ສະຖານທູດ ມາເລເຊຍ ສະໜັບສະໜູນຜູ້ປະສົບໄຟນ້ຳຖ້ວມເຂດພາກກາງຫວຽດນາມ

14:32 | 18/12/2020

ຍສໝ - ທີ່ການພົບປະ, ທ່ານນາງເອກອັກຄະລັດຖະທູດ Sharifah Norhana Syed Mustaffa ໄດ້ແບ່ງປັນກ່ຽວກັບການຄວາມເສຍຫາຍທາງດ້ານຊີວິດແລະຊັບສິນຢ່າງໃຫຍ່ຫຼວງ ເຊິ່ງປະຊາຊົນຢູ່ເຂດພາກກາງຫວຽດນາມ ປະສົບໃນໄລຍະທີ່ຜ່ານມາ.

	ນຳສົ່ງພົນລະເມືອງ ຫວຽດນາມຈາກມາເລເຊຍກັບຄືນ ປະເທດ
	ການເຈລະຈາທາງໂທລະສັບ ລະຫວ່າງລັດຖະມົນຕີການຕ່າງປະເທດ ຫວຽດນາມ - ມາເລເຊຍ

ສະຖານທູດ ມາເລເຊຍ ສະໜັບສະໜູນຜູ້ປະສົບໄຟນ້ຳຖ້ວມເຂດພາກກາງຫວຽດນາມ

ການນຳ ກົມອາຊີຕາເວັນອອກສ່ຽງໃຕ້ - ອາຊີໃຕ້ - ປາຊີຟິກໃຕ້ຮັບເງິນສະໜັບສະໜູນຂອງມາເລເຊຍຈາກທ່ານນາງ Sharifah Norhana Syed Mustaffa, ເອກອັກຄະລັດຖະທູດມາເລເຊຍປະຈຳຫວຽດນາມ (ພາບ: Baoquocte.com)

ວັນທີ 17 ທັນວາ, ໂດຍໄດ້ຮັບອະນຸຍາດຈາກຜູ້ນຳກະຊວງການຕ່າງປະເທດ, ການນຳ ກົມອາຊີຕາເວັນອອກສ່ຽງໃຕ້ - ອາຊີໃຕ້ - ປາຊີຟິກໃຕ້ໄດ້ໃຫ້ການຕ້ອນຮັບທ່ານນາງ Sharifah Norhana Syed Mustaffa, ເອກອັກຄະລັດຖະທູດມາເລເຊຍປະຈຳຫວຽດນາມເພື່ອຮັບເອົາເງິນເປັນຈຳນວນ 25,000 USD ຈາກລັດຖະບານມາເລເຊຍ ແລະ ວັດຖຸພັນທີ່ມີມູນຄ່າ 22,000 USDຈາກສະມາຄົມວິສາຫະກິດມາເລເຊຍຢູ່ ຫວຽດນາມ ແລະ ເງິນເປັນຈຳນວນ 5,000 USD ຈາກກຸ່ມບໍລິສັດ Gamuda Land Group ທີ່ສະໜັບສະໜູນຜູ້ປະສົບເຄາະຮ້າຍຈາກພາຍຸ, ນ້ຳຖ້ວມ ແລະ ດິນເຊາະເຈື່ອນຢູ່ບັນດາແຂວງພາກກາງໃນຫວ່າງແລ້ວນີ້. ເຂົ້າຮ່ວມຝ່າຍຫວຽດນາມມີທ່ານນາງ ເລື່ອງທິຮົ່ງທຸຍ, ຫົວໜ້າພະແນກພົວພັນຕ່າງປະເທດ ແລະ ການພັດທະນາ, ຜູ້ຕາງໜ້າສະພາກາແດງຫວຽດນາມໄດ້ຈຳນວນເງິນ ແລະ ວັດຖຸພັນສະໜັບສະໜູນ.

ທີ່ການພົບປະ, ທ່ານນາງເອກອັກຄະລັດຖະທູດ Sharifah Norhana Syed Mustaffa ໄດ້ແບ່ງປັນກ່ຽວກັບການຄວາມເສຍຫາຍທາງດ້ານຊີວິດແລະຊັບສິນຢ່າງໃຫຍ່ຫຼວງ ເຊິ່ງປະຊາຊົນຢູ່ເຂດພາກກາງຫວຽດນາມ ປະສົບໃນໄລຍະທີ່ຜ່ານມາ, ທ່ານນາງກໍ່ເນັ້ນໜັກເຖິງຈຳນວນເງິນບໍລິຈາກແມ່ນການສະແດງໃຫ້ເຫັນຄວາມຮັກແພງ, ແບ່ງປັນຂອງລັດຖະບານ ແລະ ປະຊາຊົນມາເລເຊຍ ຕໍ່ປະຊາຊົນຫວຽດນາມ ບົນຈິດໃຈ ມິດຕະພາບ ທີ່ເປັນມູນເຊື້ອ ລະຫວ່າງ ສອງປະເທດ; ສະແດງຄວາມເຊື່ອ ໝັ້ນວ່າອຳນາດການປົກຄອງ ແລະ ປະຊາຊົນຢູ່ບັນດາທ້ອງຖິ່ນທີ່ຖືກຜົນສະທ້ອນຈະຜ່ານຜ່າຄວາມຫຍຸ້ງຍາກແລະນຳຊີວິດການເປັນຢູ່ກັບຄືນສູ່ສະພາບທີ່ເປັນປົກກະຕິໂດຍໄວ.

ສ່ວນຜູ້ນຳພະແນກອາຊີຕາເວັນອອກສ່ຽງໃຕ້ - ອາຊີໃຕ້ - ພາກໃຕ້ປາຊີຟິກໄດ້ສະແດງຄວາມຂອບອົກຂອບໃຈຕໍ່ມາເລເຊຍ ທີ່ໄດ້ສະໜັບສະໜູນແລະຊ່ວຍເຫຼືອຕໍ່ປະຊາຊົນພາກກາງຫວຽດນາມ; ການນຳກໍ່ເນັ້ນໜັກວ່າ ສອງປະເທດສະໜັບສະໜູນເຊິ່ງກັນແລະກັນ ໃນເວລາປະສົບກັບຄວາມຫຍຸ້ງຍາກແມ່ນການກະທຳແທດຈິງເພື່ອສະແດງໃຫ້ເຫັນນ້ຳໃຈມິດຕະພາບລະຫວ່າງສອງປະເທດກໍ່ຄືຈິດໃຈແຫ່ງຄວາມສາມັກຄີຂອງອາຊຽນ.

ນຳສົ່ງພົນລະເມືອງ ຫວຽດນາມຈາກມາເລເຊຍກັບຄືນ ປະເທດ

ຍສໝ - ພາຍຫຼັງເຮືອບິນລົງຈອດຢູ່ສະໜາມບິນສາກົນ ເຕິນເຊີນເຍິດ (ນະຄອນ ໂຮ່ຈີມິນ), ບັນດາຜູ້ເຂົ້າຮ່ວມການເສັງໄດ້ຮັບການກວດສຸຂະພາບ ແລະ ແຍກຕົວຕາມຂໍ້ກຳນົດ.

ການເຈລະຈາທາງໂທລະສັບ ລະຫວ່າງລັດຖະມົນຕີການຕ່າງປະເທດ ຫວຽດນາມ - ມາເລເຊຍ

ອາທິດຜ່ານມາ, ຢູ່ສຳນັກງານກະຊວງການຕ່າງປະເທດ ຫວຽດນາມ, ທ່ານຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ໄດ້ມີການເຈລະຈາທາງໂທລະສັບກັບ ທ່ານ Hishammuddin Hussein ລັດຖະມົນຕີກະຊວງການຕ່າງປະເທດ ມາເລເຊຍ.