| ຫວຽດນາມ ແລະ ອາເມລິກາເພີ່ມທະວີການຮ່ວມມືເພື່ອແກ້ໄຂຜົນຮ້າຍຢ້ອນຫຼັງຈາກສົງຄາມ | |
| ຫວຽດນາມ ແລະ ອາເມລິກາສົມທົບກັນແກ້ໄຂບັນດາບັນຫາດ້ານການຄ້າ |
 |
| ທ່ານບຸນແທັງເຊີນ ຮອງລັດຖະມົນຕີກະຊວງການຕ່າງປະເທດຢາກທ່ານນາງ Mary Tarnowka ສືບຕໍ່ຊຸກຍູ້ການເຊື່ອມຕໍ່ການຮ່ວມມືລະຫວ່າງບັນດາວິສາຫະກິດ ອາເມລິກາກັບບັນດາທ້ອງຖິ່ນຂອງ ຫວຽດນາມ. |
ຕອນບ່າຍວັນທີ 22 ມັງກອນ, ຢູ່ສຳນັກງານກະຊວງການຕ່າງປະເທດ ຫວຽດນາມ, ທ່ານ ບຸຍແທັງເຊີນ ຮອງລັດຖະມົນຕີຜູ້ປະຈຳການກະຊວງການຕ່າງປະເທດໄດ້ໃຫ້ການຕ້ອນຮັບທ່ານນາງ Mary Tarnowka ຜູ້ອຳນວຍການຝ່າຍບໍລິຫານ ຫ້ອງການການຄ້າ ອາເມລິກາ ປະຈຳ ຫວຽດນາມ (AmCham) ມາເຂົ້າຢ້ຽມຂ່ຳນັບ.
ທີ່ການຕ້ອນຮັບ, ທ່ານຮອງລັດຖະມົນຕີ ບຸນແທັງເຊີນ ໄດ້ສະແດງຄວາມຊົມເຊີຍຕໍ່ທ່ານນາທານາທິບໍດີ ອາເມລິກາຄົນໃໝ່ Joe Biden, ທ່ານນາງ ຮອງປະທານາທິບໍດີ ອາເມລິກາ Kamala Harris ພ້ອມກັບລັດຖະບານອາເມລິກາຊຸດໃໝ່. ທ່ານກໍ່ຫວັງວ່າ ລັດຖະບານອາເມລິກາຊຸດໃໝ່ສືບຕໍ່ຮ່ວມມືກັບລັດຖະບານ ແລະ ກະຊວງການຕ່າງປະເທດ ຫວຽດນາມ, ຊຸກຍູ້ການພົວພັນຄູ່ຮ່ວມມືຍຸດທະສາດຢ່າງຮອບດ້ານ ໄດ້ ແລະ ພວມພັດທະນາຢ່າງດີງາມລະຫວ່າງສອງປະເທດ.
ທ່ານຮອງລັດຖະມົນຕີ ໄດ້ສະແດງຄວາມຊົມເຊີຍ ແລະ ຕີລາຄາສູງບັນດາຜົນງານ ແລະ ໝາກຜົນການຮ່ວມມື, ສົມທົບກັບ ແລະ ກະຊວງການຕ່າງປະເທດໃນໄລຍະທີ່ຜ່ານມາ, ປະກອບສ່ວນເຂົ້າໃນການເພີ່ມທະວີຊຸກຍູ້ການພົວພັນການຄ້າ ແລະ ການລົງທຶນລະຫວ່າງສອງປະເທດ.
ທ່ານຮອງລັດຖະມົນຕີມີຄວາມຫວັງວ່າ ໃນຖານະເປັນການນຳ AmCham, ທ່ານນາງ Mary Tarnowka ຈະສືບຕໍ່ຊຸກຍູ້ການເຊື່ອມຕໍ່ຮ່ວມມືລະຫວ່າງບັນດາວິສາຫະກິດອາເມລິກາກັບບັນດາທ້ອງຖິ່ນ ຫວຽດນາມ, ພິເສດແມ່ນໃນບັນດາຂົງເຂດຄື: ພະລັກງງານ, ເຕັກໂນໂລຢີສູງ, ພື້ນຖານໂຄງລ່າງ…
ໂດຍສະແດງຄວາມຂອບອົກຂອບໃຈຕໍ່ທ່ານ ບຸຍແທັງເຊີນ ທີ່ໄດ້ສະຫງວດເວລາຕ້ອນຮັບ, ທ່ານນາງ Mary Tarnowka ໄດ້ແບ່ງປັນກ່ຽວກັບບັນດາໝາກຜົນທີ່ AmCham ບັນລຸໄດ້ ໃນໄລຍະທີ່ຜ່ານມາ, ຂໍ້ມູນກ່ຽວກັບບັນດາໂຄງການລົງທຶນໃຫຍ່ ແລະ ບັນດາວິສາຫະກິດ ອາເມລິກາທີ່ພວມກະກຽມລົງທຶນຢູ່ ຫວຽດນາມ.
ທ່ານນາງ Mary Tarnowka ໃຫ້ຮູ້ວ່າ ເຖິງວ່າໂລກລະບາດໂຄວິດ - 19 ມີການຜັນແປຢ່າງສັບສົນກໍ່ຕາມ ແຕ່ມັນບໍ່ສາມາດກີດຂວາງຄວາມສົນໃຈ ແລະ ການເຂົ້າຮ່ວມຂອງປະຊາຄົມວິສາຫະກິດອາເມລິກາຕໍ່ຕະຫຼາດ ຫວຽດນາມ.
ທ່ານນາງກໍ່ຢັ້ງຢືນວ່າຈະພ້ອມກັບສາມາຄົມຕັ້ງໜ້າໂຄສະນາ, ຮຽກຮ້ອງໃຫ້ບັນດາວິສາຫະກິດອາເມລິກາມາລົງທຶນ, ດຳເນີນທຸລະກິດຢູ່ ຫວຽດນາມ, ພິເສດແມ່ນເສີມຂະຫຍາຍບົດບາດເຊື່ອມຕໍ່ການຮ່ວມມືກັບບັນດາວິສາຫະກິດ ແລະ ທ້ອງຖິ່ນ ຫວຽດນາມ.
 | ຫວຽດນາມ ແລະ ອາເມລິກາເພີ່ມທະວີການຮ່ວມມືເພື່ອແກ້ໄຂຜົນຮ້າຍຢ້ອນຫຼັງຈາກສົງຄາມ ຍສໝ - ເຂົ້າຮ່ວມພິທີມີທ່ານພົນໂທ ຫງວຽນຈິ້ວິງ, ກຳມະການກົມການເມືອງ, ຮອງລັດຖະມົນຕີກະຊວງປ້ອງກັນປະເທດ ແລະ ຜູ້ຕາງໜ້າບາງກະຊວງ, ຂະແໜງການ, ທ້ອງຖິ່ນ. ສ່ວນຝ່າຍອາເມລິກາມີການ ເອກອັກຄະລັດຖະທູດ ຜູ້ມີອຳນາດເຕັມແຫ່ງ ອາເມລິກາປະຈຳຫວຽດນາມ. |
 | ນຳພົນລະເມືອງ ຫວຽດນາມເກືອບ 360 ຄົນຈາກອາເມລິກາກັບຄືນປະເທດ ຢ່າງປອດໄພ ຍສໝ - ພາຍຫຼັງເຮືອບິນລົງຈອດຢູ່ສະໜາມບິນສາກົນ ກາມແຣງ, ຜູ້ໂດຍສານໃນຖ້ຽວບິນໄດ້ຮັບການກວດສຸຂະພາບ ແລະ ແຍກຕົວຕາມຂໍ້ກຳນົດ. |
 | ອາເມລິກາໜູນຊ່ວຍຊຸກຍູ້ການຜັນຂະຫຍາຍພະລັງງານສະອາດຢູ່ ຫວຽດນາມ ຍສໝ - USAID ຈະໜູນຊ່ວຍ EVN ໄຈ້ແຍກຜົນກະທົບດ້ານການເງິນ ຂອງບັນດາກໍລະນີຜັນຂະຫຍາຍໄຟຟ້າແສງແດດຊາຍຄາ ຕ່າງໆຢູ່ນະຄອນດ່ານັ້ງ, ຜ່ານນັ້ນຊ່ວຍໃຫ້ບັນດານັກວາງແຜນນະໂຍບາຍ ແລະ ບັນດາຫົວໜ່ວຍເຄື່ອນໄຫວລະບົບໄຟຟ້າກຳແໜ້ນໄດ້ຂໍ້ມູນຂ່າວສານ ກ່ຽວກັບບັນດາຜົນກະທົບໄລຍະສັ້ນຢູ່ໄລຍະຕົ້ນຂອງບັນດາໂຄງການໄຟຟ້າແສງແດດຊາຍຄາ. |
ບຸນຄົງ
