 |
| ບັນດາປະເທດສະມາຊິກສະພາຄວາມໝັ້ນຄົງ ສປຊ ຈັດກອງປະຊຸມທາງອອນລາຍກ່ຽວກັບການຮ່ວມມືລະຫວ່າງ ສປຊ ແລະ AL (ພາບ: TTXVN) |
ວັນທີ 18 ມັງກອນ, ສະພາຄວາມໝັ້ນຄົງສປຊ ໄດ້ຈັດຕັ້ງກອງປະຊຸມທາງອອນລາຍເພື່ອປຶກສາຫາລືກ່ຽວກັບການຮ່ວມມືກັບ ສະຫະພັນ ອາຣັບ (AL). ທ່ານນາງ Rosemary Di Carlo ຮອງເລຂາທິການໃຫຍ່ ສປຊ ແລະ ທ່ານ Ahmed Aboul Gheit ເລຂາທິການໃຫຍ່ AL ໄດ້ເຂົ້າຮ່ວມ ແລະ ລາຍງານທີ່ກອງປະຊຸມ.
ກ່າວຄຳເຫັນທີ່ກອງປະຊຸມ, ທ່ານ Rosemary Di Carlo ໃຫ້ຮູ້ວ່າ ສປຊ ຍາມໃດກໍ່ຖືການຮ່ວມມືກັບບັນດາອົງການໃນພາກພື້ນໃນການສະກັດກັ້ນການປະທະກັນ ແລະ ຮັກສາສັນຕິພາບເປັນສຳຄັນ, ເປັນຕົ້ນໃນສະພາບການໂລກລະບາດໂຄວິດ - 19 ພວມມີການຜັນແປຢ່າງສັບສົນ ແລະ ມີຜົນກະທົບຫຍໍ້ທໍ້ຕໍ່ສະພາບການຢູ່ຫຼາຍປະເທດໃນໂລກ.
ໃນໄລຍະທີ່ຜ່ານມາ, ພາກພື້ນ ອາຣັບໄດ້ຜ່ານຜ່າຄວາມຂາດສະຖຽນລະພາບ ແລະ ການປະທະກັນຫຼາຍຢ່າງ, ແຕ່ການຮ່ວມມືລະຫວ່າງ ສປຊ ແລະ AL ຍັງນຳມາເຊິ່ງຜົນງານທີ່ຕັ້ງໜ້າ ໃນການສ້າງຫ້ອງການຕິດຕໍ່ພົວພັນຂອງ ສປຊ ຢູ່ AL ໄດ້ຊຸກຍູ້ການແລກປ່ຽນຂໍ້ມູນຂ່າວສານລະຫວ່າງສອງອົງການນີ້ຢ່າງມີປະສິດທິຜົນ.
ທ່ານນາງ Carlo ໄດ້ຢ້ຳຖືຄຳຮຽກຮ້ອງຂອງທ່ານ Antonio Guterres ເລຂາທິການໃຫຍ່ ສປຊ ກ່ຽວກັບການຢຸດຕິບັນດາການກະທຳທີ່ເປັນປໍລະປັກ, ຢຸດຍິງໃນທົ່ວໂລກ ເພື່ອພ້ອມກັນຮັບມືກັບໂລກລະບາດ ໂຄວິດ - 19.
ໃນຂະນະນັ້ນ, ທ່ານ Gheti ໄດ້ຊີ້ແຈ້ງສະພາບການໃນພາກພື້ນໃນໄລຍະທີ່ຜ່ານມາ ມີສິ່ງທ້າທາຍຫຼາຍຢ່າງໂດຍບັນດາການປະທະກັນເກີດຂຶ້ນໃນໄລຍະຍາວ, ພ້ອມກັນນັ້ນແມ່ນບັນດາຄວາມຫຍຸ້ງຍາກດ້ານເສດຖະກິດ ຈາກຜົນກະທົບຈາກໂລກລະບາດໂຄວິດ - 19.
ທ່ານກໍ່ສະແດງຄວາມວິຕົກກັງວົນກ່ຽວກັບວິກິດການໃນປັດຈຸບັນ ຢູ່ພາກພື້ນ, ໃນນັ້ນບັນດາບັນຫາມະນຸດສະທຳ ຢ່າງຮ້າຍແຮງ, ທ່ານ Gheti ຖືວ່າ ຕ້ອງຢຸດຕິການແຊກແຊງການທະຫານຈາກຕ່າງປະເທດ ຕໍ່ຈຸດຮ້ອນແຮງໃນພາກພື້ນ ແລະ ຊອກຫາວິທີການດ້ານການເມືອງ. AL ສະໜັບສະໜູນບັນດາຄວາມມານະພະຍາຍາມຂອງ ສປຊ ເພື່ອແນໃສ່ແກ້ໄຂຈຸດຮ້ອນແຮງຢູ່ພາກພື້ນ.
ກ່າວຄຳເຫັນທີ່ກອງປະຊຸມ, ທ່ານ ເອກອັກຄະລັດຖະທູດ ຟ້າມຫ໋າຍແອັງ ອຸປະທູດຊົ່ວຄາວ ຫວຽດນາມ ປະຈຳ ສປຊ ໄດ້ຢັ້ງຢືນວ່າ ດ້ວຍ ປະສົບການຂອງ 75 ປີຜ່ານມາ, AL ມີກຳລັງຄວາມສາມາດ ແລະ ບົດບາດເໝາະສົມເພື່ອນຳພາບັນດາຄວາມມານະພະຍາຍາມຂອງພາກພື້ນ, ເປັນຕົ້ນແມ່ນໃນການແກ້ໄຂບັນດາການປະທະກັນທີ່ຄົງຕົວແຕ່ດົນນານມາແລ້ວ. ເຖິງຢ່າງໃດກໍ່ຕາມ, ຕໍ່ໜ້າສະພາບການຢູ່ພາກພື້ນ ຕາເວັນອອກກາງ, ອາບຟຼິກກາເໜືອມີສິ່ງທ້າທາຍຄືໃນປັດຈຸບັນ, ຄວນເພີ່ມທະວີການຮ່ວມມືລະຫວ່າງ AL ແລະ ສປຊ, ໃນນັ້ນມີການເພີ່ມທະວີການແລກປ່ຽນລະຫວ່າງ AL ແລະ ກັບບັນດາທູດພິເສດຂອງ ສປຊ ຢູ່ບັນດາພາກພື້ນ ເກີດການປະທະກັນ ແລະ ບົດບາດຂອງຫ້ອງວ່າການຕາງໜ້າຂອງ ສປຊ ປະຈຳ AL. ຜູ້ຕາງໜ້າ ຫວຽດນາມ ກໍ່ເນັ້ນໜັກ ຈຳເປັນຕ້ອງປະຕິບັດບັນດາຫຼັກການຂອງ ສປຊ ຄືເຄົາລົບເອກະລາດ, ປະຊາທິປະໄຕ, ຜືນແຜ່ນດິນອັນຄົບຖ້ວນ ແລະ ບໍ່ແຊກແຊງເຂົ້າວຽກງານພາຍໃນ. ໄປຄຽງຄູ່ກັນນັ້ນ, ຫວຽດນາມ ສືບຕໍ່ສະໜັບສະໜູນການຕໍ່ສູ້ເພື່ອຄວາມຊອບທຳ ຂອງປະຊາຊົນປະແລັດສະຕິນ, ສະໜັບສະໜູນວິທີການ ສອງປະເທດຄົງຕົວໃນສັນຕິພາບ ກັບເສັ້ນຊາຍແດນ 1967 ໃນນັ້ນ Jerusalem ທາງທິດຕາເວັນອອກ ແມ່ນ ນະຄອນຫຼວງຂອງປະເທດປາແລັດສະຕິນ ໃນອະນາຄົດ.
 | ຫວຽດນາມເຂົ້າຮ່ວມ ກອງປະຊຸມທາງອອນລາຍກ່ຽວກັບສະພາບການຢູ່ເຢແມນ ຂອງສະພາຄວາມໝັ້ນຄົງ ສປຊ ຍສໝ - ກ່າວຄຳເຫັນທີ່ກອງປະຊຸມ, ທ່ານ ຟ້າມຫ໋າຍແອັງ ອຸປະທູດຊົ່ວຄາວຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ສະແດງຄວາມຊົມເຊີຍຕໍ່ບັນດາຄວາມກ້າວໜ້າຢ່າງຕັ້ງໜ້າໃນການປະຕິບັດສົນທິສັນຍາ Riyadh, ລວມມີການສ້າງຕັ້ງລັດຖະບານຊຸດໃໝ່, ກ່າວປະຊາມບັນດາເຫດບຸກໂຈມຕີຢູ່ Aden ໃນວັນທີ 30 ທັນວາ ແລະ ຮຽກຮ້ອງໃຫ້ຈັດຕັ້ງກອງປະຊຸມສາກົນກ່ຽວກັບການໜູນຊ່ວຍໃຫ້ແກ່ເຢແມນໂດຍໄວ. |
 | ຫວຽດນາມຢັ້ງຢືນຄືນໃໝ່ຄຳໝັ້ນສັນຍາເຂົ້າຮ່ວມບັນດາຄວາມມານະພະຍາຍາມລວມກ່ຽວກັບການປ້ອງກັນສະກັດກັ້ນກໍການຮ້າຍສາກົນ ຍສໝ - ທ່ານນາງ ຫງວຽນເຟືອງຈ່າ ຮອງຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ຖືວ່າ ພາຍຫຼັງມະຕິເລກທີ 1373 ໄດ້ຮັບຮອງເອົາ, ສະພາຄວາມໝັ້ນຄົງ ປສຊໄດ້ຊຸກຍູ້ກອບລະບອບລະບຽບການກ່ຽວກັບການຕ້ານການກໍ່ການຮ້າຍທົ່ວໂລກໃນຫຼາຍຂົງເຂດ, ການຕ້ານການກໍ່ການຮ້າຍກໍ່ບັນລຸໄດ້ໝາຜົນທີ່ສຳຄັນຫຼາຍຢ່າງ. |
 | ຫວຽດນາມ ສະໜັບສະໜູນມະຕິສະບັບເລກທີ 2231 ແລະ ສັນຍາ JCPOA ຍສໝ - ທີ່ກອງປະຊຸມ, ສະມາຊິກສະພາຄວາມໝັ້ນຄົງ ສປຊ ສ່ວນຫຼາຍໄດ້ເຫັນດີກັບການຕີລາຄາຂອງນັກລາຍງານ ແລະ ຢືນຢັນເຖິງຄວາມສຳຄັນຂອງມະຕິເລກທີ 2231 ແລະ JCPOA ໃນການແກ້ໄຂບັນຫານິວເຄຼຍອີຣານ ແລະ ພັນທະຂອງບັນດາຝ່າຍໃນການປະຕິບັດຂອງມະຕິແລະຂໍ້ຕົກລົງສະບັບນີ້ຢ່າງຄົບຖ້ວນ. |
ບຸນຄົງ
