ສະມາຄົມມິດຕະພາບຫວຽດນາມ - ລາວ ຮ່ວມໄວ້ອາໄລ ສະຫາຍ ໄຊສົມພອນ ພົມວິຫານ

ທ່ານ ຫງວຽນດັກວິງ ຂຽນປຶ້ມໄວ້ອາໄລ ລະນຶກເຖິງ ສະຫາຍ ໄຊສົມພອນ ພົມວິຫານ, ປະທານສະພາແຫ່ງຊາດລາວ. (ພາບ: ແທງຖາວ)

ໃນປຶ້ມໄວ້ອາໄລ, ທ່ານ ຫງວຽນດັກວິງ ຂຽນວ່າ:

“ດ້ວຍຄວາມອາໄລຫາຢ່າງສຸດຊຶ້ງຕໍ່ ສະຫາຍ ໄຊສົມພອນ ພົມວິຫານ, ກຳມະການກົມການເມືອງສູນກາງພັກປະຊາຊົນປະຕິວັດລາວ, ປະທານສະພາແຫ່ງຊາດ ແຫ່ງ ສປປ ລາວ, ຜູ້ນຳຫຼັກແຫຼ່ງຂອງພັກປະຊາຊົນປະຕິວັດລາວ, ຜູ້ທີ່ໄດ້ອຸທິດຕະຫຼອດຊີວິດໃຫ້ແກ່ພາລະກິດປົກປັກຮັກສາ ແລະ ສ້າງສາປະເທດລາວ. ສະຫາຍໄດ້ມີຄຸນປະໂຫຍດສຳຄັນໃນການສ້າງ, ເສີມສ້າງ ແລະ ພັດທະນາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານ ແລະ ການເຊື່ອມຈອດທາງຍຸດທະສາດ ຫວຽດນາມ - ລາວ.

ສະມາຄົມມິດຕະພາບຫວຽດນາມ - ລາວ ຂໍສະແດງຄວາມເສົ້າສະຫຼົດໃຈຢ່າງສຸດຊຶ້ງຕໍ່ພັກ, ລັດ ແລະ ປະຊາຊົນລາວ ພ້ອມທັງຄອບຄົວຂອງສະຫາຍ ໄຊສົມພອນ ພົມວິຫານ. ການຈາກໄປຂອງສະຫາຍແມ່ນການສູນເສຍອັນໃຫຍ່ຫຼວງຂອງພັກ, ລັດ ແລະ ປະຊາຊົນສອງປະເທດ ຫວຽດນາມ ແລະ ລາວ, ກໍຄືບັນດາຜູ້ເຮັດວຽກງານການທູດປະຊາຊົນຂອງສອງປະເທດ. ພວກເຮົາຈະຈົດຈຳສະຫາຍຕະຫຼອດໄປ ດ້ວຍຄວາມເຄົາລົບ ແລະ ຮູ້ບຸນຄຸນຢ່າງຫາທີ່ສຸດບໍ່ໄດ້. ຂໍໃຫ້ດວງວິນຍານຂອງສະຫາຍໄປສູ່ສຸຄະຕິ.

ສະມາຄົມມິດຕະພາບຫວຽດນາມ - ລາວ ຈະພະຍາຍາມຢ່າງສຸດຄວາມສາມາດ ຮ່ວມກັບບັນດາອົງການມິດຕະພາບຂອງສອງປະເທດ ເພື່ອເສີມສ້າງ ແລະ ຊຸກຍູ້ສາຍພົວພັນມິດຕະພາບ, ຮັດແໜ້ນຄວາມສາມັກຄີ, ເພີ່ມທະວີການຮ່ວມມືລະຫວ່າງປະຊາຊົນສອງປະເທດ, ປະກອບສ່ວນຢ່າງຕັ້ງໜ້າໃນການຮັກສາ ແລະ ສົ່ງເສີມສາຍພົວພັນລະຫວ່າງສອງປະເທດ ຊຶ່ງເປັນຊັບສົມບັດອັນລ້ຳຄ່າທີ່ຫຼາຍຮຸ່ນຄົນຂອງສອງປະເທດ, ໃນນັ້ນມີສະຫາຍ, ໄດ້ທຸ້ມເທແຮງກາຍແຮງໃຈສ້າງສາມາຢ່າງຍາວນານ.”

ບັນດາທ້ອງຖິ່ນ ຫວຽດນາມ - ລາວ ເສີມສ້າງການຮ່ວມມື ຍສໝ - ເມື່ອບໍ່ດົນມານີ້, ທີ່ແຂວງ ຫຼວງພະບາງ ທາງພາກເໜືອຂອງ ລາວ, ໄດ້ມີການຈັດກອງປະຊຸມຫາລືລະຫວ່າງຄະນະຜູ້ແທນແຂວງ ລາວກາຍ ຂອງ ຫວຽດນາມ ແລະ ແຂວງ ບໍ່ແກ້ວ ຂອງ ລາວ.

ການຮ່ວມມືລະຫວ່າງທ້ອງຖິ່ນ - ແຮງຂັບເຄື່ອນໃໝ່ຂອງສາຍພົວພັນ ຫວຽດນາມ - ລາວ ຍສໝ - ທ່ານ ຫງວຽນມິງເຕີມ, ເອກອັກຄະລາຊະທູດ ຫວຽດນາມ ປະຈຳ ລາວ ເນັ້ນໜັກວ່າ ການເຊື່ອມໂຍງລະຫວ່າງບັນດາທ້ອງຖິ່ນ ກຳລັງກາຍເປັນແຮງຂັບເຄື່ອນສຳຄັນ ໃນການຊຸກຍູ້ການຮ່ວມມືດ້ານເສດຖະກິດ, ການລົງທຶນ ແລະ ການແລກປ່ຽນລະຫວ່າງ ຫວຽດນາມ ແລະ ລາວ ໃຫ້ພັດທະນາໄປໃນທິດທາງທີ່ເປັນຮູບປະທຳ ແລະ ມີປະສິດທິຜົນຫຼາຍຂຶ້ນ.