| JETRO: ເຖິງວ່າຖືກຜົນສະທ້ອນຈາກໂລກລະບາດແຕ່ການສົ່ງອອກຂອງ 6 ປະເທດ ອາຊຽນ ປີ 2020 ຫລຸດລົງພຽງ 2,2 % ເທົ່ານັ້ນ | |
| ຄະນະກຳມະການອາຊຽນປະຈຳ Pretoria ຕີລາຄາສູງການປະກອບສ່ວນຂອງ ຫວຽດນາມ ໃນຖານະເປັນປະທານ |
 |
| ຮອງເລຂາທິການໃຫຍ່ຄົນໃໝ່ສອງທ່ານ. ພາບ: vietnamnet |
ທ່ານເອກອັກຄະລັດຖະທູດ ເຈິ່ນດຶກບິ່ງ, ຜູ້ຕາງໜ້າຫວຽດນາມ ປະຈຳ ຄະນະກຳມະການບັນດາຜູ້ຕາງໜ້າປະຈຳຂອງອາຊຽນໄດ້ຮັບການຄັດເລືອກເປັນຮອງເລຂາທິການໃຫຍ່ ອາຊຽນອາຍຸການ 2021 – 2024.
ທ່ານ ເຈິ່ນດຶກບິ່ງ ຮອງເລຂາທິການໃຫຍ່ ສະມາຄົມອາຊຽນຮັບຜິດຊອບປະຊາຄົມ ແລະ ພາຍໃນກຸ່ມ ແລະ ທ່ານ Robert Matheus Michael Tene ຮອງເລຂາທິການໃຫຍ່ອາຊຽນຮັບຜິດຊອບປະຊາຄົມດ້ານການເມືອງ - ຄວາມໝັ້ນຄົງ ໄດ້ຮັບດຳລົງຕຳແໜ່ງຢ່າງເປັນທາງການໃນວັນທີ 15 ກຸມພາຢູ່ ຈາກາຕາ (ອິນໂດເນເຊຍ).
ຄະນະເລຂາອາຊຽນໃຫ້ຮູ້ວ່າ, ພາຍຫຼັງພິທີສາບານຕົວເຂົ້າດຳລົງຕຳແໜ່ງໂດຍທ່ານ Dato Lim Jock Hoi ເລຂາທິການໃຫຍ່ ອາຊຽນ ເປັນເຈົ້າພາບຈັດຕັ້ງ, ການນຳສອງທ່ານ ໄດ້ຮັບດຳລົງຕຳແໜ່ງອາຍຸການທີ່ 3 ແຕ່ປີ 2021 – 2024 ຢ່າງເປັນທາງການ.
ທ່ານເຈິ່ນດຶກບິ່ງ ຮອງເລຂາທິການໃຫຍ່ ຈະຮັບຜິດຊອບໜ້າທີ່ວຽກງານໜູນຊ່ວຍ, ຄະນະເລຂາອາຊຽນເຄື່ອນໄຫວຢ່າງສະດວກ ລວມມີບັນດາວຽກງານບໍລິການວຽກງານພາຍໃນກຸ່ມ, ບຸກຄະລາກອນ, ການເງິນ ແລະ ງົບປະມານ, ເຕັກໂນໂລຢີຂໍ້ມູນຂ່າວສານ, ບໍລິຫານຂໍ້ມຸນຂ່າວສານ, ການຖະແຫຼງຂ່າວ, ການພົວພັນປະຊາຄົມ, ນິຕິກຳ…
ແມ່ນນັກການທູດທີ່ມີບົດຮຽນປະສົບການ, ທ່ານ ເຈິ່ນດຶກບິ່ງ ເຄິຍດຳລົງຫຼາຍຕຳແໜ່ງຢູ່ກະຊວງການຕ່າງປະເທດ ຫວຽດນາມ, ໃນນັ້ນມີເອກອັກຄະລັດຖະທູດ - ຫົວໜ້າຄະນະຜູ້ຕາງໜ້າຫວຽດນາມ ປະຈຳ ອາຊຽນແຕ່ປີ 2018 – 2021.
ສ່ວນທ່ານ Robert Matheus Michael Tene ເຄີຍດຳລົງຕຳແໜ່ງເປັນຮອງເລຂາທິການໃຫຍ່ ອາຊຽນຮັບຜິດຊອບວຽກງານປະຊາຄົມ ແລະ ພາຍໃນກຸ່ມແຕ່ ປີ 2019 – 2021, ແລະ ເຄີຍດຳລົງຫຼາຍບົດບາດສຳຄັນທີ່ແຕກຕ່າງກັນຢູ່ກະຊວງການຕ່າງປະເທດ ອິນໂດເນເຊຍ.
ໃນຖານະຕຳແໜ່ງໃໝ່, ທ່ານຈະໜູນຊ່ວຍທ່ານເລຂາທິການໃຫຍ່ ອາຊຽນປະຕິບັດແຜນການສັງລວມປະຊາຄົມດ້ານການເມືອງ - ຄວາມໝັ້ນຄົງ, ເພີ່ມທະວີການພົວພັນກັບບັນດາຄູ່ຮ່ວມມື ແລະ ປະຊາຄົມສາກົນ.
ກົດໝາຍອາຊຽນໄດ້ກຳນົດວ່າ ເລຂາທິການໃຫຍ່ອາຊຽນຈະໄດ້ຮັບການຊ່ວຍເຫຼືອກຈາກ ຮອງເລຂາທິການໃຫຍ່ 4 ທ່ານ ເຊິ່ງມີ 4 ສັນຊາດທີ່ແຕກຕ່າງກັນກັບເລຂາທິການໃຫຍ່ ແລະ ມາຈາກ 4 ປະເທດສະມາຊິກອາຊຽນ.
 | JETRO: ເຖິງວ່າຖືກຜົນສະທ້ອນຈາກໂລກລະບາດແຕ່ການສົ່ງອອກຂອງ 6 ປະເທດ ອາຊຽນ ປີ 2020 ຫລຸດລົງພຽງ 2,2 % ເທົ່ານັ້ນ ວົງເງິນການຄ້າສົ່ງອອກຂອງ 6 ປະເທດຂຶ້ນກັບ ອາຊຽນ, ໃນນັ້ນ ມີ ຫວຽດນາມ ບັນລຸ 1,35 ພັນຕື້ USD ໃນປີ 2020, ຫລຸດພຽງ 2,2% ເທົ່ານັ້ນ ເມື່ອທຽບໃສ່ປີ 2019. |
 | ຄະນະກຳມະການອາຊຽນປະຈຳ Pretoria ຕີລາຄາສູງການປະກອບສ່ວນຂອງ ຫວຽດນາມ ໃນຖານະເປັນປະທານ ຍສໝ - ທ່ານເອກອັກຄະລັດຖະທູດ ຮ່ວາງວັນເລິ້ຍ ໄດ້ຕິດຕໍ່ກັບສະມາຊິກ APC ເປັນປະ ຈຳ, ກັບກົມໃຫຍ່ອາຊີແລະຕາເວັນອອກກາງ, ກະຊວງການຕ່າງປະເທດແລະການຮ່ວມມືສາກົນ (DIRCO) ເພື່ອແລກປ່ຽນຂໍ້ມູນຂ່າວສານ, ສະພາບການກ່ຽວກັບອາຟຣິກາໃຕ້ແລະອາຟຣິກກາ, ແລກປ່ຽນຂໍ້ມູນຂ່າວສານ ໃນການປ້ອງກັນ,ຕ້ານໂລກລະບາດ COVID -19 ແລະສົ່ງເສີມການຮ່ວມມືລະຫວ່າງບັນດາຝ່າຍ. |
 | ຫວຽດນາມ ໄດ້ເຂົ້າຮ່ວມກອງປະຊຸມຄະນະກຳມະການອາຊຽນປະຈຳ ເຊີແນວ ຍສໝ - ຕໍ່ໜ້າສະພາບການໂລກລະບາດໂຄວິດ - 19 ໃນພາກພື້ນສືບຕໍ່ມີການຜັນແປຍາກທີ່ຈະຄາດຄະເນລ່າງໜ້າໄດ້, ທ່ານນາງ ເລທິຕວຽດມາຍ ເອກອັກຄະລັດຖະທູດ ໄດ້ສະແດງຄວາມໄວ້ເນື້ອເຊື່ອໃຈ, ບັນດາຂໍ້ລິເລີ່ມຂອງອາຊຽນໃນປີ ຫວຽດນາມ ດຳລົງຕຳແໜ່ງເປັນປະທານເພື່ອແນໃສ່ຊຸກຍູ້ການຮ່ວມມື, ປ້ອງກັນ, ສະກັດກັ້ນໂລກລະບາດໂຄວິດ - 19 ໃນອາຍຸການຂອງ ບຣຸໄນ. |
ບຸນຄົງ
