 |
ທ່ານ ບໍ່ແສງຄຳ ວົງດາລາ ລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ.
ໃນໂອກາດດັ່ງກ່າວ:ທ່ານ ບໍ່ແສງຄຳ ວົງດາລາ ກ່າວວ່າ: ການຈັດຂະບວນຄາລາວານລົດທ່ອງທ່ຽວສູ່ເມືອງວຽງໄຊ ແຂວງຫົວພັນ ໃນຄັ້ງນີ້, ຈຸດປະສົງຫລັກແມ່ນ ເພື່ອສຶກສາຮຽນຮູ້ ແລະ ເຜີຍ ແຜ່ຄວາມເອກອ້າງທະນົງໃຈ ຕໍ່ມູນເຊື້ອປະຫວັດສາດ ການຕໍ່ສູ້ອັນຍືດເຍື້ອຍາວນານ ພິລະອາດຫານຂອງ ປະຊາຊົນບັນດາເຜົ່າ ແລະ ວິລະກຳອັນລໍ້າເລີດ ຂອງບັນດາວິລະຊົນ ນັກຮົບແຂ່ງຂັນ ໃນພາລະ ກິດຕໍ່ສູ້ປົດປ່ອຍຊາດ ໃນໄລຍະຜ່ານມາ ພາຍໃຕ້ການນຳພາຂອງພັກ ປະຊາຊົນປະຕິວັດລາວ, ທັງເປັນການລະນຶກ ແລະ ສະແດງຄວາມຮູູ້ບຸນຄຸນ ຢ່າງເລິກເຊິ່ງຕໍ່ຜົນງານ ແລະ ຄຸນງາມຄວາມ ດີອັນໃຫຍ່ ຫລວງ ຂອງບັນດາຜູູ້ນໍາ ທີິ່ເຄົາລົບຮັກ ບັນດານັກຮົບຜູູ້ອາດຫານທຸກໝູ່ເລົ່າ, ພ້ອມທັງພໍ່ແມ່ປະ ຊາຊົນ ທີິ່ເສຍສະຫລະເລືອດ ເນື້ອໃນການຕໍ່ສູູ້ເພື່ອປະເທດຊາດ ແລະ ປະຊາຊົນເຮົາ. ທັງເປັນການ ຮໍ່າຮຽນເອົາ ຄຸນສົມບັດສີນທໍາປະຕິວັດ, ທັດສະນະ ແລະ ອຸດົມຄະຕິຂອງການປະຕິວັດ ລວມທັງແບບ ແຜນການນໍາ ແລະ ແບບແຜນການດໍາລົງຊີວິດ ຂອງຜູູ້ນໍາຮຸ່ນກ່ອນ, ສ້າງຄວາມເອກອ້າງທະນົງໃຈ ຕໍ່ຜົນສໍາເລັດແຫ່ງການຕໍ່ສູູ້ກູູ້ຊາດ, ການປົກປັກຮັກສາ ແລະ ພັດທະນາສ້າງສາ ປະເທດຊາດ, ເພີິ່ມທະວີຄວາມສາມັກຄີ ເປັນເອກະພາບ, ເສີມຂະຫຍາຍມູນເຊື້ອຮັກຊາດ, ມູນເຊື້ອຕໍ່ສູູ້ອົງອາດກ້າຫານ ແລະ ມູນເຊື້ອສາມັກຄີ ພາຍໃຕ້ການນໍາພາຂອງພັກ.
 |
ທ່ານ ສອນໄຊ ສີພັນດອນ ຮອງນາຍົກ ລັດຖະ ມົນຕີ
ພ້ອມດຽວກັນນີ້, ຂະບວນຄາລາວານລົດທ່ອງທ່ຽວ ຍັງເປັນການປຸກລະດົມຂົນຂວາຍ ແລະ ສ້າງຂະບວນການ ໂຄສະນາສົ່ງເສີມ ການທ່ອງທ່ຽວລາວ2018 “ລາວທ່ຽວລາວ”, ໂດຍສະເພາະ ຢູ່ຖານທີ່ໝັ້ນ ຂອງການປະຕິວັດລາວ ກໍຄື ການດຶງດູດນັກທ່ອງທ່ຽວ ໃຫ້ໄປຢ້ຽມຢາມ ແລະ ທ່ຽວຊົມບັນ ດາແຂວງພາກເໜືອ ໃຫ້ນັບມື້ນັບຫລາຍຂຶ້ນ.ຂະບວນລົດຄາລາວານ ລົດທ່ອງທ່ຽວມື້ນີ້ ຈະເດີນທາງ ອອກຈາກ ນະຄອນຫລວງວຽງຈັນ ໄປຍັງແຂວງບໍລິຄຳໄຊ, ແຂວງຊຽງຂວາງ ແລະ ແຂວງຫົວພັນ ເພື່ອເຂົ້າຮ່ວມງານສະເຫລີມສະຫລອງ ວັນສ້າງຕັ້ງເມືອງວຽງໄຊ ຖານທີ່ໝັ້ນຂອງ ການປະຕິວັດລາວ ຄົບຮອບ 50 ປີ, ຊຶ່ງມີຜູ້ເຂົ້າຮ່ວມທັງໝົດ 500 ກວ່າທ່ານ, ທີ່ມາຈາກຂັ້ນສູນກາງ ແລະ ທ້ອງຖິ່ນ ລວມທັງອົງການຈັດຕັ້ງມະຫາຊົນ, ພາກເອກກະຊົນ ແລະ ມີລົດເຂົ້າຮ່ວມ 110 ຄັນ.
（ແຫຼ່ງຂໍ້ມູນ： ຂປລ）
