| ຫວຽດນາມ - ກູບາປຶກສາຫາລືດ້ານການເມືອງ ຂັ້ນຮອງລັດຖະມົນຕີກະຊວງການຕ່າງປະເທດຄັ້ງທີ VI | |
| ສາທາລະນະ Udmurtia ເອົາໃຈໃສ່ຊຸກຍູ້ການພົວພັນທາງການຄ້າ ກັບ ຫວຽດນາມ |
 |
| ທ່ານ ຫງວຽນເລຟຸກ ຮອງຫົວໜ້າກົມໃຫຍ່ການທ່ອງທ່ຽວ ຫວຽດນາມ ກ່າວຄຳເຫັນທີ່ເວທີປາໄສ (ພາບ: TTXVN) |
ຕາມນັກຂ່າວສຳນັກຂ່າວສານຫວຽດນາມ ປະຈຳ ລັດເຊຍ, ອຳນາດການປົກຄອງ ນະຄອນ St. Petersburg ໃນວັນທີ 3 ມີນາ ໄດ້ຈັດຕັ້ງ ເວທີປາໄສ ທາງອອນລາຍ ການທ່ອງທ່ຽວ ສາກົນ St. Petersburg - ຫວຽດນາມ ຄັ້ງທີ 2 ເພື່ອແນໃສ່ຊຸກຍູ້ການເຄື່ອນໄຫວທ່ອງທ່ຽວລະຫວ່າງນະຄອນສອງຝ່າຍ.
ເຂົ້າຮ່ວມເຫດການມີທ່ານ ຫງວຽນເລຟຸກ ຮອງຫົວໜ້າກົມໃຫຍ່ການທ່ອງທ່ຽວ ຫວຽດນາມ, ທ່ານ Demyan O. Smilevets ຫົວໜ້າຫ້ອງການຮ່ວມມືສາກົນກົມໃຫຍ່ການທ່ອງທ່ຽວສະຫະພັນລັດເຊຍ, ທ່ານນາງ Nana M. Gvichia ຮອງຫົວໜ້າຄະນະກຳມະການພັດທະນາການທ່ອງທ່ຽວ St. Petersburg, ທ່ານ Vyacheslav G. Kalganov ຮອງຫົວໜ້າຄະນະກຳມະການພົວພັນຕ່າງປະເທດ St. Petersburg, ພ້ອມກັບຜູ້ຕາງໆທີ່ມາຈາກບັນດາວິສາຫະກິດການທ່ອງທ່ຽວ ຫວຽດນາມ ແລະ ສະຫະພັນລັດເຊຍ…
ກ່າວຄຳເຫັນທີເວທີປາໄສ, ທ່ານ ຮອງຫົວໜ້າກົມໃຫຍ່ການທ່ອງທ່ຽວ ຫວຽດນາມ ໄດ້ສະແດງຄວາມດີໃຈເມື່ອໄດ້ເຂົ້າຮ່ວມເວທີປາໄສນີ້. ທ່ານ ຫງວຽນເລຟຸກ ຖືວ່າ ໂລກລະບາດໂຄວິດ - 19 ໃນໂລກ ພວມກໍ່ຄວາມຫຍຸ້ງຍາກທີ່ບໍ່ເຄີຍມີມາກອນໃຫ້ແກ່ບັນດາການເຄື່ອນໄຫວທ່ອງທ່ຽວສາກົນ ແລະ ທ່ານເຊື່ອໝັ້ນວ່າ ບັນດາເວທີປາໄສຈະຊຸກຍູ້ຄວາມເຊື່ອໝັ້ນ ແລະ ການຟື້ນຟູບັນດາການເຄື່ອນໄຫວທ່ອງທ່ຽວລະຫວ່າງ ສອງປະເທດ.
ສ່ວນທ່ານ Demyan Smilevets ໄດ້ໃຫ້ຮູ້ວ່າ ຫວຽດນາມ ແມ່ນຈຸດນັດພົບທີ່ໄດ້ຮັບຄວາມນິຍົມຈາກແຂກທ່ອງທ່ຽວ ລັດເຊຍ, ຕາມຕົວເລກກົມໃຫຍ່ສະຖິຕິ ສະຫະພັນລັດເຊຍແລ້ວ, ປີ 2019 ມີແຂກທ່ອງທ່ຽວລັດເຊຍ ປະມານ 572.000 ຄົນ ມາທ່ຽວ ຫວຽດນາມ, ເພີ່ມຂຶ້ນ 8%ເມື່ອທຽບໃສ່ກັບປີ 2018. ທ່ານ Smilevets ກໍ່ສະແດງຄວາມເສຍດາຍວ່າ ຈຳນວນແຂກທ່ອງທ່ຽວລັດເຊຍໄປຍັງຫວຽດນາມ ສູງກ່ວາຫຼາຍເມື່ອທຽບໃສ່ຈຳນວນແຂກທ່ອງທ່ຽວຫວຽດນາມໄປຍັງລັດເຊຍ. ແຕ່ວ່າ ລັດເຊຍ ຍັງຖື ຫວຽດນາມ ແມ່ນ ຕະຫຼາດທີ່ເຕັມໄປດ້ວຍນໍ້າໃຈມິດຕະພາບລະຫວ່າງ ປະຊາຊົນສອງປະເທດ.
ທ່ານ Smilevets ໄດ້ປະກາດວ່າ, ນັບແຕ່ວັນທີ 1 ມັງກອນ 2021, ຫວຽດນາມໄດ້ຈັດເຂົ້າສູ່ບັນຊີລາຍຊື່ບັນດາປະເທດມີພົນລະເມືອງໄດ້ຮັບວີຊາເອເລັກໂຕນິກຈາກລັດເຊຍ, ຫຼຸດຜ່ອນຫຼາຍພໍສົມຄວນລະບຽບການຂໍວີຊາໄປຍັງລັດເຊຍ. ເຖິງຢ່າງໃດກໍຕາມ, ຍ້ອນໂລກລະບາດໂຄວິດ - 19 ດັ່ງນັ້ນການຂໍວີຊາເອເລັກໂຕນິກຍັງບໍ່ທັນໄດ້ຮັບການປະຕິບັດເທື່ອ. ທ່ານກໍ່ຖືວ່າ ວິສາຫະກິດການທ່ອງທ່ຽວສອງປະເທດຄວນຮ່ວມມືເພື່ອຮັບປະກັນໂຄງການທ່ອງທ່ຽວທີ່ມີຄວາມປອດໄພທີ່ສຸດ, ມີຄວາມສະດວກ, ຜ່ານນັ້ນພັດທະນາຈຳນວນແຂກທ່ອງທ່ຽວລະຫວ່າງ ສອງປະເທດ.
 | ຫວຽດນາມ - ກູບາປຶກສາຫາລືດ້ານການເມືອງ ຂັ້ນຮອງລັດຖະມົນຕີກະຊວງການຕ່າງປະເທດຄັ້ງທີ VI ຍສໝ - ເຂົ້າຮ່ວມຢູ່ສະຖານທີ່ຖ່າຍທອດສົດ 2 ແຫ່ງ ຫວຽດນາມ ແລະ ກູບາ, ມີທ່ານ ເລແທັງຕຸ່ງ ເອກອັກຄະລັດຖະທູດ ຫວຽດນາມ ປະຈຳ ສາທາລະນະລັດ ກູບາ, ທ່ານ Orlando Nicolás Hernández ເອກອັກຄະລັດຖະທູດ ສາທາລະນະລັດ ກູບາ ປະຈຳ ຫວຽດນາມ, ທ່ານ Irmina ... |
 | ສາທາລະນະ Udmurtia ເອົາໃຈໃສ່ຊຸກຍູ້ການພົວພັນທາງການຄ້າ ກັບ ຫວຽດນາມ ຍສໝ - ສາທາລະນະ Udmurtia ຂຶ້ນກັບສະຫະພັນ ລັດເຊຍ ໄດ້ເລີ່ມສົ່ງອອກໄປຍັງຫວຽດນາມ ອຸປະກອນການແພດ, ໃນໄລຍະຈະມາເຖິງ ຈະມີແຜນການເພີ່ມທະວີການສົ່ງອອກບັນດາຜະລິດຕະພັນກະເສດ, ອຸດສາຫະກຳເຄມີ ແລະ ການບໍລິການ IT. |
 | ຫວຽດນາມ ເຂົ້າຮ່ວມການຮັກສາສັນຕິພາບຢູ່ສປຊ: ຍົກສູງທີ່ຕັ້ງບົດບາດ ແລະ ກຳລັງແຮງທາງການທູດ ຍສໝ - ຫຼາຍປະເທດ, ພິເສດແມ່ນບັນດາປະເທດໃຫຍ່ ໄດ້ສະແດງຄວາມຫວັງຢາກເພີ່ມທະວີການຮ່ວມມືກັບຫວຽດນາມ ໃນການເຄື່ອນໄຫວຮັກສາສັນຕິພາບ, ຜ່ານນັ້ນເປີດກ້ວາງເນື້ອໃນ, ເຮັດໃຫ້ການພົວພັນຂອງຫວຽດນາມ ກັບບັນດາປະເທດເລິກເຊິ່ງກ່ວາອີກ. |
ບຸນຄົງ
