 |
| ພາບປະກອບ |
ຕາມຫ້ອງການການຄ້າຫວຽດນາມ ປະຈໍາອັງກິດ, ກະຊວງອຸດສາຫະກຳ ແລະການຄ້າຫວຽດນາມ ແລ້ວ, ການສົ່ງອອກເຂົ້າສານຂອງຫວຽດນາມ ໄປຍັງອັງກິດ ໃນປີ 2020 ເພີ່ມຂຶ້ນ 116% ດ້ານປະລິມານ ແລະ 106% ດ້ານມູນຄ່າເມື່ອທຽບໃສ່ປີ 2019. ເຂົ້າສານຂອງຫວຽດນາມ ທີ່ຂາຍຢູ່ອັງກິດ ພາຍໃຕ້ເຄື່ອງໝາຍການຄ້າຄື: Longdan, Golden Lotus, Buffalo (ຂອງ Longdan Supermarket), Green Dragon (ຂອງ Westmill UK) ແລະ Red Ant (ຂອງ MediFood). ເພື່ອສາມາດສ້າງບາດກ້າວບຸກທະລຸກວ່າອີກໃນຕະຫຼາດ ແລະເພີ່ມທະວີຖານະທີ່ຍືນຍົງໃຫ້ເຂົ້າສານຫວຽດນາມ ຢູ່ຕະຫຼາດອັງກິດ ກໍ່ຄືຕະຫຼາດໃຫຍ່ອື່ນໆ, ຂະແໜງເຂົ້າສານຫວຽດນາມ ຕ້ອງຜັນຂະຫຍາຍຍຸດທະສາດເຄື່ອງໝາຍການຄ້າທີ່ເໝາະສົມກັບຕະຫຼາດແຕ່ລະແຫ່ງ.
ກວ່າ 41 ຕື້ USD ແມ່ນຕົວເລກທີ່ເຕັມໄປດ້ວຍຫນ້າປະທັບໃຈກ່ຽວກັບວົງເງິນສົ່ງອອກຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳ ຂອງຫວຽດນາມ ໃນປີ 2020. ເປັນຫນ້າສົນໃຈ ນັ້ນແມ່ນມູນຄ່າການສົ່ງອອກເຂົ້າສານເຕີບໂຕຢ່າງແຮງ, ຄາດວ່າ ບັນລຸກວ່າ 3 ຕື້ USD. ພິເສດ ລາຄາເຂົ້າສານເພີ່ມຂຶ້ນຢ່າງຕໍ່ເນື່ອງ ສ້າງຂີດໝາຍການເຕີບໂຕຢ່າງແຮງໃນປະຫວັດສາດປະມານ 1 ທົດສະຫວັດຂອງສິນຄ້າປະເພດນີ້.
ໄລຍະຜ່ານມາ, ການສົ່ງອອກເຂົ້າສານຂອງຫວຽດນາມ ບັນລຸລະດັບເຕີບໂຕດີ, ເປັນຕົ້ນກ່ຽວກັບຄຸນນະພາບ, ກາຍເປັນຈຸດເດັ່ນໃນການເຄື່ອນໄຫວສົ່ງອອກ. ພິເສດ ປະເພດສິນຄ້າຜະລິດຕະພັນກະເສດນີ້ ໄດ້ປະສົບຜົນສຳເລັດໃນການສຳຜັດກັບຫລາຍຕະຫລາດທີ່ເຄັ່ງຄັດທາງດ້ານຄຸນນະພາບ, ເຊິ່ງເປັນການຢັ້ງຢືນເຄື່ອງໝາຍການຄ້າຂອງເຂົ້າສານຫວຽດນາມ ເທື່ອລະກ້າວ.
ຕາມທ່ານ ເລກວັກແຢງ ຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດຫວຽດນາມແລ້ວ, ການສົ່ງອອກເຂົ້າສານທີ່ມີຄຸນນະພາບສູງ ພວມຢືນຢູ່ຕໍ່ຫນ້າກາລະໂອກາດໃຫຍ່ເມື່ອຄວາມຕ້ອງການຂອງຕະຫລາດແມ່ນສູງທີ່ສຸດ. ສະນັ້ນ ບັນດາທ້ອງຖິ່ນ, ວິສາຫະກິດ, ປະຊາຊົນ ຄວນສຸມໃສ່ພັດທະນາບັນດາຜະລິດຕະພັນປອດສານພິດ ທັງນຳມາເຊິ່ງຄຸນຄ່າທາງດ້ານເສດຖະກິດ ທັງຮັບປະກັນຄວາມເປັນມິດກັບສິ່ງແວດລ້ອມ. ນອກນັ້ນ ກໍຄວນເພີ່ມທະວີການປຸງແຕ່ງເພື່ອສ້າງມູນຄ່າເພີ່ມ, ວຽກເຮັດງານທຳ ແລະ ເປັນຕົ້ນແມ່ນຍາດແຍ່ງບັນດາບຸລິມະສິດພາສີ ຍ້ອນມີບັນດາສັນຍາການຄ້າເສລີສຳລັບບັນດາປະເພດສິນຄ້າຜະລິດຕະພັນກະເສດ.
 | ວົງເງິນການສົ່ງອອກຂອງຫວຽດນາມ ໄປຍັງອັງກິດ ບັນລຸເກືອບ 600 ລ້ານໂດລາສະຫະລັດ ຍສໝ - ນີ້ແມ່ນລະດັບການເຕີບໂຕທີ່ເປັນໜ້າປະທັບໃຈໃນສະພາບທີ່ການສົ່ງອອກໄປຍັງຕະຫຼາດອື່ນໆປະສົບກັບຄວາມຫຍຸ້ງຍາກຍ້ອນພະຍາດໂຄວິດ-19. |
 | ຍອດວົງເງິນການຄ້ານໍາເຂົ້າ-ສົ່ງອອກລະຫວ່າງສອງປະເທດ ຫວຽດນາມ - ອັງກິດ ຄາດວ່າຍັງບັນລຸໄດ້ 5,55 ຕື້ໂດລາສະຫະລັດ ໃນປີ 2020 ຍສໝ - ປະຈຸບັນ, ຄວາມສາມາດຮ່ວມມືໃນຂົງເຂດການຄ້າລະຫວ່າງສອງປະເທດຍັງໃຫຍ່ຫຼວງຢູ່, ເມື່ອມູນຄ່າສິນຄ້າຫວຽດນາມ ສົ່ງອອກສູ່ອັງກິດ ກວມພຽງ 1% ຍອດວົງເງິນນຳເຂົ້າຂອງອັງກິດ ແລະມູນຄ່າສິນຄ້ານຳເຂົ້າຂອງຫວຽດນາມ ກວມພຽງ 0,17% ມູນຄ່າສິນຄ້າອັງກິດສົ່ງອອກສູ່ໂລກ. |
 | ໃນປີ 2020, ຫວຽດນາມ ແມ່ນໜຶ່ງໃນບັນດາພື້ນຖານເສດຖະກິດມີລະດັບເຕີບໂຕສູງທີ່ສຸດໃນໂລກ ຍສໝ - ຫວຽດນາມ ແມ່ນໜຶ່ງໃນບັນດາພື້ນຖານເສດຖະກິດມີລະດັບເຕີບໂຕສູງທີ່ສຸດໃນໂລກ ຍ້ອນມີການຟື້ນຟູການເຄື່ອນໄຫວຢູ່ໃນປະເທດໂດຍໄວ ແລະມີການເຄື່ອນໄຫວສົ່ງອອກຢ່າງແຮງ... |
ໄຊພອນ
