ໃນການຢ້ຽມຢາມຄັ້ງນີ້, ປະທານສະພາແຫ່ງຊາດຂອງສອງປະເທດ ໄດ້ເປັນປະທານຮ່ວມກອງປະຊຸມ ສຳມະນາໃນ 2 ຫົວຂໍ້: ນະໂຍບາຍກົດໝາຍ ກ່ຽວກັບການສຶກສາວິຊາອາຊີບ ແລະ ການແກ້ໄຂວຽກເຮັດງານທຳ; ການປະສານງານໃນການແກ້ໄຂຄຳຮ້ອງທຸກ ແລະ ຄຳກ່າວປະນາມຂອງພົນລະເມືອງລະຫວ່າງອົງການສະພາແຫ່ງຊາດ ແລະ ບັນດາກະຊວງ, ສາຂາທີ່ກ່ຽວຂ້ອງ. ທ່ານນາງປະທານສະພາແຫ່ງຊາດ ຫງວຽນທິກິມເງິນ ຫວັງວ່າບັນດາປະສົບການຂອງຫວຽດນາມ ແລະ ລາວ ສາມາດເປັນສ້າງຜົນປະໂຫຍດ ໃຫ້ແກ່ການເຄື່ອນໄຫວຂອງສະພາແຫ່ງຊາດສອງປະເທດ.
 |
ທັດສະນີຍະພາບຂອງກອງປະຊຸມ. (ພາບ: quochoi.vn)
ເວົ້າເຖິງການຮ່ວມມືລະຫວ່າງສອງປະເທດ, ປະທານສະພາແຫ່ງຊາດສອງປະເທດມີຄວາມຍິນດີທີ່ເຫັນວ່າ ການພົວພັນຫວຽດນາມ - ລາວພວມພັດທະນານັບມື້ນັບເລິກເຊິ່ງ ແລະ ນຳມາເຊິ່ງໝາກຜົນທີ່ແທດຈິງ. ບັນດາຜູ້ນຳລະດັບສູງຂອງສອງປະເທດ ຈະມີການແລກປ່ຽນ, ພົບປະ ແລະ ຢ້ຽມຢາມເພື່ອແລກປ່ຽນມາດຕະການຕ່າງໆ ທີ່ຊຸກຍູ້ການຮ່ວມມືສອງຝ່າຍ.
ປະທານສະພາແຫ່ງຊາດ ທ່ານນາງ ຫງວຽນທິກິມເງິນ ຫວັງວ່າ ປະທານສະພາແຫ່ງຊາດລາວ ທ່ານນາງ ປານີ ຢາທໍ່ຕູ້ ຈະສືບຕໍ່ເອົາໃຈໃສ່ ແລະ ຊີ້ນຳບັນດາກະຊວງ, ສາຂາ ແລະ ທ້ອງຖິ່ນຂອງລາວທີ່ກ່ຽວຂ້ອງ ສົມທົບກັນຢ່າງແໜ້ນແຟ້ນກັບບັນດາຝ່າຍຂອງຫວຽດນາມເພື່ອປະຕິບັດໃຫ້ດີ ບັນດາຂໍ້ຕົກລົງ ລະຫວ່າງສອງປະເທດ.
ປະທານສະພາແຫ່ງຊາດລາວ ທ່ານນາງ ປານີ ຢາທໍ່ຕູ້ ກ່າວວ່າ ໃນໄລຍະຈະມາເຖິງ, ສອງປະເທດຕ້ອງສືບຕໍ່ເພີ່ມເຕີມຂໍ້ຕົກລົງຫຼາຍສະບັບເພື່ອສ້າງເງື່ອນໄຂດ້ານກົດໝາຍ ທີ່ສະດວກໃຫ້ແກ່ການຮ່ວມມືໃນບັນດາຂົງເຂດ ສຳຄັນຄື: ການຂົນສົ່ງ, ໂທລະຄົມມະນາຄົມ, ລາຄາຊື້ຂາຍໄຟຟ້າ, ການຄ້າ, ບາງໂຄງການລົງທືນຂອງຫວຽດນາມຢູ່ລາວ… ທ່ານນາງ ປານີ ຢາທໍ່ຕູ້ ຕີລາຄາສູງຮູບແບບການຢ້ຽມຢາມ ແລະ ດຳເນີນງານແລກປ່ຽນປະສົບການ ລະຫວ່າງບັນດາອົງການຂອງສະພາແຫ່ງຊາດ ແລະ ສະພາປະຊາຊົນຂອງບາງທ້ອງຖິ່ນສອງປະເທດ; ທ່ານນາງປະທານສະພາແຫ່ງຊາດລາວ ກໍ່ໃຫ້ຮູ້ວ່າສອງຝ່າຍຄວນຊຸກຍູ້ເພີ່ມເຕີມ ແລກປ່ຽນປະສົບການ, ຈັດຕັ້ງການປະຕິບັດວຽກງານ ເພື່ອໃຫ້ສະພາປະຊາຊົນຂອງສອງຝ່າຍສາມາດປະຕິບັດງານໄດ້ຢ່າງມີປະສິດທິຜົນສູງຂື້ນ.
ປະຈຸບັນ, ສະພາແຫ່ງຊາດຫວຽດນາມ ແລະ ສະພາແຫ່ງຊາດລາວ ກຳລັງປະສານງານ ແລະ ປະຕິບັດສັນຍາການຮ່ວມມືທີ່ໄດ້ເຊັນກັນໃນເດືອນມີນາ 2017 ຢ່າງດີ. ສອງຝ່າຍມີການພົວພັນຮ່ວມມືຢ່າງແໜ້ນແຟ້ນ ແລະ ມີປະສິດທິຜົນດ້ານທັງສອງຝ່າຍ ແລະ ຫຼາຍຝ່າຍ.
 |
ທ່ານນາງ ປານີ ຢາທໍ່ຕູ້ ໄດ້ຢືນຢັນແລະເນັ້ນ ໜັກ ເຖິງສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີພິເສດແລະການຮ່ວມມືຮອບດ້ານລະຫວ່າງຫວຽດນາມ ແລະ ລາວ. (ພາບ: quochoi.vn)
ປຶກສາຫາລືກ່ຽວກັບສະພາບການຢູ່ທະເລຕາເວັນອອກ, ທ່ານນາງປະທານສະພາແຫ່ງຊາດ ສອງຝ່າຍໄດ້ເຫັນດີເປັນເອກະພາບກ່ຽວກັບທັດສະນະວ່າ ຕ້ອງປົກປັກຮັກສາ ສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ເຂດທະເລຕາເວັນອອກ; ແກ້ໄຂບັນຫາການຂັດແຍ້ງຢູ່ທະເລຕາເວັນອອກຢ່າງສະເໝີຕົ້ນສະເໝີປາຍໂດຍສັນຕິມາດຕະການ, ສອດຄ່ອງກັບກົດໝາຍສາກົນ, ສົນທິສັນຍາສາກົນວ່າດ້ວຍກົດໝາຍທະເລ ປີ 1982; ປະຕິບັດຢ່າງເຕັມສ່ວນ ແລະ ມີປະສິດທິຜົນ “ຖະແຫຼງການວ່າດ້ວຍການປະພຶດຂອງບັນດາຝ່າຍໃນທະເລຕາເວັນອອກ”; ພ້ອມກັນກັບບັນດາປະເທດອາຊຽນ ຊຸກຍູ້ຂະບວນການສ້າງ “ກົດຂໍ້ບັງຄັບແຫ່ງການປະພຶດຂອງບັນດາຝ່າຍໃນທະເລຕາເວັນອອກ” (COC) ເພື່ອຜົນປະໂຫຍດຂອງທັງພາກພື້ນອາຊຽນ ແລະ ເພື່ອສັນຕິພາບ; ໝັ້ນຄົງໃນໂລກ.
ກ່ຽວກັບກິດຈະກຳອາຄານສະພາແຫ່ງຊາດລາວ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ສະເໜີວ່າ, ສອງຝ່າຍຄວນສືບຕໍ່ຕິດຕາມກວດກາຢ່າງໃກ້ຊິດ ການປະຕິບັດໂຄງການສະພາແຫ່ງຊາດລາວ ຖືເປັນຂອງຂວັນມອບໃຫ້ພັກ, ລັດ ແລະ ປະຊາຊົນລາວ; ໄດ້ຮັບປະກັນລະດັບຄວາມຄືບໜ້າ ຂອງການກໍ່ສ້າງ, ຮັບປະກັນຄຸນນະພາບແມ່ນການກໍ່ສ້າງທີ່ທັນສະໄໝ ມີເອກະລັກວັດທະນະທຳ ຂອງຊາດ ແລະ ໄດ້ຮັບຄວາມເຫັນດີເຫັນພ້ອມສູງຈາກປະຊາຊົນລາວ, ສົມເປັນແມ່ນສັນຍາລັກແຫ່ງມິດຕະພາບທີ່ເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານຫວຽດນາມ - ລາວ.
（ຄຳຮຸ່ງ）
