ອາເມລິກາ ສະໜັບສະໜູນ ຫວຽດນາມ ໃຫ້ມີຄວາມເຂັ້ມແຂງ, ເປັນເອກະລາດ ແລະ ຈະເລີນຮຸ່ງເຮືອງ, ມີບົດບາດສຳຄັນໃນພາກພື້ນ

	ທ່ານເອກອັກຄະລັດຖະທູດອາເມລິກາ: ສະຫະພັນບັນດາອົງການມິດຕະພາບຫວຽດນາມ ມີບົດບາດສຳຄັນ ໃນການຊຸກຍູ້ການພົວພັນທາງການທູດປະຊາຊົນ ລະຫວ່າງສອງປະເທດອາເມລິກາ - ຫວຽດນາມ
	ວາລະສານອາເມລິກາ: ປະເທດຫວຽດນາມ ຍັງມີຄວາມປອດໄພຕໍ່ການລະບາດຂອງ COVID ຍ້ອນຄວາມມານະພະຍາຍາມຂອງລັດຖະບານ ແລະ ປະຊາຊົນ

ທີ່ການພົບປະ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຟ້າມບິ່ງມິງ ແລະ ທ່ານທີ່ປຶກສາດ້ານຄວາມໝັ້ນຄົງແຫ່ງຊາດອາເມລິກາ Robert O’Brien ລ້ວນແຕ່ເຫັນດີຕີລາຄາວ່າ ການພົວພັນລະຫວ່າງສອງປະເທດບໍ່ເຄີຍເຂັ້ມແຂງຄືປະຈຸບັນນີ້.

ສອງຝ່າຍຢືນຢັນຄວາມສຳຄັນຂອງການພົວພັນຄູ່ຮ່ວມມືຮອບດ້ານຫວຽດນາມ - ອາເມລິກາ ໂດຍບົນພື້ນຖານການເຄົາລົບຄວາມເປັນເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ, ສະຖາບັນການເມືອງ ແລະ ມີຜົນປະໂຫຍດລວມ; ສະແດງຄວາມປິຕິຍິນດີ ແລະ ຄວາມເຊື່ອໝັ້ນຕໍ່ຄວາມສາມາດບົ່ມຊ້ອນດ້ານການພັດທະນາ ຢ່າງຕັ້ງໜ້າ ແລະ ຄົບຖ້ວນຂອງການພົວພັນສອງຝ່າຍ ໃນທາງດ້ານການເມືອງ - ການທູດ, ເສດຖະກິດ - ການຄ້າ, ຄວາມໝັ້ນຄົງ - ການປ້ອງກັນປະເທດ, ການທູດ ປະຊາຊົນ.

ສະຖານະການຂອງການເຈລະຈາ. (ພາບ: thoidai.com.vn)

ທ່ານຟ້າມບິ່ງມິງ - ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ໄດ້ຕີລາຄາສູງວ່າ ສອງປະເທດໄດ້ຈັດຕັ້ງບັນດາການເຄື່ອນໄຫວ ທີ່ມີຄວາມຄ່ອງແຄ້ວ ເພື່ອສະເຫຼີມສະຫຼອງວັນຄົບຮອບ 25 ປີແຫ່ງການພົວພັນທາງການທູດລະຫວ່າງຫວຽດນາມ ແລະ ອາເມລິກາ ໃນສະພາບການລະບາດຂອງພະຍາດ COVID-19, ໃນນັ້ນມີການຮັກສາຢ່າງຕໍ່ເນື່ອງ ການຕິດຕໍ່ພົວພັນ ແລະ ແລກປ່ຽນຈົດໝາຍອວຍພອນລະຫວ່າງການນຳຂັ້ນສູງຂອງສອງປະເທດ.

ພ້ອມດຽວກັນນີ້, ທ່ານຟ້າມບິ່ງມິງ ໄດ້ສະແດງຄວາມຂອບໃຈຕໍ່ລັດຖະບານ ແລະ ກະຊວງການຕ່າງປະເທດອາເມລິກາ ທີ່ໄດ້ໃຫ້ການສະໜັບສະໜູນຕົວຈິງ ແລະ ທັນການຕໍ່ປະເທດຫວຽດນາມ ໃນການຕອບໂຕ້ຮັບມືຕໍ່ກັບການລະບາດຂອງພະຍາດ COVID-19 ແລະ ຜ່ານຜ່າຜົນກະທົບຈາກໄພນ້ຳ ຖ້ວມໃນເຂດພາກກາງ.

ທ່ານ Robert O Brien ແລະ ທ່ານຟ້າມບິ່ງມິງ. (ພາບ: thoidai.com.vn)

ສ່ວນທ່ານທີ່ປຶກສາດ້ານຄວາມໝັ້ນຄົງແຫ່ງຊາດອາເມລິກາ Robert O’Brien ໄດ້ຕີລາຄາສູງຕໍ່ມາດຕະການຕ່າງໆ ທີ່ລັດຖະບານຫວຽດນາມໄດ້ປະຕິບັດ ເພື່ອໄປສູ່ສາຍພົວພັນການຄ້າທີ່ຍືນຍົງ ແລະ ກົມກຽວກັນ; ຍິນດີຕ້ອນຮັບບັນດາວິສາຫະກິດຂອງສອງປະເທດ ໄດ້ເຊັນສັນຍາການຄ້າສຳຄັນຫຼາຍສະບັບໃນມໍ່ໆນີ້. ທ່ານ Robert O’Brien ຢືນຢັນວ່າ ໄດ້ສະໜັບສະໜູນສອງຝ່າຍສືບຕໍ່ການສົນທະນາ ແລະ ປຶກສາຫາລື ເພື່ອສ້າງການພົວພັນດ້ານການຄ້າທີ່ໝັ້ນຄົງ.

ລັດຖະມົນຕີກະຊວງປ້ອງກັນປະເທດຕ້ອນຮັບທີ່ປຶກສາດ້ານຄວາມໝັ້ນຄົງແຫ່ງຊາດອາເມລິກາ ຍ​ສ​ໝ - ທີ່ການຕ້ອນຮັບທ່ານພົນເອກໂງຊວັນຫຼີກ ໄດ້ຕີລາຄາສູງຄວາມໝາຍຂອງການຢ້ຽມຢາມຂອງຄະນະ ເພື່ອເປັນການສະເຫຼີມສະຫຼອງ 25 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງສອງປະເທດ, ໝາກຜົນສອງຝ່າຍໄດ້ບັນລຸໃນການຮ່ວມມືແກ້ໄຂ່ຜົນຮ້າຍຢ້ອນຫຼັງຈາກສົງຄາມ, ຍົກສູງຄວາມສາມາດໃຫ້ແກ່ກຳລັງຕຳຫລວດທະເລຫວຽດນາມ...

ອາເມລິກາ ໄດ້ສະໜັບສະໜູນ ຫວຽດນາມ ໃນການປະຕິບັດນະໂຍບາຍປະກັນໄພສຸຂະພາບ ຍສໝ - ໃນວັນທີ 7 ພະຈິກ, ອົງການພັດທະນາສາກົນ (USAID) ປະຈຳຫວຽດນາມ ແລະ ອົງການປະກັນໄພສັງຄົມຫວຽດນາມ ໄດ້ລົງນາມໃນບົດບັນທຶກຊ່ວຍຈຳ ເພື່ອຮັດແໜ້ນການປະຕິບັດນະໂຍບາຍປະກັນໄພສຸຂະພາບ.

ນາຍົກລັດຖະມົນຕີ ຫວຽດນາມ: ພາຍຫລັງ 25 ປີແຫ່ງວັນສ້າງຕັ້ງການພົວພັນ, ຫວຽດນາມ - ອາເມລິກາ ບັນລຸໄດ້ບັນດາບາດກ້າວພັດທະນາຢ່າງຮອບດ້ານ, ນັບມື້ນັບເຂົ້າສູ່ລວງເລິກ ຍສໝ - ການຢ້ຽມຢາມຫວຽດນາມຄັ້ງນີ້ ຂອງທ່ານລັດຖະມົນຕີກະຊວງການຕ່າງປະເທດ ອາເມລິກາ Mike Pompeo ອີກຄັ້ງໜຶ່ງໄດ້ຢັ້ງຢືນ ການພົວພັນຮ່ວມມືລະຫວ່າງ ຫວຽດນາມ - ອາເມລິກາ ພວມພັດທະນາຢ່າງດີງາມ ແລະ ຕັ້ງໜ້າ, ຫວຽດນາມສວມບົດບາດສຳຄັນໃນນະໂຍບາຍຂອງອາເມລິກາຢູ່ພາກພື້ນ.