ຫວຽດນາມ ເຂົ້າຮ່ວມກອງປະຊຸມຂອງສະພາຄວາມໝັ້ນຄົງ ສປຊ
	ຮອງເລຂາທິການໃຫຍ່ ສປຊ ມີຄວາມປາດຖະໜາກຢາກເພີ່ມທະວີການຮ່ວມມືກັບ ຫວຽດນາມ

ບັນຍາກາດທີ່ກອງປະຊຸມ. ພາບ: baoquocte.vn.

ຫວ່າງແລ້ວນີ້, ສະພາຄວາມໝັ້ນຄົງ ສປຊ ໄດ້ຈັດຕັ້ງກອງປະຊຸມທາງອອນລາຍ ກ່ຽວກັບສະພາບການຢູ່ຊູດັງ ແລະການເຄື່ອນໄຫວຂອງຄະນະປະຕິບັດງານໜູນຊ່ວຍຂອງ ສປຊ ປະຈໍາຊູດັງ. ກ່າວຄໍາເຫັນທີ່ກອງປະຊຸມ, ທ່ານ ດັ້ງດິ່ງກຸຍ, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສປຊ ໄດ້ຕີລາຄາສູງຕໍ່ບົດບາດຂອງ ສປຊ, ບັນດາປະເທດ ແລະອົງການຈັດຕັ້ງໃນພາກພື້ນໃນການຊຸກຍູ້ສັນຕິພາບ ແລະສະຖຽນລະພາບຢູ່ຊູດັງ ແລະຮຽກຮ້ອງໃຫ້ປະຊາຄົມສາກົນສືບຕໍ່ໜູນຊ່ວຍມະນຸດສະທໍາ ແລະສ້າງເງື່ອນໄຂຫຼາຍກວ່າອີກໃຫ້ແກ່ປະເທດຊູດັງ ໄດ້ສໍາຜັດກັບລະບອບລະບຽບການດ້ານການເງິນສາກົນ; ຮຽກຮ້ອງໃຫ້ ຊູດັງ ເພີ່ມທະວີຄວາມມານະພະຍາຍາມປົກປ້ອງສາມັນຊົນ ແລະ ແກ້ໄຂສາຍເຫດຂອງບັນຫາການໃຊ້ຄວາມຮຸນແຮງລະຫວ່າງບັນດາປະຊາຄົມໃຫ້ເຖິງກົກເຖິງຮາກ, ໃນນັ້ນນັບທັງບັນຫາມາດຕະການສ້າງຄວາມໄວ້ເນື້ອເຊື່ອໃຈ ແລະ ການໄກ່ເກ່ຍ; ສະແດງ ຄວາມປາດຖະໜາວ່າ ລັດຖະບານຊົ່ວຄາວ ແລະຝ່າຍຕ່າງໆທີ່ກ່ຽວຂ້ອງຢູ່ຊູດັງ ຈະສືບຕໍ່ຜັນຂະຫຍາຍຂໍ້ຕົກລົງສັນຕິພາບ ລົງໃນວັນທີ 3 ຕຸລາ 2020 ຢ່າງຄົບຖ້ວນ, ປະກອບສ່ວນສ້າງສັນຕິພາບ, ສະຖຽນລະພາບທີ່ຍາວນານຢູ່ຊູດັງ. ພ້ອມທັງກໍ່ສະແດງຄວາມປາດຖະໜາຢາກໃຫ້ຄະນະປະຕິບັດງານໜູນຊ່ວຍຂອງ ສປຊ ມີການເຄື່ອນໄຫວຢ່າງຄົບຖ້ວນໂດຍໄວເພື່ອໜູນຊ່ວຍວິວັດທະນາການເຊື່ອມຕໍ່ ແລະພັດທະນາຢູ່ຊູດັງ.

ກ່ອນໜ້ານັ້ນ, ທີ່ກອງປະຊຸມທາງໄກກ່ຽວກັບສະພາບການຢູ່ຊູດັງໃຕ້ ແລະການເຄື່ອນໄຫວຂອງຄະນະປະຕິບັດງານຮັກສາສັນຕິພາບ ສປຊ (UNMISS) ປະຈໍາ ຊູດັງໃຕ້. ທ່ານ ດັ້ງດີ່ງກຸຍ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສປຊ ຕີລາຄາສູງຕໍ່ການຜັນແປຢ່າງຕັ້ງໜ້າຢູ່ຊູດັງໃຕ້, ທ່ານຖືວ່າຄວາມຄືບໜ້ານີ້ຕ້ອງໄດ້ຮັບຮູ້ໃນສະພາບການຊູດັງໃຕ້ ພວມປະສົບກັບຄວາມຫຍຸ້ງຍາກຫຼາຍຢ່າງຍ້ອນພະຍາດໂຄວິດ-19... ທ່ານ ດັ້ງດີ່ງກຸຍ ໄດ້ຮຽກຮ້ອງໃຫ້ລັດຖະບານ ແລະບັນດາຝ່າຍທີ່ກ່ຽວຂ້ອງຢູ່ຊູດັງໃຕ້ ຊຸກຍູ້ການຜັນຂະຫຍາຍວິວັດການເຊື່ອມຕໍ່ ກໍ່ຄືດໍາເນີນບັນດາມາດຕະການຢ່າງມີປະສິດທິຜົນແນໃສ່ແກ້ໄຂສະພາບການໃຊ້ຄວາມຮຸນແຮງໃນປະຊາຄົມ. ພ້ອມທັງ ກໍ່ຢັ້ງຢືນວ່າ ຫວຽດນາມ ຈະສືບຕໍ່ປະກອບສ່ວນຢ່າງຕັ້ງໜ້າເຂົ້າໃນການເຄື່ອນໄຫວຂອງ UNMISS ແລະຊຸກຍູ້ການເຂົ້າຮ່ວມຂອງເພດຍິງໃນຄະນະປະຕິບັດງານ, ພ້ອມທັງຮຽກຮ້ອງໃຫ້ເພີ່ມທະວີເງື່ອນໄຂ, ພື້ນຖານດ້ານວັດຖຸທີ່ສະດວກໃຫ້ເພດຍິງໃນຄະນະປະຕິບັດງານ.

ທ່ານ​ນາຍົກລັດຖະມົນຕີ ຫວຽດນາມ ຫງວຽນຊວັນ​ຟຸກ: ສາມັກຄີ, ຮ່ວມ​ມື, ​ເພີີ່ມ​ທະວີ​ລັດທິຫຼາຍຝ່າຍ​ ດ້ວຍ​ໃຈກາງ​ແມ່ນ ສປຊ ຍສໝ - ທ່ານຫງວຽນຊວນຟຸກ - ນາຍົກລັດຖະມົນຕີຫວຽດນາມ ໄດ້ຢືນຢັນວ່າ ປະຊາຊົນຫວຽດນາມມີຄວາມຕັດສິນໃຈຮັກສາສັນຕິພາບ ກັບປະຊາຊົນບັນດາຊົນຊາດ ແລະ ປະຕິບັດເປົ້າໝາຍການພັດທະນາແບບຍືນຍົງ SDG 2030 ຢ່າງສຳເລັດຜົນ.

ສະຖານທູດ ຫວຽດນາມ ປະຈຳ ບັນດາປະເທດ ສະເຫຼີມສະຫຼອງ 75 ປີ ແຫ່ງວັນຊາດ ຫວຽດນາມ ແລະ ວັນສ້າງຕັ້ງຂະແໜງການທູດ ໃນໄລຍະຈະມາເຖິງ, ຫວຽດນາມ ຕັດສິນໃຈ ຈະເພີ່ມທະວີນ້ຳໃຈໄມຕີຈິດມິດຕະພາບ ແລະ ການຮ່ວມມືໃນຫຼາຍດ້ານກັບ ສິງກະໂປ, ບັນດາປະເທດ ສະມາຊິກ ອາຊຽນ ແລະ ບັນດາປະເທດອື່ນໆຫຼາຍກວ່າອີກ ເພື່ອໂລກແຫ່ງສັນຕິພາບ, ວັດທະນາຖາວອນ ແລະ ພັດທະນາແບບຍືນຍົງ.

ຫວຽດນາມ ໄດ້ມານະພະຍາຍາມເຂົ້າຮ່ວມວຽກງານຂອງສະພາຄວາມໝັ້ນຄົງ ສປຊ ແລະ ບັນລຸໄດ້ຫຼາຍຜົນງານທີ່ໜ້າຮັບຮູ້ ຍສໝ - ເມື່ອບໍ່ດົນມານີ້, ກຸ່ມປະຕິບັດງານລະຫວ່າງຂະແໜງການກ່ຽວກັບເລື່ອງຫວຽດນາມ ຮັບດຳລົງຕຳແໜ່ງກຳມະການບໍ່ປະຈຳການສະພາຄວາມໝັ້ນຄົງ ສປຊ ໄດ້ຈັດຕັ້ງກອງປະຊຸມປະຈຳໄລຍະພາຍໃຕ້ການເປັນປະທານຂອງທ່ານ ເລຮວ່າຍຈູງ, ກຳມະການສູນກາງພັກ, ຮອງລັດຖະມົນຕີການຕ່າງປະເທດ