| ຫວຽດນາມ ຮຽກຮ້ອງໃຫ້ເພີ່ມທະວີການຮ່ວມມືສາກົນ ກ່ຽວກັບການຄຸ້ມຄອງຊັບພະຍາກອນ ທຳມະຊາດ ສະຫະປະຊາຊາດ ຢືນຢັນ ຫວຽດນາມ ແມ່ນຄູ່ຮ່ວມມືແບບຢ່າງ, ຍູ້ແຮງການຊ່ວຍເຫຼືອການພັດທະນາແບບຍືນຍົງ |
![]() |
| ທ່ານ ເລ ມິງ ຮຶງ, ນາຍົກລັດຖະມົນຕີຫວຽດນາມ ໃນການພົບປະແລກປ່ຽນສອງຝ່າຍກັບທ່ານ António Guterres, ເລຂາໃຫຍ່ສະຫະປະຊາຊາດ. |
ໃນການພົບປະ, ທ່ານນາຍົກລັດຖະມົນຕີ ເລ ມິງ ຮຶງ ໄດ້ສະແດງຄວາມເຄົາລົບ ແລະ ຕີລາຄາສູງຕໍ່ບັນດາການປະກອບສ່ວນ ແລະ ຜົນງານອັນໂດດເດັ່ນຂອງທ່ານ António Guterres ຕະຫຼອດສອງສະໄໝທີ່ດຳລົງຕຳແໜ່ງເລຂາທິການໃຫຍ່ ສປຊ. ພ້ອມກັນນັ້ນ, ທ່ານນາຍົກລັດຖະມົນຕີຍັງໄດ້ສະແດງຄວາມຂອບໃຈຕໍ່ນ້ຳໃຈ ແລະ ການຮ່ວມເດີນທາງທີ່ທ່ານເລຂາທິການໃຫຍ່ມີຕໍ່ຫວຽດນາມໃນໄລຍະຜ່ານມາ.
ໂດຍຢືນຢັນວ່າ ສປຊ ແມ່ນຄູ່ຮ່ວມຍຸດທະສາດທີ່ສຳຄັນຂອງຫວຽດນາມ, ທ່ານນາຍົກລັດຖະມົນຕີ ເລ ມິງ ຮຶງ ໄດ້ສະເໜີໃຫ້ສອງຝ່າຍປະສານສົມທົບຈັດບັນດາກິດຈະກຳທີ່ເປັນຮູບປະທຳ ເນື່ອງໃນໂອກາດລະນຶກ 50 ປີແຫ່ງວັນຫວຽດນາມເຂົ້າເປັນສະມາຊິກ ສປຊ (1977-2027), ໂດຍຮັບປະກັນໃຫ້ສົມກັບລະດັບ ແລະ ຄວາມສຳຄັນຂອງສາຍພົວພັນລະຫວ່າງຫວຽດນາມກັບອົງການດັ່ງກ່າວ.
ທາງດ້ານ ສປຊ, ທ່ານ António Guterres ໄດ້ສະແດງຄວາມຊື່ນຊົມຕໍ່ບັນດາຜົນສຳເລັດໃນການພັດທະນາຂອງຫວຽດນາມ, ພ້ອມທັງຕີລາຄາສູງຕໍ່ວິໄສທັດຍຸດທະສາດຂອງການນຳພັກ ແລະ ລັດຫວຽດນາມ, ຊົມເຊີຍບົດບາດຂົວເຊື່ອມຕໍ່ຂອງຫວຽດນາມ ໃນການຊຸກຍູ້ການຮ່ວມມືລະຫວ່າງ ສປຊ ກັບພາກພື້ນ, ພ້ອມທັງຮັບຮູ້ບັນດາການປະກອບສ່ວນຂອງຫວຽດນາມທີ່ນັບມື້ນັບເປັນເຈົ້າການ ແລະ ເປັນຮູບປະທຳ ໃນການຮັກສາສັນຕິພາບ, ສະຖຽນລະພາບ ແລະ ເພີ່ມທະວີການຮ່ວມມື.
ຍສໝ - ສືບຕໍ່ບັນດາການເຄື່ອນໄຫວຢູ່ ສາທາລະນະລັດ ອາຟຣິກາກາງ, ໃນຕອນບ່າຍວັນທີ 15 ເມສາ (ຕາມເວລາທ້ອງຖິ່ນ), ຄະນະຜູ້ແທນຂອງກະຊວງປ້ອງກັນຄວາມສະຫງົບ ໂດຍແມ່ນທ່ານພົນໂທ ຟ້າມເຖ໋ຕຸ້ງ, ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນຄວາມສະຫງົບ, ຫົວໜ້າຄະນະຊີ້ນຳໂຄງການ 05 ກໍາລັງປ້ອງກັນຄວາມສະຫງົບປະຊາຊົນ ຫວຽດນາມ ເຂົ້າຮ່ວມການເຄື່ອນໄຫວຮັກສາສັນຕິພາບຂອງ ສະຫະປະຊາຊາດ (GGHB LHQ) ໄດ້ເຂົ້າຢ້ຽມຂໍ່ານັບ ທ່ານນາງ ວາເລນທິນ ຣັກວາບີຊາ (Valentine Rugwabiza), ຜູ້ຕາງໜ້າພິເສດຂອງເລຂາທິການໃຫຍ່ (SRSG), ຫົວໜ້າຄະນະປະຕິບັດງານ MINUSCA. |
ຍສໝ - ກອງກຳລັງຮັກສາຄວາມສະຫງົບຊົ່ວຄາວຂອງອົງການສະຫະປະຊາຊາດປະຈຳເຂດອາບີເອ (UNISFA) ໄດ້ມອບຫຼຽນກາຮັກສາສັນຕິພາບຂອງສະຫະປະຊາຊາດໃຫ້ແກ່ພະນັກງານ ແລະ ນາຍທະຫານຫວຽດນາມ 184 ທ່ານ ຈາກກອງວິສະວະກຳເລກທີ 4 ແລະ ບັນດານາຍທະຫານທີ່ປະຕິບັດໜ້າທີ່ເປັນລາຍບຸກຄົນ. ຫຼຽນກາດັ່ງກ່າວເປັນການຍົກຍ້ອງຄວາມອຸທິດຕົນ, ຈິດໃຈຜ່ານຜ່າຄວາມຫຍຸ້ງຍາກ ແລະ ຄວາມເປັນມືອາຊີບຂອງກຳລັງຫວຽດນາມ ໃນການປະຕິບັດພາລະກິດຢູ່ເຂດອາບີເອ. |
ດວງດີ
