| ມອບເຄື່ອງຊ່ວຍເຫຼືອໃຫ້ກໍາລັງປະກອບອາວຸດລາວ ເພື່ອປ້ອງກັນ, ຕ້ານພະຍາດໂຄວິດ-19 | |
| ສາທາລະນະລັດເຊັກ ໂອນວັກຊີນກັນ COVID -19 500,000 ໂດສ ໃຫ້ແກ່ຫວຽດນາມ |
 |
| ພາບປະກອບ: truyenhinhthanhhoa.vn |
ກະຊວງຄົມມະນາຄົມຂົນສົ່ງ ສະເໜີບັນດາໜ່ວຍງານ ບົນພື້ນຖານບົດບາດ, ໜ້າທີ່ຂອງບັນດາອົງການ ແລະ ໜ່ວຍງານຂອງຕົນ ຈົງຈັດຕັ້ງປະຕິບັດຖືກຕ້ອງຕາມຄຳແນະນຳຂອງເອກະສານ ກະຊວງສາທາລະນະສຸກສະບັບເລກທີ 10688/BYT-MT ລົງວັນທີ 16 ພຶດສະພາ 2021 ກ່ຽວກັບການປ້ອງກັນ ແລະ ຕ້ານການລະບາດຂອງ ພະຍາດ COVID-19 ສຳລັບຄົນເຂົ້າອອກເມືອງ.
ພ້ອມກັນນັ້ນ, ກໍສືບຕໍ່ປ້ອງກັນ ແລະ ຕ້ານຄວາມສ່ຽງເກີດການແຜ່ລະບາດຂອງພະຍາດຈາກພາຍນອກ, ສົມທົບກັບບັນດາໜ່ວຍງານທີ່ກ່ຽວຂ້ອງຄວບຄຸມບັນດາການເຄື່ອນໄຫວຄົນເຂົ້າອອກເມືອງຜ່ານຊາຍແດນທາງອາກາດ, ທາງບົກ, ທາງທະເລຢ່າງເຂັ້ມງວດ; ຮັບປະກັນວຽກງານຄຸ້ມຄອງ ແລະ ກວດກາຄົນເຂົ້າອອກເມືອງ ໄດ້ຮັບການປະຕິບັດຢ່າງເຂັ້ມງວດ, ສະກັດກັ້ນການແຜ່ລະບາດຂອງພະຍາດເຂົ້າສູ່ຊຸມຊົນ.
ກະຊວງຄົມມະນາຄົມຂົນສົ່ງຊີ້ນຳກົມການບິນຫວຽດນາມ ສະເໜີ ແລະ ແນະນຳບັນດາສາຍການບິນ, ບັນດາວິສາຫະກິດການບິນທີ່ກ່ຽວຂ້ອງ ແຈ້ງໃຫ້ຜູ້ໂດຍສານຮັບຊາບຂໍ້ກຳນົດກ່ຽວກັບການປ້ອງກັນ ແລະ ຄວບຄຸມການແຜ່ລະບາດສໍາລັບຄົນເຂົ້າເມືອງກ່ອນທີ່ຈະເຂົ້າປະເທດ ເມື່ອຈັດຕັ້ງການຟື້ນຟູບັນດາຖ້ຽວບິນການຄ້າສາກົນເປັນປົກກະຕິຕາມແຜນການທີ່ລັດຖະບານໄດ້ອະນຸມັດ (ເລີ່ມຕົ້ນປະຕິບັດໃນໄລຍະທົດລອງແຕ່ວັນທີ 1 ມັງກອນ 2022).
ສືບຕໍ່ດຳເນີນການເຈລະຈາ, ເຮັດວຽກກັບອົງການເຈົ້າໜ້າທີ່ການບິນຂອງບັນດາປະເທດ ແລະ ເຂດແຄ້ວນ ເພື່ອເປັນເອກະພາບກ່ຽວກັບການຟື້ນຟູບັນດາຖ້ຽວບິນການຄ້າສາກົນເປັນປົກກະຕິ.
ສົມທົບກັນຢ່າງແໜ້ນແຟ້ນ ແລະ ເປັນເຈົ້າການໃນການເຮັດວຽກກັບບັນດາອົງການ, ໜ່ວຍງານຂອງບັນດາກະຊວງ, ຂະແໜງການທີ່ກ່ຽວຂ້ອງ ໃນການເຈລະຈາ ເພື່ອຮັບຮອງເຊິ່ງກັນ ແລະ ກັນ ກ່ຽວກັບ “ໜັງສືຜ່ານແດນວັກແຊັງ”, ນຳໃຊ້ຊອບແວ ແຈ້ງອາການສຸຂະພາບ PC-COVID ສໍາລັບຜູ້ໂດຍສານໃນຖ້ຽວບິນສາກົນປົກກະຕິ.
ໄຊພອນ
