 |
| ຫວຽດນາມ ຈະສຳເລັດບົດບາດປະທານສະພາຄວາມໝັ້ນຄົງ ໃນເດືອນເມສາ 2021 ດ້ວຍບັນດາການປະກອບ, ຂີດໝາຍໃໝ່. ພາບ:vovworld.vn |
ໃນຕອນບ່າຍວັນທີ 1 ເມສາ 2021 (ຕາມເວລາ ອາເມລິກາ), ທ່ານເອກອັກຄະລັດຖະທູດ ດັ້ງດິ່ງກຸຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ເປັນປະທານການຖະແຫຼງຂ່າວ ຢູ່ສຳນັກງານ ສປຊ ກ່ຽວກັບໂຄງການດຳເນີນງານຂອງ ສະພາຄວາມໝັ້ນຄົງ ໃນເດືອນເມສາ. ທ່ານເອກອັກຄະລັດຖະທູດ ດັ້ງດິ່ງກຸຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໃຫ້ຮູ້ວ່າ: ຫວຽດນາມ ກໍ່ຈະຊຸກຍູ້ 4 ເຫດການທີ່ມີຄວາມປະດິດຄິດສ້າງສະເພາະ. ເຫດການສຳຄັນທີ່ສຸດຈະດຳເນີນໃນວັນທີ 19 ເມສາ 2021. ນີ້ແມ່ນການປຶກສາຫາລືເປີດ ກ່ຽວກັບການເພີ່ມທະວີການຮ່ວມມື ລະຫວ່າງ ສປຊ, ບັນດາອົງການໃນພາກພື້ນ ແລະ ອະນຸພາກພື້ນ ໃນການຊຸກຍູ້ການໂອ້ລົມສົນທະນາ ແລະ ບັນດາມາດຕະການສ້າງຄວາມໄວ້ເນື້ອເຊື່ອໃຈເພື່ອສະກັດກັ້ນການປະທະກັນ. ເຫດການສຳຄັນທີ 2 ຈະດຳເນີນໃນວັນທີ 8 ເມສາ 2021, ແມ່ນການປຶກສາຫາລືເປີດກ່ຽວກັບລູກລະເບີດທີ່ຍັງບໍ່ທັນແຕກ. ເຫດການທີ 3 ຈະໄດ້ຈັດໃນວັນທີ 28 ເມສາ 2021, ແມ່ນການປຶກສາຫາລືເປີດກ່ຽວກັບບັນດາມາດຕະການປ້ອງກັນພື້ນຖານໂຄງລ່າງທີ່ຈຳເປັນຕໍ່ຊີວິດການເປັນຢູ່ຂອງສາມັນຊົນ, ນີ້ກໍ່ແມ່ນຫົວຂໍ້ທີ່ໄດ້ຮັບຄວາມສົນໃຈຈາກສາກົນ. ເຫດການສຸດທ້າຍທີ່ຫວຽດນາມ ຈະຈັດໃນວັນທີ 14 ເມສາ 2021 ແມ່ນການປຶກສາຫາລືກ່ຽວກັບການໃຊ້ຄວາມຮຸນແຮງໃນການຮ່ວມເພດ.
ເດືອນເມສາ 2021, ຫວຽດນາມ ດຳລົງຕຳແໜ່ງປະທານໝູນວຽນສະພາຄວາມໝັ້ນຄົງ ສປຊ ຄັ້ງທີ 2 ໃນອາຍຸການ 2020-2021. ນີ້ແມ່ນໜ້າທີ່ສໍາຄັນຫຼາຍຝ່າຍທໍາອິດທີ່ ຫວຽດນາມ ຮັບດຳລົງຕຳແໜ່ງພາຍຫຼັງກອງປະຊຸມໃຫຍ່ ຄັ້ງທີ XIII ປະສົບຜົນສໍາເລັດ, ວາງອອກວິໄສທັດ ແລະບັນດາກຳນົດທິດ ແລະແຜນນະໂຍບາຍໃຫຍ່ໃຫ້ການພັດທະນາຂອງປະເທດ, ໃນນັ້ນມີແນວທາງພົວພັນຕ່າງປະເທດໃນໄລຍະຈະມາເຖິງ.
ເຂົ້າຮ່ວມສະພາຄວາມໝັ້ນຄົງ ເປັນຄັ້ງທີ 2, ໃນສະພາບການໂລກມີການຜັນແປຢ່າງສັບສົນ, ການແກ່ງແຍ້ງກັນລະຫວ່າງບັນດາປະເທດມະຫາອຳນາດເພີ່ມຂຶ້ນ, ການປະທະກັນ, ຂາດສະຖຽນລະພາບຢູ່ຫຼາຍແຫ່ງໃນໂລກ ແລະເປັນຕົ້ນແມ່ນການແຜ່ລະບາດຂອງພະຍາດໂຄວິດ-19, ຫວຽດນາມ ໄດ້ຜັນຂະຫຍາຍວຽກງານສະພາຄວາມໝັ້ນຄົງຢ່າງມີປະສິດທິຜົນ, ປະຕິບັດສຳເລັດວຽກງານໃຫຍ່ໃນປີທຳອິດຂອງອາຍຸການເປັນຢ່າງດີ ແລະສ້າງ “ຂີດໝາຍຫວຽດນາມ” ຢູ່ອົງການສໍາຄັນທີ່ສຸດຂອງ ສປຊ ກ່ຽວກັບການຮັກສາສັນຕິພາບ ແລະຄວາມໝັ້ນຄົງສາກົນ.
 | ຫວຽດນາມ ມີອັດຕາການຂະຫຍາຍຕົວຂອງລວມຍອດຜະລິດຕະພັນພາຍໃນປະເທດ ລະດັບ 4,48% ໃນໄຕມາດທຳອິດຂອງປີ 2021 ຍສໝ - ຈີດີພີຫວຽດນາມປີກາຍນີ້ ຂະຫຍາຍຕົວ 2,91% ເປັນລະດັບຕ່ຳສຸດໃນຮອບ 10 ປີຜ່ານມາ ແລະຫວຽດນາມ ສູ້ຊົນໃຫ້ບັນລຸ ເປົ້າໝາຍຈິີດີພີຂະຫຍາຍຕົວລະດັບ 6% ໃນປີນີ້. |
 | ຫວຽດນາມ ໃຫ້ບຸລິມະສິດຮັບປະກັນຄວາມສະຫງົບ, ຄວາມປອດໄພໃຫ້ການດຳລົງຊີວິດຂອງປະຊາຊົນ ຫວຽດນາມ ຍາມໃດກໍ່ຢຶດໝັ້ນເດີນຕາມເປົ້າໝາຍຊຸກຍູ້, ປົກປ້ອງ ແລະ ຮັບປະກັນສິດທິມະນຸດໃຫ້ປະຊາຊົນທຸກຄົນຢ່າງບໍ່ຢຸດຢັ້ງ. |
 | ຫວຽດນາມ ພວມມີແງ່ຫວັງໄດ້ຊົມໃຊ້ຜົນປະໂຫຍດຈາກບັນດາທ່າອ່ຽງດ້ານການຄ້າ, ການລົງທຶນ ແລະ ການຜະລິດທົ່ວໂລກໃນປະຈຸບັນ ຍສໝ - ຫວຽດນາມ ໄດ້ມີຊື່ສຽງດ້ວຍບັນດາຍຸດທະສາດຮອບດ້ານ, ແກ່ຍາວແຕ່ 5 – 10 ປີ ເປັນຕົ້ນແມ່ນ “ການຜະລິດຢູ່ ຫວຽດນາມ ປີ 2025: ຍຸດທະສາດ ແລະ ນະໂຍບາຍອຸດສາຫະກຳ ປີ 2025” ແລະ ວິໄສທັດປີ 2035.”... |
ໄຊພອນ
