| ການນຳແຂວງຫລວງພະບາງ ມອບເງິນຊ່ວຍເຫລືອ ປະຊາຊົນ ທີ່ຖືກຜົນກະທົບໄພພິບັດທາງທຳມະຊາດ ຢູ່ ສສ ຫວຽດນາມ | |
| ສະພາບການໂລກລະບາດໂຄວິດ-19 ຢູ່ຫວຽດນາມ ແລະ ໃນໂລກ |
 |
| ທ່ານນາຍົກລັດຖະມົນຕີ ຫງວຽນຊວັນຟຸກ ຕ້ອນຮັບທ່ານລັດຖະມົນຕີການຕ່າງປະເທດ ອາເມລິກາ Mike Pompeo |
ວັນທີ 30 ຕຸລາ, ທີ່ການຕ້ອນຮັບທ່ານລັດຖະມົນຕີການຕ່າງປະເທດ ອາເມລິກາ Mike Pompeo, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ຕີລາຄາວ່າ ພາຍຫລັງ 25 ປີແຫ່ງວັນສ້າງຕັ້ງການພົວພັນ, ຫວຽດນາມ - ອາເມລິກາ ບັນລຸໄດ້ບັນດາບາດກ້າວພັດທະນາຢ່າງຮອບດ້ານ, ນັບມື້ນັບເຂົ້າສູ່ລວງເລິກ.
ໃນວັນດຽວກັນ, ທີ່ສຳນັກງານກະຊວງການຕ່າງປະເທດ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບີ່ງມິງ ໄດ້ພົບປະເຈລະຈາກັບທ່ານລັດຖະມົນຕີກະຊວງການຕ່າງປະເທດ ອາເມລິກາ Mike Pompeo.
ທີ່ກອງປະຊຸມພົບປະເຈລະຈາ, ທ່ານລັດຖະມົນຕີການຕ່າງປະເທດ ອາເມລິກາ Mike Pompeo ໄດ້ຕີລາຄາສູງຕໍ່ເລື່ອງ 2 ປະເທດໄດ້ເພີ່ມທະວີ ແລະ ເປີດກ້ວາງການພົວພັນຄູ່ຮ່ວມມືຮອບດ້ານບົນພື້ນຖານເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ ແລະ ລະບອບການເມືອງຂອງກັນ; ທ່ານ Mike Pompeo ຢັ້ງຢືນວ່າ ອາເມລິກາ ສະໜັບສະໜູນ ຫວຽດນາມ ທີ່ເຂັ້ມແຂງ, ເອກະລາດ, ວັດທະນາຖາວອນ, ສວມບົດບາດນັບມື້ນັບມີຄວາມສຳຄັນຢູ່ພາກພື້ນ, ພ້ອມທັງໃຫ້ຄຳໝັ້ນສັນຍາຮັກສາການພົວພັນເປັນປົກກະຕິ ແລະ ຈະສືບຕໍ່ຮ່ວມມືກັບ ຫວຽດນາມ ຊຸກຍູ້ການພົວພັນ 2 ປະເທດໃຫ້ມີຄວາມກ້າວໜ້າຢ່າງແທ້ຈິງ, ມີຄວາມໄວ້ເນື້ອເຊື່ອໃຈ, ມີປະສິດທິຜົນ, ໝັ້ນຄົງ, ປະກອບສ່ວນຢ່າງຕັ້ງໜ້າໃຫ້ແກ່ຄວາມໝັ້ນຄົງ, ສັນຕິພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ.
 |
| ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິງແລະ ທ່ານ Mike Pompeo ລັດຖະມົນຕີກະຊວງການຕ່າງປະເທດອາເມລິກາ. |
ໃນການຢ້ຽມຢາມ ຫວຽດນາມ (29 – 30 ຕຸລາ), ທ່ານ Mike Pompeo ລັດຖະມົນຕີກະຊວງການຕ່າງປະເທດອາເມລິກາ ໄດ້ປະກາດວ່າ ອາເມລິກາ ຈະສະໜອງ ເງິນໜູນຊ່ວຍ ມະນຸດສະທຳທີ່ມີມູນຄ່າ 2 ລ້ານ USD ໃຫ້ ຫວຽດນາມ ຕື່ມອີກເພື່ອຮັບມືກັບພາຍຸ Molave ແລະ ສະພາບການນ້ຳຖ້ວມຢ່າງຮ້າຍແຮງທີ່ ໄດ້ ແລະ ພວມກໍ່ຜົນສະທ້ອນຕໍ່ເຂດພາກກາງ ຫວຽດນາມ ນັບແຕ່ຕົ້ນເດືອນຕຸລາ 2020.
ກ່ອນໜ້ານັ້ນ, ໃນວັນທີ 29 ຕຸລາ, ທ່ານ Mike Pompeo ລັດຖະມົນຕີກະຊວງການຕ່າງປະເທດອາເມລິກາ ໄດ້ເລີ່ມຕົ້ນການຢ້ຽມຢາມຫວຽດນາມຢ່າງເປັນທາງການ, ການຢ້ຽມຢາມຫວຽດນາມຄັ້ງນີ້ ຂອງທ່ານລັດຖະມົນຕີກະຊວງການຕ່າງປະເທດ ອາເມລິກາ Mike Pompeo ອີກຄັ້ງໜຶ່ງໄດ້ຢັ້ງຢືນ ການພົວພັນຮ່ວມມືລະຫວ່າງ ຫວຽດນາມ - ອາເມລິກາ ພວມພັດທະນາຢ່າງດີງາມ ແລະ ຕັ້ງໜ້າ, ຫວຽດນາມສວມບົດບາດສຳຄັນໃນນະໂຍບາຍຂອງອາເມລິກາຢູ່ພາກພື້ນ. ກ່ອນໜ້ານັ້ນໃນເດືອນກໍລະກົດ 2018, ທ່ານລັດຖະມົນຕີກະຊວງການຕ່າງປະເທດ Mike Pompeo ໄດ້ເລືອກເອົາຫວຽດນາມແມ່ນປະເທດໄປຢ້ຽມຢາມ ທຳອິດຢູ່ພາກພື້ນອາຊີຕາເວັນອອກສ່ຽງໃຕ້ ນັບແຕ່ເວລາທ່ານຮັບດຳລົງຕຳແໜ່ງໃນເດືອນເມສາ 2018.
 | ການຫັນເປັນດິຈິຕອນ ແລະ ແກ້ໄຂຜົນກະທົບຈາກການລະບາດຂອງ Covid-19 ເພື່ອພັດທະນາເສດຖະກິດຂອງຫວຽດນາມ ຍສໝ - ຫວຽດນາມສາມາດຫັນຄວາມສ່ຽງກາຍເປັນກາລະໂອກາດຢ່າງສິ້ນເຊິງ ແລະປະຕິບັດມຄວາມມຸ້ງຫວັງ ແລະເປົ້າໝາຍການພັດທະນາຂອງປະເທດຊາດປະກົດຜົນເປັນຈິງ. |
 | ອາເມລິກາ ໃຫ້ການຊ່ວຍເຫຼືອຫວຽດນາມ 2 ລ້ານໂດລາ ເພື່ອແກ້ໄຂຜົນຮ້າຍຍ້ອນຫຼັງໄພພິບັດທຳມະຊາດ ຍສໝ - ວັນທີ 30 ຕຸລາ ຢູ່ຮ່າໂນ້ຍ, ທ່ານພົນເອກ ໂຕເລີມ - ລັດຖະມົນຕີກະຊວງຕຳຫຼວດຫວຽດນາມ ໄດ້ມີການພົບປະ ແລະ ເຮັດວຽກກັບຄະນະຜູ້ແທນຂັ້ນສູງຂອງອາເມລິກາ ທີ່ນຳໂດຍທ່ານ Michael Pompeo - ລັດຖະມົນຕີກະຊວງການຕ່າງປະເທດອາເມລິກາ ໃນຂອບເຂດການຢ້ຽມຢາມຫວຽດນາມຢ່າງເປັນທາງການ ເນື່ອງໃນໂອກາດສະເຫຼີມສະຫຼອງຄົບຮອບ 25 ປີແຫ່ງການພົວພັນທາງການທູດລະຫວ່າງອາເມລິກາ - ຫວຽດນາມ. |
 | ກອງປະຊຸມສົ່ງເສີມການຄ້າ ICT ຫວຽດນາມ - ອາເມລິກາລາຕິນ ປີ 2020 ທີ່ເວທີປາໄສ, ບັນດາຜູ້ແທນໄດ້ແລກປ່ຽນກ່ຽວກັບໂຄງການຫັນເປັນດີຈີຕອນແຫ່ງຊາດ, ຕະຫຼາດດີຈີຕອນ, ບັນດາພື້ນຖານດີຈີຕອນ Make In Vietnam, ອັບເດດ ນະໂຍບາຍຫັນເປັນດີຈີຕອນຂອງບັນດາປະເທດ ອາເມລິກາລາຕິນ. |
ໄຊພອນ
