 |
| ຍອດວົງເງິນການຄ້າສົ່ງອອກ-ນໍາເຂົ້າ ລະຫວ່າງຫວຽດນາມ ແລະອັງກິດ ບັນລຸລະດັບກວ່າ 650 ລ້ານໂດລາສະຫະລັດ, ເພີ່ມຂຶ້ນ 78% ເມື່ອທຽບໃສ່ໄລຍະດຽວກັນຂອງປີກາຍ. ພາບປະກອບ |
ໃນເດືອນ ມັງກອນ 2021, ຍອດວົງເງິນການຄ້າສົ່ງອອກ-ນໍາເຂົ້າ ລະຫວ່າງຫວຽດນາມ ແລະອັງກິດ ບັນລຸລະດັບກວ່າ 650 ລ້ານໂດລາສະຫະລັດ, ເພີ່ມຂຶ້ນ 78% ເມື່ອທຽບໃສ່ໄລຍະດຽວກັນຂອງປີກາຍ. ນີ້ແມ່ນລະດັບການເຕີບໂຕທີ່ເປັນໜ້າປະທັບໃຈໃນສະພາບທີ່ການສົ່ງອອກໄປຍັງຕະຫຼາດອື່ນໆປະສົບກັບຄວາມຫຍຸ້ງຍາກຍ້ອນພະຍາດໂຄວິດ-19. ນີ້ແມ່ນລະດັບການເຕີບໂຕທີ່ເປັນໜ້າປະທັບໃຈໃນສະພາບທີ່ການສົ່ງອອກໄປຍັງຕະຫຼາດອື່ນໆປະສົບກັບຄວາມຫຍຸ້ງຍາກຍ້ອນພະຍາດໂຄວິດ-19.
ທີ່ການເຮັດວຽກ ລະຫວ່າງ ທ່ານ ດັ້ງຮວ່າງອານ ຮອງລັດຖະມົນຕີກະຊວງອຸດສາຫະກໍາ ແລະການຄ້າຫວຽດນາມ ແລະ ທ່ານ Gareth Ward ເອກອັກຄະລັດຖະທູດອັງກິດ ປະຈໍາຫວຽດນາມ ເພື່ອແລກປ່ຽນກ່ຽວກັບການຮ່ວມມືໃນຂົງເຂດການຄ້າ ແລະພະລັງງານລະຫວ່າງສອງປະເທດ. ສອງຝ່າຍໄດ້ແບ່ງປັນທັດສະນະກ່ຽວກັບສັນຍາການຄ້າເສລີລະຫວ່າງຫວຽດນາມ ແລະອັງກິດ (UKVFTA) ທີ່ມີຜົນສັກສິດ ແລະໄດ້ໝູນໃຊ້ຊົ່ວຄາວນັບແຕ່ວັນທີ 1 ມັງກອນ 2021 ແມ່ນມີຄວາມໝາຍອັນໃຫຍ່ຫຼວງ, ໝັ້ນໝາຍວ່າຈະເປັນກໍາລັງໜູນໃໝ່ພັດທະນາການພົວພັນດ້ານການຄ້າ ແລະການລົງທຶນອັນດີງາມລະຫວ່າງຫວຽດນາມ ແລະອັງກິດ. ສອງຝ່າຍໄດ້ເຫັນດີເປັນເອກະສັນສືບຕໍ່ຄົ້ນຄວ້າທິດທາງຮ່ວມມືພັດທະນາໃນຂົງເຂດພະລັງງານຜະລິດຄືນໃໝ່ ແລະກະຊວງອຸດສາຫະກໍາ ແລະການຄ້າຫວຽດນາມ ພ້ອມແລ້ວທີ່ຈະສົມທົບ, ໜູນຊ່ວຍບັນດາອົງການ ແລະວິສາຫະກິດທີ່ກ່ຽວຂ້ອງຂອງສອງຝ່າຍພົບປະແລກປ່ຽນເມື່ອມີຄວາມຈໍາເປັນ.
ໃນໄລຍະຈະມາເຖິງ, ກະຊວງອຸດສາຫະກໍາ ແລະການຄ້າຫວຽດນາມ ພ້ອມກັບສະຖານທູດອັງກິດ ຈະສືບຕໍ່ສົມທົບກັນຢ່າງແໜ້ນແຟ້ນ, ແນໃສ່ຜັນຂະຫຍາຍສັນຍາ UKVFTA ໃຫ້ມີປະສິດທິຜົນ, ເສີມຂະຫຍາຍຄວາມສາມາດບົ່ມຊ້ອນຊ່ວຍເຫຼືອກັນກ່ຽວກັບໂຄງປະກອບສິນຄ້າລະຫວ່າງສອງປະເທດ, ຍົກສູງວົງເງິນການຄ້າສອງຝ່າຍກວ່າອີກ.
ກ່ອນໜ້ານັ້ນ, ທ້າຍ ປີ 2020, ຫວຽດນາມ ແລະ ອັງກິດ ໄດ້ລົງນາມໃນຂໍ້ຕົກລົງການຄ້າເສລີ (FTA), ຂໍ້ຕົກລົງສະບັບນີ້ຈະແທນທີ່ຂໍ້ຕົກລົງການຄ້າເສລີລະຫວ່າງ ອີຢູ ແລະ ຫວຽດນາມ ທີ່ມີການບັງຄັບໃຊ້ໃນຂະນະນີ້ໂດຍຂໍ້ຕົກລົງ ລະຫວ່າງ ຫວຽດນາມ ແລະ ອັງກິດ ຈະມີຜົນບັງຄັບໃຊ້ວັນທີ 31 ທັນວານີ້ມີເນື້ອໃນຄືກັບຂໍ້ຕົກລົງ EVFTA ທີ່ມີການລົບລ້າງພາສີ 99% ສຳລັບສິນຄ້າທີ່ມີການຊື້-ຂາຍ ລະຫວ່າງ ຫວຽດນາມ ແລະ ອີຢູ ແລະ ຄາດວ່າຈະຊ່ວຍໃຫ້ ຫວຽດນາມ ຫລຸດຕົ້ນທຶນດ້ານພາສີສຳລັບ ສິນຄ້າສົ່ງອອກໄປຍັງອັງກິດໄດ້ປະມານ 151 ລ້ານໂດລາສະຫະລັດ.
 | ທະນາຄານພັດທະນາອາຊີ ຊ່ວຍເຫຼືອຫວຽດນາມ 2,5 ລ້ານໂດລາສະຫະລັດ ເພື່ອນຳໃຊ້ເຂົ້າໃນວຽກງານແກ້ໄຂຜົນຮ້າຍຢ້ອນຫຼັງຈາກໄພທຳມະຊາດຍ້ອນພະຍຸນ້ຳຖ້ວມກໍ່ຂຶ້ນຢູ່ບາງແຂວງພາກກາງ ຍສໝ - ບ້ວງເງິນນີ້ແມ່ນໄດ້ຫັກຈາກກອງທຶນຮັບມືກັບໄພພິບັດອາຊີ-ປາຊີຟິກ ຂອງ ADB, ໄດ້ສ້າງຕັ້ງເພື່ອໜູນຊ່ວຍໃຫ້ບັນດາປະເທດສະມາຊິກທີ່ໄດ້ຮັບຜົນສະທ້ອນຢ່າງໜັກໜ່ວງຍ້ອນໄພທຳມະຊາດກໍ່ຂຶ້ນ. |
 | ວົງເງິນການຄ້າສອງສົ້ນລະຫວ່າງຫວຽດນາມ ແລະລາວ ບັນລຸເກືອບ 740 ລ້ານໂດລາສະຫະລັດ ຍສໝ - ໃນປີນີ້ສອງປະເທດກໍາລັງມານະພະຍາຍາມຊຸກຍູ້ການຄ້າສອງຝ່າຍໃຫ້ເພີ່ມຂຶ້ນແຕ່ 10-15% ເມື່ອທຽບໃສ່ປີກາຍ, ອາດຈະບັນລຸ 1 ຕື້ໂດລາສະຫະລັດ ຕາມແຜນການທີ່ວາງອອກ. |
 | ທົ່ວໂລກມີຜູ້ຕິດໂລກລະບາດໂຄວິດ - 19 ຫຼາຍກວ່າ 21 ລ້ານຄົນ, ໃນນັ້ນຜູ້ເສຍຊີວິດແມ່ນກວ່າ 751.600 ຄົນ ຍສໝ - ໄລ່ຮອດຈຸດເວລານີ້, ທົ່ວໂລກມີຜູ້ຕິດໂລກລະບາດໂຄວິດ - 19 ຫຼາຍກວ່າ 21 ລ້ານຄົນ, ໃນນັ້ນຜູ້ເສຍຊີວິດແມ່ນກວ່າ 751.600 ຄົນ. |
ໄຊພອນ
