 |
| ພໍ່ແມ່ປະຊາຊົນຫວຽດນາມ ອາໄສຢູ່ກຳປູເຈຍ ມາຮັບຂອງຂວັນ |
ຫວ່າງແລ້ວນີ້, ຢູ່ສຳນັກງານກົງສູນໃຫຍ່ ຫວຽດນາມ ປະຈຳແຂວງ Preah Sihanouk, ສະຖານກົງສູນໃຫຍ່ໄດ້ສົມທົບກັບຄະນະບໍລິຫານງານສະມາຄົມ ຂະແມ - ຫວຽດນາມ ແຂວງ ໄດ້ຈັດຕັ້ງການແຈກຢາຍຂອງຂວັນ 343 ພູດໃຫ້ແກ່ບັນດາຄອບຄົວ ທີ່ປະສົບກັບຄວາມຫຍຸ້ງຍາກຢູ່ແຂວງ Preah Sihanouk.
ຂອງຂວັນແຕ່ລະພູດມີມູນຄ່າ 15 USD ລວມມີ ເຂົ້າສານ, ໝີ່ສຳເລັດຮູບ ແລະ ບັນດາເຄື່ອງບັນເທົາທຸກທີ່ຈຳເປັນ ໄດ້ສົ່ງໄປຍັງ 400 ຄອບຄົວ ຊາວຫວຽດນາມ (ໃນນັ້ນມີຊາວຫວຽດນາມ ທີ່ດຳລົງຊີວິດຢູ່ກຳປູເຈຍ ແລະ ບັນດາກຳມະກອນຊາວຫວຽດນາມ ໄປອອກແຮງງານຢູ່ກຳປູເຈຍ) ແລະ ຊາວກຳປູເຈຍ 30 ຄອບຄົວໃນບໍລິເວນແຂວງ.
ທ່ານເຈິ່ນວັນນາມ, ປະທານສະມາຄົມຂະແມ ຫວຽດນາມ ແຂວງ Preah Sihanouk ໃຫ້ຮູ້ວ່າ, ເພື່ອສະກັດກັ້ນການແຜ່ລາມຂອງໂລກລະບາດໂຄວິດ - 19, ໃນໄລຍະເວລາກ່ວາ 1 ເດືອນມານີ້, ອຳນາດການປົກຄອງທ້ອງຖິ່ນ ໄດ້ນຳໃຊ້ບັນດາມາດຕະການປິດນະຄອນ Preah Sihanouk ຊຶ່ງເຮັດໃຫ້ຊີວິດການເປັນຢູ່ຂອງປະຊາຄົມຢູ່ທີ່ນີ້ ຍິ່ງປະສົບກັບຄວາມຫຍຸ້ງຍາກຫຼາຍກ່ວາອີກ ຍ້ອນບໍ່ສາມາດເດີນທາງໄປມາ, ທຳມາຫາກິນໄດ້.
 |
| ສະຖານກົງສູນໃຫຍ່ ຫວຽດນາມ ມອບຂອງຂວັນໃຫ້ແກ່ປະຊາຊົນຊາວຫວຽດນາມ |
ໃນໂອກາດນີ້, ທ່ານນາມກໍ່ເປັນຕາງໜ້າປະຊາຄົມຊາວຫວຽດນາມ ອາໄສຢູ່ແຂວງ Preah Sihanouk ສະແດງຄວາມຂອບອົກຂອບໃຈຕໍ່ພັກ, ລັດ. ສະຖານກົງສູນໃຫຍ່ ຫວຽດນາມ ຢູ່ແຂວງ Preah Sihanouk ແລະ ບັນດາຜູ້ໃຈບູນໃຈກູ້ສົນພາຍໃນ ແລະ ນອກແຂວງຍາມໃດກໍ່ເອົາໃຈໃສ່, ສະຫງວນການຊ່ວຍເຫຼືອອັນລ້ຳຄ່າໃຫ້ແກ່ພໍ່ແມ່ປະຊາຊົນຊາວຫວຽດນາມຢູ່ທີ່ນີ້.
ທ່ານແບ່ງປັນວ່າ: “ການເຄື່ອນໄຫວມະນຸດສະທຳນີ້ ຈະຊ່ວຍໃຫ້ພໍ່ແມ່ປະຊາຊົນມີສະບຽງອາຫານຕື່ມອີກ ເພື່ອຕ້ານຄວາມອຶດຫິວ ແລະ ຄ່ອຍໆນຳຊີວິດການເປັນຢູ່ກັບຄືນສູ່ສະພາບທີ່ເປັນປົກກະຕິ. ຜ່ານການເຄື່ອນໄຫວນີ້, ພວກຂ້າພະເຈົ້າໄດ້ຮຽກຮ້ອງໃຫ້ພໍ່ແມ່ປະຊາຊົນບໍ່ກັບຄືນປະເທດໃນໄລຍະປັດຈຸບັນ ເພື່ອບໍ່ສ້າງຄວາມຫຍຸ້ງຍາກຕື່ມອີກໃຫ້ແກ່ບັນດາກຳລັງພາຍໃນປະເທດ ຊຶ່ງພວມມານະພະຍາຍາມຕ້ານສັດຕູ”.
ກ່ອນໜ້ານັ້ນ, ສະຖານກົງສູນໃຫຍ່ໄດ້ຈັດຕັ້ງການມອບຂອງຂວັນນັບຮ້ອຍພູດໃຫ້ແກ່ເຂດທີ່ຖືກປິດເມືອງ ເພື່ອແຈກຢາຍໃຫ້ແກ່ພໍ່ແມ່ປະຊາຊົນ. ບາງສະຖານທີ່, ນອກຈາກປະຊາຄົມຊາວຫວຽດນາມ, ສະຖານກົງສູນໃຫຍ່ ກໍ່ໜູນຊ່ວຍໃຫ້ແກ່ຄອບຄົວ ຊາວກຳປູເຈຍທຸກຍາກ ເພື່ອສ້າງຄວາມສາມັກຄີ, ສະໜິດຕິດພັນລະຫວ່າງປະຊາຊົນ ສອງປະເທດ.
 | ສະມາຄົມມິດຕະພາບ ຫວຽດນາມ ກຳປູເຈຍ ມອບເງິນເປັນຈຳນວນ 500 ລ້ານດົ່ງ ເພື່ອໜູນຊ່ວຍໃຫ້ແກ່ປະຊາຊົນ ກຳປູເຈຍເພື່ອປ້ອງກັນສະກັດກັ້ນໂລກ ຍສໝ - ທີ່ການມອບຮັບ, ທ່ານນາງ ຫງວຽນເຟືອງງາ ປະທານ ສະຫະພັນບັນດາອົງການມິດຕະພາບ ຫວຽດນາມ ໄດ້ແຈ້ງໃຫ້ຊາບກ່ຽວກັບສະພາບການປ້ອງກັນສະກັດກັ້ນໂລກລະບາດໂຄວິດ - 19 ຢູ່ ຫວຽດນາມ ໃນຊຸມວັນຜ່ານມາ, ພ້ອມທັງແບ່ງປັນຄວາມຫຍຸ້ງຍາກ ແລະ ຄວາມມານະພະຍາຍາມສະກັດກັ້ນໂລກລະລາດໂຄວິດ - 19 ຂອງລັດຖະບານ ແລະ ປະຊາຊົນກຳປູເຈຍ. |
 | ດົ່ງທາບມອບເຄື່ອງບັນເທົາທຸກທີ່ຈຳເປັນໃຫ້ແກ່ພໍ່ແມ່ປະຊາຊົນຊາວຫວຽດນາມ ອາໄສຢູ່ເຂດໜອງທະເລ (ກຳປູເຈຍ) ຍສໝ - ຕາມໜັງສືພິມປະຊາຊົນ, ບັນດາຂອງຂວັນໄດ້ມອບລວມມີ: ເຂົ້າສານ 2 ໂຕນ, ໝີ່ສຳເລັດຮູບ 100 ກອງ ແລະ ຢາປິ່ນປົວພະຍາດຊະນິດຕ່າງ, ຜ່ານນັ້ນຊ່ວຍໃຫ້ພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດ ຫຼຸດຜ່ອນຄວາມຫຍຸ້ງຍາກລຳສ້າງ, ສ້າງຊີວິດການເປັນຢູ່ເປັນປົກກະຕິໂດຍໄວ ແລະປະຕິບັດການປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ເປັນຢ່າງດີ. |
 | ໜູນຊ່ວຍອຸປະກອນ ແລະ ວັດຖຸການແພດໃຫ້ແກ່ຊາວຫວຽດນາມອາໄສຢູ່ຕ່າງປະເທດ, ປະຊາຊົນກຳປູເຈຍ, ລາວທີ່ຖືກປະສົບກັບຄວາມຫຍຸ້ງຍາກ ຍສໝ - ລາຍລະອຽດແມ່ນ, ນະຄອນໂຮ່ຈີມິນຕັດສິນໃຈໜູນຊ່ວຍ 1,5 ຕື້ດົ່ງໃຫ້ແກ່ຊາວຫວຽດນາມ ແລະ ປະຊາຊົນປະສົບກັບຄວາມຫຍຸ້ງຍາກຢູ່ກຳປູເຈຍ, 1 ຕື້ ດົ່ງໃຫ້ແກ່ຊາວຫວຽດນາມ ອາໄສຢູ່ລາວ ແລະ ປະຊາຊົນລາວ ປະສົບກັບຄວາມຫຍຸ້ງຍາກ. |
ບຸນຄົງ
