| ການທູດປະຊາຊົນ: ປັບຕົວໃຫ້ແທດເໝາະກັບສະພາບໂລກລະບາດໂຄວິດ - 19 | |
| ໂລກມີຜູ້ຕິດເຊື້ອພະຍາດໂຄວິດ - 19 ກ່ວາ 5 ລ້ານຄົນ |
 |
| ທ່ານນາງ ເຈີນອວຽນເຟືອງ ຮອງຜູ້ອຳນວຍການໃຫຍ່ ກຸ່ມບໍລິສັດເຕີນຫຽບຟາດ |
ທ່ານນາງ ເຈີນອວຽນເຟືອງ ຮອງຜູ້ອຳນວຍການໃຫຍ່ ກຸ່ມບໍລິສັດເຕີນຫຽບຟາດ ກ່າວໃນກອງປະຊຸມສຳມະນາກ່ຽວກັບການປ່ຽນແປງໃໝ່ຫົວຄິດປະດິດສ້າງໂດຍກະຊວງແຜນການ ແລະ ການລົງທຶນຈັດຕັ້ງ: “ການປ່ຽນໃສ່ໂມງ ແຕ່ມືຊ້າຍມາມືຂວາມັນກໍຍາກສໍາລັບຄົນເຮົາແລ້ວ. ດັ່ງນັ້ນ ຈະເຮັດແນວໃດເພື່ອໃຫ້ວິສາຫະກິດຍົກອອກຈິນຕະນາການປ່ຽນແປງໃໝ່ຫົວຄິດປະດິດສ້າງຢ່າງຕໍ່ເນື່ອງເຂົ້າໃນວັດທະນະທຳ ເພື່ອໃຫ້ແຕ່ລະຄົນຮັບຮູ້ວ່າ ນີ້ຈະຊ່ວຍໃຫ້ພວກເຂົາປັບຕົວກ້າວທັນ ແລະ ປັບຕົວເຂົ້າກັບຄວາມຕ້ອງການຂອງວຽກງານ”.
ຮຽກຮ້ອງຕ້ອງການໃຫ້ມີການດັດປັບໃໝ່ຢ່າງຕໍ່ເນື່ອງໃນວຽກງານ
ຜູ້ນໍາເຕີນຫຽບຟາດກ່າວວ່າ ສິ່ງທີ່ນຳມາເຊິ່ງຜົນສຳເລັດໃຫ້ວິສາຫະກິດໃນຂະບວນການປ່ຽນແປງໃໝ່ປະດິດສ້າງແມ່ນການຜັນຂະຫຍາຍປະຕິບັດຢ່າງລຸລ່ວງ ແລະ ສະເໜີຕົ້ນສະເໝີປາຍ. ໃນນັ້ນ ຄວາມສະເໜີຕົ້ນສະເໝີປາຍຂອງແນວຄວາມຄິດແມ່ນຫນຶ່ງໃນສິ່ງທີ່ສໍາຄັນທີ່ສຸດ.
ເນື່ອງຈາກວ່າໃນເວລາປ່ຽນແປງໃໝ່ ໝາຍເຖິງວ່າເຮັດໃຫ້ທຸກສິ່ງທຸກຢ່າງຕ່າງກັບປະຈຸບັນ ສະນັ້ນບໍ່ສາມາດຫລີກລ້ຽງຄວາມສົງໄສຈາກຫຼາຍດ້ານໄດ້. ຊ້ຳບໍ່ໜຳ ອັດຕາການລົ້ມເຫຼວໃນການປ່ຽນແປງໃໝ່ກໍບໍ່ແມ່ນໜ້ອຍ. ເຖິງຢ່າງໃດກໍຕາມ ທ່ານນາງ ເຟືອງ ໃຫ້ຮູ້ວ່າ ສິ່ງທີ່ສຳຄັນແມ່ນບົດຮຽນທີ່ສາມາດຖອດຖອນໄດ້ຈາກການລົ້ມເຫຼວຂອງວິສາຫະກິດໃນແຕ່ລະເທື່ອ ເພື່ອປ່ຽນແປງໃໝ່ໃນຄັ້ງຕໍ່ໄປ.
ສະນັ້ນ ນາຍພົນຍິງຂອງເຕີນຫຽບຟາດ ຢືນຢັນວ່າ “ການປ່ຽນແປງໃໝ່ປະດິດສ້າງຕ້ອງເລີ່ມແຕ່ຜູ້ນໍາ ດ້ວຍຄວາມສະເໜີຕົ້ນສະເໝີປາຍ ແລະ ເຫັນດີເຫັນພ້ອມກັນລຸລ່ວງ. ເມື່ອນັ້ນ ການປ່ຽນແປງໃໝ່ປະດິດສ້າງຈຶ່ງຈະສາມາດນຳມາເຊິ່ງໝາກຜົນໃຫ້ແກ່ວິສາຫະກິດ".
ທ່ານນາງ ເຟືອງ ໃຫ້ຮູ້ວ່າ ຈິນຕະນາການປ່ຽນແປງໃໝ່ປະດິດສ້າງໄດ້ກາຍເປັນບັນທັດວັດແທກໃນດ້ານກຳລັງຄວາມສາມາດດ້ານການນໍາຂອງເຕີນຫຽບຟາດ. ແຕ່ລະພາລະບົດບາດ ແລະ ຕໍາແໜ່ງຢູ່ໃນກຸ່ມບໍລິສັດ ຈະມີລະດັບຕ່າງກັນເລີ່ມແຕ່ຜູ້ນໍາຈົນຮອດພະນັກງານ.
ຕົວຢ່າງຄື ຂັ້ນພະນັກງານໄດ້ຮຽກຮ້ອງກ່ຽວກັບການປັບປຸງເລື້ອຍໆ, ຜູ້ຊ່ຽວຊານຮຽກຮ້ອງການປັບຕົວ... ສ່ວນຄະນະຜູ້ນໍາຈໍາເປັນຕ້ອງຊອກຫາວິທີແກ້ໄຂເພື່ອບັນລຸເປົ້າຫມາຍທີ່ໄດ້ຮັບມອບຫມາຍ ເຖິງວ່າຈະມີຄວາມຫຍຸ້ງຍາກໃນເວລາໂລກລະບາດ.
ໂອກາດປ່ຽນແປງໃໝ່ເລີ່ມຈາກຄວາມຫຍຸ້ງຍາກ
ທ່ານຮອງຜູ້ອຳນວຍການໃຫຍ່ກຸ່ມບໍລິສັດເຕີນຫຽບຟາດ ໃຫ້ຮູ້ວ່າ ພະຍາດລະບາດໄດ້ສ້າງຄວາມຫຍຸ້ງຍາກຫຼາຍຢ່າງໃນການເຊື່ອມຕໍ່ຜູ້ບໍລິໂພກກັບວິສາຫະກິດ. ໃນໄລຍະແຍກຫ່າງສັງຄົມ, ເຕີນຫຽບຟາດ ໄດ້ຊອກຫາວິທີການເພື່ອເຂົ້າໃກ້ກັບຜູ້ບໍລິໂພກ.
ລະອຽດ, ວິສາຫະກິດຈັດຕັ້ງໄດ້ 6 ຕອນ “ສູນອົງສາ - Chill and Cool Show” ຕອນລະອາທິດ ເພື່ອສ້າງຄວາມບັນເທີງ ແລະ ເຊື່ອມຕໍ່ກັບຜູ້ບໍລິໂພກ ໂດຍສະເພາະແມ່ນລຸ້ນໜຸ່ມໃນເວລາທີ່ເຮັດວຽກຢູ່ບ້ານ. ຈຸດພິເສດຄືວ່າໂຄງການນີ້ໄດ້ດຳເນີນໄປຢ່າງສຳເລັດຜົນໃນສະພາບການແຍກຫ່າງສັງຄົມເຊິ່ງໃນເວລານີ້ບໍ່ມີໜ່ວຍງານໃດສາມາດຖ່າຍ ຫຼື ຈັດຕັ້ງ event ໄດ້.
ທ່ານນາງ ອວຽນເຟືອງ ກ່າວວ່າ: “ບໍ່ແມ່ນຍ້ອນສາເຫດແຍກຫ່າງສັງຄົມ ເຊິ່ງທີມງານການຕະຫຼາດຂອງເຕີນຫຽບຟາດຖືກຢຸດເຊົາ, ກົງກັນຂ້າມມັນແມ່ນມາດຖານ ແລະ ຄວາມຮຽກຮ້ອງຕ້ອງການໃຫ້ພະນັກງານເຕີນຫຽບຟາດ ຕ້ອງມີຫົວຄິດປະດິດສ້າງກວ່າເພື່ອສາມາດເຊື່ອມຕໍ່ກັບຜູ້ບໍລິໂພກໄດ້”.
ໃນໄລຍະການລະບາດ, ສິ່ງທີ່ໄດ້ຮັບຄວາມສົນໃຈທີ່ສຸດຂອງຜູ້ບໍລິໂພກແມ່ນຜະລິດຕະພັນທີ່ດີຕໍ່ກັບສຸຂະພາບ. ສະນັ້ນ, ເຕີນຫຽບຟາດ ຍັງໄດ້ເປີດອອກຫຼາຍຜະລິດຕະພັນໃໝ່ທີ່ມີຄຸນຄ່າທາງໂພຊະນາການຫຼາຍດ້ານ ແຕ່ລາຄາທໍາມະດາ, ເໝາະສົມກັບກະເປົ໋າຂອງລູກຄ້າສ່ວນຫຼາຍ.
ທ່ານຮອງຜູ້ອໍານວຍການໃຫຍ່ຂອງເຕີນຫຽບຟາດ ໃຫ້ຮູ້ວ່າ: “ໂດຍເຂົ້າໃຈໄດ້ເຖິງຄວາມຫຍຸ້ງຍາກຂອງລູກຄ້າໃນຍຸກໂລກລະບາດ, ພວກເຮົາກໍໄດ້ວາງອອກນະໂຍບາຍໜູນຊ່ວຍຫຼາຍດ້ານຄື ຮັກສາລາຄາຄົງທີ່, ຢືນຢັນບໍ່ຂຶ້ນລາຄາ, ມີຫຼາຍໂປໂມຊັນໃຫ້ເຂົາເຈົ້າ. ພ້ອມກັນນັ້ນ ເຕີນຫຽບຟາດກໍຮ່ວມເດີນທາງກັບບັນດາຕົວແທນ ແລະ ຜູ້ຈຳໜ່າຍເພື່ອນຳເອົາສິນຄ້າທີ່ມີຄຸນນະພາບ ແລະ ລາຄາດີທີ່ສຸດມາໃຫ້ຜູ້ບໍລິໂພກ.”
ຕາມທ່ານນາງແລ້ວ, ຜູ້ບໍລິໂພກ ແລະ ບັນດາຄວາມຫຍຸ້ງຍາກແມ່ນໂອກາດເພື່ອໃຫ້ພະນັກງານຂອງເຕີນຫຽບຟາດປ່ຽນແປງ.
ນຳໃຊ້ການຫັນເປັນດິຈິຕອນເພື່ອປະດິດສ້າງ
ສິ່ງທ້າທາຍອັນໃຫຍ່ຫຼວງອັນໜຶ່ງທີ່ບັນດາວິສາຫະກິດ ມີຄວາມສົນໃຈໃສ່ໃນໄລຍະແຍກຫ່າງສັງຄົມ ກໍຄືຫຼັງ COVID-19 ແມ່ນການປ່ຽນແປງໃໝ່ດ້ານເຕັກໂນໂລຊີ. ໃນໄລຍະທີ່ຜ່ານມາ, ເຕີນຫຽບຟາດຍັງໄດ້ປະຕິບັດຕາມລະບຽບການ ຄືວ່າໃຫ້ພະນັກງານຢູ່ເຂດສີຂຽວ ມາເຮັດວຽກປົກກະຕິ, ສ່ວນພະນັກງານຢູ່ເຂດສີເຫຼືອງ ແລະ ສີສົ້ມຈະເຮັດວຽກຢູ່ບ້ານ.
ສະນັ້ນ ຜູ້ນໍາຂອງກຸ່ມບໍລິສັດກໍໃຫ້ຮູ້ວ່າ ໃນ 125 ມື້ທີ່ແຍກຫ່າງສັງຄົມ, ບໍລິສັດກໍໄດ້ນໍາໃຊ້ລະບົບຫ້ອງການ virtual Work From Home ແລະ ເຕັກໂນໂລຊີນີ້ໄດ້ຊ່ວຍໃນການດໍາເນີນຈັດຕັ້ງຢ່າງຫຼວງຫຼາຍ.
ຍິ່ງກວ່ານັ້ນ, ໜຶ່ງໃນບັນດາພື້ນຖານທີ່ເຕີນຫຽບຟາດສ້າງເປັນແປ້ນຢັນໃຫ້ແກ່ຂະບວນການຫັນເປັນດີຈີຕອນແມ່ນ ເຊີນໜຶ່ງໜ່ວຍງານທີ່ປຶກສາເພື່ອສ້າງຕັ້ງຂະບວນການທັງໝົດຂຶ້ນໃໝ່ໃຫ້ກຸ່ມບໍລິສັດ. ຕາມທ່ານນາງ ເຟືອງ ແລ້ວ, ນັ້ນແມ່ນຮາກຖານເພື່ອໃຫ້ກຸ່ມບໍລິສັດຍາດໄດ້ລາງວັນຄຳທີ່ມີຄຸນນະພາບ.
ທ່ານນາງເຟືອງໃຫ້ຮູ້ວ່າ: “ຍ້ອນການດໍາເນີນຂະບວນການຢ່າງຊັດເຈນໃນການແບ່ງສິດ, ພະນັກງານຈະເຫັນໄດ້ບົດບາດຂອງເຂົາເຈົ້າໃນອົງການຈັດຕັ້ງ, ຊ່ວຍໃຫ້ພວກເຂົາເຫັນເສັ້ນທາງການພັດທະນາ. ບັນດາສິ່ງເຫຼົ່ານີ້ໄດ້ຊ່ວຍໃຫ້ເຕີນຫຽບຟາດ ດຳເນີນຂະບວນການຫັນເປັນດິຈິຕອນໃນໂລຍະໂລກລະບາດ, ເຮັດໃຫ້ການເຮັດວຽກສະດວກກວ່າ”.
ບາງຮູບແບບຂອງການປ່ຽນແປງໃໝ່ໃນຍຸກໂລກລະບາດຢູ່ເຕີນຫຽບຟາດ ທີ່ອາດເວົ້າເຖິງເຊັ່ນ ການໄລ່ຄ່າແຮງງານຜ່ານຊູມ, ການປະຊຸມຢູ່ເຮືອນ, ນໍາເອົາຫ້ອງການ virtual ເຂົ້າໃນກິດຈະກໍາການບຳລຸງສ້າງ...
ທ່ານນາງ ເຟືອງ ກ່າວເນັ້ນວ່າ: “COVID-19 ແມ່ນໂອກາດເພື່ອໃຫ້ພະນັກງານຂອງກຸ່ມບໍລິສັດເຕີນຫຽບຟາດໄດ້ປ່ຽນແປງ. ໃນຄວາມເປັນຈິງ, ຖ້າພວກເຂົາບໍ່ມີການປ່ຽນແປງ, ອົງການຈັດຕັ້ງຈະບໍ່ຍືນຍົງ. ນີ້ແມ່ນການກະຕຸ້ນ”.
ໄຊພອນ
