ຍອດວົງເງິນສົ່ງອອກ-ນຳເຂົ້າ ຂອງ ຫວຽດນາມ ໃນສອງເດືອນຕົ້ນປີ 2021​ ຄາດວ່າບັນລຸປະມານ 95,81 ຕື້ໂດລາສະຫະລັດ, ເພີ່ມຂຶ້ນ 24,5% ເມື່ອທຽບໃສ່ໄລຍະດຽວກັນຂອງປີ 2020
	ກອງປະຊຸມສະຫລຸບວຽກງານປ້ອງກັນຊາດ ປະຈໍາສົກ ປີ 2020

ທ່ານ ກິ່ງມະໂນ ພົມມະຫາໄຊ ຄະນະພັກ, ຮອງລັດຖະມົນຕີ, ຮອງຫົວໜ້າຫ້ອງວ່າການປະທານປະເທດ (ພາບ: po.gov.la)

ທ່ານ ກິ່ງມະໂນ ພົມມະຫາໄຊ ຄະນະພັກ, ຮອງລັດຖະມົນຕີ, ຮອງຫົວໜ້າຫ້ອງວ່າການປະທານປະເທດ ລາວ ໄດ້ຂຶ້ນຜ່ານບົດສະຫລຸບ ແລະ ແຜນການປີ 2021 ມີເນື້ອໃນບາງຕອນວ່າ: ຕະຫລອດໄລຍະໜຶ່ງປີຜ່ານມາ ເປັນປີທີ່ສະພາບການຂອງໂລກ ແລະ ພາກພື້ນ ໄດ້ສືບຕໍ່ພັນແປຢ່າງສັບສົນ ແລະ ຄາດຄະເນ່ໄດ້ຍາກ. ສຳລັບປະເທດເຮົາ, ປີ 2020 ເປັນປີທີ່ມີຄວາມໝາຍຄວາມສໍາຄັນເຊິ່ງເປັນປີມ້ວນທ້າຍ ແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ x ຂອງພັກ ແລະ ແຜນພັດທະນາເສດຖະກິດສັງຄົມ 5 ປີ ຄັ້ງທີ VIII ແລະ ການສະເຫລີມສະຫລອງວັນສຳຄັນຕ່າງໆ ຂອງຊາດ. ໄດ້ເອົາໃຈໃສ່ປະຕິບັດມະຕິກອງປະຊຸມໃຫຍ່ ຄັ້ງທີ I ຂອງຄະນະພັກຮາກຖານຫ້ອງວ່າການປະທານປະເທດ ເພື່ອເປັນບ່ອນອີງໃນການຈັດຕັ້ງປະຕິບັດ ຫັນເຂົ້າສູ່ວຽກງານຕົວຈິງ ຂອງແຕ່ລະຂະແໜງການ, ມີຄວາມສະຫງົບ, ມີຄວາມເປັນລະບຽບຮຽບຮ້ອຍດີ ແລະ ຟົດຟື້ນໃນການຈັດຕັ້ງປະຕິບັດມະຕິ, ແຜນການຂອງຕົນ ແລະ ຂອງຂັ້ນເທິງ, ມີຜົນສຳເລັດເປັນຢ່າງດີ ສາມາດເຮັດໜ້າທີ່ເປັນເສນາທິການຮັບໃຊ້ໃຫ້ແກ່ ປະທານປະເທດ ແລະ ຮອງປະທານປະເທດ ໃນການເຄື່ອນໄຫວລັດຖະກິດ ພາຍໃນ ແລະ ຕ່າງປະເທດໄດ້ເປັນຢ່າງດີ.

ສຳລັບທິດທາງແຜນການ ປີ 2021 ຫ້ອງວ່າການປະທານປະເທດ ຈະສືບຕໍ່ຈັດຕັ້ງປະຕິບັດວຽກງານສຶກສາອົບຮົມການເມືອງແນວຄິດ; ປະຕິບັດວຽກງານການຈັດຕັ້ງ ແລະ ບຸກຄະລາກອນ; ວຽກງານວິຊາສະເພາະ. ການຈັດຕັ້ງປະຕິບັດ ຕ້ອງມີການປະສານສົມທົບຢູ່ພາຍໃນໃຫ້ດີ, ມີການພົວ ພັນປະສານສົມທົບກັບພາກສ່ວນອື່ນທີ່ກ່ຽວຂ້ອງຢ່າງກົມກຽວ ແລະ ຕິດພັນກັບການສ້າງຂະບວນການແຂ່ງຂັນຮັກຊາດ ແລະ ພັດທະນາ ຢູ່ແຕ່ລະກົມ ແລະ ທົ່ວຫ້ອງວ່າການປະທານປະເທດ ໃຫ້ເປັນຂະ ບວນຟົດຟື້ນ, ມີການສະຫລຸບຖອດຖອນບົດຮຽນ ແລະ ປະເມີນຜົນໄລຍະ 1 ເດືອນ, 3 ເດືອນ, 6 ເດືອນ ແລະ 1 ປີ ເພື່ອລາຍງານຕໍ່ຂັ້ນເທິງ.

ຍອດວົງເງິນສົ່ງອອກ-ນຳເຂົ້າ ຂອງ ຫວຽດນາມ ໃນສອງເດືອນຕົ້ນປີ 2021​ ຄາດວ່າບັນລຸປະມານ 95,81 ຕື້ໂດລາສະຫະລັດ, ເພີ່ມຂຶ້ນ 24,5% ເມື່ອທຽບໃສ່ໄລຍະດຽວກັນຂອງປີ 2020 ຍສໝ - ມີ 9 ປະເພດສິນຄ້າບັນລຸວົງເງິນສົ່ງອອກກວ່າ 1 ຕື້ໂດລາສະຫະລັດ, ກວມເອົາ 73,8% ຍອດວົງເງິນສົ່ງອອກ, ລວມມີ: ໂທລະສັບ, ເຄື່ອງອາໄຫຼ່; ເຄື່ອງເອເລັກໂຕນິກ...

ກອງປະຊຸມສະຫລຸບວຽກງານປ້ອງກັນຊາດ ປະຈໍາສົກ ປີ 2020 ໃນວັນທີ 22 ກຸມພາ 2021 ຢູ່ກະຊວງປ້ອງກັນປະເທດ, ໄດ້ມີກອງປະຊຸມສະຫລຸບຕີລາຄາວຽກງານປ້ອງກັນຊາດ ປະຈໍາສົກ ປີ 2020 ແລະ ຫາລືທິດທາງວຽກງານປະຈໍາປີ 2021, ໂດຍພາຍໃຕ້ການເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ ລັດຖະມົນຕີ ກະ ຊວງປ້ອງກັນປະເທດ, ມີຄະນະພັກ-ຄະນະບັນຊາ ພາຍໃນກະຊວງດັ່ງກ່າວເຂົ້າຮ່ວມ.

VUFO ປຸກ​ລະ​ດົມ​ຂະ​ບວນ​ການ​ແຂ່ງ​ຂັນ​ປີ 2021 ດ້ວຍ 5 ເນື້ອ​ໃນ​ຕົ້ນ​ຕໍ ຍ​ສ​ໝ - ຕອນ​ເຊົ້າ​ວັນ​ທີ 17 ກຸມ​ພາ, ຢູ່​ຮ່າ​ໂນ້ຍ, ສະ​ຫະ​ພັນ​ບັນ​ດາ​ອົງ​ການ​ມິດ​ຕະ​ພາບ​ຫວຽດ​ນາມ (VUFO) ໄດ້​ຈັດ ພິ​ທີ​ປຸກ​ລະ​ດົມ​ຂະ​ບວນ​ການ​ແຂ່ງ​ຂັນ​ປີ 2021 ດ້ວຍ 5 ເນື້ອໃນ​ຕົ້ນ​ຕ​ໍ.