ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ XIII ດີເດັ່ນ, ມີພູມປັນຍາ ຈັນຍາບັນ
	ນາຍົກລັດຖະມົນຕີ ຫວຽດນາມ: ສະເໜີໃຫ້ບັນດາຂະແໜງການ, ທ້ອງຖິ່ນຕ້ານໂລກລະບາດຢ່າງທັນການ, ມີປະສິດທິຜົນ

ພາບປະກອບ

ວັນທີ 30 ມັງກອນ 1950, ຫວຽດນາມ ແລະໂຊວຽດ ໄດ້ສ້າງຕັ້ງການພົວພັນທາງການທູດຢ່າງເປັນທາງການ. ໃນໄລຍະ 70 ປີຜ່ານມາ, ການພົວພັນລະຫວ່າງສອງປະເທດຫວຽດນາມ ແລະໂຊວຽດ/ສະຫະພັນລັດເຊຍ ສືບຕໍ່ພັດທະນາຢ່າງແຮງ, ຜ່ານຜ່າທຸກຄວາມຫຍຸ້ງຍາກ, ສິ່ງທ້າທາຍ, ສົມກັບມູນເຊື້ອມິດຕະພາບ, ຄວາມສະໜິດຕິດພັນທີ່ມີມາແຕ່ດົນນານລະຫວ່າງສອງປະເທດ.

ໃນຕະຫຼອດໄລຍະກວ່າ 70 ປີຜ່ານມາ, ເຖິງວ່າມີການຜັນແປດ້ານປະຫວັດສາດກໍ່ຕາມ, ແຕ່ສາຍພົວພັນສອງປະເທດຍັງພັດທະນາຢ່າງແຮງເພື່ອຄວາມຈະເລີນຮຸ່ງເຮືອງຂອງແຕ່ລະປະເທດ. ສອງປະເທດໄດ້ຮ່ວມມືກັນຢ່າງເລິກເຊິ່ງກວ້າງຂວາງໃນທຸກຂົງເຂດ, ເປັນຕົ້ນແມ່ນດ້ານການເມືອງ, ເສດຖະກິດ, ການປ້ອງກັນຊາດ-ປ້ອງກັນຄວາມສະຫງົບ, ວັດທະນະທໍາ, ການສຶກສາ, ວິທະຍາສາດ-ເຕັກໂນໂລຢີ. ຄວາມໄວ້ເນື້ອເຊື່ອໃຈດ້ານການເມືອງລະຫວ່າງສອງປະເທດໄດ້ເປີດເສັ້ນທາງໃຫ້ແກ່ການພົວພັນ, ການຮ່ວມມືອື່ນ, ໃນນັ້ນການພັດທະນາຮ່ວມມືດ້ານເສດຖະກິດແມ່ນໜຶ່ງໃນບັນດາຫຼັກຖານທີ່ພິສູດໃຫ້ເຫັນຢ່າງຈະແຈ້ງທີ່ສຸດ.

ຫວ່າງແລ້ວນີ້, ທີ່ຮ່າໂນ້ຍ ສສ.ຫວຽດນາມ, ກົມພົວພັນຕ່າງປະເທດ/ກະຊວງປ້ອງກັນປະເທດ, ສະຖາບັນປະຫວັດສາດການທະຫານຫວຽດນາມ, ກົມໃຫຍ່ການຮ່ວມມືດ້ານການທະຫານສາກົນ/ກະຊວງປ້ອງກັນປະເທດສະຫະພັນລັດເຊຍ ແລະສະຖາບັນປະຫວັດສາດການທະຫານ/ວິທະຍາຄານກົມໃຫຍ່ເສນາທິການກໍາລັງປະກອບອາວຸດສະຫະພັນລັດເຊຍ ເປັນປະທານຮ່ວມການແລກປ່ຽນທາງໄກກ່ຽວກັບການສົມທົບກັນສ້າງຊຸດສໍາເນົາເອກະສານ 70 ປີແຫ່ງການພົວພັນຮ່ວມມືດ້ານປ້ອງກັນຊາດຫວຽດນາມ-ໂຊວຽດ/ສະຫະພັນລັດເຊຍ.

ກ້າວເຂົ້າສູ່ປີ 2021, ຫວຽດນາມ ແລະສະຫະພັນລັດເຊຍ ເລີ່ມກ້າວເຂົ້າສູ່ໄລຍະຮ່ວມມືໃໝ່ພາຍຫຼັງ 70 ແຫ່ງວັນສ້າງຕັ້ງການພົວພັນທາງການທູດ. ໃນສະພາບພະຍາດໂຄວິດ-19 ຜັນແປຢ່າງສັບສົນ, ສິ່ງສໍາຄັນແມ່ນຫວຽດນາມ ແລະສະຫະພັນລັດເຊຍ ຕ້ອງສືບຕໍ່ຮັກສາ, ສ້າງກໍາລັງໜູນໃນໄລຍະຮ່ວມມືໃໝ່, ພິເສດແມ່ນຊຸກຍູ້ການຮ່ວມມືດ້ານການຄ້າສອງຝ່າຍ, ສົມທົບກັນຢ່າງແໜ້ນແຟ້ນກ່ຽວກັບທ່າແຮງຂອງສອງຝ່າຍເພື່ອສ້າງຜົນປະໂຫຍດໃຫ້ໄດ້ຫຼາຍກວ່ານີ້ອີກ, ປະກອບສ່ວນນໍາການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ ແລະສະຫະພັນລັດເຊຍ ພັດທະນາແບບຍືນຍົງ, ມີປະສິດທິຜົນ, ເພື່ອຕອບສະໜອງຜົນປະໂຫຍດ ແລະຄວາມປາດຖະໜາຂອງການນໍາ ແລະປະຊາຊົນສອງປະເທດ ຫວຽດນາມ - ສະຫະພັນລັດເຊຍ.

ນັກຊ່ຽວຊານ ອິນເດຍ ຢັ້ງຢືນວ່າຫວຽດນາມ ສວມບົດບາດສາກົນສຳຄັນຢູ່ບັນດາເວທີປາໄສທົ່ວໂລກ ຕາມທະນາຄານໂລກ, ຍອດຜະລິດຕະພັນພາຍໃນປະເທດ (GDP) ສະເລ່ຍໃສ່ຫົວຄົນຂອງ ຫວຽດນາມ ໃນປີ 2018 ໄດ້ທົບ 2,7 ເທົ່າເມື່ອທຽບໃສ່ປີ 2002. GDP ສະເລ່ຍໃສ່ຫົວຄົນປີ 2019 ແມ່ນ 2.700 USD.

ນັກຂ່າວສານກົນຕີລາຄາສູງຜົນງານຂອງຫວຽດນາມ ໃນກິດຈະການປ່ຽນແປງໃໝ່ ຢູ່ນອກກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງພັກກອມມູນິດ ຫວຽດນາມ, ບັນດານັກຂ່າວສາກົນໄດ້ຕີລາຄາສູງບັນດາຜົນງານຂອງ ຫວຽດນາມ ທີ່ບັນລຸໄດ້ໃນໄລຍະ 35 ປີແຫ່ງການປ່ຽນແປງໃໝ່, ພ້ອມທັງຢັ້ງຢືນວ່າ ບົດບາດອັນຍິ່ງໃຫຍ່ຂອງພັກກອມມູນິດ ຫວຽດນາມ ທີ່ມີຕໍ່ພາລະກິດພັດທະນາປະເທດຊາດ, ຍົກສູງຊີວິດການເປັນຢູ່ຂອງປະຊາຊົນ.

ນັກຊ່ຽວຊານ ລັດເຊຍ ເຊື່ອໝັ້ນວ່າ ຫວຽດນາມ ຈະປະຕິບັດສຳເລັດນະໂຍລາຍການຕ່າງປະເທດ ການແກ້ໄຂການພົວພັນກັບບັນດາຄູ່ຮ່ວມມືຢ່າງກົມກຽວແມ່ນສິ່ງທ້າທາຍໃຫຍ່ສຳລັບ ຫວຽດນາມ.