 |
| ທ່ານ ຫງວຽນກວ໊ກຢຸງ ຮອງລັດຖະມົນຕີກະຊວງການຕ່າງປະເທດ, ຫົວໜ້າ SOM ອາຊຽນ ຫວຽດນາມ(ພາບ: cand.com.vn/) |
ວັນທີ 19 ມັງກອນ, ທ່ານ ຫງວຽນກວ໊ກຢຸງ ຮອງລັດຖະມົນຕີກະຊວງການຕ່າງປະເທດ, ຫົວໜ້າ SOM ອາຊຽນ ຫວຽດນາມ ພ້ອມກັບຄະນະເຈົ້າໜ້າທີ່ການຕ່າງປະເທດ ຫວຽດນາມໄດ້ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສ ອາຊຽນ (SOM ອາຊຽນ) ທາງອອນລາຍ, ການເຄື່ອນໄຫວອາຊຽນຄັ້ງທຳອິດໃນປີ 2021 ໂດຍ ບຣູໄນເປັນເຈົ້າພາບຈັດຕັ້ງ.
ກອງປະຊຸມຄັ້ງນີ້ມີໜ້າທີ່ກະກຽມໃຫ້ແກ່ບັນດາກອງປະຊຸມວົງແຄບບັນດາລັດຖະມົນຕີກະຊວງການຕ່າງປະເທດ (AMMR) ໄດ້ຈັດຂຶ້ນທາງອອນລາຍໃນວັນທີ 21 ມັງກອນ 2021. ເຂົ້າຮ່ວມກອງປະຊຸມທີ່ບັນດາຫົວໜ້າ SOM ບັນດາປະເທດອາຊຽນພ້ອມກັບທ່ານຮອງເລຂາທິການໃຫຍ່ ອາຊຽນ.
ໂດຍສະເໜີກ່ຽວກັບຫົວຂໍ້ອາຊຽນ 2020, “ຮ່ວມສົນໃຈ, ຮ່ວມກະກຽມ, ຮ່ວມວັດທະນາຖາວອນ” ຫົວໜ້າ SOM ອາຊຽນ ບຣູໄນ ໄດ້ສະແດງຄວາມຫວັງຢາກຮັກສາ ແລະ ຊຸກຍູ້ບັນດາໝາກຜົນທີ່ອາຊຽນບັນລຸໄດ້ໃນປີ 2020 ແລະ ກ່ອນນັ້ນ, ຢັ້ງຢືນແຜນນະໂຍບາຍຖືປະຊາຊົນເປັນໃຈກາງ, ຊຸກຍູ້ການພັດທະນາແບບຍືນຍົງ, ຮ່ວມສ້າງໂຄງປະກອບພາກພື້ນໂດຍອີງໃສ່ກົດໝາຍ ແລະ ຍົກສູງລັດທິຫຼາຍຝ່າຍ, ສະໜັບສະໜູນລະບົບການຄ້າຫຼາຍຄ້າເປີດກ້ວາງ.
ບັນດາປະເທດໄດ້ສະແດງຄວາມຊົມເຊີຍຕໍ່ຫົວຂໍ້ຂອງອາຊຽນ 2021 ໂດຍ ບຣູໄນສະເໜີ. ມີຫຼາຍປະເທດຖືວ່າ ບັນດາການກຳນົດທິດ, ບຸລິມະສິດ ແລະ ຂໍ້ລິເລີ່ມໃນປີ 2021 ແມ່ນເໝາະສົມ, ທັນການ ແລະ ກໍ່ແມ່ນການເຊື່ອມຕໍ່ບັນດາຄວາມຄືບໜ້າ, ຜົນງານຂອງອາຊຽນ ທີ່ບັນລຸໄດ້ໃນຊຸມປີຜ່ານມາ, ພິເສດແມ່ນຄວາມມານະພະຍາຍາມຕໍ່ຕ້ານກັບໂລກລະບາດໂຄວິດ - 19 ໃນປີ 2020.
ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງການຕ່າງປະເທດ ຫງວຽນກ໊ວກຢຸງ ໄດ້ສະແດງຄວາມຂອບອົກຂອບໃຈຕໍ່ການສະໜັບສະໜູນຂອງບັນດາປະເທດອາຊຽນກັບ ຫວຽດນາມໃນປີ 2020 ທ່ານຮອງລັດຖະມົນຕີສະແດງຄວາມເຊື່ອໝັ້ນວ່າ ບຣູໄນຈະນຳພາອາຊຽນຜ່ານຜ່າສິ່ງທ້າທາຍ, ຟື້ນຟູພາຍຫຼັງໂລກລະບາດໂຄວິດ - 19, ສືບຕໍ່ບັນລຸໄດ້ໝາກຜົນໃໝ່ໃນການສ້າງປະຊາຄົມ.
ຫວຽດນາມ ຢັ້ງຢືນວ່າພ້ອມແລ້ວທີ່ຈະຮ່ວມມືເພື່ອໃຫ້ບຣູໄນປະຕິບັດສຳເລັດໜ້າທີ່ປະທານອາຊຽນຂອງຕົນ.ທ່ານ ກໍ່ເນັ້ນໜັກວ່າ ອາຊຽນຕ້ອງຮັກສາ ຄວາມສາມັກຄີພາຍໃນກຸ່ມ, ເປັນເຈົ້າການໃນການຮັບມືກັບສິ່ງທ້າທາຍໃໝ່, ຮັບປະກັນຊີວິດການເປັນຢູ່ຂອງປະຊາຊົນ ແລະ ຟື້ນຟູຄວາມໝັ້ນຄົງພາຍຫຼັງໂລກລະບາດໂຄວິດ - 19, ພ້ອມທັງອາຊຽນຕ້ອງສືບຕໍ່ແມ່ນກຳລັງຫຼັກແຫຼ່ງ, ນຳໜ້າໃນພາກພື້ນ, ປະກອບສ່ວນຢ່າງຕັ້ງໜ້າໃຫ້ແກ່ສັນຕິພາບ ແລະ ຄວາມໝັ້ນຄົງຂອງພາກພື້ນ ແລະ ໂລກ.
 | ອາຊຽນນຳມາເຊິ່ງບົດຮຽນປະສົບການອັນລ້ຳຄ່າໃນວິວັດການຊຸກຍູ້ຄວາມສະໜິດຕິດພັນຢູ່ອາຊີໃຕ້ ຍສໝ - ທ່ານ ຮ່ວາງວັນເລິຍ ເອກອັກຄະລັດຖະທູດ ຫວຽດນາມຖືວ່າ ອາຊຽນໃນຖານະແມ່ນອົງການຈັດຕັ້ງພາກພື້ນ ໄດ້ມີການປະກອບສ່ວນໃນການນຳພາອາຊີຕາເວັນອອກສ່ຽງໃຕ້ ມຸ່ງໄປສູ່ຄວາມກ້າວໜ້າ ແລະ ວັດທະນາຖາວອນ, ພ້ອມທັງປະກອບສ່ວນເຂົ້າການສ້າງການພົວພັນເພື່ອສັນຕະພາບ ແລະ ການຮ່ວມມືກັບບັນດາຄູ່ຮ່ວມມືໃນພາກພື້ນ ແລະ ໃນໂລກ. |
 | ສະຖານທູດ ຫວຽດນາມ ປະຈຳ ສະວິດເປັນປະທານກອງປະຊຸມທາງອອນລາຍມອບໂອນບົດບາດເປັນປະທານອາຊຽນ bern ໃຫ້ແກ່ຟີລິບປິນ ຍສໝ - ກອງປະຊຸມ ACB ໄດ້ສຸມໃສ່ແລກປ່ຽນກ່ຽວກັບບົດລາຍງານສັງລວມກ່ຽວກັບການເຄື່ອນໄຫວ ແລະ ໝາກຜົນວຽກງານຂອງ ACB ໃນອາຍຸການ ປະທານ ACB ຂອງ ຫວຽດນາມ ໃນໄລຍະ 6 ເດືອນທ້າຍປີ 2020. |
 | ການເຊື່ອມໂຍງເຂົ້າກັບເສດຖະກິດສາກົນ ເຊິ່ງແມ່ນຈຸດພົ້ນເດັ່ນໃນວຽກງານການຕ່າງປະເທດ ຂອງປີ 2020 ຍສໝ - ເນື່ອງໃນໂອກາດປີໃໝ່ 2021, ທ່ານ ບຸຍແທັງເຊີນກຳມະການສູນກາງພັກ, ລັດຖະມົນຕີຜູ້ປະຈຳການກະຊວງການຕ່າງປະເທດຫວຽດນາມ ໄດ້ຕອບສຳພາດຕໍ່ນັກຂ່າວກ່ຽວກັບການເຊື່ອມໂຍງເຂົ້າກັບເສດຖະກິດສາກົນ ເຊິ່ງແມ່ນຈຸດພົ້ນເດັ່ນໃນວຽກງານການຕ່າງປະເທດ ຂອງປີ 2020. |
ບຸນຄົງ
