| 5 ເດືອນຕົ້ນປີ 2020, ການສົ່ງອອກເຂົ້າສານຫວຽດນາມບັນລຸ 1,41 ຕື້ USD | |
| ສະຫະພັນບັນດາອົງການມິດຕະພາບ ເກີ່ນເທີ ໄດ້ລະດົມເງິນຊ່ວຍເຫຼືອ ຈຳນວນ 3 ລ້ານໂດລາສະຫະລັດໃຫ້ແກ່ແຂວງໃນໄລຍະ 5 ປີ |
 |
| ພາບປະກອບ |
ກອງປະຊຸມປຶກສາຫາລື ຮ່າງແຜນດຳເນີນງານແຫ່ງຊາດ ເພື່ອຄວາມສະເໝີພາບຍິງ-ຊາຍ 5 ປີ ຄັ້ງທີ IV (2021-2025) ໄດ້ຈັດຂຶ້ນໃນວັນທີ 19 ມິຖຸນາ 2020ຢູ່ເມືອງວັງວຽງ, ແຂວງວຽງຈັນ ໂດຍການເປັນປະທານຂອງ ທ່ານນາງ ບັນດິດ ປະທຸມວັນ ຮອງປະທານສູນກາງ ສະຫະພັນແມ່ຍິງລາວ, ທັງເປັນຮອງປະທານຄະນະ ກຳມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ແລະ ທ່ານ ວິກເຕີວາລາດີເອໂຊ ຮອງຜູ້ຕາງໜ້າອົງການ UNFPA ປະຈຳ ສປປ ລາວ, ມີຄະນະກົມ, ຫົວໜ້າພະແນກ ແລະ ວິຊາການທີ່ຕາງໜ້າ ໃຫ້ຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກບັນດາກະຊວງ, ອົງການ, ນະຄອນຫລວງ ແລະ ແຂວງ ເຂົ້າຮ່ວມ.
ທ່ານນາງ ບັນດິດ ປະທຸມວັນ ໄດ້ກ່າວວ່າ: ແຜນດຳເນີນງານແຫ່ງຊາດ ເພື່ອຄວາມສະເໝີພາບຍິງ-ຊາຍ 5 ປີ ຄັ້ງທີ IV ເປັນແຜນທີ່ຮັບປະກັນ ຄວາມສະເໝີພາບອັນແທ້ຈິງລະຫວ່າງຍິງ-ຊາຍ ທາງດ້ານສິດທິ, ເງື່ອນໄຂ ແລະ ໂອກາດ, ຕອບສະໜອງຄວາມ ຕ້ອງການໃນການພັດທະນາ ແລະ ຜົນປະໂຫຍດອັນຊອບທຳຂອງຍິງ ແລະ ຊາຍ, ລົບລ້າງທຸກການກະທຳ ທີ່ເປັນການຈຳແນກຕໍ່ ຄວາມສະເໝີພາບຍິງ-ຊາຍ, ສາມາດເຊື່ອມໂຍງເຂົ້າກັບພາກພື້ນ ແລະ ສາກົນ; ສ້າງຂຶ້ນບົນພື້ນຖານແນວທາງ ນະໂຍບາຍຂອງພັກ, ກົດໝາຍຂອງລັດຖະບານແຫ່ງ ສປປ ລາວ ແລະ ບັນດາຂໍ້ສະເໜີແນະຂອງ ຄະນະກຳມະການຊີດໍ ສາກົນ.
ໂອກາດນີ້, ປະທານກອງປະຊຸມ ຍັງໄດ້ຮຽກຮ້ອງມາໃຫ້ຜູ້ເຂົ້າຮ່ວມ ຍົກສູງຄວາມຮັບຜິດຊອບຂອງຕົນ, ເປັນເຈົ້າການຕິດຕາມ, ກຳແໜ້ນເນື້ອໃນບັນດາເອກະສານ, ເຊີດຊູນ້ຳໃຈຮັບຜິດຊອບຂອງຕົນ, ສຸມທຸກສະຕິປັນຍາ ໃນການຄົ້ນຄວ້າປຶກສາຫາລື, ແລກປ່ຽນບົດຮຽນຈາກ ພຶດຕິກຳຕົວຈິງທີ່ຜ່ານມາ, ໃຊ້ເວລາທີ່ມີໃຫ້ເປັນປະໂຫຍດສູງສຸດ ແລະ ຕັ້ງໜ້າເອົາໃຈໃສ່ປະກອບ ຄວາມຄິດຄວາມເຫັນ ຢ່າງກົງໄປ ກົງມາ ເພື່ອໃຫ້ໄດ້ຮ່າງແຜນ ດຳເນີນງານດັ່ງກ່າວ ມີຂໍ້ມູນ ແລະ ເນື້ອໃນຄົບຖ້ວນສົມບູນ ເປັນຕົ້ນ ແມ່ນບັນດາທິດທາງ ແລະ ຕົວຊີ້ບອກຕ່າງໆ ໃຫ້ມີຄວາມຊັດເຈນ ເປັນເອກະພາບ ແລະ ສາມາດຈັດຕັ້ງຜັນ ຂະຫຍາຍເຂົ້າສູ່ ໜ້າວຽກຕົວຈິງ ຂອງແຕ່ລະຂະແໜງ ການໄດ້ຢ່າງມີປະສິດທິພາບ ແລະ ປະສິດທິຜົນ. ແຜນດັ່ງກ່າວ ຈະໄດ້ນຳເຂົ້າຜ່ານໃນກອງ ປະຊມຄົບຄະນະ ຄຊກມດ ໃນວັນທີ 24 ມິຖຸນາ 2020 ທີ່ຈະມາເຖິງນີ້.
 | ໜັງສືພິມອີຢິບ ໄດ້ລົງບົດຂຽນຍ້ອງຍໍປະທານໂຮ່ຈີມິນ ເນື່ອງໃນໂອກາດສະເຫຼີມສະຫຼອງວັນຄ້າຍວັນເກີດ ປະທານ ໂຮ່ຈິມິນ ຄົບຮອບ 130 ປີ (19/5/1890 – 19/5/2020) ຍສໝ - ໃນວັນທີ 18 ພຶດສະພາ, ໜັງສືພິມ The Egyptian Gazette ຂອງປະເທດອີຢີບ ໄດ້ຈົ່ງໜ້າທີ 6 ເພື່ອລົງບົດຂຽນດ້ວຍຫົວຂໍ້ວ່າ "ປະທານໂຮ່ຈີມິນ ແລະ ຮູບພາບຂອງປະທານໂຮ່ຈີມິນຢູ່ປະເທດ ອີຢິບ". |
 | ສື່ມວນຊົນສາກົນຍ້ອງຍໍຊົມເຊີຍ ປະທານ ໂຮ່ຈີມິນ ເນື່ອງໃນໂອກາດສະເຫຼີມສະຫຼອງວັນຄ້າຍວັນເກີດ ປະທານ ໂຮ່ຈີມິນ ຄົບຮອບ 130 ປີ (19/5/1890 – 19/5/2020) ຍສໝ - ສະເຫຼີມສະຫຼອງ 130 ປີແຫ່ງວັນຄ້າຍວັນເກີດ ປະທານ ໂຮ່ຈີມິນ ແມ່ນໂອກາດເພື່ອໃຫ້ເພື່ອນມິດສາກົນສະແດງຄວາມເຄົາລົບນັບຖື, ພ້ອມທັງຢືນຢັນບົດບາດປະຫວັດສາດ ແລະ ບັນດາຄຸນຄ່າອັນຍິ່ງໃຫຍ່ຂອງແນວຄິດປະທານໂຮ່ຈີມິນ ທີ່ມີຕໍ່ພາລະກິດຕໍ່ສູ້ປົດປ່ອຍຊາດ, ໂຮມປະເທດຊາດເປັນເອກະພາບ ແລະ ກໍ່ສ້າງສັງຄົມນິຍົມຢູ່ຫວຽດນາມ, ກໍຄືບັນດາຄຸນຄ່າຂອງແນວຄິດ ປະທານ ໂຮ່ຈີມິນ ທີ່ປະໄວ້ໃຫ້ມວນມະນຸດໃນຍຸກປະຈຸບັນ. |
 | ແຜນພັດທະນາ ເສດຖະກິດ-ສັງຄົມແຫ່ງຊາດ ສປປ.ລາວ 5 ປີ ຄັ້ງທີ IX ມາຮອດປັດຈຸບັນ, ກະຊວງແຜນການ ແລະ ການລົງທຶນ ໂດຍການສົມທົບກັບ ຂະແໜງການ ແລະ ທ້ອງຖິ່ນ ໄດ້ສຳເລັດຮ່າງແຜນ ພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ສະບັບທີ 1 ເຊິ່ງໄດ້ກຳນົດຈຸດໝາຍ ລວມຂອງແຜນການ 5 ປີຄັ້ງນີ້ ແມ່່ນສຸມໃສ່ການພັດທະນາ ເສດຖະກິດ-ສັງຄົມ ຕາມທ່າແຮງ ທີ່ມີຢ່າງເຕັມສ່ວນ ເພື່ອພັດທະນາປະເທດຊາດ ບັນລຸເງື່ອນໄຂ ການ ... |
kpl.gov.la
