ຫວຽດ​ນາມ ເພີ່ມ​ທະ​ວີ​ການ​ພົວ​ພັນ​ຄູ່​ຮ່ວມ​ມື​ຍຸດ​ທະ​ສາດ​ຢ່າງ​ຮອບ​ດ້ານ​ ກັບ ສະ​ຫະ​ພັນ​ລັດ​ເຊຍ
	​ທ່ານ​ເລ​ຂາ​ທິ​ການ​ໃຫຍ່, ປະ​ທານ​ປະ​ເທດ ຫວຽດ​ນາມ ຫງວຽນ​ຝູ​ຈ້ອງ: ຊົມເຊີຍ ລະດູບານໃໝ່, ບັນຍາກາດໃໝ່, ໄຊຊະນະໃໝ່

ປະ​ຊາ​ຄົມ​ຊາວ ຫວຽດ​ນາມ ອາ​ໄສ ຢູ່​ຕ່າງ​ປະ​ເທດ ມີຄວາມເບີກບານມ່ວນຊື່ນ ແລະ ເອກອ້າງທະນົງໃຈ ເມື່ອ ພັກ ແລະ ລັດ ຍາມໃດກໍມີຄວາມເອົາໃຈໃສ່ຕໍ່ການດຳລົງຊີວິດ ແລະ ຄວາມຜາສຸກຂອງປະຊາຊົນ ບໍ່ວ່າຈະຢູ່ພາຍໃນ ຫຼື ຕ່າງປະເທດ.ພາບປະກອບ

ໃນຈຸດເວລາສົ່ງທ້າຍປີເກົ່າ, ຕ້ອນຮັບປີໃໝ່ປີ 2021, ຢູ່ຫຼາຍແຂວງ, ນະຄອນໃນທົ່ວປະເທດຫວຽດນາມ ໄດ້ຢຸດຕິການຍິງບັ້ງໄຟດອກຕ້ອນຮັບບຸນເຕັດ, ບັນດາງານບຸນເຕົ້າໂຮມຫລາຍຄົນ ເພື່ອປ້ອງກັນ, ສະກັດກັ້ນໂລກລະບາດໂຄວິດ-19. ປະຊາຊົນຕ້ອນຮັບປີໃໝ່ ປີສະຫຼູ 2021 ໃນເງື່ອນໄຂ “ສະພາບການໃໝ່”.

ການຕ້ອນຮັບບຸນປີໃໝ່ປະຈຳຊາດ ປີສະຫຼູ 2021 ຂອງປະຊາຄົມຊາວຫວຽດນາມ ອາໄສ ຢູ່ ຝລັ່ງ ບໍ່ສາມາດດຳເນີນໄປ ຍ້ອນປະຕິບັດຕາມບັນດາຂໍ້ກຳນົດກ່ຽວກັບດ້ານສາທາລະນະສຸກໃນການປ້ອງກັນ, ສະກັດກັ້ນໂລກລະບາດໂຄວິດ - 19. ທ່ານ ບຸ່ຍແທັງຕຸ່ງ, ຊາວຫວຽດນາມ ດຳລົງຊີວິດຢູ່ຊານນະຄອນຫຼວງ ປາຣີ ໃຫ້ຮູ້ວ່າ ໃນຄ່ຳຄືນສົ່ງທ້າຍປີເກົ່າ, ຕ້ອນຮັບປີໃໝ່, ຈະບໍ່ໄດ້ໄປຢ້ຽມຢາມໝູ່ເພື່ອນ, ພຽງແຕ່ໂທລະສັບອວຍພອນກັນເທົ່ານັ້ນ. ທາງສະມາຄົມຊາວ ຫວຽດນາມ ດຳລົງຊີວິດຢູ່ນະຄອນ Marseille ກໍພຽງແຕ່ຫໍ່ເຂົ້າຕົ້ມເທົ່ານັ້ນ. ໃນຂະນະນັ້ນ, ສະມາຄົມຊາວຫວຽດນາມ ອາໄສ ຢູ່ ຝລັ່ງ ຄາດວ່າ ຈະຈັດຕັ້ງຫຼາຍເຫດການວັດທະນະທຳ ແລະ ບັນເທິງ ພາຍໃຕ້ຮູບການທາງອອນລາຍ ໃນຊຸມວັນຈະມາເຖິງ ເພື່ອສ້າງບັນຍາກາດຕ້ອນຮັບບຸນເຕັດ ໃຫ້ແກ່ຊາວຫວຽດນາມ ອາໄສ ຢູ່ ຝລັ່ງ.

ພາບປະກອບ

ສຳລັບປະຊາຄົມຊາວ ຫວຽດນາມ ອາໄສ ຢູ່ ເອຢິບ ແລ້ວ, ເຖິງວ່າຢູ່ຫ່າງໄກຈາກບ້ານເກີດເມືອງນອນ, ໃນເງື່ອນໄຂຊີວິດຍັງປະສົບກັບຄວາມຫຍຸ້ງຍາກຫຼາຍຢ່າງກໍຕາມ ແຕ່ ບຸນປີໃໝ່ປີນີ້, ພໍ່ແມ່ປະຊາຊົນຜູ້ໃດກໍຮູ້ສຶກມີຄວາມເບີກບານມ່ວນຊື່ນ ແລະ ເອກອ້າງທະນົງໃຈ ເມື່ອ ພັກ ແລະ ລັດ ຍາມໃດກໍມີຄວາມເອົາໃຈໃສ່ຕໍ່ການດຳລົງຊີວິດ ແລະ ຄວາມຜາສຸກຂອງປະຊາຊົນ ບໍ່ວ່າຈະຢູ່ພາຍໃນ ຫຼື ຕ່າງປະເທດ.

ຫວ່າງແລ້ວນີ້, ສະຖານທູດຫວຽດນາມ ປະຈໍາ ອິນໂດເນເຊຍ ໄດ້ຈັດຕັ້ງບຸນເຕັດປະຊາຄົມ ປີສະຫຼູ 2021 ຜ່ານລະບົບທາງໄກ. ກ່າວຄໍາເຫັນໄຂເຫດການ, ທ່ານ ຟ້າມວີງກວາງ ເອກອັກຄະລັດຖະທູດຫວຽດນາມ ປະຈໍາ ອິນໂດເນເຊຍ ໄດ້ແຈ້ງໃຫ້ຊາບກ່ຽວກັບສະພາບການຂອງປະເທດ, ບັນດາຜົນງານພົ້ນເດັ່ນໃນການພົວພັນຢູ່ພາຍໃນ ແລະຕ່າງປະເທດຂອງຫວຽດນາມ ໃນປີ 2020 ແລະຜົນສໍາເລັດຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງພັກ. ທ່ານ ຟ້າມວີງກວາງ ກໍ່ຝາກຄໍາອວຍພອນປີໃໝ່ເຖິງພໍ່ແມ່ປະຊາຊົນຫວຽດນາມ ອາໄສຢູ່ອິນໂດເນເຊຍ.

ທ່ານ​ເລ​ຂາ​ທິ​ການ​ໃຫຍ່, ປະ​ທານ​ປະ​ເທດຫວຽດ​ນາມ ຫງວຽນ​ຝູ​ຈ້ອງ ພົບ​ປະ​ສັງ​ສັນ ແລະອວຍ​ພອນ​ບັນ​ດາ​ສະ​ຫາຍ​ການ​ນຳ, ອະ​ດີດ​ການ​ນຳພັກ, ລັດ ຕອນເຊົ້າວັນທີ 9 ກຸມພາ, ຢູ່ທຳນຽບປະທານປະເທດ, ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ໄດ້ເປັນປະທານການພົບປະສັງສັນ ແລະອວຍພອນປີໃໝ່ນັກປະຕິວັດຜູ້ອາວຸໂສ, ການນຳ, ອະດີດການນຳພັກ, ລັດ, ແນວໂຮມປະເທດຊາດຫວຽດນາມ, ການນຳບັນດາອົງການສຳນັກງານຂັ້ນສູນກາງ.

ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ຖະຫວາຍທູບທຽນອາໄລຫາປະທານໂຮ່ຈີມິນ ທ່ານເລຂາທິການໃຫຍ່ ປະທານປະເທດຫວຽດນາມ ຫງວຽນຝູຈ້ອງ ຊົມເຊີຍ ໝູ່ຄະນະພະນັກງານ ພາລະກອນ ເຂດປູຊະນີຍະສະຖານ ຍາມໃດກໍ່ມານະພະຍາຍາມສຳເລັດຫນ້າທີ່ວຽກງານທີ່ໄດ້ຮັບການມອບໝາຍ, ຄົ້ນຄ້ວາ ຮັກສາວັດຖຸພັນ ເອກະສານກ່ຽວກັບປະທານໂຮ່ຈີມິນເປັນຢ່າງດີ.

ບຸນເຕັດຫວຽດນາມ ຢູ່ ຕ່າງປະເທດ ຍສໝ - ຕາມຮີດຄອງປະເພນີແລ້ວ, ກ່ອນບຸນເຕັດ, ບັນດາຄອບຄົວຊາວຫວຽດນາມ ຢູ່ເຢຍລະມັນ ຍັງຄົງຮັກສາພິທີສົ່ງເຈົ້າເຕົາໄຟເມືອເຝົ້າເທວະດາຟ້າແຖນ ໃນຕອນຄໍ່າຂອງວັນທີ 22 ຫຼື ວັນທີ 23 ເດືອນສິບສອງ.