 |
| ທ່ານນາງ ຫງວຽນ ທິ ກີມ ເງິນ ປະທານສະພາແຫ່ງຊາດແຫ່ງ ສສ. ຫວຽດນາມ. ພາບ:dothihoalac.vn |
ກ່ອນອື່ນໝົດ, ຕາງໜ້າສະພາແຫ່ງຊາດ ແລະ ປະຊາຊົນ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ຂ້າພະເຈົ້າ ຂໍສົ່ງຄຳຊົມເຊີຍ ຢ່າງໝົດຈິດໝົດໃຈ ມາຍັງ ສາທາລະນະລັດ ປະຊາທິປະໄຕ ປະຊາຊົນລາວ ທີ່ໄດ້ຈັດການເລືອກຕັ້ງ ສະພາແຫ່ງຊາດ ສະໄໝທີ IX ແລະ ການເລືອກຕັ້ງ ສະພາປະຊາຊົນຂັ້ນແຂວງ ສະໄໝທີ II ຢ່າງສຳເລັດຜົນຈົບງາມ ໃນວັນທີ 21 ກຸມພາ ຜ່ານມາ.
ຂ້າພະເຈົ້າ ມີຄວາມປິຕິຍິນດີ ທີ່ໄດ້ຮັບຂ່າວ ສະພາແຫ່ງຊາດ ສະໄໝທີ IX ຂອງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ໃຫ້ຄວາມໄວ້ວາງໃຈ ເລືອກຕັ້ງສະຫາຍ ເປັນປະທານສະພາແຫ່ງຊາດ. ຂ້າພະເຈົ້າ ຂໍສະແດງຄວາມຊົມເຊີຍ ອັນສຸດອົກສຸດໃຈ ແລະ ຈິງໃຈ ມາຍັງສະຫາຍ; ມີຄວາມເຊື່ອໝັ້ນ ຢ່າງໜັກແໜ້ນວ່າ ດ້ວຍຄວາມສາມາດ, ຄວາມໄວ້ເນື້ອເຊື່ອໃຈ ແລະ ປະສົບການອັນອຸດົມ ສົມບູນ ຂອງຕົນ, ສະຫາຍຈະສາດມາດ ນໍາພາສະພາແຫ່ງຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຍາດໄດ້ຜົນສໍາເລັດໃໝ່ຍິ່ງໃຫຍ່ກວ່າເກົ່າ, ສືບຕໍ່ປະກອບສ່ວນ ອັນໃຫຍ່ຫລວງໃຫ້ແກ່ ພາລະກິດ ກໍ່ສ້າງປະເທດລາວ ໃຫ້ຮັ່ງມີ ເຂັ້ມແຂງ ແລະ ວັດທະນະຖາວອນ, ຖານະບົດບາດໃນເວທີພາກພື້ນ ແລະ ສາກົນ ນັບມື້ນັບໄດ້ຮັບການຍົກສູງ.
ຂ້າພະເຈົ້າມີຄວາມຍິນດີ ທີ່ເຫັນວ່າ ການຮ່ວມມື ລະຫວ່າງ ສະພາແຫ່ງຊາດ ຫວຽດນາມ ແລະ ລາວ ໃນໄລຍະຜ່ານມາ ໄດ້ຮັບການເສີມຂະຫຍາຍ ແລະ ເປີດກວ້າງ ຢ່າງບໍ່ຢຸດຢັ້ງ, ສະແດງອອກຜ່ານ ບັນດາການຢ້ຽມຢາມ, ການແລກປ່ຽນ ແລະ ພົບປະ ເປັນປະຈໍາ, ການປະສານສົມທົບ ຢ່າງແໜ້ນແຟ້ນ ແລະ ມີປະສິດທິຜົນ ລະຫວ່າງ ບັນດາໜ່ວຍງານ ວິຊາສະເພາະ ແລະ ສະມາຊິກສະພາ ສອງປະເທດ.
 |
| ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແຫ່ງ ສປປ ລາວ |
ພວກຂ້າພະເຈົ້າ ຂໍສະແດງຄວາມຂອບໃຈ ແລະ ຕີລາຄາສູງ ສະພາແຫ່ງຊາດລາວ ໄດ້ໃຫ້ການສະໜັບສະໜູນ ສະພາແຫ່ງຊາດ ຫວຽດນາມ ໃນການເປັນປະທານ ໄອປາ ຄັ້ງທີ 41 ໃນປີ 2020 ຢ່າງປະສົບຜົນສໍາເລັດຈົບງາມ.
ຂ້າພະເຈົ້າ ຫວັງວ່າຈະສືບຕໍ່ ຮ່ວມມືກັບສະຫາຍຢ່າງໃກ້ຊິດ ເພື່ອເສີມຂະຫຍາຍ ການພົວພັນຮ່ວມມືອັນໃກ້ຊິດ ລະຫວ່າງ ສອງສະພາແຫ່ງຊາດ ຫວຽດນາມ ແລະ ລາວ ໃຫ້ໃກ້ຊິດຍິ່ງຂຶ້ນ, ປະກອບສ່ວນຕົວຈິງ ໃນການເສີມຂະຫຍາຍ ແລະ ພັດທະນາ ການພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ຫວຽດນາມ-ລາວ, ລາວ-ຫວຽດນາມ ໃຫ້ຖືກຕາມຄວາມ ມຸ່ງມາດປາຖະໜາ ຂອງປະທານ ໂຮ່ຈີມິງ ຜູ້ຍິ່ງໃຫຍ່, ປະທານໄກສອນ ພົມວິຫານ ແລະ ປະທານສຸພານຸວົງ ອັນແສນຮັກ.
ອວຍພອນໃຫ້ ສະຫາຍ ຈົ່ງມີສຸຂະພາບເຂັ້ມແຂງ, ມີຄວາມສຸກ ແລະ ປະສົບຜົນສໍາເລັດ ໃນໜ້າທີ່ອັນຍິ່ງໃຫຍ່ກວ່າເກົ່າຂອງຕົນ.
 | ຄໍາເຫັນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່, ນາຍົກລັດຖະມົນຕີ ແຫ່ງ ສປປ.ລາວ ເນື່ອງໃນໂອກາດວັນສ້າງຕັ້ງພັກປະຊາຊົນປະຕິວັດລາວຄົບຮອບ 66 ປີ ພັກປະຊາຊົນປະຕິວັດລາວ ໄດ້ສືບທອດພາລະກິດ ອັນສະຫງ່າງາມ ຂອງພັກກອມມູນິດອິນດູຈີນແລະ ຢືດໝັ້ນໃນອຸດົມການ ກໍຄືທາດແທ້ ຂອງພັກ ປະຕິວັດ ມາກ-ເລນິນ ຢ່າງໜັກແໜ້ນ, ທັງເປັນເຈົ້າການເສີມຂະຫຍາຍ ມູນເຊື້ອອັນສະຫງ່າລາສີ ແລະ ກໍາລັງແຮງສັງລວມ ພາຍໃນຊາດ ສົມທົບກັບກຳລັງແຮງ ຂອງຍຸກສະໄໝ ສາມາດເຮັດສຳເລັດ ພາລະກຳປະຫວັດສາດ ໄດ້ຢ່າງສົມກຽດ, ເປີດສັງກາດໃໝ່ແຫ່ງຄວາມເປັນ ເອກະລາດ ແຫ່ງຊາດ, ອິດສະຫລະພາບ ແລະ ຄວາມເປັນເຈົ້າຕົນເອງ ... |
 | ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປປ ລາວ ປະຈໍາ ສສ ຫວຽດນາມ ເຂົ້າຢ້ຽມຂ່ຳນັບຫົວໜ້າໂຄສະນາສຶກສາສູນກາງພັກກອມມູນິດຫວຽດນາມຄົນໃໝ່ ຍສໝ - ວັນທີ 17 ມີນາ 2021 ທີ່ ຫ້ອງວ່າການສູນກາງພັກກອມມູນິດຫວຽດນາມ, ສະຫາຍ ແສງເພັດ ຮຸ່ງບຸນຍວງ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ສສ ຫວຽດນາມ ພ້ອມຄະນະໄດ້ເຂົ້າຢ້ຽມຂໍ່ານັບ ສະຫາຍ ຫງວຽນ ຈ້ອງ ເຫງ້ຍ, ເລຂາທິການສູນກາງພັກ, ຫົວໜ້າຄະນະໂຄສະນາສຶກສາສູນກາງພັກກອມມູນິດຫວຽດນາມ ເນື່ອງໃນໂອກາດທີ່ສະຫາຍຮັບຕຳແໜ່ງໃໝ່. ... |
 | ທ່ານນາຍົກລັດຖະມົນຕີຫງວຽນຊວັນຝຸກ: ກອງທຶນສຶກສາ ວື່ອາຢິງ ເຄື່ອນໄຫວເພື່ອພາລະກິດສົ່ງເສີມການຮຽນຢ່າງມີປະສິດທິຜົນ ເດືອນມີນາປີ 2021 ແມ່ນຂີດໝາຍກອງທຶນສຶກສາ ວື່ອາຢິງ ຄົບຮອບ 22 ປີ. |
kpl.gov.la
