| ວາລະສານ ຍຸກສະໄໝ ອວຍພອນ ສະຖານທູດ ສປປ.ລາວ ປະຈຳ ຫວຽດນາມ ເນື່ອງໃນໂອກາດສະເຫຼີມສະຫຼອງວັນຊາດ ຂອງ ສປປ.ລາວ ຄົບຮອບ 45 ປີ | |
| 47 ມື້ທີ່ ສປປ ລາວ ບໍ່ພົບຜູ້ຕິດເຊື້ອໂຄວິດ - 19 ເພີ່ມ |
ທ່ານ ສີສະຫວາດ ສຸດທານີລະໄຊ ຮອງຫົວໜ້າກົມ ຄວບຄຸມພະຍາດຕິດຕໍ່, ກະຊວງສາທາລະນະສຸກ ລາຍງານໃຫ້ຮູ້ໃນວັນທີ 24 ມີນາ 2021 ນີ້ວ່າ: ເຖິງແມ່ນວ່າ ສປປ ລາວ ຈະບໍ່ມີຜູ້ຕິດເຊື້ອ ໂຄວິດ-19 ເພີ່ມຂຶ້ນໃໝ່ ຄືກັບ ບັນດາປະເທດຕ່າງໆໃນໂລກ ກໍ່ຕາມ ລັດຖະບານ ກໍຄື ຄະນະສະເພາະກິດ ຍັງໄດ້ສືບຕໍ່ເອົາໃຈໃສ່ ຕິດຕາມເຝົ້າລະວັງ ການຕິດເຊື້ອຢ່າງໃກ້ຊິດ ໂດຍສະເພາະ ເຂັ້ມງວດກວດ ຄົນເຂົ້າ-ອອກເມືອງ ຢູ່ບັນດາດ່ານຕ່າງໆ ໃນຂອບເຂດທົ່ວປະເທດ, ພ້ອມທັງເລັ່ງສັກວັກແຊງ ປ້ອງກັນການຕິດເຊື້ອ ໃຫ້ຜູ້ທີ່ມີຄວາມສ່ຽງສູງ ລວມເຖິງປະຊາຊົນລາວ ບັນດາເຜົ່າ ໂດຍສະເພາະ ຜູ້ທີ່ອາໃສຢູ່ລຽບຕາມຊາຍແດນ.
 |
ສປປ ລາວ ສືບຕໍ່ເອົາໃຈໃສ່ຢ່າງເຂັ້ມງວດ ເຝົ້າລະວັງການລະບາດໂຄວິດ-19. (ພາບ: KPL) |
ສຳລັບການເຝົ້າລະວັງ, ຕິດຕາມ ໂຄວິດ-19 ຢູ່ບັນດາດ່ານຕ່າງໆ ເຈົ້າໜ້າທີ່ປະຈຳດ່ານ ໄດ້ໃຊ້ມາດຕະການຢ່າງເຄັ່ງຄັດ, ເຊິ່ງໃນວັນທີ 23 ມີນາ ທົ່ວປະເທດມີຜູ້ເດີນທາງເຂົ້າມາ ທັງໝົດ 2.557 ຄົນ, ທັງໝົດໄດ້ຜ່ານການ ວັດແທກອຸນຫະພູມຮ່າງກາຍ ແລະ ເກັບຕົວຢ່າງທຸກໆ ຄົນມາກວດ, ທັງໝົດແມ່ນບໍ່ພົບຜູ້ຕິດເຊື້ອ. ສ່ວນການຕິດຕາມ ຜູ້ຖືກຈຳກັດບໍລິເວນ ຢູ່ໃນສະຖານທີ່ ທີ່ກຳນົດໄວ້ ໃນຂອບເຂດທົ່ວປະເທດ ຄະນະສະເພາະກິດ ໄດ້ສືບຕໍ່ເອົາໃຈໃສ່ ເຄັ່ງຄັດຕໍ່ຜູ້ຖືກກັກບໍລິເວນ ເພື່ອປ້ອງກັນການຕິດເຊື້ອ.
ປັດຈຸບັນ ທົ່ວປະເທດມີສູນຈໍາກັດບໍລິເວນ ທີ່ຍັງເປີດນຳໃຊ້ຢູ່ທັງໝົດ 34 ສູນ, ມີຜູ້ຖືກຈຳກັດບໍລິ ເວນຢູ່ສູນ 3.206 ຄົນ, ໄດ້ເກັບຕົວຢ່າງ ມາກວດ ວິເຄາະທັງໝົດ ແລະ ບໍ່ພົບຜູ້ຕິດເຊື້ອໂຄວິດ-19.
 |
| ລັດຖະບານສະແດງຄວາມຊົມເຊີຍ ແລະ ຂອບໃຈມາຍັງໂຄງ ການ ການຮ່ວມມືເພື່ອວັກແຊງ ກັນພະຍາດ ໂຄວິດ-19 (COVAX Facility). (ພາບ: KPL) |
ລັດຖະບານສະແດງຄວາມຊົມເຊີຍ ແລະ ຂອບໃຈມາຍັງໂຄງການການຮ່ວມມືເພື່ອວັກແຊງ ກັນພະຍາດ ໂຄວິດ-19 (COVAX Facility) ແລະ ຄູ່ຮ່ວມງານທີ່ໄດ້ໃຫ້ ການຊ່ວຍເຫລືອ ວັກແຊັງກັນພະຍາດ ໂຄວິດ-19 ຈຳນວນ 132.000 ໂດສ ແກ່ ສປປ ລາວ (ຊຸດທຳອິດ), ເຊິ່ງເປັນສິ່ງສຳຄັນ ແລະ ເປັນຄວາມຮຽກຮ້ອງຕ້ອງການ ທີ່ສຸດຂອງລັດຖະບານ ແລະ ປະຊາຊົນລາວ.
ໃນພິທີມອບ-ຮັບ ວັກແຊັງຈຳນວນດັ່ງກ່າວ, ໃນວັນທີ 20 ມີນາ 2021, ທ່ານ ດຣ ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ ໂດຍຕາງໜ້າໃຫ້ລັດຖະບານລາວ, ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດພະຍາດ ໂຄວິດ-19, ລວມໄປເຖິງແພດໝໍ ທຸກຄົນ ແລະ ປະຊາຊົນລາວທຸກຖ້ວນໜ້າ ສະແດງຄວາມຮູ້ບຸນຄຸນ ຢ່າງສຸດຊຶ້ງມາຍັງໂຄງການ COVAX Facility ແລະ ຄູ່ຮ່ວມງານ ເຊັ່ນ: ໂດຍການຮ່ວມມືກັນ ລະຫວ່າງອົງການພັນທະມິດ ຮ່ວມມືດ້ານນະວັດຕະກໍາ ເພື່ອຮັບມືກັບ ພະຍາດລະບາດ, ອົງການກາວີ, ອົງການຢູນິເຊັບ ແລະ ອົງການອະນາໄມໂລກ, ພ້ອມດ້ວຍບັນດາ ປະເທດຮ່ວມພັດທະນາ ສຳລັບການສະໜັບສະໜູນ ຊ່ວຍເຫລືອຢ່າງໃຫຍ່ຫລວງ ແລະ ມີມູນຄ່າ ໃນການປະສານງານ ຈັດສົ່ງວັກແຊັງຊຸດທຳອິດນີ້.
 |
| ພາບປະກອບ |
ການມາຮອດຂອງວັກແຊັງຄັ້ງນີ້, ຖືເປັນອີກບາດກ້າວໜຶ່ງ ທີ່ສໍາຄັນຂອງ ສປປ ລາວ ໃນການຕໍ່ສູ້ກັບ ການລະບາດຂອງ ພະຍາດໂຄວິດ-19, ເຊິ່ງຄະນະສະເພາະກິດ ກໍຄື ລັດຖະບານ ຈະໄດ້ນຳເອົາການຊ່ວຍເຫລືອໃນຄັ້ງນີ້ ໄປໃຊ້ໃຫ້ໄດ້ໝາກຜົນ ແລະ ເກີດຜົນປະໂຫຍດສູງສຸດ ໂດຍການ ສຶືບຕໍ່ສັກ ໃຫ້ບັນດາກຸ່ມສ່ຽງ ໂດຍສະເພາະ ກຸ່ມສ່ຽງຫລາຍ, ປານກາງ ແລະ ປະຊາຊົນຕາມລຳດັບ ໃນຂອບເຂດທົ່ວປະເທດ ເພື່ອປ້ອງກັນພະຍາດ ໂຄວິດ-19.
ສປປ ລາວ ເປັນປະເທດໜຶ່ງ ທີ່ໄດ້ມີການເປີດຂະບວນ ການສັກຢາວັກແຊັງ ປ້ອງກັນການລະບາດຂອງພະຍາດ ໂຄວິດ-19 ຢ່າງເປັນທາງການ ເລີ່ມແຕ່ທ້າຍເດືອນມັງກອນ 2021 ເປັນຕົ້ນມາ ໂດຍເລັ່ງໃສ່ເປົ້າໝາຍ ປະຊາກອນ ທີ່ມີຄວາມສ່ຽງສູງທີ່ສຸດ ເປັນບູລິດມະສິດທຳອິດ, ເຊິ່ງມາຮອດ ປັດຈຸບັນ ສາມາດສັກວັກແຊງ ໃຫ້ກຸ່ມສ່ຽງດັ່ງກ່າວແລ້ວ 70.000 ກວ່າຄົນ. ເຖິງຢ່າງໃດກໍຕາມ, ຄະນະສະເພາະກິດ ກໍຄືລັດ ຖະບານ ໄດ້ມີຄວາມ ພະຍາຍາມສືບຕໍ່ ໃນການຊອກຫາວັກແຊງ ເພື່ອມາສັກໃຫ້ປະຊາຊົນ ໃຫ້ໄວທີ່ສຸດ ໂດຍມີແຜນໃຫ້ສາມາດປົກຄຸມໄດ້ 20% ຂອງປະຊາກອນ ທັງໝົດໃນປີ 2021 ແລະ ກວມເອົາ 75% ໃນປີ 2024.
 | ຂ່າວດີ ສປປ ລາວ ຍັງບໍ່ມີຜູ້ຕິດເຊື້ອໂຄວິດ-19 ເພີ່ມ ຕົວເລກສະສົມຍັງຢູ່ 19 ຄົນ ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດໂຄ ວິດ-19 ຢືນຢັນວ່າ ມາຮອດໃນວັນທີ 8 ພຶດສະພາ 2020 ສປປ ລາວ ຍັງບໍ່ພົບຜູ້ຕິດເຊື້ອໄວຣັດໂຄວິດ-19 ເພີ່ມຂຶ້ນ ຕິດຕໍ່ກັນແລ້ວ 26 ມື້. ຄະນະທີ່ມີບາງປະເທດ ຈຳນວນຜູ້ຕິດເຊື້ອມື້ດຽວ ມີເຖິງ 27.569 ຄົນ ແລະ ເສຍຊີວິດ 2.069 ຄົນ. ສະເພາະກຸ່ມປະເທດອາຊຽນ ເຫັນວ່າຍັງມີບາງປະເທດ ທີ່ມີອັດຕາ ... |
 | ສປປ. ລາວ ບໍ່ພົບຜູ້ຕິດເຊື້ອໄວຣັດ ໂຄວິດ-19 ເພີ່ມຂຶ້ນ ນັບເປັນເວລາ 16 ມື້ຕິດຕໍ່ກັນ ມາຮອດວັນທີ 28 ເມສາ 2020 ສປປ ລາວ ບໍ່ພົບຜູ້ຕິດເຊື້ອໄວຣັດ ໂຄວິດ-19 ເພີ່ມຂຶ້ນ ນັບເປັນເວລາ 16 ມື້ຕິດຕໍ່ກັນ, ຕົວເລກຍັງຄົງຕົວ ຢູ່ 19 ກໍລະນີ ຄືເກົ່າ, ໃນຄະນະທີ່ມີຜູ້ປິ່ນປົວດີ ແລະ ໄດ້ອອກໂຮງໝໍແລ້ວ 7 ຄົນ, ຍັງເຫລືອຜູ້ຕິດເຊື້ອ 12 ຄົນ |
 | ແຂວງເງ້ອານ ໜູນຊ່ວຍ ສປປ.ລາວ ໃນການປ້ອງກັນ ແລະ ຄວບຄຸມພະຍາດ Covid - 19 ຍສໝ - ທ່ານ ບຸ່ຍດິ່ງລອງ - ຮອງປະທານຄະນະກຳມະການປະຊາຊົນແຂວງເງ້ອານ ພ້ອມດ້ວຍ ຄະນະຜູ້ແທນແຂວງເງ້ອານ ໄດ້ສະໜັບສະໜູນເຄື່ອງອຸປະກອນການແພດ ແລະ ສິ່ງທີ່ຈຳເປັນຮັບໃຊ້ໃນຊີວິດປະຈຳວັນ ມີມູນຄ່າຫຼາຍກ່ວາ 700 ລ້ານດົງລວມມີ: ເຂົ້າສານກວ່າ 10 ໂຕນ, ຜ້າບັງປາກດ້ານການແພດ 50.000 ແຜ່ນ.. ໃຫ້ແກ່ແຂວງຊຽງຂວາງ (ລາວ). |
ຄຳຮຸ່ງ
