ກອງປະຊຸມສົນທະນາຖ່າຍທອດສົດ ລະຫວ່າງລັດຖະມົນຕີກະຊວງປ້ອງກັນປະເທດຫວຽດນາມ ແລະ ສະຫະພັນລັດເຊຍ
	ຫວີງຟຸກ: ສະເຫຼີມສະຫຼອງ 70 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງຫວຽດນາມ - ສະຫະພັນລັດເຊຍ

ການແລກປ່ຽນທາງໄກກ່ຽວກັບການສົມທົບກັນສ້າງຊຸດສໍາເນົາເອກະສານ 70 ປີແຫ່ງການພົວພັນຮ່ວມມືດ້ານປ້ອງກັນຊາດຫວຽດນາມ-ໂຊວຽດ/ສະຫະພັນລັດເຊຍ. ພາບ: qdnd.vn

ຫວ່າງແລ້ວນີ້, ກົມພົວພັນຕ່າງປະເທດ/ກະຊວງປ້ອງກັນປະເທດ, ສະຖາບັນປະຫວັດສາດການທະຫານຫວຽດນາມ, ກົມໃຫຍ່ການຮ່ວມມືດ້ານການທະຫານສາກົນ/ກະຊວງປ້ອງກັນປະເທດສະຫະພັນລັດເຊຍ ແລະສະຖາບັນປະຫວັດສາດການທະຫານ/ວິທະຍາຄານກົມໃຫຍ່ເສນາທິການກໍາລັງປະກອບອາວຸດສະຫະພັນລັດເຊຍ ເປັນປະທານຮ່ວມການແລກປ່ຽນທາງໄກກ່ຽວກັບການສົມທົບກັນສ້າງຊຸດສໍາເນົາເອກະສານ 70 ປີແຫ່ງການພົວພັນຮ່ວມມືດ້ານປ້ອງກັນຊາດຫວຽດນາມ-ໂຊວຽດ/ສະຫະພັນລັດເຊຍ.

ຊຸດສໍາເນົາເອກະສານຂອງຝ່າຍຫວຽດນາມ ລວມມີ 17 ເນື້ອໃນ, ເຊິ່ງໄດ້ມອບໝາຍໃຫ້ 9 ອົງການຈັດຕັ້ງປະຕິບັດໃນເວລາ 4 ປີ (2020-2023), ໂດຍສຸມໃສ່ຫຼາຍຫົວເລື່ອງຄົ້ນຄວ້າວິທະຍາສາດຂັ້ນກະຊວງປ້ອງກັນປະເທດ, ຈັດພິມຈຳໜ່າຍປຶ້ມ 70 ປີແຫ່ງການພົວພັນຮ່ວມມືດ້ານປ້ອງກັນຊາດ; ຫວຽດນາມ ເຂົ້າຮ່ວມງານມະຫາກໍາກິລາການທະຫານສາກົນ ໂດຍສະຫະພັນລັດເຊຍ ຈັດຕັ້ງ ແລະ ອື່ນໆ.

ມີ 5 ກິດຈະກຳໃນຂອບເຂດຊຸດສໍາເນົາເອກະສານຈະໄດ້ປະຕິບັດໃນປີ 2020. ແຕ່​​ເຖິງ​ຢ່າງ​ໃດ​ກໍ່​ຕາມ, ຍ້ອນໄດ້ຮັບຜົນສະທ້ອນຈາກພະຍາດໂຄວິດ-19 ສະນັ້ນຝ່າຍຫວຽດນາມ ຈຶ່ງປະຕິບັດໄດ້ແຕ່ 4/5 ກິດຈະກຳ. ກິດຈະກຳທີ 5 ແມ່ນກອງປະຊຸມສໍາມະນາກ່ຽວກັບ 70 ປີແຫ່ງການພົວພັນຮ່ວມມືໃນຂົງເຂດການທະຫານຫວຽດນາມ-ໂຊວຽດ/ສະຫະພັນລັດເຊຍ ຄາດຄະເນວ່າຈະຈັດຕັ້ງໃນເດືອນມັງກອນ 2021.

ນັບແຕ່ເມື່ອສ້າງການພົວພັນທາງການທູດຫວຽດນາມ-ສະຫະພາບໂຊວຽດ (ວັນທີ 30 ມັງກອນ 1950), ພ້ອມກັບເລື່ອງເຊັນສັນຍາ, ສົນທິສັນຍາຮ່ວມມືໃນຂົງເຂດນີ້ບາງສະບັບ, ວັນທີ 27 ສິງຫາ 1956, ສັນຍາວ່າດ້ວຍ “ບັນຫາການຮໍ່າຮຽນຂອງພົນລະເມືອງປະເທດ ສາທາລະນະລັດ ປະຊາທິປະໄຕ ຫວຽດນາມ ຢູ່ບັນດາໂຮງຮຽນຊັ້ນກາງ ແລະຊັ້ນສູງຢູ່ໂຊວຽດ” ໄດ້ຮັບການລົງນາມຈາກລັດຖະບານສອງປະເທດ, ສ້າງພື້ນຖານໃຫ້ແກ່ການຮ່ວມມືກໍ່ສ້າງພະນັກງານ, ໃນນັ້ນມີພະນັກງານການທະຫານລະຫວ່າງຫວຽດນາມ ແລະໂຊວຽດ, ຕອບສະໜອງຄວາມຮຽກຮ້ອງຕ້ອງການສ້າງກອງທັບ ແລະພາລະກິດຕໍ່ສູ້ປົດປ່ອຍຊາດ, ປົກປັກຮັກສາປະເທດຊາດ. ພ້ອມກັບເລື່ອງສະໜັບສະໜູນດ້ານຈິດໃຈຢ່າງສຸດຂີດ, ມີການຊ່ວຍເຫຼືອຢ່າງໃຫຍ່ຫຼວງທາງດ້ານວັດຖຸ, ອາວຸດຍຸດໂທປະກອນເຕັກນິກການທະຫານແລ້ວ, ໂຊວຽດຍັງຊ່ວຍເຫຼືອຫວຽດນາມ ກໍ່ສ້າງພະນັກງານການທະຫານນັບຫຼາຍໝື່ນຄົນໃນທຸກໆຂົງເຂດ, ຊັ້ນຮຽນຢູ່ບັນດາໂຮງຮຽນການທະຫານ, ສູນຝຶກແອບຂອງກອງທັບໂຊວຽດ.

ນໍ້າໃຈມິດຕະພາບລະຫວ່າງສອງປະເທດຫວຽດນາມ - ສະຫະພັນລັດເຊຍ ຍສໝ - ຕອນເຊົ້າວັນທີ 10 ມິຖຸນາ, ທີ່ຮ່າໂນ້ຍ, ສູນວິທະຍາສາດ ແລະ ວັດທະນະທຳ ລັດເຊຍປະຈຳຮ່າໂນ້ຍ ສົມທົບກັບສະຖານທູດລັດເຊຍ ແລະສະຫະພັນມິດຕະພາບນະຄອນຮ່າໂນ້ຍ ໄດ້ຈັດກິດຈະກຳ “ສວນອະນຸສອນ”: ງານວາງສະແດງພາບຖ່າຍ ແລະໄດ້ຈັດພິທີປູກຕົ້ນໄມ້ຢູ່ສວນມິດຕະພາບ, ສວນສັນຕິພາບ.

ສະຫະພັນລັດເຊຍ ມີຄວາມພາກພູມໃຈທີ່ໄດ້ຢືນຄຽງບ່າຄຽງໄຫຼ່, ສະໜັບສະໜູນ ແລະ ຊ່ວຍເຫຼືອເພື່ອນມິດຫວຽດນາມໃນຊຸມປີທີ່ຫຍຸ້ງຍາກ ຍສໝ - ນັ້ນແມ່ນເນື້ອໃນສານອວຍພອນຂອງ ທ່ານນາຍົກລັດຖະມົນຕີລັດເຊຍ Mikhail Mishustin ສົ່ງມາຍັງ ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ເນື່ອງໃນໂອກາດສະເຫຼີມສະຫຼອງ ຄົບຮອບ 45 ປີ ແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ.

ງານວາງສະແດງຮູບພາບດ້ວຍຫົວຂໍ້ “ຫວຽດນາມ: ປະເທດຊາດ ແລະມະນຸດ” ໄດ້ໄຂຂຶ້ນ ສະຫະພັນລັດເຊຍ ຍສໝ - ໃນລະຫວ່າງວັນທີ 27 ກຸມພາ ຫາວັນທີ 1 ມີນາ 2020, ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ສະຫະພັນລັດເຊຍ, ງານວາງສະແດງຮູບພາບດ້ວຍຫົວຂໍ້ “ຫວຽດນາມ: ປະເທດຊາດ ແລະມະນຸດ” ໄດ້ໄຂຂຶ້ນຢູ່ສູນວາງສະແດງຮູບພາບແຫ່ງຊາດ Primorie ທີ່ນະຄອນ Vladivostok, ສະຫະພັນລັດເຊຍ.