ເອກອັກຄະລັດຖະທູດອັງກິດ ມອບຂອງຂວັນໃຫ້ປະຊາຊົນຢູ່ເຂດປະສົບໄພນ້ຳຖ້ວມຢູ່ແຂວງກວາງບິ່ງ

	Plan International VietNam ໄດ້ລະດົມ 26,3 ຕື້ດົ່ງ ເພື່ອສະໜັບສະໜູນຜູ້ປະສົບໄພນ້ຳຖ້ວມ ຢູ່ພາກກາງຂອງປະເທດຫວຽດນາມ
	ປະຊາຄົມຊາວຫວຽດນາມຢູ່ສິງກະໂປ, ໄທ ແລະ ສາທາລະນະລັດເຊັກ ມຸ່ງໄປເຖິງປະຊາຊົນເຂດພາກກາງ

ນະທີ່ນີ້, ຄະນະຜູ້ແທນສະຖານທູດອັງກິດ ປະຈຳຫວຽດນາມ ໄດ້ໄປຢ້ຽມຢາມບາງຄອບຄົວທີ່ຖືກຮັບຜົນກະທົບຍ້ອນໄພນ້ຳຖ້ວມ ແລະ ໄດ້ສະໜອງສິ່ງທີ່ຈຳເປັນໃຫ້ຊີວິດປະຈຳວັນ ເພື່ອຊ່ວຍປະຊາຊົນແກ້ໄຂຊີວິດການເປັນຢູ່ຂອງພວກເຂົາ ຢ່າງໄວ.

ໃນການພົບປະກັບ ທ່ານຫງວຽນເຕີນຮວາງ - ຮອງປະທານຄະນະກຳມະການປະຊາຊົນແຂວງກວາງບິ່ງ, ທ່ານເອກອັກຄະລັດຖະທູດອັງກິດ Gareth Ward ໄດ້ແບ່ງປັນວ່າ: “ພວກຂ້າພະເຈົ້າ ຂໍສະແດງຄວາມເສົ້າສະຫຼົດໃຈ ມາຍັງປະຊາຊົນແຂວງກວາງບິ່ງ ສຳລັບການສູນເສຍດ້ານຊີວີດອິນຊີ ແລະ ຊັບສິນ ຍ້ອນໄພນ້ຳຖ້ວມຫວ່າງແລ້ວນີ້. ອັງກິດໄດ້ ແລະ ພວມຮ່ວມມືກັບຫວຽດນາມຢ່າງແໜ້ນແຟ້ນ ເພື່ອສະໜັບສະໜູນບັນດາແຂວງ, ໃນນັ້ນມີແຂວງກວາງບິ່ງ, ເພື່ອຮັບມືກັບໄພນໍ້າຖ້ວມ ພ້ອມທັງເສີມຂະຫຍາຍຄວາມສາມາດຂອງຫວຽດນາມ ໃນການຮັບມືກັບການປ່ຽນແປງດິນຟ້າອາກາດ”.

ທ່ານ Gareth Ward - ເອກອັກຄະລັດຖະທູດອັງກິດ ປະຈຳຫວຽດນາມ ໄດ້ໄປຢ້ຽມຢາມ ແລະ ມອບຂອງຂວັນໃຫ້ປະຊາຊົນຢູ່ແຂວງກວາງບິ່ງ. (ພາບ: thoidai.com.vn)

ນອກຈາກນີ້, ທັງສອງຝ່າຍ ຍັງໄດ້ປຶກສາຫາລືກ່ຽວກັບການຮ່ວມມືລະຫວ່າງອັງກິດ ແລະ ແຂວງກວາງບິ່ງ ໃນບັນດາຂົງເຂດ, ປະກອບມີ: ການທ່ອງທ່ຽວ, ການປ້ອງກັນ ແລະ ຕ້ານການຄ້າມະນຸດ ແລະ ລະເບີດຍັງບໍ່ທັນແຕກ...

ຄະນະຜູ້ແທນສະຖານທູດອັງກິດ ປະຈຳຫວຽດນາມ ຍັງໄດ້ລົງຢ້ຽມຢາມ “ບ້ານປ້ອງກັນ ແລະ ຕ້ານໄພນໍ້າຖ້ວມ” ທີ່ໄດ້ສ້າງຕັ້ງຂຶ້ນຢູ່ແຂວງກວາງບິງ ດ້ວຍ ກອງທຶນດິນຟ້າອາກາດສີຂຽວ Green Climate Fund.

ໃນຕົ້ນເດືອນພະຈິກ, ອັງກິດ ໄດ້ປະກາດໃຫ້ການຊ່ວຍເຫຼືອເງິນຈຳນວນ 500.000 ປອນ ເພື່ອຊ່ວຍເຫຼືອປະຊາຊົນເຂດພາກກາງ ທີ່ໄດ້ຮັບຜົນກະທົບຈາກໄພນ້ຳຖ້ວມ ແລະ ລົມພາຍຸ, ລວມທັງການຈັດຫາທີ່ພັດພາອາໄສ, ນ້ຳສະອາດ, ອາຫານ ແລະ ການຊ່ວຍເຫຼືອຊີວິດການເປັນຢູ່ຂອງປະຊາຊົນ 160.000 ຄົນ ທີ່ໄດ້ຮັບຜົນກະທົບຈາກໄພພິບັດທຳມະຊາດຢູ່ຫວຽດນາມ.

ອັງກິດ ແລະ ຫວຽດນາມ ລົງນາມຈົດໝາຍເຈດຈຳນົງກ່ຽວກັບການສົມທົບກັນສ້າງຄັງຂໍ້ມູນການຄ້າແຫ່ງຊາດຂອງຫວຽດນາມ ຍສໝ - ວັນທີ 12 ພະຈິກ, ທ່ານ ເຈິ່ນກ໊ວກແຄ໊ງ ຮອງລັດຖະມົນຕີກະຊວງອຸດສາຫະກໍາ ແລະການຄ້າຫວຽດນາມ ໄດ້ມີການປະຊຸມຜ່ານລະບົບທາງໄກກັບທ່ານ Greg Hands ຮອງລັດຖະມົນຕີກະຊວງການຄ້າສາກົນອັງກິດ.

ອັງກິດ ໃຫ້ການຊ່ວຍເຫຼືອມີມູນຄ່າ 500.000 ປອນ ໃຫ້ແກ່ປະຊາຊົນຢູ່ເຂດພາກກາງຫວຽດນາມ ຍສໝ - ບ້ວງເງິນຊ່ວຍເຫຼືອຂອງອັງກິດ ທີ່ໄດ້ຊ່ວຍໃນການຂະຫຍາຍການຈັດແຈງທີ່ຢູ່ພັດພາອາໄສ, ສະໜອງນ້ຳສະອາດ, ອາຫານ ແລະ ການດຳລົງຊີວິດໃຫ້ປະຊາຊົນປະມານ 160.000 ຄົນ ທີ່ຖືກຮັບຜົນກະທົບຈາກໄພພິບັດທຳມະຊາດຢູ່ຫວຽດນາມ.

ຫວຽດນາມ ໄດ້ສັ່ງຊື້ວັກຊິນປ້ອງກັນ ແລະ ຕ້ານໂຄວິດ-19 ຈາກຣັດເຊຍ ແລະ ອັງກິດ ຍສໝ - ຫວຽດນາມໄດ້ສ້າງບັນດານະໂຍບາຍ ແລະ ຂໍ້ກຳນົດໃນການໜູນຊ່ວຍການ ຮັບ, ຂົນສົ່ງ, ເກັບຮັກສາ, ແຈກຢາຍ ແລະ ນຳໃຊ້ ວັກຊິນພາຍຫຼັງທີ່ມີວັກຊິນແລ້ວ.