 |
| ພາບປະກອບ |
ເນື້ອໃນໂທລະເລກ ໄດ້ລະບຸວ່າ: ເນື່ອງໃນໂອກາດບຸນປີໃໝ່ປະຈຳຊາດຂອງ ຫວຽດນາມ (ປີສະຫລູ) 2021, ຕາງໜ້າຄະນະບໍລິຫານງານສູນກາງພັກປະຊາຊົນ ປະຕິວັດລາວ ແລະ ປະຊາຊົນລາວບັນດາເຜົ່າ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງພອນໄຊອັນປະເສີດ, ມິດຈິດມິດໃຈອັນດູດດື່ມ, ຄວາມສາມັກຄີຮັກແພງ ຖານສະຫາຍອ້າຍນ້ອງທີ່ສະໜິດສະໜົມມາຍັງ ສະຫາຍ ຫງວຽນຟູຈ້ອງ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ແຫ່ງ ສາທາລະນະລັດ ສັງຄົມນິຍົມຫວຽດນາມ ພ້ອມດ້ວຍບັນດາສະຫາຍການນໍາຂັ້ນສູງພັກ, ລັດ ແລະ ປະຊາຊົນຫວຽດນາມ ອ້າຍນ້ອງ ທຸກຖ້ວນໜ້າ.
ພວກຂ້າພະເຈົ້າ ຕີລາຄາສູງ ແລະ ຊົມເຊີຍຢ່າງສຸດອົກສຸດໃຈ ຕໍ່ບັນດາໄຊຊະນະອັນສະຫງ່າງາມ, ຜົນສໍາເລັດທີ່ໃຫຍ່ຫລວງສໍາຄັນ, ຮອບດ້ານ, ມີຄວາມໝາຍປະຫວັດສາດຂອງປະຊາຊົນຫວຽດນາມ ອ້າຍນ້ອງ ທີ່ຍາດມາໄດ້ທັງໃນໄລຍະຕໍ່ສູ້ກູ້ຊາດ ເພື່ອປົດປ່ອຍປະເທດຊາດໃນເມື່ອກ່ອນກໍ່ຄືພາລະກິດສ້າງສາ ແລະ ປົກປັກຮັກສາປະເທດຊາດ ໃນປັດຈຸບັນ.
ເນື່ອງໃນໂອກາດອັນເບີກບານມ່ວນຊື່ນຕ້ອນຮັບປີໃໝ່ປະເພນີ ຫວຽດນາມ ປີສະຫລູ 2021, ພວກຂ້າພະເຈົ້າ ຂໍອວຍພອນໃຫ້ ສະຫາຍ ຫງວຽນຟູຈ້ອງ ພ້ອມດ້ວຍຄອບຄົວ ແລະ ບັນດາສະຫາຍການນໍາຂັ້ນສູງພັກ, ລັດ ແລະ ປະຊາຊົນຫວຽດນາມ ອ້າຍນ້ອງທຸກຖ້ວນໜ້າ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ມີຜົນສຳເລັດໃນການປະຕິບັດໜ້າທີ່ວຽກງານ ອັນມີກຽດສະຫງ່າຂອງຕົນຕະຫລອດປີໃໝ່ນີ້.
ຂໍອວຍພອນໃຫ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ຈົ່ງໝັ້ນຄົງຂະໜົງແກ່ນ ແລະ ສວຍສົດງົດງາມຕະຫລອດໄປ.
ໃນວັນດຽວກັນ, ສະຫາຍ ທອງລຸນ ສີສຸລິດ ນາຍົກລັດຖະມົຍຕີ ແຫ່ງ ສປປ ລາວ ກໍໄດ້ສົ່ງໄທລະເລກອວຍພອນເຖິງ ສະຫາຍ ຫງວຽນ ຊວນ ຟຸກ ນາຍົກລັດຖະມົຍຕີ ແຫ່ງ ສສ ຫວຽດນາມ ເຊິ່ງມີເນື້ອໃນວ່າ: ເນື່ອງໃນໂອກາດວັນຂຶ້ນປີໃໝ່ປະຈໍາຊາດຫວຽດນາມ ປີສະຫລູ (ເຕັດເຕິນສິ້ວ) ທີ່ຈະມາເຖິງນີ້ ໃນນາມພັກ, ລັດ ແລະ ປະຊາຊົນລາວບັນດາເຜົ່າ ກໍ່ຄື ໃນນາມສ່ວນຕົວ, ຂ້າພະເຈົ້າ ຂໍສົ່ງຄໍາອວຍພອນໄຊອັນປະເສີດ ແລະ ຄວາມສາມັກຄີຮັກແພງອັນສະໜິດສະໜົມ ມາຍັງສະຫາຍ ແລະ ຜ່ານສະຫາຍ ໄປຍັງພັກ, ລັດ ແລະ ປະຊາຊົນຫວຽດນາມ ອ້າຍນ້ອງທຸກຖ້ວນໜ້າ.
ຂ້າພະເຈົ້າ, ມີຄວາມປິຕິຊົມຊື່ນເປັນຢ່າງຍິ່ງ ທີ່ເຫັນວ່າ ປະຊາຊົນຫວຽດນາມອ້າຍນ້ອງ ພວມເບີກບານ ມ່ວນຊື່ນຕ້ອນຮັບປີໃໝ່ປະຈໍາຊາດຂອງຕົນ ໃນທ່າມກາງທີ່ທົ່ວພັກ, ທົ່ວກອງທັບ ແລະ ທົ່ວປວງຊົນ ມີຄວາມເອກອ້າງທະນົງໃຈ ຕໍ່ຜົນສໍາເລັດອັນສະຫງ່າງາມຂອງກອງປະຊຸມໃຫຍ່ ຄັ້ງທີ XIII ຂອງພັກກອມມູນິດຫວຽດນາມ, ເຊິ່ງເປັນຂີດໝາຍໃໝ່ ທີ່ສໍາຄັນເປັນຢ່າງຍິ່ງແຫ່ງການປົກປັກຮັກສາ, ສ້າງສາ ແລະ ພັດທະນາ ປະເທດຫວຽດນາມ; ຖານະບົດບາດ, ຊື່ສຽງ ແລະ ອິດທິພົນ ຂອງ ສສ ຫວຽດນາມ ໄດ້ຮັບການເຊີດຊູສູງເດັ່ນຂຶ້ນຢ່າງບໍ່ຢຸດຢັ້ງ ໃນເວທີ ພາກພື້ນ ແລະ ສາກົນ.
ຄຽງຄູ່ກັນນັ້ນ, ຂ້າພະເຈົ້າກໍ່ມີຄວາມເອກອ້າງທະນົງໃຈ ແລະ ພາກພູມໃຈເປັນຢ່າງຍິ່ງ ທີ່ເຫັນວ່າການພົວພັນຮ່ວມມືທີ່ສະໜິດແໜ້ນ ລະຫວ່າງ ສອງປະເທດ ລາວ-ຫວຽດນາມ ພວກເຮົານັບມື້ຍິ່ງສືບຕໍ່ໄດ້ຮັບການເພີ່ມພູນຄູນສ້າງຢ່າງກວ້າງຂວາງ ແລະ ເລິກເຊິ່ງ, ທັງມີບາດກ້າວຂະຫຍາຍຕົວຢ່າງຕໍ່ເນື່ອງ ແລະ ມີຜົນສຳເລັດເປັນຮູບປະທຳໃນທຸກຂົງເຂດວຽກງານ, ເຊິ່ງໄດ້ນຳເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ລາວ-ຫວຽດນາມ, ເຊິ່ງເປັນການຢັ້ງຢືນເຖິງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລາວ-ຫວຽດນາມ ທີ່ມີໜຶ່ງດຽວໃນໂລກ ແລະ ກາຍເປັນມູນມໍລະດົກອັນລໍ້າຄ່າ, ເປັນກົດເກນແຫ່ງການຄົງຕົວ ແລະ ຂະຫຍາຍຕົວ ທັງເປັນໜຶ່ງໃນປັດໄຈຕັດສິນໄຊຊະນະ ຂອງພາລະກິດປະຕິວັດ ຂອງແຕ່ລະປະເທດ.
ໃນໂອກາດອັນສະຫງ່າລາສີແຫ່ງວັນຂຶ້ນປີໃໝ່ ອັນເປັນສິລິມຸງຄຸນນີ້, ຂ້າພະເຈົ້າຂໍຕາງໜ້າໃຫ້ການ ນໍາພັກ-ລັດ ແລະ ປະຊາ ຊົນລາວບັນດາເຜົ່າ, ຂ້າພະເຈົ້າ ຂໍອວຍພອນຢ່າງຈິງໃຈມາຍັງການນໍາພັກ-ລັດ ແລະ ປະຊາຊົນຫວຽດນາມອ້າຍນ້ອງທຸກຖ້ວນໜ້າ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ປະສົບຜົນສໍາເລັດອັນໃໝ່ໃຫຍ່ຫລວງກວ່າເກົ່າ ໃນໜ້າທີ່ວຽກງານອັນສູງສົ່ງ ແລະ ມີກຽດສະຫງ່າຂອງຕົນໃນການສືບຕໍ່ນໍາພາປະເທດຊາດຫວຽດນາມ ກ້າວຂຶ້ນຢ່າງໜັກແໜ້ນ ເພື່ອຫັນປະເທດຊາດເປັນປະເທດອຸດສາຫະກໍາຕາມທິດທັນສະໄໝ, ບັນລຸເປົ້າໝາຍປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ ແລະ ສີວິໄລຮຸ່ງເຮືອງ.
 | ເອກອັກຄະລັດຖະທູດ ຫວຽດນາມ ປະຈຳ ອາເມລິກາ ໂອ້ລົມທາງໂທລະສັບກັບທ່ານ Ted Yoho ສະມາຊິກສະພາຕ່ຳອາເມລິກາ ຍສໝ - ທ່ານ ເອກອັກຄະລັດຖະທູດ ຫວຽດນາມ ປະຈຳອາເມລິກາ ຮ່າກິມງອກ ໄດ້ຢັ້ງຢືນການພົວພັນລະຫວ່າງ ຫວຽດນາມ ແລະ ອາເມລິກາພວມພັດທະນາຢ່າງດີງາມ, ດ້ວຍນ້ຳໃຈມິດຕະພາບຂອງເພື່ອນມິດ, ຄູ່ຮ່ວມມືສະໜິດສະໜົມຂອງຫວຽດນາມຄືທ່ານ ສະມາຊິກສະພາຕ່ຳ Yoho. |
 | ການໂອ້ລົມທາງໂທລະສັບລະຫວ່າງ ລັດຖະມົນຕີກະຊວງຕຳຫຼວດຫວຽດນາມ ແລະ ເລຂາສະພາຄວາມໝັ້ນຄົງ ສະຫະພັນ ລັດເຊຍ ຍສໝ - ໃນການໂອ້ລົມທາງໂທລະສັບ, ທ່ານລັດຖະມົນຕີ ໂຕເລິມ ຢັ້ງຢືນວ່າ ຫວຽດນາມ ຍາມໃດກໍຖືການປັບປຸງ ແລະ ເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານ ກັບ ສະຫະພັນ ລັດເຊຍ ເປັນສຳຄັນ. |
 | ປະທານາທິບໍດີ ເຢຍລະມັນສົ່ງໂທລະເລກອວຍພອນເນື່ອງໃນໂອກາດວັນຊາດ ຫວຽດນາມ ທີ 2 ກັນຍາ ຍສໝ - ວັນທີ 31 ສິງຫາ, ສະຖານທູດ ເຢຍລະມັນປະຈຳຮ່າໂນ້ຍໃຫ້ຮູ້ວ່າ ທ່ານ Frank-Walter Steinmeier ປະທານາທິບໍດີ ສາທາລະນະລັດສະຫະພັນ ເຢຍລະມັນ ໄດ້ສົ່ງໂທລະເລກອວຍພອນເນື່ອງໃນໂອກາດວັນຊາດຫວຽດນາມ ໄປຍັງທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ແລະ ປະຊາຊົນຫວຽດນາມທຸດທ້ວນໜ້າ. |
kpl.gov.la
