ຫວຽດ​ນາມ ແລະ ບ​ຣູ​ໄນ ເຫັນ​ດີ​ເປັນ​ເອ​ກະ​ພາບ​ເພີ່ມ​ທະ​ວີ​ການ​ສົມ​ທົບ​ກັນ, ຄວາມ​ສະ​ໜິດ​ຕິດ​ພັນ​ພາຍ​ໃນ​ກຸ່ມ​ອາ​ຊຽນ

	ກອງ​ປະ​ຊຸມ​ເຈົ້າ​ໜ້າ​ທີ່​ອາ​ວຸ​ໂສ ອາ​ຊຽນ ກະ​ກ​ຽມ​ໃຫ້​ກອງ​ປະ​ຊຸມ​ວົງ​ແຄບ​ລັດ​ຖະ​ມົນ​ຕີ​ກະ​ຊວງ​ການ​ຕ່າ​ງ​ປະ​ເທດ​ອາ​ຊຽນ
	ຫວຽດ​ນາມມອບ​ຕຳ​ແໜ່ງ​ປະ​ທານ ADMM, ADMM+ ໃຫ້​ແກ່​ບ​ຣູ​ໄນ

ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ, ລັດ​ຖະ​ມົນ​ຕີ ກະ​ຊວງ​ການ​ຕ່າງ​ປະ​ເທດ ຫວຽດ​ນາມ ຟ້າມ​ບິ່ງ ​ແລະ ​ທ່ານ ລັດ​ຖະ​ມົນ​ຕີ​ຜູ້​ທີ​ສອງ ຂອງ ກະ​ຊວງ​ການ​ຕ່າງ​ປະ​ເທດ ບ​ຣູ​ໄນ Dato Erywan Pehin Yusof (ພາບ: VGP)

ຫວ່າງ​ແລ້ວນີ້, ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ, ລັດ​ຖະ​ມົນ​ຕີ ກະ​ຊວງ​ການ​ຕ່າງ​ປະ​ເທດ ຫວຽດ​ນາມ ຟ້າມ​ບິ່ງ​ມິງ​ ໄດ້​ມີ​ການ​ໂອ້​ລົມ​ທາງ​ໂທ​ລະ​ສັບ​ກັບ​ທ່ານ ລັດ​ຖະ​ມົນ​ຕີ​ຜູ້​ທີ​ສອງ ຂອງ ກະ​ຊວງ​ການ​ຕ່າງ​ປະ​ເທດ ບ​ຣູ​ໄນ Dato Erywan Pehin Yusof.

ທີ່​ການ​ໂອ້​ລົ​ມ​ທາງ​ໂທ​ລະ​ສັບ, ທ່ານ​ລັດ​ຖະ​ມົນ​ຕີ Dato Erywan Pehin Yusof ໄດ້​ສະ​ແດງ​ຄວາມອວຍ​ພອນ​ຫວຽດ​ນາມ​ທີ່​ໄດ້​ປະ​ຕິ​ບັດ​ອາ​ຍຸ​ການ​ດຳ​ລົງ​ຕຳ​ແໜ່ງ​ເປັນ​ປະ​ທານ​ອາ​ຊຽນ​ປີ 2020 ຢ່າງ​ສຳ​ເລັດ, ພິ​ເສດ​ແມ່ນ​ໄດ້​ນຳ​ພາ​ອາ​ຊຽນ​ຜ່ານ​ຜ່າ​ສິ່ງ​ທ້າ​ທາຍ​ຄວາມ​ຫຍຸ້ງ​ຍາກ ທີ່​ຍັງ​ບໍ່​ເຄີຍ​ມີ​ມາ​ກ່ອນ.

ພາຍ​ໃຕ້​ຫົວ​ຂໍ້ “ຮ່ວມ​ສົນ​ໃຈ, ຮ່ວມ​ກະ​ກ​ຽມ, ຮ່ວມ​ວັດ​ທະ​ນາ​ຖາ​ວອນ”. ທ່ານ ລັດ​ຖະ​ມົນ​ຕີ Dato Erywan Pehin Yusof ໄດ້​ແບ່ງ​ປັນ​ກ່ຽວ​ກັບ​ບາງ​ກຳ​ນົດ​ທິດ ແລະ ບຸ​ລິ​ມະ​ສິດ​ໃນ​ປີ ປະ​ທານ​ອາ​ຊຽນ 2020, ໃນ​ນັ້ນ​ໄດ້​ຜັນ​ຂະ​ຫຍາຍ​ບັນ​ດາ​ຂໍ້​ລິ​ເລີ່ມ​ຮັບ​ມື​ກັບ​ໂລກ​ລະ​ບາດ​ໂຄວິດ - 19 ແລະ ຟື້ນ​ຟູ​ໄລ​ຍະຫຼັງ​ໂລກ​ລະ​ບາດ​ ເຊິ່ງ​ໄດ້​ຮັບ​ຮອງ​ເອົາ​ໃນ​ປີ 2020, ສົ່ງ​ເສີມ​ການ​ສ້າງວິ​ໄສ​ທັດ​ອາ​ຊຽນ​ຫຼັງ​ປີ 2025, ຊຸກ​ຍູ້​ການ​ຮ່ວມ​ມືຫຼາຍ​ຝ່າຍ, ລະ​ບອບ​ລະ​ບຽບ​ການ​ໃນ​ພາກ​ພື້ນ​ໂດຍ​ອີງ​ໃສ່​ກົດ​ໝາຍ. ສ້າງ​ບັນ​ດາ​ຂໍ້​ລິ​ເລີ່ມ​ຮ່ວມ​ມື​ມຸ່ງ​ໄປ​ສູ່​ປະ​ຊາ​ຊົນ ຢັ້ງ​ຢືນ​ບັນ​ດາ​ບູ​ລິ​ມະ​ສິດ, ຂໍ້​ລິ​ເລີ່ມນີ້​ໄດ້​ສ້າງ​ຕັ້ງ​ບົນ​ພື້ນ​ຖານ​ເຊື່ອມ​ຕໍ່ ແລະ ທະ​ວີ​ຄູນ​ບັນ​ດາ​ໝາກ​ຜົນ​ທີ່​ບັນ​ລຸ​ໄດ້​ຂອງ​ອາ​ຊຽນ​ໃນ​ຊຸມ​ປີ​ກ່ອນ, ພິ​ເສດ​ແມ່ນ​ປີ 2020 ພາຍ​ໃຕ້​ອາ​ຍຸ​ການ​ປະ​ທານ ຂອງ ຫວຽດ​ນາມ. ໂດຍ​ສະ​ແດງ​ຄວາມ​ຊົມ​ເຊີຍ​ບ​ຣູ​ໄນ ທີ່​ໄດ້​ເລີ່ມ​ຕົ້ນ​ບົດ​ບາດ​ເປັ​ນ​ປະ​ທານ​ອາ​ຊຽນ 2021, ທ່ານ ຟ້າມ​ບິ່ງ​ມິງ​ ຮອງ​ນາ​ຍົ​ກ​ລັດ​ຖະ​ມົນ​ຕີ, ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ໄດ້​ຢັ້ງ​ຢືນ​ວ່າ ຫວຽດ​ນາມ ຈະ​ສະ​ໜັບ​ສະ​ໜູນ ແລະ ຮ່ວມ​ມື​ຢ່າງ​ແໜ້ນ​ແຟ້ນ​ກັບ ບ​ຣູ​ໄນ​ເພື່ອ​ແນ​ໃສ່​ປະ​ຕິ​ບັດ​​ບັນ​ດາ​ເປົ້າ​ໝາຍ, ຂໍ້​ລິ​ເລີ່ມ​ ທີ່​ໄດ້​ວາງ​ອອກ​ໃນ​ປີ 2021ຢ່າງ​ມີ​ໄຊ.

ຕໍ່​ໜ້າ​ສະ​ພາບ​ການ​ສັບ​ສົນ​ຂອງ​ໂລກ ແລະ ບັນ​ດາ​ສິ່ງ​ທ້າ​ທາຍ, ຜົນ​ຮ້າຍ​ຢ້ອນຫຼັງ​ທີ່​ຮ້າຍ​ແຮງ​ຈາກ​ໂລກ​ລະ​ບາດ​ໂຄວິດ - 19, ລັດ​ຖະ​ມົນ​ຕີ​ສອງ​ຝ່າຍ​ໄດ້​ເຫັນ​ດີ​ເປັນ​ເອ​ກະ​ພາບ​ເພີ່ມ​ທະ​ວີ​ການ​ສົມ​ທົບ​ກັນ, ປະ​ກອບ​ສ່ວນ​ປັບ​ປຸງ​ຄວາມ​ສາ​ມັກ​ຄີ, ການ​ເຊື່ອມ​ຕໍ່​ພາຍ​ໃນ​ກຸ່ມ, ຍົກ​ສູງ​ຄວາມ​ສາ​ມາດ​ໃນ​ການ​ຮັບ​ມື ແລະ ບົດ​ບາດ​ເປັນ​ໃຈ​ກາງ​ຂອງ ອາ​ຊຽນ​ເພື່ອ​ສັນ​ຕິ​ພາບ, ຄວາມ​ໝັ້ນ​ຄົງ ແລະ ວັດ​ທະ​ນາ​ຖາ​ວອນ​ລວມ​ໃນ​ພາກ​ພື້ນ.

ກອງ​ປະ​ຊຸມ​ເຈົ້າ​ໜ້າ​ທີ່​ອາ​ວຸ​ໂສ ອາ​ຊຽນ ກະ​ກ​ຽມ​ໃຫ້​ກອງ​ປະ​ຊຸມ​ວົງ​ແຄບ​ລັດ​ຖະ​ມົນ​ຕີ​ກະ​ຊວງ​ການ​ຕ່າ​ງ​ປະ​ເທດ​ອາ​ຊຽນ ຍ​ສ​ໝ - ກ່າວ​ຄຳ​ເຫັນ​ທີ່ກອງ​ປະ​ຊຸມ, ທ່ານ​ຮອງ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ ຫງວຽນ​ກ໊ວກ​ຢຸງ ໄດ້​ສະ​ແດງ​ຄວາມ​ຂອບ​ອົກ​ຂອບ​ໃຈ​ຕໍ່​ການ​ສະ​ໜັບ​ສະ​ໜູນ​ຂອງ​ບັນ​ດ​າ​ປະ​ເທດ​ອາ​ຊຽນ​ຕໍ່ຫວຽດ​ນາມ ​ໃນ​ປີ 2020

ຫວຽດ​ນາມມອບ​ຕຳ​ແໜ່ງ​ປະ​ທານ ADMM, ADMM+ ໃຫ້​ແກ່​ບ​ຣູ​ໄນ ວັນທີ 10 ທັນວາ, ຢູ່ຮ່າໂນ້ຍ, ຫວຽດນາມໄດ້ມອບຕຳແໜ່ງປະທານກອງປະຊຸມລັດຖະມົນຕີປ້ອງກັນປະເທດ ອາຊຽນ (ADMM) ແລະ ກອງປະຊຸມລັດຖະມົນຕີປ້ອງກັນປະເທດອາຊຽນເປີດກ້ວາງ (ADMM+) ໃຫ້ບຣູໄນ, ປະເທດປະທານອາຊຽນ 2021.

ຫວຽດ​ນາມ ມອບ​ຕຳ​ແໜ່ງ​ປະ​ທານ CPR​ ໃຫ້​ແກ່ ບ​ຣູ​ໄນ ຍ​ສ​ໝ - ພາຍໃຕ້ການນຳພາຂອງຫວຽດນາມ, CPR ໄດ້ສຳເລັດຫຼາຍໜ້າທີ່ສຳຄັນ, ສະ ໜັບສະໜູນສະພາປະຊາຄົມອາຊຽນ, ໂດຍສະເພາະຜ່ານການຊຸກຍູ້ການຮ່ວມມືລະຫວ່າງເສົາຄ້ຳ. ແລະ ເພີ່ມທະວີການຮ່ວມມືກັບຄູ່ຮ່ວມງານພາຍນອກ, ພ້ອມທັງການສະ ໜັບ ສະ ໜູນ ເພື່ອສ້າງຄວາມເຂັ້ມແຂງດ້ານສະຖາບັນຂອງກອງເລຂາອາຊຽນ.