ການພົວພັນດ້ານປ້ອງກັນຊາດແມ່ນໜຶ່ງໃນບັນດາເສົາຄໍ້າສໍາຄັນໃນການພົວພັນລະຫວ່າງສອງປະເທດ ຫວຽດນາມ-ລາວ
	ການຮ່ວມມືຂອງກໍາລັງຕໍາຫຼວດສອງປະເທດແມ່ນໜຶ່ງໃນບັນດາເສົາຄໍ້າສໍາຄັນຂອງການພົວພັນມິດຕະພາບທີ່ຍິ່ງໃຫຍ່ຫວຽດນາມ-ລາວ

ຄະນະພັກ-ຄະນະນຳ ກະຊວງວິທະຍາສາດ ແລະ ເຕັກໂນໂລຊີ (ກວຕ), ຊຶ່ງນຳໂດຍ ທ່ານ ບໍ່ວຽງຄຳ ວົງດາລາກຳມະການສູນກາງພັກ,​ ເລຂາຄະນະພັກ,​ ລັດຖະມົນຕີ ກວຕ ພ້ອມດ້ວຍຄະນະ ໄດ້ເຂົ້າອວຍພອນ ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ (20 ມັງກອນ) ຄົບຮອບ 72 ປີ (1949-2021) ໂດຍໃຫ້ກຽດຕ້ອນຮັບຂອງທ່ານ ພົທ ທອງລອຍ ສີລິວົງ ຫົວໜ້າກົມໃຫຍ່ ການເມືອງກອງທັບ, ຮອງລັດຖະມົນຕີ ກະຊວງປ້ອງກັນປະເທດ ພ້ອມດ້ວຍຄະນະ.

ໂອກາດດັ່ງກ່າວ, ທ່ານ ບໍ່ວຽງຄຳ ວົງດາລາ ໄດ້ຕາງໜ້າໃຫ້ຄະນະພັກ, ຄະນະນຳຕະຫລອດຮອດພະນັກງານ ແລະ ນັກວິທະຍາສາດລາວ ທົ່ວປະເທດ ສະແດງຄວາມຍ້ອງຍໍຊົມເຊີຍ, ມາຍັງຄະນະພັກ, ຄະນະນຳ ກະຊວງປ້ອງກັນປະເທດ ທີ່ຍາດຜົນງານຫລາຍດ້ານ ຕະຫລອດໄລຍະເວລາ 72 ປີຜ່ານມາ, ໃນການຊີ້ນຳ-ນຳພາ ແລະ ໄດ້ເອົາໃຈໃສ່ໃນການ ພັດທະນາກອງທັບ ເຮັດໃຫ້ກອງທັບ ນັບມື້ນັບມີການເຕີບໃຫຍ່ ຂະຫຍາຍຕົວ, ມີຄວາມເຂັ້ມແຂງ ແລະ ມີຄວາມທັນສະໄໝຂຶ້ນເລື້ອຍໆ, ສາມາດປົກປັກຮັກສາ ອະທິປະໄຕຂອງຊາດ ແລະ ຜືນແຜ່ນດິນອັນຄົບຖ້ວນ ເຮັດໃຫ້ສັງຄົມ ມີຄວາມສະຫງົບ ສຸກປອດໄພ. ພ້ອມນັ້ນ, ເນື່ອງໃນວັນສ້າງຕັ້ງກອງທັບ ຄົບຮອບ 72 ປີນີ້ ທ່ານຍັງໄດ້ກ່າວອວຍພອນໄຊມາຍັງ ຄະນະພັກ-ຄະນະນຳ ກະຊວງປ້ອງກັນ ປະເທດ, ພະນັກງານບຳນານ, ນາຍ ແລະ ພົນທະຫານ ຈົ່ງມີສຸຂະພາບເຂັ້ມແຂງ ໄດ້ຮັບຜົນງານອັນໃໝ່ ໃຫຍ່ຫລວງກວ່າເກົ່າ ເພື່ອພ້ອມກັນຈັດຕັ້ງ ຜັນຂະຫຍາຍມະຕິ ກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິ ວັດລາວ ໃຫ້ປະກົດຜົນເປັນຈິງ.

ໂອກາດດຽວກັນນີ້, ທ່ານ ພົທ ທອງລອຍ ສີລິວົງ ໄດ້ຕາງໜ້າໃຫ້ຄະນະພັກ, ຄະນະນຳ, ນາຍ ແລະ ພົນທະຫານ ກະຊວງປ້ອງກັນປະເທດ ສະແດງຄວາມຂອບໃຈຕໍ່ ທ່ານ ລັດຖະມົນຕີ ກວຕ ແລະ ຄະນະ ຊຶ່ງຍາມໃດກໍໄດ້ເປັນຫ່ວງເປັນໃຍ ແລະ ໃຫ້ການສະໜັບສະໜູນ ກອງທັບປະຊາຊົນລາວ ຕະຫລອດມາ, ການສະໜັບສະໜູນໃນຄັ້ງນີ້ ໄດ້ສະແດງເຖິງການ ພົວພັນຮ່ວມມື ແລະ ຄວາມສາມັກຄີ ລະຫວ່າງ ສອງກະຊວງ ເວົ້າລວມ ກໍຄື ກະຮ່ວມມືລະຫວ່າງ ກົມວິທະຍາສາດ-ປະ ຫວັດສາດກອງທັບ, ກະຊວງປ້ອງກັນປະເທດ ແລະ ກວຕ ຊຶ່ງຜ່ານມາ ກວຕ ແມ່ນໄດ້ໃຫ້ການສະໜັບສະໜູນ ແລະ ຊ່ວຍເຫລືອ ໃນການຄົ້ນຄວ້າວິທະຍາສາດ ແລະ ເຕັກໂນໂລຊີ ເຂົ້າໃນການຮັບໃຊ້ວຽກງານ ການທະຫານ ກໍຄື ການຮັບໃຊ້ເຂົ້າໃນວຽກງານ ປ້ອງກັນຊາດ-ປ້ອງກັນ ຄວາມສະຫງົບ ແລະ ປັບປຸງກອງທັບປະຊາຊົນລາວ ໃຫ້ກາຍເປັນກອງທັບ ທີ່ທັນສະໄໝ ໃນການກະກຽມຄວາມພ້ອມ ແລະ ປະຕິບັດພາລະບົດບາດ ໃນການປົກປັກຮັກສາສັນຕິພາບ, ເອກະລາດ, ອຳນາດອະທິປະໄຕ ແລະ ຜືນແຜ່ນດິນອັນຖ້ວນ ຂອງຊາດລາວໄວ້.

ໂອກາດເຂົ້າອວຍພອນໃນຄັ້ງນີ້, ກວຕ ໄດ້ນຳເອົາອຸປະກອນ ໄຟຟ້າແສງຕາເວັນ ແລະ ປັດໄຈຈຳນວນໜຶ່ງ ມອບໃຫ້ແກ່ກະຊວງ ປ້ອງກັນປະເທດ ລວມມູນຄ່າທັງໝົດ 72.000.000 ກີບ. ໃນເວລາຕໍ່ມາ, ທ່ານລັດຖະມົນຕີ ກວຕ ພ້ອມດ້ວຍ ຄະນະພັກ, ຄະນະນຳກະຊວງ ແລະ ສາມອົງການຈັດຕັ້ງ ມະຫາຊົນ ກໍໄດ້ເຂົ້າອວຍພອນ ທ່ານ ພົຕ ສະຫວ່າງໄຊ ສີນນະວົງ ຫົວໜ້າຫ້ອງການ, ຄະນະກຳ ມະການປ້ອງກັນຊາດ-ປ້ອງກັນ ຄວາມສະຫງົບສູນກາງ ຕື່ມອີກ.

ລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມ ລັດຖະມົນຕີ ຕ່າງປະເທດອາຊຽນວົງແຄບ ແບບທາງໄກ ໃນວັນທີ 21 ມັງກອນ 2021 ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ໄດ້ນໍາພາຄະນະ ເຂົ້າຮ່ວມກອງປະຊຸມ ວົງແຄບລັດຖະມົນຕີ ຕ່າງປະເທດອາຊຽນ ແບບທາງໄກ ເຊິ່ງເປັນ​ກອງ​ປະ​ຊຸມ​ທຳ​ອິດ​ ພາຍໃຕ້​ການ​ເປັນ​ປະ​ທານ ​ອາ​ຊຽນຂອງ ບຣູໄນ ດາຣູຊາລາມ (ສຳລັບສົກປີ 2021) ໂດຍມີບັນດາລັດຖະມົນຕີ ຕ່າງປະເທດອາຊຽນອື່ນ ແລະ ເລຂາທິການໃຫຍ່ອາຊຽນ ເຂົ້າຮ່ວມຕື່ມອີກ.

ການພົວພັນດ້ານປ້ອງກັນຊາດແມ່ນໜຶ່ງໃນບັນດາເສົາຄໍ້າສໍາຄັນໃນການພົວພັນລະຫວ່າງສອງປະເທດ ຫວຽດນາມ-ລາວ ຍສໝ - ລາວ - ຫວຽດນາມພວມສືບຕໍ່ຜັນຂະຫຍາຍອະນຸສັນຍາ ແລະແຜນການຮ່ວມມືປະຈໍາປີ, ສຸມໃສ່ຂົງເຂດຕ່າງໆ ເປັນຕົ້ນຄື: ການແລກປ່ຽນຄະນະຜູ້ແທນທຸກຂັ້ນ, ການສົມທົບກັນລະຫວ່າງບັນດາກໍາລັງຄຸ້ມຄອງ ແລະປົກປັກຮັກສາຊາຍແດນສອງປະເທດ ລາວ - ຫວຽດນາມ ໃນການປ້ອງກັນ, ຕ້ານອາດຊະຍາກໍາຂ້າມຊາດປະເພດຕ່າງໆ...

ການຮ່ວມມືຂອງກໍາລັງຕໍາຫຼວດສອງປະເທດແມ່ນໜຶ່ງໃນບັນດາເສົາຄໍ້າສໍາຄັນຂອງການພົວພັນມິດຕະພາບທີ່ຍິ່ງໃຫຍ່ຫວຽດນາມ-ລາວ ຍສໝ - ທ່ານພົນໂທ ວິໄລ ຫຼ້າຄໍາຟອງ, ກໍາມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນຄວາມສະຫງົບ ສປປ.ລາວ ໄດ້ຢືນຢັນຄືດັ່ງກ່າວເມື່ອຮັບຈົດໝາຍອວຍພອນຂອງທ່ານພົນເອກ ໂຕເລິມ, ລັດຖະມົນຕີກະຊວງຕໍາຫຼວດຫວຽດນາມ ແລະຄະນະພັກຕໍາຫຼວດສູນກາງຫວຽດນາມ.