ຫາລື ຮ່າງແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ IX

	ຫາລື ຮ່າງແຜນດຳເນີນງານແຫ່ງຊາດ ເພື່ອຄວາມສະເໝີພາບຍິງ-ຊາຍ 5 ປີ ຄັ້ງທີ IV
	ແຜນພັດທະນາ ເສດຖະກິດ-ສັງຄົມແຫ່ງຊາດ ສປປ.ລາວ 5 ປີ ຄັ້ງທີ IX

ຫາລື ຮ່າງແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ IX

ກອງປະຊຸມຄັ້ງນີ້ ໄດ້ປຶກສາຫາລືກ່ຽວກັບ 6 ເປົ້າໝາຍ ແລະ 25 ແຜນວຽກຈຸດ ຂອງຮ່າງແຜນພັດທະນາ ເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ໃຫ້ມີຄວາມເໝາະສົມ ແລະ ສອດຄ່ອງກັບບູລິມະສິດ ການພັດທະນາ ສຳລັບ 2021-2025, ເຊິ່ງ 6 ເປົ້າໝາຍດັ່ງກ່າວ ປະກອບມີ: ເສດຖະກິດ, ພັດທະນາ ຊັບພະຍາກອນມະນຸດ, ຊີວິດການເປັນຢູ່ທີ່ດີ, ການປົກປັກຮັກສາ ສິ່ງແວດລ້ອມ, ການພັດທະນາ ໂຄງລ່າງເຊື່ອມໂຍງ ແລະ ເຊື່ອມຈອດ ແລະ ການຄຸ້ມຄອງບໍລິຫານລັດ. ແຜນພັດທະນາ 5 ປີ ຄັ້ງທີ IX ແມ່ນຈະໄດ້ສຸມໃສ່ ການປະຕິຮູບ ໂຄງສ້າງເສດຖະກິດ ໃຫ້ມີການ ຫັນປ່ຽນ ຢ່າງຮອບດ້ານ ກ້າວໄປສູ່ ການເຕີບໂຕເສດຖະກິດ ທີ່ມີຄຸນນະພາບ ຕາມທິດຍືນຍົງ ແລະ ສີຂຽວ; ການພັດທະນາ ຊັບພະຍາກອນມະນຸດ ແລະ ປັບປຸງຊີວິດການເປັນຢູ່ ຂອງປະຊາຊົນໃຫ້ດີຂຶ້ນ; ພ້ອມທັງແກ້ໄຂ ບັນຫາສິ່ງທ້າທາຍ ແລະ ຂໍ້ຄົງຄ້າງຕ່າງໆ ໃນການຈັດຕັ້ງປະຕິບັດ ແຜນການ 5 ປີ ຄັ້ງທີ VIII ຜ່ານມາ ໂດຍສະເພາະ ການຮັບມືກັບບັນດາ ສິ່ງທ້າທາຍທີ່ເກີດຂຶ້ນໃໝ່, ລວມທັງຜົນກະທົບ ຈາກການລະບາດ ຂອງພະຍາດໂຄວິດ-19, ບັນຫາການປ່ຽນແປງ ດິນຟ້າອາກາດ, ຂໍ້ຂັດແຍ່ງທາງການຄ້າ ແລະ ບັນຫາອື່ນໆ ເພື່ອຫລຸດຜ່ອນ ຜົນກະທົບຕໍ່ການ ພັດທະນາຂອງ ສປປ ລາວ ແລະ ສາມາດນຳພາປະເທດຊາດຫລຸດພົ້ນ ອອກຈາກສະຖານະພາບ ປະເທດດ້ອຍພັດທະນາ.

ນອກຈາກນີ້ ກອງປະຊຸມ ຍັງໄດ້ປຶກສາຫາລືກ່ຽວ ກັບກົນໄກການຈັດຕັ້ງປະຕິບັດ ໂດຍສະເພາະການກຳນົດ ຂອບການຕິດຕາມ ແລະ ປະເມີນຜົນ, ຍຸດທະສາດການເງິນ ແລະ ການປະເມີນ ຄ່າໃຊ້ຈ່າຍຂອງແຜນການ 5 ປີ ຄັ້ງທີ IX ເພື່ອຮັບປະກັນໃຫ້ ແຜນການດັ່ງກ່າວ ສາມາດ ຈັດຕັ້ງປະຕິບັດ ຢ່າງມີປະສິດທິພາບ ແລະ ປະສິດທິຜົນ. ພາຍຫລັງໄດ້ຮັບຄຳຄິດ ເຫັນຈາກກອງປະຊຸມຄັ້ງນີ້ ຄະນະຮັບຜິດຊອບ ສ້າງແຜນພັດທະນາ ເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ຈະສືບຕໍ່ນໍາໄປປັບປຸງ ເນື້ອໃນໃຫ້ຄົບຖ້ວນ, ສົມບູນຂຶ້ນ ແລະ ຄາດວ່າ ຈະໄດ້ນຳສະເໜີ ລັດຖະບານພິຈາລະນາ ແລະ ສະເໜີຕໍ່ກອງປະຊຸມ ຄັ້ງປະຖົມມະລຶກ ຂອງສະພາແຫ່ງຊາດ ຊຸດທີ IX ຮັບຮອງເອົາຢ່າງ ເປັນທາງການ ໃນຕົ້ນປີ 2021 ແລະ ຄາດວ່າ ຈະນໍາສະເໜີ ຕໍ່ກອງປະຊຸມໂຕະມົນລະດັບສູງ ເຊິ່ງຈະຈັດຂຶ້ນໃນກາງປີ 2021.

ຊຸກຍູ້ການຮັດແໜ້ນສາຍພົວພັນຫລາຍດ້ານ ລະຫວ່າງລາວ - ສິງກະໂປ ໃນວັນທີ 9 ທັນວາ 2020 ທີ່ຫ້ອງວ່າການແຂວງຈຳປາສັກ, ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ພ້ອມດ້ວຍຄະນະ ໄດ້ຕ້ອນຮັບ ທ່ານ Ms Leow Siu Lin ເອກອັກຄະລັດຖະທູດ ແຫ່ງ ສາທາລະນະລັດ ສິງກະໂປ ປະຈຳ ສປປ ລາວ ພ້ອມຄະນະ, ໃນໂອກາດມາເຄື່ອນໄຫວ ...

ລາວ-ຈີນ ເພີ່ມຄວາມເຂັ້ມແຂງວຽກງານປ້ອງກັນຊາດ-ປ້ອງກັນຄວາມສະຫງົບ ຕາມຊາຍແດນລໍາແມ່ນໍ້າຂອງຕອນເໜືອ ໃນວັນທີ 09 ທັນວາ 2020 ທີ່ທ່າເຮືອກອງຮ້ອຍທະຫານຊາຍແດນ 122, ໄດ້ຈັດຕັ້ງພິທີຕ້ອນຮັບ ສະຫາຍ ທ່ານ ພົນຕີ ຢວນຮ້າຜິງ ຫົວໜ້າກອງບັນ ຊາການໃຫຍ່ຕໍາຫຼວດລາດຕາເວນທາງນ້ຳແຂວງ ຢູນນານ ສປ ຈີນ ພ້ອມຄະ ນະ ເຂົ້າຮ່ວມຊົມການສະແດງຫັດແອບວຽກງານປ້ອງກັນຊາດ-ປ້ອງກັນຄວາມສະຫງົບຕາມຊາຍແດນ ລໍາແມ່ນໍ້າຂອງຕອນເໜືອ ຮ່ວມມືລາວ-ຈີນ ກອງຮ້ອຍທະຫານຊາຍແດນ 122 ດ່ານບ້ານມອມ ເມືອງຕົ້ນເຜິ້ງ ...

ປະເທດລາວ: ທົດລອງສົ່ງກະແສໄຟຟ້າແສງຕາເວັນ ຢູ່ແຂວງສະຫວັນນະເຂດ ໃນອາທິດຜ່ານມາ, ປະເທດລາວ ໄດ້ມີການທົດລອງສົ່ງກະແສໄຟຟ້າຈາກໂຄງການໄຟຟ້າແສງຕາເວັນເຂົ້າສູ່ລະບົບຂອງໄຟຟ້າລາວ ຢູ່ແຂວງສະຫວັນນະເຂດ.