ທ່ານ ທອງສະຫວັນ ພົມວິຫັນ - ເອກອັກຄະລັດຖະທູດ ຜູ້ມີອຳນາດເຕັມ ແຫ່ງ ສປປ ລາວ ປະຈຳຫວຽດນາມ ມາສັ່ງລາກ່ອນເວລາສຳເລັດວາລະປະຕິບັດງານ.
ຍສໝ - ຕອນບ່າຍວັນທີ 19 ກັນຍານີ້, ທີ່ສຳນັກງານໃຫຍ່ກະຊວງການຕ່າງປະເທດ, ທ່ານຟ້າມບິ່ງມິງ, ກຳມະການກົມການເມືອງ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ໄດ້ຕາງໜ້າໃຫ້ບັນດາການນຳພັກ ແລະ ລັດຖະບານ ຫວຽດນາມ ໄດ້ມອບຫຼຽນໄຊແຮງງານຊັ້ນໜຶ່ງ ຂອງທ່ານປະທານປະເທດ ສາທາລະນະລັດສັງຄົມນິຍົມ ຫວຽດນາມ ໃຫ້ທ່ານເອກອັກຄະລັດຖະທູດລາວປະຈຳ ຫວຽດນາມ ທ່ານ ທອງສະຫວັນ ພົມວິຫານ, ໃນໂອກາດໃກ້ຈະສິ້ນສຸດອາຍຸປະຈຳການ ແລະ ຈະກັບຄືນປະເທດ ລາວ.
ໃນວັນທີ 19 ກັນຍາ 2019, ທີ່ ກະຊວງການຕ່າງປະເທດ ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງ ການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບ ການເຂົ້າຢ້ຽມ ອຳລາຂອງ ທ່ານ ກຽດຕິຄຸນ ຊາດປຣະເສີດ ເອກອັກຄະຣາຊະທູດ ແຫ່ງ ຣາຊະອານາຈັກໄທ ປະຈຳ ສປປ ລາວ, ໃນໂອກາດທີ່ສຳເລັດໜ້າທີ່ການທູດ ຢູ່ ສປປ ລາວ.