 |
| ທ່ານເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ເລທິຕວຽດມາຍ |
ຫວ່າງແລ້ວນີ້, ສູນທາງທິດໃຕ້ໄດ້ຈັດກອງປະຊຸມສະໄໝສາມັນເທື່ອທີ 21 ຂອງສະພາຜູ້ແທນຈາກປະເທດສະມາຊິກໃນຮູບການທາງອອນລາຍ.
ເມື່ອສະເໜີບົດລາຍງານຂອງສູນ, ທ່ານ ປ.ອ Carlos Correa ຜູ້ອຳນວຍການຝ່າຍບໍລິຫານສູນທາງທິດໃຕ້ ໄດ້ເນັ້ນໜັກເຖິງຜົນກະທົບອັນໃຫຍ່ຫຼວງຂອງໂລກລະບາດ Covid-19 ທີ່ ນຳໄປສູ່ການລຶບລ້າງຜົນສຳເລັດຂອງບັນດາປະເທດ ກຳລັງພັດທະນາໃນການຈັດຕັ້ງປະຕິບັດວາລະ 2030 ກ່ຽວກັບເປົ້າໝາຍການພັດທະນາແບບຍືນຍົງ (SDGs) ) ພ້ອມທັງຄວາມຈຳເປັນໃນການສ້າງຄວາມເຫັນດີເຫັນພ້ອມຫຼາຍຝ່າຍ, ເພື່ອຕອບສະໜອງຕໍ່ວິກິດການດ້ານສາທາລະນະສຸກໃນປະຈຸບັນ, ແຈກຢາຍວັກຊີນໃຫ້ເທົ່າທຽມກັນ ແລະສະເໝີພາບ ສຳລັບປະເທດກຳລັງພັດທະນາ, ລົບລ້າງຄວາມທຸກຍາກ ແລະ ຕອບສະໜອງຄວາມຕ້ອງການອື່ນໆຂອງປະເທດກຳລັງພັດທະນາໃນໄລຍະຟື້ນຟູຫຼັງໂລກລະບາດ.
ທ່ານ Thabo Mvuyelwa Mbeki ປະທານຄະນະກຳມະການບໍລິຫານຂອງສູນທາງທິດໃຕ້ອາຍຸການ 2018-2021, (ອະດີດປະທານາທິບໍດີອາຟຣິກາໃຕ້) ໄດ້ແບ່ງປັນວ່າ, ໃນສະພາບການການເງິນທີ່ຫຍຸ້ງຍາກຍ້ອນຜົນສະທ້ອນຈາກການລະບາດຂອງ Covid-19, ສູນທາງທິດໃຕ້ ຍັງຮັບປະກັນຄວາມສົມດຸນງົບປະມານຍ້ອນການປະກອບສ່ວນຈາກບັນດາປະເທດສະມາຊິກແລະແຫຼ່ງທຶນອື່ນໆ. ດັ່ງນັ້ນ, ການດຳເນີນງານຂອງສູນຍັງຮັບໄດ້ຮັກສາໄວ້ຄືເປັນປົກກະຕິ.
ຜູ້ຕາງໜ້າບັນດາປະເທດສະມາຊິກຂອງສູນທາງທິດໃຕ້ໄດ້ຊົມເຊີຍຜົນສຳເລັດຂອງສູນໃນໄລຍະ 25 ປີແຫ່ງການສ້າງຕັ້ງແລະພັດທະນາ ແລະໄດ້ຕີລາຄາສູງບົດບາດຂອງສູນໃນການຊຸກຍູ້ການຮ່ວມມືໃຕ້ - ໃຕ້ ແລະການສົນທະນາ ເໜືອ - ໃຕ້, ພ້ອມທັງສົ່ງເສີມລັດທິຫຼາຍຝ່າຍ, ຕອບໂຕ້ ໂລກລະບາດ Covid - 19 ແຜ່ລະບາດແລະສິ່ງທ້າທາຍອື່ນໆທີ່ປະເທດກຳລັງພັດທະນາກຳລັງປະເຊີນໃນປັດຈຸບັນ.
ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ, ຫົວໜ້າຄະນະຜູ້ແທນຫວຽດນາມ ເລທິຕວຽດມາຍ ໄດ້ສະແດງຄວາມຂອບອົກຂອບໃຈ ແລະ ຊົມເຊີຍຕໍ່ຄະນະກຳມະການ, ຊີອີໂອ ແລະ ສູນທາງທິດໃຕ້ ສຳລັບບັນດາການເຄື່ອນໄຫວຂອງສູນໃນຊຸມປີຜ່ານມາ, ເຊິ່ງຊ່ວຍເຫຼືອບັນດາປະເທດພວມພັດທະນາເຊື່ອມໂຍງເຂົ້າກັບສາກົນຢ່າງມີປະສິດທິຜົນ ຂະບວນການເຈລະຈາກໍ່ຄືການສ້າງກຳລັງຄວາມສາມາດໃນລະດັບຊາດແລະພາກພື້ນ, ໂດຍສະເພາະແມ່ນການສົ່ງເສີມການຮ່ວມມືລະຫວ່າງບັນດາປະເທດກຳລັງພັດທະນາ ຮັບມືກັບໂລກລະບາດໂຄວິດ - 19 ແລະສິ່ງທ້າທາຍອື່ນໆຂອງໂລກ, ກ້າວໄປສູ່ເປົ້າໝາຍ SDGs.
ນອກຈາກນັ້ນ, ທ່ານນາງເອກອັກຄະລັດຖະທູດກໍ່ໄດ້ຂອບໃຈຕໍ່ການສະໜັບສະໜູນ ແລະ ທ່ານ Carlos Correa ຜູ້ອຳນວຍການຝ່າຍບໍລິຫານ ທີ່ໄດ້ຊ່ວຍເຫຼືອຫວຽດນາມໃນການຈັດກອງປະຊຸມຝຶກອົບຮົມທາງອອນລາຍໃຫ້ແກ່ຜູ້ປະເມີນຜົນຂອງຫວຽດນາມກ່ຽວກັບພະແນກຊັບສິນທາງປັນຍາໃນຂະແໜງການຢາໃນເດືອນທັນວາ 2020, ທ່າມນາງກໍ່ໄດ້ແບ່ງປັນວ່າ ໃນບັ້ນຕໍ່ສູ້ກັບ ໂຄວິດ - 19, ຫວຽດນາມໄດ້ຮ່ວມມືຢ່າງແໜ້ນແຟ້ນກັບບັນດາປະເທດສະມາຊິກອາຊຽນແລະປະຊາຄົມສາກົນເພື່ອຊ່ວຍຊີວິດຄົນເຈັບ, ສະໜັບສະໜູນບັນດາກຸ່ມທີ່ມີຄວາມສ່ຽງແລະຊຸກຍູ້ການຟື້ນຟູຫຼັງໂລກລະບາດ.
 | ຫວຽດນາມຮຽກຮ້ອງໃຫ້ສະພາຄວາມໝັ້ນຄົງ ສປຊ ສືບຕໍ່ສະແດງຄວາມສາມັກຄີ ແລະ ບົດບາດນຳພາໃນການຮັບມືກັບໂລກລະບາດໂຄວິດ - 19 ຍສໝ - ຫວຽດນາມສະໜັບສະໜູນເລື່ອງບັນດາຝ່າຍປະຕິບັດສັນຕິພາບຂອງ ສປຊ ໄດ້ປັບຕົວໃຫ້ແທດເໝາະກັບສະພາບການໃໝ່, ຮັບປະກັນການຜັນຂະຫຍາຍພາລະກິດ, ປົກປ້ອງຄວາມປອດໄພ, ສຸຂະພາບຂອງປະຊາຊົນ ແລະ ກຳລັງຮັກສາສັນຕິພາບ. |
 | UNDP ຍົກອອກບຸລິມະສິດໃນການເຄື່ອນໄຫວພັດທະນາໄລຍະ 2021 – 2025 ໃຫ້ແກ່ພາກພື້ນອາຊີ - ປາຊີຟິກ ຍສໝ - ໂຄງການພັດທະນາຂອງສປຊ ໃຫ້ຄຳໝັ້ນສັນຍາສືບຕໍ່ໜູນຊ່ວຍບັນດາປະເທດໃນພາກພື້ນອາຊີ - ປາຊີຟິກໃນການແກ້ໄຂຜົນຮ້າຍຢ້ອນຫຼັງຈາກໂລກລະບາດໂຄວິດ - 19 ແລະ ປະຕິບັດບັນດາເປົ້າໝາຍພັດທະນາແບບຍືນຍົງ. |
 | ທ່ານເອກອັກຄະລັດຖະທູດ ຟ້າມຫ໋າຍແອັງ: ເພີ່ມທະວີການຮ່ວມມື ລະຫວ່າງ AL ແລະ ສປຊ ຍສໝ - ຕາມທ່ານ ຟ້າມຫ໋າຍແອັງ ອຸປະທູດ ຊົ່ວຄາວ ຫວຽດນາມ ປະຈຳສປຊ ແລ້ວ, ຕໍ່ໜ້າສະພາບການຢູ່ບັນດາພາກພື້ນຕາເວັນອອກກາງ, ອາບຟຼິກກາເໜືອ ມີສິ່ງທ້າທາຍຫຼາຍຢ່າງຄືໃນປັດຈຸບັນ, ຄວນເພີ່ມທະວີການຮ່ວມມືລະຫວ່າງ AL ແລະ ສປຊ. |
ບຸນຄົງ
