ລັດຖະບານລາວມອບຫລຽນກາມິດຕະພາບໃຫ້ທ່ານທູດ ແຫ່ງສ.ເກົາຫລີ ປະຈຳລາວ

	ສະເຫລີມສະຫລອງວັນສ້າງຕັ້ງສາຍພົວພັນການທູດ ລາວ-ສ.ເກົາຫລີ ຄົບຮອບ 25 ປີ
	ກຸ່ມນັກລົງທຶນ ສ.ເກົາຫລີ ມອບເຄື່ອງຄອມພິວເຕີ ໃຫ້ແຂວງຈຳປາສັກ

ໃນໂອກາດນີ້, ທ່ານ ສະເຫລີມໄຊ ກົມມະສິດ - ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ສະແດງຄວາມຍິນດີ ແລະ ຊົມເຊີຍ ທ່ານ ຊິນ ຊອງ ຊຸນ ຕໍ່ຜົນສໍາເລັດທີ່ຍາດມາໄດ້ ໃນການປະຕິບັດໜ້າທີ່ການທູດ ຢູ່ ສປປ ລາວ ຕະຫລອດໄລຍະເວລາ 2 ປີ 8 ເດືອນ ໂດຍສະເພາະແມ່ນ ການປະກອບສ່ວນຢ່າງ ຫ້າວຫັນເຂົ້າໃນການສົ່ງເສີມ, ຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສປປ ລາວ ແລະ ສ.ເກົາຫລີ ໃນໄລຍະຜ່ານມາ. ພິເສດແມ່ນ ການສົ່ງເສີມການຮ່ວມມື ທາງດ້ານການເມືອງ, ເສດຖະກິດ, ການພັດທະນາຊັບພະຍາກອນມະນຸດ, ສາທາລະນະສຸກ, ການທ່ອງທ່ຽວ ແລະ ດ້ານຕ່າງໆໃຫ້ນັບມື້ນັບຂະຫຍາຍຕົວ ແລະ ເຂົ້າສູ່ລວງເລິກ.

ລັດຖະບານລາວມອບຫລຽນກາມິດຕະພາບໃຫ້ທ່ານທູດ ແຫ່ງສ.ເກົາຫລີ ປະຈຳລາວ. (ພາບ: KPL)

ນອກຈາກນັ້ນ, ທ່ານ ຊິນ ຊອງ ຊຸນ ຍັງມີຜົນງານທີ່ພົ້ນເດັ່ນ ໃນການຂົນຂວາຍການຊ່ວຍເຫລືອຈາກລັດຖະບານ ສ.ເກົາຫລີ ແກ່ ສປປ ລາວ ໃນດ້ານການເກັບກູ້ ລະເບີດບໍ່ທັນແຕກ, ການສຶກສາ ແລະ ການຊ່ວຍເຫລືອທຶນຮອນ ພ້ອມດ້ວຍອຸປະກອນການແພດແກ່ ສປປ ລາວ ເພື່ອຮັບມືກັບການແຜ່ລະບາດຂອງ ເຊື້ອພະຍາດໂຄວິດ-19 ຢູ່ ສປປ ລາວ ລວມທັງການຊ່ວຍເຫລືອ ສປປ ລາວ ເພື່ອຮັບມືກັບໄພ ພິບັດທໍາມະຊາດ ເປັນຕົ້ນແມ່ນໄພພິບັດນໍ້າຖ້ວມຢູ່ແຂວງອັດຕະປື ໃນປີ 2018 ແລະ ຢູ່ບັນດາແຂວງພາກກາງ ແລະ ພາກໃຕ້ຂອງ ສປປ ລາວ ໃນປີ 2019 ຜ່ານມາ.

ພິເສດ, ໃນໂອກາດສະເຫລີມສະຫລອງ ວັນສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ສ.ເກົາຫລີ ຄົບຮອບ 25 ປີ ໃນປີ 2020 ນີ້, ທ່ານທູດ ໄດ້ຫ້າວຫັນໃນການຮ່ວມມື ກັບຝ່າຍລາວ ຈັດກິດຈະກໍາຕ່າງໆ ລວມທັງການປາຖະກະຖາ ກ່ຽວກັບສາຍພົວພັນການທູດ ສປປ ລາວ ແລະ ສ.ເກົາຫລີ ແນ່ໃສ່ເພື່ອລະລຶກ ເຖິງວັນສໍາຄັນດັ່ງກ່າວ ແລະ ເປັນການເຜີຍແຜ່ ສາຍພົວພັນອັນດີ ແລະ ການຮ່ວມມືທີ່ມີຜົນ ສໍາເລັດສູງ ລະຫວ່າງສອງປະເທດ ຕະຫລອດ 25 ປີຜ່ານມາໃຫ້ແກ່ພະນັກງານ, ນັກຮຽນຮູ້, ປັນຍາຊົນ ແລະ ປະຊາຊົນທັງສອງ ປະເທດໃຫ້ຮັບຮູ້ ແລະ ເຂົ້າໃຈ.

ໃນໂອກາດດຽວກັນນີ້, ທ່ານ ສະເຫລີມໄຊ ກົມມະສິດ ໄດ້ຕາງໜ້າລັດຖະບານ ສປປ ລາວ ມອບຫລຽນກາມິດຕະພາບ ໃຫ້ແກ່ ທ່ານ ຊິນຊອງຊຸນເພື່ອເປັນການສັນລະເສີນ ແລະ ຈາລຶກຄຸນ ງາມຄວາມດີ ທີ່ທ່ານໄດ້ອຸທິດເຫື່ອແຮງ ແລະ ສະຕິປັນຍາ ເຂົ້າໃນການສືບຕໍ່ເສີມ ຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມຂອງສອງປະເທດ ສປປ ລາວ ແລະ ສ.ເກົາຫລີ ໃຫ້ມີບາດກ້າວຂະຫຍາຍຕົວ ແລະ ແໜ້ນແຟ້ນ ຄືດັ່ງທີ່ກ່າວມາຂ້າງເທິງຕະຫລອດໄລຍະ ການປະຕິບັດໜ້າທີ່ການທູດ ຢູ່ ສປປ ລາວ.

ພ້ອມດຽວກັນນີ້, ທ່ານ ຊິນຊອງຊຸນ ກໍ່ໄດ້ສະແດງຄວາມຂອບໃຈລັດຖະບານ ແລະ ປະຊາຊົນລາວ ໂດຍສະເພາະກະຊວງການ ຕ່າງປະເທດ ທີ່ໄດ້ອໍານວຍຄວາມສະດວກ ໃຫ້ແກ່ການເຄື່ອນໄຫວຂອງຕົນ ຢ່າງມີຜົນສໍາເລັດຢ່າງຈົບງາມ ແລະ ສະແດງຄວາມ ຮູ້ບຸນຄຸນຢ່າງສູງ ມາຍັງລັດຖະບານ ແລະ ປະຊາຊົນລາວ ທີ່ໄດ້ມອບຫລຽນກາມິດຕະພາບອັນມີກຽດ ໃຫ້ແກ່ທ່ານ ແລະ ຢືນຢັນຈະສືບຕໍ່ ໃນການເປັນຂົວຕໍ່ ເພື່ອປະກອບສ່ວນເຂົ້າ ໃນການຮັດແໜ້ນ ແລະ ເສີມຂະຫຍາຍສາຍພົວພັນມິດຕະ ພາບ ແລະ ການຮ່ວມມືອັນດີງາມ ຂອງສອງປະເທດ ສປປ ລາວ ແລະ ສ.ເກົາຫລີ ໃຫ້ສືບຕໍ່ມີບາດ ກ້າວຂະຫຍາຍຕົວ ແລະ ແໜ້ນແຟ້ນຍິ່ງໆ ຂຶ້ນໃນອະນາຄົດ.

ສະມາຄົມມິດຕະພາບຫວຽດນາມ - ຍິ່ປຸ່ນ ບໍລິຈາກເງິນຊ່ວຍໃຫ້ປະຊາຊົນເຂດພາກກາງ ທີ່ຖືກຮັບຜົນຮ້າຍຍ້ອນຫຼັງຈາກໄພນໍ້າຖ້ວນ ຍສໝ - ວັນທີ 2 ພະຈິກ, ຢູ່ສຳນັກງານຄະນະສູນກາງແນວໂຮມແຫ່ງຊາດຫວຽດນາມ, ຕາງໜ້າໃຫ້ສະມາຄົມມິດຕະພາບຫວຽດນາມ - ຍິ່ປຸ່ນ, ທ່ານ ບຸຍຄັກເຊີ່ນ - ອະດິດຮອງປະທານສະຫະພັນບັນດາສະມາຄົມມິດຕະພາບຫວຽດນາມ, ຮອງປະທານປະຈຳການສະມາຄົມມິດຕະພາບຫວຽດນາມ - ຍິ່ປຸ່ນ ໄດ້ມອບຈຳນວນເງິນ 50 ລ້ານດົ່ງ ທີ່ບໍລິຈາກໃຫ້ປະຊາຊົນເຂດພາກກາງຫວຽດນາມ ທີ່ຖືກຮັບຜົນກະທົບຍ້ອນພາຍຸນໍ້າຖ້ວນ.

ທ່ານປະທານສະພາແຫ່ງຊາດ ສ.ເກົາຫຼີ ຕ້ອນຮັບປະທານກຸ່ມຜູ້ແທນສະພາມິດຕະພາບຫວຽດນາມ - ສ.ເກົາຫຼີ ຍສໝ - ສ.ເກົາຫຼີ ພ້ອມທີ່ຈະສະໜັບສະໜູນການພັດທະນາຂອງຫວຽດນາມ, ປາດຖະໜາຢາກຊຸກຍູ້ການພົວພັນຂອງສອງປະເທດ ໃຫ້ພັດທະນາຢ່າງເລິກເຊິ່ງ, ກ້ວາງຂວາງ ແລະ ມີປະສິດທິຜົນໃນທຸກຂົງເຂດ, ຊ່ອງທາງ ແລະ ທຸກຂັ້ນ.

ເປີດຕົວສະມາຄົມມິດຕະພາບຫວຽດນາມ - ລາວ ອະດີດທະຫານອາສາສະໝັກ ຍສໝ - ຕອນເຊົ້າວັນທີ 28 ຕຸລາ 2020, ທີ່ຫໍຮັບແຂກຂອງກະຊວງປ້ອງກັນຄວາມສະຫງົບ, ຄະນະທະຫານອາສາສະໝັກ ແລະ ຊ່ຽວຊານທະຫານຫວຽດນາມ ປະຈຳລາວ, ນະຄອນຫຼວງຮ່າໂນ້ຍ ໄດ້ຈັດກອງປະຊຸມປິດອາຍຸປະຈຳການ 2015-2020 ແລະ ເປີດສະມາຄົມມິດຕະພາບ ຫວຽດນາມ - ລາວ ອະດີດນັກທະຫານອາສາສະໝັກຮ່າໂນ້ຍ.