| Vietnam Airlines ຂຸດຄົ້ນຖ້ຽວບິນສາກົນຖ້ຽວທຳອິດ ນັບແຕ່ເວລາເກີດໂລກລະບາດໂຄວິດ - 19 | |
| ປີທ່ອງທ່ຽວແຫ່ງຊາດ 2022 ໄດ້ຈັດຂຶ້ນຢູ່ ແຂວງກວາງນາມ |
 |
| ສະພາແຫ່ງຊາດຊຸດທີ 15 ໄດ້ເປີດກອງປະຊຸມວິສາມັນຄັ້ງທຳອິດ, ໄດ້ຕັດສິນຫຼາຍບັນຫາສຳຄັນ. ພາບ:TTXVN |
ເຂົ້າຮ່ວມພິທີເປີດມີ ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ, ປະທານປະເທດຫວຽດນາມ ຫງວຽນຊວັນຟຸກ, ທ່ານນາຍົກລັດຖະມົນຕີ ຟ້າມມີງຈິງ, ປະທານສະພາແຫ່ງຊາດຫວຽດນາມ ເວືອງດິ່ງເຫວ້ ແລະ ບັນດາຜູ້ແທນສະພາແຫ່ງຊາດຊຸດທີ 15. ວາລະເປີດໄດ້ມີການຖ່າຍທອດສົດທາງວິທະຍຸແລະ ໂທລະພາບ.
ທີ່ກອງປະຊຸມວິສາມັນຄັ້ງນີ້, ສະພາແຫ່ງຊາດຈະພິຈາລະນາ ແລະ ຕັດສິນກ່ຽວກັບ 4 ບັນຫາສຳຄັນ, ລາຍລະອຽດແມ່ນ:
ເນື້ອໃນທີ 1: ກວດກາຄືນ ແລະ ຮັບຮອງເອົາມະຕິກ່ຽວກັບນະໂຍບາຍປີການເງິນ, ເງິນຕາ ເພື່ອໜູນຊ່ວຍການຈັດຕັ້ງປະຕິບັດແຜນງານພັດທະນາເສດຖະກິດ-ສັງຄົມ. ມະຕິດັ່ງກ່າວມີຄວາມສຳຄັນເປັນພິເສດເພື່ອຮັບມືກັບການແຜ່ລະບາດຂອງພະຍາດໂຄວິດ-19, ແກ້ໄຂຄວາມເສຍຫາຍ, ຟື້ນຟູ ແລະ ພັດທະນາເສດຖະກິດ-ສັງຄົມຢ່າງຍືນຍົງ, ຟື້ນຟູຕະຫຼາດແຮງງານ, ແກ້ໄຂບັນດາບັນຫາຮັບປະກັນຊີວີດສັງຄົມ, ສະຫວັດດີການສັງຄົມ. ນີ້ແມ່ນນະໂຍບາຍເພີ່ມເຕີມ, ນອກຂອບເຂດນະໂຍບາຍການເງິນ, ເງິນຕາທີ່ໄດ້ສະພາແຫ່ງຊາດໄດ້ຕົກລົງໃນແຜນພັດທະນາເສດຖະກິດ - ສັງຄົມ; ແຜນການດ້ານການເງິນ, ແຜນການກູ້ຢືມເງິນ ແລະ ຊໍາລະໜີ້ສາທາລະນະ, ແຜນການລົງທຶນສາທາລະນະໄລຍະກາງ 5 ປີໄລຍະ 2021-2025.
ເນື້ອໃນທີສອງ: ພິຈາລະນາ ແລະ ຮັບຮອງເອົາມະຕິກ່ຽວກັບແຜນນະໂຍບາຍການລົງທຶນໂຄງການກໍ່ສ້າງທາງດ່ວນ ເໜືອ - ໃຕ້ ທາງທິດຕາເວັນອອກ ໄລຍະ 2021-2025 ລວມມີ 12 ໂຄງການອົງປະກອບ. ຍອດເງິນລົງທຶນເບື້ອງຕົ້ນແມ່ນ 146.990 ຕື້ດົ່ງ. ການຈັດຕັ້ງປະຕິບັດໂຄງການໂດຍໄວມີຄວາມໝາຍທີ່ແທດຈິງ, ຊຸກຍູ້ການເບີກຈ່າຍເງິນລົງທຶນພາກລັດ, ປະກອບສ່ວນຟື້ນຟູ ແລະ ການເຕີບໂຕດ້ານເສດຖະກິດ, ສາມາດແຜ່ກະຈາຍໃນວົງກວ້າງ, ປັບປຸງການເຊື່ອມໂຍງລະຫວ່າງເຂດ.
ເນື້ອໃນທີສາມ: ກວດກາ ແລະ ຮັບຮອງເອົາຮ່າງກົດໝາຍສະບັບປັບປຸງ ແລະ ເພີ່ມເຕີມບາງມາດຕາຂອງກົດໝາຍວ່າດ້ວຍການລົງທຶນພາກລັດ, ກົດໝາຍວ່າດ້ວຍການລົງທຶນພາຍໃຕ້ຮູບແບບຄູ່ຮ່ວມພາກລັດ-ເອກະຊົນ, ກົດໝາຍວ່າດ້ວຍການລົງທຶນ, ກົດໝາຍວ່າດ້ວຍການປະມູນ, ກົດໝາຍວ່າດ້ວຍໄຟຟ້າ, ກົດໝາຍວ່າດ້ວຍວິສາຫະກິດ, ກົດໝາຍວ່າດ້ວຍອາກອນຊົມໃຊ້ພິເສດ ແລະ ກົດໝາຍວ່າດ້ວຍການປະຕິບັດຄຳຕັດສິນທາງແພ່ງ; ພິຈາລະນາ ແລະ ຮັບຮອງເອົາມະຕິກ່ຽວກັບການທົດລອງບາງກົນໄກ, ນະໂຍບາຍສະເພາະໃຫ້ແກ່ການພັດທະນານະຄອນ ເກີນເທີ ເພື່ອປະກອບສ່ວນຊຸກຍູ້ຄວາມສາມາດບົ່ມຊ້ອນ, ສ້າງກຳລັງແຮງເພື່ອກໍ່ສ້າງ ແລະ ພັດທະນານະຄອນ ເກີ່ນເທີ ໃຫ້ກາຍເປັນນະຄອນໃຈກາງເຂດ, ນິເວດວິທະຍາ, ສີວິໄລ, ທັນສະໄໝ, ເປັນຕົວເມືອງຫຼັກຂອງເຂດທົ່ງພຽງແມ່ນ້ຳຂອງ.
ເນື້ອໃນທີ 4: ລັດຖະບານສົ່ງບົດລາຍງານເພີ່ມເຕີມກ່ຽວກັບສະຖານະການປ້ອງກັນ ແລະ ຄວບຄຸມ COVID-19 ໃນປະຈຸບັນ, ໂດຍສະເພາະແມ່ນການຮັບມືກັບໄວຣັດສາຍພັນໃໝ່ Omicron ; ໂຄງການປ້ອງກັນ ແລະ ຄວບຄຸມການແຜ່ລະບາດຂອງພະຍາດໂຄວິດ-19 ແລະ ໂຄງການຟື້ນຟູ ແລະ ພັດທະນາເສດຖະກິດ-ສັງຄົມ.
ໄຊພອນ
