| ຫວຽດນາມແມ່ນຄູ່ຮ່ວມມືສຳຄັນຂອງ ຢູແກຼນ ໃນອາຊຽນ | |
| ຊຸກຍູ້ການພົວພັນລະຫວ່າງ ສອງປະເທດ ຫວຽດນາມ - ຢູແກຼນ ໃນຫຼາຍຂົງເຂດ |
 |
| ກອງປະຊຸມສຸດທີ 15 ຄະນະກຳມະການລະຫວ່າງລັດຖະບານ ຫວຽດນາມ - ຢູແກຼນ ກ່ຽວກັບການຮ່ວມມືເສດຖະກິດ - ການຄ້າ ແລະ ວິທະຍາສາດ - ເຕັກນິກ |
ເພື່ອແນໃສ່ຜັນຂະຫຍາຍບັນດາໂຄງການຮ່ວມມືສອງຝ່າຍ, ຫວ່າງແລ້ວນີ້, ກະຊວງອຸດສາຫະກຳ ແລະ ການຄ້າ ຫວຽດນາມ ແລະ ພັດທະນາເສດຖະກິດ, ການຄ້າ ແລະ ກະສິກຳ ສ.ຢູແກຼນ ໄດ້ເປັນເຈົ້າພາບຈັດໄດ້ສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງ ຈັດຕັ້ງກອງປະຊຸມສຸດທີ 15 ຄະນະກຳມະການລະຫວ່າງລັດຖະບານ ຫວຽດນາມ - ຢູແກຼນ ກ່ຽວກັບການຮ່ວມມືເສດຖະກິດ - ການຄ້າ ແລະ ວິທະຍາສາດ - ເຕັກນິກ ທາງອອນລາຍ.
ທ່ານ ດັ້ງຮ່ວາງອານ ຮອງລັດຖະມົນຕີກະຊວງອຸດສາຫະກຳ ການຄ້າ ຫວຽດນາມ ແລະ ທ່ານ Taras Kachka ຮອງລັດຖະມົນຕີກະຊວງພັດທະນາເສດຖະກິດ, ການຄ້າ ແລະ ກະສິກຳ ຢູແກຼນເປັນປະທານຮ່ວມ.
ເຂົ້າຮ່ວມກອງປະຊຸມ ມີທ່ານນາງ Natatya Zhynkina ອຸປະທູດຊົ່ງຄາວ ສະຖານທູດ ຢູແກຼນ ປະຈຳ ຫວຽດນາມ, ຜູ້ຕາງໜ້າຫ້ອງວ່າການລັດຖະບານ, ບັນດາກະຊວງ, ຂະແໜງການ, ສະຖາບັນ, ກຸ່ມບໍລິສັດ ແລະ ບາງບໍລິສັດຂອງ ຫວຽດນາມ, ທ່ານ ຫງວຽນຮົ່ງແທັງ ເອກອັກຄະລັດຖະທູດຜູ້ມີອຳນາດເຕັມວິສາມັນຫວຽດນາມ ປະຈຳຢູແກຼນ ແລະ ຜູ້ຕາງໜ້າ ບາງກະຊວງ, ກົມ, ສະຖາບັນ ແລະ ບໍລິສັດຢູແກຼນແຫ່ງຕ່າງໆທີ່ມີຄວາມຫວັງຢາກພັດທະນາການພົວພັນຮ່ວມມືກັບ ຫວຽດນາມ.
ກ່າວຄຳເຫັນໄຂກອງປະຊຸມ, ທ່ານ ດັ້ງຮ່ວາງອານ ຮອງລັດຖະມົນຕີ ໃຫ້ຮູ້ວ່າການພົວພັນລະຫວ່າງ ຫວຽດນາມ ແລະ ຢູແກຼນ, ພິເສດນັບແຕ່ເວລາ 2 ປະເທດສ້າງການພົວພັນທາງການທູດ ໃນປີ 1992 ໄດ້ພັດທະນາຢ່າງສຸດຂີດໃນບັນດາຂົງເຂດທັງໝົດ, ປະກອບສ່ວນສຳຄັນເຂົ້າໃນວິກິດການສ້າງ ແລະ ພັດທະນາຢູ່ແຕ່ລະປະເທດ.
ໃນໄລຍະທີ່ຜ່ານມາ ສອຝ່າຍໄດ້ມີບັນດາຄວາມມານະພະຍາຍາມໃຫຍ່ເພື່ອແນໃສ່ສ້າງບັນດາການພົວພັນຮ່ວມມືໃນບັນດາຂົງເຂດທີ່ມີຄວາມສາມາດບົ່ມຊ້ອນ, ວາງອອກບັນດາມາດຕະການຢ່າງລະອຽດ ແລະ ຮອບດ້ານ ນຳການພົວພັນລະຫວ່າງສອງປະເທດ ພັດທະນານັບມື້ນັບມີປະສິດທິຜົນ, ແທດຈິງ, ເພື່ອແນໃສ່ຫັນບັນດາຄຳໝັ້ນສັນຍາ ແລະ ຄວາມຕັດສິນໃຈທາງການເມືອງຂອງການນຳຂັ້ນສູງສອງປະເທດໃຫ້ປະກົດຜົນເປັນຈິງ.
ຕາມທ່ານ ຮອງລັດຖະມົນຕີTaras Kachkaແລ້ວ, ເພື່ອຊຸກຍູ້ການເຕີບໂຕທາງການຄ້າສອງຝ່າຍ, ຍາດແຍ້ງບັນດາຄວາມສາມາດບົ່ມຊ້ອນໃນການຮ່ວມມືທີ່ມີຢູ່ແລ້ວ, ສອງຝ່າຍຕ້ອງມີກົນໄກຂອງສັນຍາການຄ້າເສລີ (FTA) ລະຫວ່າງສອງປະເທດ, ດ້ວຍບັນດາບຸລິມະສິດພິເສດກ່ຽວກັບພາສີອາກອນ. ດັ່ງນັ້ນ, ຝ່າຍ ຢູແກຼນໄດ້ສະເໜີ ເລື່ອງສອງຝ່າຍບູລິມະສິດການຄົ້ນຄວ້າຄວາມເປັນໄປໄດ້ກ່ຽວກັບການສ້າງສັນຍາ FTA ສອງຝ່າຍ ໂດຍໄວ, ບົນພື້ນຖານຄົ້ນຄ້ວາລວມເຊິ່ງສອງຝ່າຍໄດ້ປະຕິບັດໃນປີ 2014.
 | ຫວຽດນາມແມ່ນຄູ່ຮ່ວມມືສຳຄັນຂອງ ຢູແກຼນ ໃນອາຊຽນ ຍສໝ - ໃນການພົບປະ,ສອງຝ່າຍໄດ້ແລກປ່ຽນກ່ຽວກັບສະພາບການ ກໍ່ຄືບັນດາມາດຕະການຕ່າງໆເພື່ອຊຸກຍູ້ການຮ່ວມມືດ້ານເສດຖະກິດ - ການຄ້າ ແລະ ການລົງທຶນ ລະຫວ່າງ ສອງປະເທດ. |
 | ຊຸກຍູ້ການພົວພັນລະຫວ່າງ ສອງປະເທດ ຫວຽດນາມ - ຢູແກຼນ ໃນຫຼາຍຂົງເຂດ ຍສໝ - ທ່ານເອກອັກຄະລັດຖະທູດ ຫວຽດນາມ ປະຈຳ ຢູແກຼນ ຫງວຽນຮົ່ງແທັ້ງ ໄດ້ໃຫ້ຄຳໝັ້ນສັນຍາວ່າ ໃນອາຍຸການຂອງຕົນຈະສືບຕໍ່ສົມທົບກັບກະຊວງການຕ່າງປະເທດ, ບັນດາອົງການທີ່ກ່ຽວຂ້ອງ ແລະ ວິສາຫະກິດ ຢູແກຼນເພີ່ມທະວີການພົວພັນລະຫວ່າງ ສອງປະເທດ. |
 | ການແກ້ໄຂການຂັດແຍ້ງກັນຢູ່ທະເລຕາເວັນອອກຕ້ອງອີງໃສ່ກົດໝາຍວ່າດ້ວຍທະເລ ຍສໝ - ທ່ານ Viktor Konstantinov ຮອງສາດສະດາຈານ, ສະຖາບັນການພົວພັນສາກົນ ຂຶ້ນກັບມະຫາວິທະຍາໄລສັງລວມແຫ່ງຊາດ Kiev ຖືວ່າ ບັນດາປະເທດຄວນເຄົາລົບ ແລະ ປະຕິບັດຕາມກົດໝາຍສາກົນ. ຕາມທ່ານ ແລ້ວ, ເຖິງວ່າສານສາກົນ ໄດ້ວາງອອກບັນດາຄຳຕັດສິນຂອງສານໃນປີ 2016 ໃນເຫດການຂອງ ຟີລິບປິນແລ້ວກໍ່ຕາມ, ແຕ່ສະພາບການ ແລະ ຫຼັກໝັ້ນຂອງບັນດາຝ່າຍຢູ່ທະເລຕາເວັນອອກບໍ່ມີການປ່ຽນແປງຫຼາຍປານໃດ. |
ບຸນຄົງ
